 |
|
Сяргей Тарпачоў
Сяргей Тарпачоў – з 2001 году міжнародны сакратар, а з 2005 – кіраўнік незарэгістраванай Беларускай лігі сэксуальнага раўнапраўя “Лямбда” (bll.apagay.com).
Нарадзіўся ў 1975 годзе ў Менску, скончыў фізычны факультэт Беларускага дзяржаўнага ўнівэрсытэту і асьпірантуру Беларускага нацыянальнага тэхналягічнага унівэрсытэту. З 1997 па 2006 год працуе навуковым супрацоўнікам ў Інстытуце зваркі і ахоўных пакрыцьцяў Нацыянальнай акадэміі навук, мае больш за 30 апублікаваных навуковых прац.
Арганізатар першага ва Ўсходняй Эўропе гей-прайду ў Менску ў 2002 годзе. Мадэратар сэкцыі "Правы меншасьцей" Беларускага сацыяльнага форуму. Арганізатар і ўдзельнік шэрагу мерапрыемстваў і акцый па абароне правоў сэксуальных меншасьцяў і маніторынгу іх парушэньня ў Беларусі і па-за яе межамі.
Валодае ангельскай, беларускай і расейскай мовамі.
Задавайце пытаньні |
|
2003
2004
2005
2006 |
| [ 01/06/2006 18:14 ] |
| Пытанне да рэдакцыі "Свабоды": вам там ўжо што рабіць няма чаго?
Ці гэта людзі на Беларусі скончыліся, ці вас там сузім прыціснулі?
Алесь. |
| [ 01/06/2006 20:01 ] |
| VASHAJE VYZNACHENNE SIAMI?
KOLKI GEYAU U BELARUSI?
CHAHO VY HOCHACE DACIAHNUC U BELARUSI?
DZIE DZEUSIA MINULY KIRAUNIK LAMBADY?
DIAKUJ. |
1. Наконт сям’і – я бы вызначыў яе як супольнасьць людзей, зьвязаных кроўнымі зьвязямі.
2. Колькасьць геяў і лесьбіянак звычайна ў міжнароднай практыцы лічыцца зыходзячы з амэрыканскіх дасьледаваньняў сярэдзіны прошлага стагодзьдзя – каля 10% мужчын геі і каля 6% жанчын лесьбіянкі. Такім чынам, атрымліваецца ніяк ня менш за 500 тысяч чалавек.
3. Галоўная мэта арганізацыі на дадзены момант з майго пункту гледжаньня – фарміраваньне ў беларускім грамадзтве адэкватнага ўспрыманьня геяў і лесьбіянак як яго паўнапраўнай часткі, а ў беларускіх геяў і лесьбіянак – усьведамленьня сябе як паўнапраўнай часткі беларускага грамадзтва. Гэта першы крок да пабудовы дыялёгу і фармаваньня адкрытай лесьбі-гей супольнасьці.
4. Мінулы кіраўнік Беларускай лігі "Лямбда" зараз займае ў Савеце арганізацыі іншую пасаду і працуе над культурнымі праектамі.
|
| [ 01/06/2006 23:12 ] |
| Чытайце Біблію, пазбаўляйцеся ад генетычных і мараных мутацый! |
| Наколькі я памятаю, за ўсю гісторыю чалавецтва пасьпяхова пазбаўляла геяў і лесьбіянак ад генэтычных і маральных мутацый толькі Нацыянал-сацыялістычная партыя ў Германіі – няма чалавека, няма і мутацыі. |
| [ 02/06/2006 09:22 ] |
| 26 Потому предал их Бог постыдным страстям: женщины их заменили естественное употребление противоестественным;
27 подобно и мужчины, оставив естественное употребление женского пола, разжигались похотью друг на друга, мужчины на мужчинах делая срам и получая в самих себе должное возмездие за свое заблуждение.
28 И как они не заботились иметь Бога в разуме, то предал их Бог превратному уму - делать непотребства. Библия. Послание к Римлянам 1:26-28
По-моему наша страна является христианской только на словах, а на деле мы далеки от Бога. Грустно... |
Ну, па-першае хачу адзначыць, што наша краіна зьяўляецца сьвецкай дзяржавай, прычым менавіта на словах, улічваючы яўны пратэктарат дзяржаўных органаў над пэўнымі канфэсіямі.
Увогуле, улічваючы тое, што Біблію ўзгадалі ўжо два разы ў чатырох пытаньнях, я хацеў бы растлумачыць маё стаўленьне да гэтага пытаньня. Зразумела, я ня веру ні ў паяданьне цела Хрыста і расьпіцьцё яго крыві для сашэсьця благадаці. Але на мой погляд Новы Запавет для таго часу прапанаваў даволі значную колькасьць ідэй, якія актуальны нават і сёньня. Напрыклад, не судзіце і не судзімы будзеце, Бог ёсьць любоў і шмат іншых.
Тое, што пачынаючы з Х стагодзьдзя на базе гэтай канцэпцыі працуюць інстытуты, якія займаюцца ў прынцыпе несумеснай з вучэньнем Хрыста дзейнасьцю і пры тым называюцца хрысьціянскімі – самае вялікае непаразуменьне ў новай гісторыі.
Што жа датычыцца ўрыўка, які Вы прыводзіце, то ён належыць зусім не Хрысту, а апосталу Паўлу, зь якога, на маю думку, і пачалося пераўтварэньне містыка-філязофскай супольнасьці ў строга іерархічны інстытут царквы.
Да таго ж зьвяртаю Вашу ўвагу на тое, што згодна зь Бібліей увогуле сэксуальныя зносіны, якія ня маюць на мэце радзіць дзіцё, аднолькава грахоўныя: ці вы карыстаецеся прэзэрватывам, ці не можаце мець дзяцей, ці карыстаецеся таблеткамі, ці аднаго пола з партнэрам альбо не маеце яго ўвогуле – усё гэта грэх аднаго парадку з пункту гледжаньня артадаксальных хрысьціянскіх канфэсій.
|
| [ 02/06/2006 11:02 ] |
| Як там Эдзік Тарлецкі пажывае? Чаму вы пагадзіліся на інтэрв'ю Свабодзе, якія вашы мэты? |
| Добра пажывае, пра тое, чым займаецца ўжо адказваў вышэй. Не ўпэўнены, што добра зразумеў другую частку пытаньня. Пагадзіўся таму, што запрасілі і таму, што галоўнай мэтай арганізацыі лічу, як пісаў вышэй, фармаваньне ў беларускім грамадзтве адэкватнага ўспрыманьня геяў і лесьбіянак як яго паўнапраўнай часткі, а ў беларускіх геяў і лесьбіянак – усьведамленьня сябе як паўнапраўнай часткі беларускага грамадзтва. |
| [ 02/06/2006 14:22 ] |
| Сяргей, а у вас сярдэчны сябра ёсць? |
| [ 02/06/2006 15:51 ] |
| Спадар,Сяргей.Ці вядомы вам тыя артысты,што пелі "Галубы вагон" ля ДК "Аўтазаводзец",калі там адбываўся кангрэс дэмсілаў.Чаму Дзяржаўныя тэлеканалы з радасцю прадставілі эфір скамарохам -самазванцам і не запрасілі вас.Ці не лічыце вы,што любое узгадванне сэксменьшасьцяў у апазіцыйным кантэксце контрпрадуктыўна і адмоўна для апазіцыі.І калі Бог моцна пакрыўдзіў пэўную частку грамадства,дык ці павінна яна выпячваць сваю хваробу ,а не сядзець ціха і лячыцца. |
Наконт паходжаньня і заняткаў артыстаў, якія выступалі каля ДК «Аўтазаводзец» Вам лепей запытацца ў рэдакцыі БТ. Перад кангрэсам мне тэлефанавалі прадстаўнікі некалькіх дзяржаўных СМІ, але ж магчыма тое, што я ім адказаў на іх пытаньні падалося ім нязручным для эфіру і навін.
Наконт дыскрэдытацыі сэкс-меншасцямі апазыцыі магу адказаць толькі адно – сродкамі дзяржаўнай прапаганды больш за ўсё апазыцыю дыскрэдытуюць, згадваючы падтрымку замежных амбасад і фондаў, але гэта не вызначае, што трэба адмовіцца ад замежнай падтрымкі.
«Забіў дракона, галоўнае не стаць драконам», а вы прапануеце геям і лесьбіянкам лячыцца ў той час, калі гомасэксуальнасьць ня лічыцца хваробай у эўрапейскіх краінах і ЗША ўжо амаль як 50 гадоў.
|
| [ 02/06/2006 20:26 ] |
| ci ne patrebnae peunae abmezhavanne (na dzyarzhaunym uzrouni) prapagandy gay i lesbi kultury.Nihto nikolu u lozhak ne leze , ale destruktyuny uplyu na padletkau mozha akazvac' raspausydzhvaemaya litaratura,videa?!
Ales Tarasau |
Прабачце, але я не магу згадаць ніводнага прыклада прапаганды лесьбі-гей культуры ў Беларусі на дзяржаўным узроўні. Наадварот, я магу ўспомніць шмат прыкладаў прапаганды гамафобіі на гэтым узроўні.
На жаль, я ня маю дакладных статыстычных дадзеных, але лічу што значны адсотак падлеткавых самазабойстваў трэба аднесьці менавіта на рахунак такой дзяржаўнай палітыкі. Ёсьць шмат дасьледаваньняў, на выснове якіх можна адназначна казаць пра тое, што сэксуальная арыентацыя ня можа зьмяніцца пад уплывам нейкай прапаганды ці нават выкарыстаньня лекаў.
|
| [ 03/06/2006 21:20 ] |
| У нядаўнім інтэрв'ю Радыё Свабода Вы сказалі, што незарэгістраваная (папраўце, калі я памыляюся) Беларуская ліга сэксуальнага раўнапраўя “Лямбда” праводзіць маніторынг парушэньняў правоў і інфармуе грамадзкасьць. Дзе гэтую інформацыю можна пабачыць? З таго часу як apagay.com перастаў абнаўляцца, атрымаць хоць якую верагодную інфармацыю пра гейскае жыцьцё на Беларусі немагчыма. (Ігар, Вялікабрытанія) |
| Ігар, цяпер мы сапраўды маем даволі сур'ёзныя складанасьці з нашым сайтам, але я спадзяюся, што гэта часовыя праблемы. У найбліжэйшы час мы плянуем значную рэарганізацыю сайту. Што датычыцца сродкаў, якімі мы зараз карыстаемся, то гэта ў асноўным прэс-рэлізы. Улічваючы Вашу зацікаўленасьць, зараз мы можам унесьці ваш e-mail у нашу базу дадзеных. |
| [ 03/06/2006 23:29 ] |
| Усе добра, чалавек вумны й адукаваны, але ж якiя зараз лiгi раунапрауя могуць iснаваць, калi мы й жыць у поуным сэнсе не можам.Цi ж гэта асноунае аб чым павiнны клапацiцца людзi? |
| На мой погляд, няма «першасных» і «другасных» правоў чалавека – кожны мае права змагацца за тое, каб яму была добра жыць у сваёй краіне. Калі прыняць Вашу лёгіку, то і аб свабодзе слова таксама не трэба клапаціцца, бо ўсе разумеюць, што зараз яна ўсё роўна немагчыма. |
| [ 04/06/2006 03:32 ] |
| Доброго дня!
Расскажите, пожалуйста, как, на Ваш взгляд, в белорусских условиях можно разбавить концентрацию гомофобии в нашем обществе? И что можно сделать для того, чтобы европейские демократические ценности не ассоциировались с пропагандой однополых отношений? У нас, как известно, "нет" ни оппозиции, ни геев...
Спасибо и удачи Вам. |
На маю думку, галоўнае зараз – зьмяненьне іміджу геяў і лесьбіянак як маргінальнай і нават крымінальнай групоўкі. Зразумела, што справа гэта складаная, да таго ж дзяржаўныя СМІ актыўна эксплюатуюць гамафобныя настроі ў беларускім грамадзтве ў тым ліку для кампрамэтацыі эўрапейскага ладу жыцьця і апазыцыйных рухаў. Для дасягненьня гэтай мэты мы выдаём інфармацыйныя ўлеткі, арганізоўваем сустрэчы і сэмінары і г.д.
Наконт дыскрэдытацыі эўрапейскіх каштоўнасьцяў тым, што яны ўключаюць роўныя правы на добрае жыцьцё для ўсіх грамадзян, дык тут мне здаецца што ўсё пастаўлена з ног на галаву. Эксплюатаваць ідэю гамафобіі, таксама як і, напрыклад, ідэю фашызму, павінна быць забаронена заканадаўствам, таму што і тая і іншая яшчэ ня хутка перастануць быць прывабнымі нават для некаторых колаў грамадзтва краін Эўрасаюзу. |
| [ 04/06/2006 04:15 ] |
| Dobry dzen Siargej!
Adrazu adznachu,shto SVABODU lichu,adnoj z asnounyh kashtounascej dadzenaj BOGAM ljudziam.Sam imknusia byc VOLNYM(asabliva ad shkodnyh zvychak).Tak atrymalas,shto u danny momant ,razam z siamioj znahazhus u zahodniaj Europe-"kalyscy DEMAKRATYI".I jak backa dvuh dzetak-belarusikau,hvaliujus za ih buduchynju.Tamu shto tyia"svabody" za jakija Vy "zmagaeces" tut uzho "kvitnejuc".I,nazhal, negledziachy,na tyja SAPRAUDNYJA SVABODY,jakija jany uzho majuc na praciagu stagodziau,Eurapejskuju kulturu,navukovy i tehnichny pragres,jany ruhaiucca u "nikudy"...Geta ne shliah ZHYCCIA(!)Geta shliah vyradzhennia...Ja razumeiu,shto u liudzej byvajuc roznyia shilnasci,slabasci,spakusy,hvaroby.No isnavanne ih ne dae padstavy nazyvac ih dobrymi, narmalnymi,karysnymi,patrebnymi,tym bolsh papuliaryzavac ih.Treba nazyvac rechy svaimi imionami.
Dlia miane,jak HRYSCJANINA,usjo zrazumela,adkul heta.Vy,padobna,chalavek neverujuchy,i dalioki ad VECHNYH ISCIN.Chchyra parail by Vam parazmauliac sa sviatarami(magchyma roznyh kanfessij) ab SAPRAUDNAJ LJUBOVI I SVABODZE GZSPODNIAJ!
.A zaraz pytannia :Ci zbiraeces Vy mec svaih dzetak?Ci zhadali by Vy,kab jany pashli vashym shljaham?Vasha staulenne da pedafilii,zoofilii,nekrafilii?Shto budze,kali USE pojduc vashym shliaham?
Dziakuj za adkazy.Pospehau u vashym "zmaganni" ne zhadaju.Prabachce,kali laska.
z VERAJ NADZEIAJ i LJUBOUJU Andrei
BERAZHY VAS BOGH!ZHYVE BELARUS!
P.S.Dziakuj vialiki,shto vash sait ne vyhodzic na Belaruskaj Move |
Наконт маіх адносін да артадаксальных хрысьціянскіх канфэсій і ВЕЧНЫХ ІСЬЦІН я ўжо адказваў вышэй. Тут хацеў бы толькі адзначыць наконт шляху выраджэньня, што ў абсалютна сэксуальна свабодным Старадаўнім Рыме насельніцтва расло даволі стабільна і бурна, а вось у "стабільнай" Беларусі нават пры тым, што "сэксу ў нас няма", а дзяржаўныя СМІ актыўна насаджаюць гамафобію, насельніцтва скарачаецца. Магчыма, прычыны тут трохі іншыя? Другое пытаньне да Вас як да ХРЫСЬЦІЯНІНА. Чаму ў Вас толькі двое дзяцей?
Наконт «сапраўдных» і «несапраўдных» свабодаў я таксама ўжо адказваў. Але тут хацелася б запытацца: калі здарыцца так, што адзін з Вашых дзяцей гамасэксуальны, ці ня будзе Вас радаваць тое, што Вы жывяце ў «калыске дэмакратыі», а не, напрыклад, у Іране, дзе яго ці яе чакала б сьмяротнае пакараньне?
Зараз хацеў бы адказаць на Вашы пытаньні. Сваіх дзетак я мець хачу, але ў нашых умовах не магу. Калі б мог, ва ўсялякім выпадку не навязваў бы ім сваіх жыцьцёвых каштоўнасьцей. На маю думку, любы чалавек можа быць шчасьлівы толькі так, як ён можа і хоча, а ня так, як хочуць за яго бацькі, дзяржава, царква альбо іншыя людзі ці інстытуты.
Да пэдафіліі ў мэдыцынскім сэнсе стаўлюся, безумоўна, адмоўна. Але не магу пагадзіцца з тым, што разумеецца пад гэтым словам юрыдычна і што ў 20 гадоў можа быць недасьпелы ў палавым сэнсе чалавек. Увогуле, пытаньне гэта складанае, і на маю думку менавіта неабходнасьць хаваць ад усіх сваю сэксуальную арыентацыю і немагчымасьць весьці нармальнае палавое жыцьцё з дарослымі часьцей за ўсё і зьяўляюцца прычынай тых выпадкаў гамасэксуальных кантактаў з падлеткамі, часьцей за ўсё ў вёсках.
Наконт таго, што будзе калі ўсе пойдуць «нашым» шляхам можна доўга разважаць, Вам як ХРЫСЬЦІЯНІНУ магу прапанаваць прачытаць «Крэйцараву санату» Льва Талстога (дарэчы, сапраўднага ХРЫСЬЦІЯНІНА, за што і прыдадзены РПЦ анафэме), альбо запытацца ў бліжэйшым манастыры, што будзе, калі ўсе пойдуць «іх» шляхам.
|
| [ 05/06/2006 14:17 ] |
| Вельмі сорамна разьбіваць адзінства чалавецтва, аддючыся распусьце. Бог гэта не даруе. Свае Гомасэксуальныя Мутацыі вы "лечыце", прышываючы па некалькі полавых членаў (толькі на вушы і нос - пакуль нябачна :)), а не ў нармальны бок. ГЭТА 'АДРЫЖКА' САДОМУ і ГАМОРЫ на Зямлі, ЯКУЮ ЧАКАЕ БОЖЫ СУД. |
| Не вельмі зразумела, хто і куды што прышывае, і хто маецца на ўвазе – геі ці лесьбіянкі? |
| [ 05/06/2006 17:27 ] |
| Zdrastvujte, hotel by sprosit', kak otnosjatsja kolegi k vaschej homoseksual'nosti? Byl li comming out dlja nih?
FJ |
| Я лічу, што мне трохі пашчасьціла працаваць у добрым навуковым калектыве, таму ніякіх складанасьцяў гэта ня выклікала. Зразумела, я не рабіў спэцыяльных абвестак на навуковым савеце, але тыя, з кім сустракаюся і супрацоўнічаю больш-менш часта знаюць аб маёй гомасэксуальнасці і рэгулярна заходзілі ў госьці на кватэру, якую я здымаў раней разам зь сябрам. |
| [ 05/06/2006 18:29 ] |
| Ці вядома Вам аб стварэнні Менскай гарадзкой ініцыятывы маладых геяў, таксама не зарэгістраванай. Як ставіцеся да іх мэтаў, ці не плануеце сумесных дзеянняў? |
| Ведаеце, на мой погляд любая арганізаваная грамадзкая групоўка ў нашай краіне – гэта крок наперад. Наконт гэтай ініцыятывы магу сказаць толькі адно – я ня ведаю, ані хто яе стварыў, ані чым яна займаецца. А самае галоўнае, што пра гэта і нельга ніяк даведацца. Таму паўстае пытаньне – як можна працаваць над стварэньнем бачнага і грамадзка актыўнага лесьбі-гей руху з дапамогай нябачных і сакрэтных ініцыятываў? |
| [ 05/06/2006 18:46 ] |
| Што ў вас за такая арганізацыя? |
| Я прашу прабачэньня за тое, што сайт арганізацыі ўжо даўно не абнаўляўся, пра тэхнічныя складанасьці я ўжо пісаў. Але тым ня менш на Вашае пытаньне там адказ ёсьць. |
| [ 05/06/2006 20:02 ] |
| Калі ў Мінску адчыніцца сапраўдны гей-клуб? Не самадзейнасць накшталт цяперашніх арт-"Вавілонаў". Ці былі спробы зрабіць такі клуб? Якім чынам перашкаджаюць зрабіць клуб?
Анатоль |
| Прабачце, але адкажу пытаньнем на пытаньне – калі ў Менску адчыніцца проста сапраўдны клюб? |
| [ 05/06/2006 22:15 ] |
| Сергей, условно все в нашем мире можно разделить на "нормальное" (то, что соответствует логике жизни и устройства мира) и "ненормальное" (не соответствует, хоть и имеет место). Вопрос:
Считаете ли вы однополые любовные и/или интимные отношения нормальными и если да, какой в них смысл (например смысл семьи в продолжении рода и, следовательно, совершенствовании человечества)? Если нет, допускаете ли Вы пропаганду ненормальных вещей (гей-парады, афиширование ориентации и т.д.)? Спасибо.
Станислав. |
Так, я лічу аднаполае каханьне і інтымныя адносіны нармальнымі хаця б таму, што яны існуюць столькі, колькі існуе чалавецтва і за гэты час значная частка шэдэўраў культуры ва ўсім сьвеце была створаная толькі дзякуючы тым пачуцьцям і эмоцыям, якія яны ўзбуджалі ў творцах. Увогуле, я лічу што каханьне, як аднаполае, так і разнаполае, мае сваёй мэтай узбуджэньне творчых здольнасьцяў чалавека, штурхае яго наперад і дадае жыцьцю сэнсу.
Што датычыцца сэнсу разнаполавага каханьня і сэксу, то я прапаную Вам проста задумацца над тым, які адсотак інтымных адносін у нашай краіне мае мэтай “працягненьне роду”. На маю думку, ня будзе і аднаго.
Зараз хачу трохі сказаць наконт гей-парадаў і афішаваньня арыентацыі. Галоўная мэта гей-параду – гэта барацьба з клясычным стэрэатыпам, пра які распавядае стары анэкдот:
“Да доктара прыходзіць мужык і кажа:
- Доктар, мне здаецца, што я гей.
Доктар пытаецца:
- А кім вы працуеце? Можа вы артыст ці танцор?
- Ды не...
- Можа, хаця б пісьменьнік?
- Не, я ў ЖЭСе сантэхнікам працую...
- Ну які ж вы гей, баценька, вы проста п...р.”
Дык вось галоўная мэта гей-параду – паказаць грамадзтву, што гей і лесьбіянкі зьяўляюцца яго значнай і неабходнай часткай, што гэта звычайныя людзі, якія жывуць і працуюць побач з вамі – гэта і дактары, і паліцыянты, і вайскоўцы, і вучоныя, і журналісты, і рабочыя і гэтак далей.
Дарэчы, гей-парад – звычайна гэта добра арганізаванае вясёлае мерапрыемства, куды ў якасьці гледачоў прыходзіць цэлы натоўп людзей, у асноўным гетерасэксуалаў, многія зь дзецьмі.
Наконт афішаваньня арыентацыі магу сказаць адно – я не разумею, што гэта азначае. Зразумела, я не пайду да дырэктара з “навіной”, што я гей. Але чаму я павінен хавацца ад сваіх калег і ня мець магчымасьці прывесьці іх дахаты і пазнаёміць са сваім каханым? Чаму я павінен увесь час хлусіць сваім сябрам-гетерасэксуалам і бацькам і распавядаць ім пра нейкіх “міфічных” сябровак, як робіць пераважная частка беларускіх геяў, якая, дарэчы, потым аўтаматычна застаецца бяз гэтых сяброў і вымушана заставацца ў коле толькі знаёмых-геяў? Я не саромеюся таго, што я гей і ня бачу, чаго тут трэба хаваць.
|
| [ 05/06/2006 23:10 ] |
| День добрый. А сколько у нас в стране Геев? Есть ли у Вас статистика сколько геев в Минске? |
| [ 05/06/2006 23:20 ] |
| Планируете ли Вы в ближайшее время проведение гей-парада в Минске? |
| Пэрсанальна я ня бачу магчымасьці для правядзеньня гей-прайду ў Менску ў найбліжэйшы час таму, што цяпер ён ня можа адпавядаць той мэце, якой павінен і пра якую я пісаў вышэй. |
| [ 05/06/2006 23:22 ] |
| Кого Вы поддержали на президентских выборах? Поддерживаете ли Вы власть или больше оппозицию? |
| Наша арганізацыя ня мае канкрэтнай палітычнай праграмы, акрамя таго, што мы гатовы супрацоўнічаць з усімі палітычнымі рухамі, якія сваёй мэтай ставяць у тым ліку дасягненьне раўнапраўя сэксуальных меншасьцяў не за конт парушэньня правоў іншых груп насельніцтва. Але гэта, зразумела, не забараняе яе актывістам мець уласныя думкі наконт палітычнай сытуацыі ў краіне. На мой погляд, паколькі ўлада ў краіне нелігітымная, удзельнічаць у выбарах было бы проста глупствам. Таму я асабіста ўдзельнічаў толькі ў акцыях пратэсту. |
| [ 05/06/2006 23:26 ] |
| А у Вас есть boyfriend? Как к Вашей ориентации относятся коллеги и друзья?
Когда Вы впервые поняли что Вы гей?
Как Вы считаете должны ли геи представлены в парламенте? Будете ли Вы выставлять свою кандидатуру на выборах? |
| На першыя два пытаньні я ўжо адказваў. Тое, што я гей упершыню зразумеў гадоў у 14-15, але першае каханьне сустрэў толькі ў 22 гады. Геі, безумоўна, прадстаўлены нават у нашай «палаце», але гэта не вызначае, што яны адкрытыя. Таму яны хутчэй будуць заклікаць да зьнішчэньня геяў «чтоб никто не догадался». Зразумела, што прысутнасьць у палаце прадстаўнікоў адкрытых геяў у значнай ступені пашырае магчымасьці лесьбі-гей руху краіны прадставіць свае прапановы і прыцягнуць да іх увагу грамадзтва. Пра свае адносіны да выбараў у Беларусі гл. адказ на папярэдняе пытаньне. |
| [ 05/06/2006 23:37 ] |
| Сколько в Минске есть гей-клубов? |
| На мой погляд, ніводнага. |
| [ 05/06/2006 23:45 ] |
| По статистике ВОЗ(отчет за 2001 года) около 85 % мужчин являются в подсознании гомосексуалами, из них около 40 % в своей жизни вступали хотя бы один раз в сексуальный контакт с лицом своего пола, около 30 % являются геями, но только 5-10 % не скрывают этого. Как Вы прокомментируете эти данные? Если следовать этим цыфрам, то в Беларуси около 50-100 тысяч человек имеют нетрадиционную ориентацию. Но почему они скрывают это? Может быть стоит придумать какой-то символ (значек), который будет идентифицировать людей. ТИпа как значек "За Свабоду" |
| Зразумела, што асноўнай прычынай “зачыненасьці” беларускай лесьбі-гей суполкі зьяўляецца гамафобія, стымуляваная на дзяржаўным узроўні. Больш за тое, шэраг апазыцыйных груповак таксама выкарыстоўваюць гамафобную рыторыку для папулярызацыі сваіх арганізацый. У гэтых умовах толькі вельмі нязначная частка беларускіх геяў можа адкрыта і актыўна працаваць над стварэньнем роўных умоваў для беларускіх лесьбіянак і геяў. |
| [ 05/06/2006 23:48 ] |
| Как Вы относитесь к тому, что в России Жириновский предложил расстрелировать геев, а в Беларуси некоторые депутатики палатки тоже предлагами нечто подобное. Помниться в прошлом году вроде депутат Костян предложил таких людей стерилизовать. Были предложения и арестовывать. Как Вы думаете готовы ли будут власти пойти на такие жесткие меры как аресты или даже расстрелы (как это есть в Саудовской Аравии) лиц с нетрадиционной сексуальной ориентацией? |
| Як я ўжо пісаў раней, цяперашнія ўлады карыстаюцца нават самымі бруднымі сродкамі для павышэньня сваёй папулярнасьці. Я не зьдзіўлюся, калі заўтра пачую, што нейкі дэпутат нашай палаты прапанаваў выслаць усіх яўрэяў, а іх уласнасьць падзяліць паміж “сапраўднымі” беларусамі. Але спадзяюся, што да рэальных крокаў ня дойдзе: усё ж такі цяперашняя беларуская ўлада павінна аглядацца на Расею, якая ня зможа адкрыта падтрымліваць дзяржаву з такім заканадаўствам. |
| [ 05/06/2006 23:56 ] |
| Ваша незарегистрированная организация известна эпотажными выходками и специальным раздражением властей такими выходками. Например, организацию шествия геев за свои права во время выборов президента 9 сентября 2001 г.,когда запрещены массовые мероприятия. На своем сайте вы оскорбляете некоторых лидеров, я про статью "из туалета в Лондон". А ваш бывший руководитель Эдвард не смог отчитаться перед шведскими спонсорами за выделенные гранты и с тех пор вы не финансируетесь ни одним фондом. Не считаете ли вы, что вы больше наносите вреда геям страны, чем пользы? |
Ну, па-першае мне падаецца што ўвогуле ў нашай краіне ня можа існаваць “прыемнай” для ўлады лесьбі-гей арганізацыі. Ва ўсялякім выпадку мы ніколі ня мелі мэты стварэньня такога руху. Па другое, на той момант гэта быў адзіны дзень, калі ўлады былі занятыя іншымі “праблемамі” і таму ня здолелі апэратыўна перашкодзіць нам у правядзеньні параду.
Паколькі далей Вы закранулі вельмі важнае пытаньне, то я хацеў бы троху спыніцца на ім. Я заўсёды выступаў і выступаю за шырокае міжнароднае супрацоўніцтва беларускага лесьбі-гей руху с лесьбі-гей рухам Заходняй Эўропы. Але ніколі не пагаджуся, што ў Беларусі нешта могуць зрабіць людзі, якім для таго каб сказаць аб сваёй сэксуальнай арыентацыі на лесьбі-гей канфэрэнцыі патрэбна паехаць у Лёндан і правесьці яе “in exile”. Мы, напрыклад, ладзім лесьбі-гей канфэрэнцыі і сэмінары ў Менску і абласных цэнтрах ужо больш за 5 гадоў. Адсюль, дарэчы можна зрабіць вывад аб адноснай карысьці нашай працы для геяў нашай КРАІНЫ.
Наконт таго, што мы адмовіліся супрацоўнічаць са шведскай RFSL, дык там спонсарам выступаў швэдзкі фонд "Forum Sud", ад якога вы можаце дакладна даведацца, што прычынай спыненьня партнэрства стала неэфэктыўнае і нямэтавае, на наш погляд, выкарыстаньне сродкаў швэдзкім бокам, пра што мы і праінфармавалі фонд.
|
| [ 06/06/2006 02:18 ] |
| Ну якія пытаньні? Я думаю, нашаму грамадзтву да Амстэрдаму далёка. Але з другога боку і ў расейскую эўразійскую Араба-Маскоўшчыну нас таксама не зацягнуць. Мы не дадзім. Дык, пэўне, і ў пляне лібэральных вартасьцяў мы так і будзем, як і ва ўсім астатнім, вагацца бясконца паміж Захадам і Ўсходам. А геям нармальна будзе жыць толькі ў цывілазаваных краінах на Захад ад Белай Русі - Літвы. А як лічыце вы? |
| На мой погляд, тут усе ня так проста. Напрыклад, лесьбі-гей рух у Польшчы нават зараз, калі краіна ўвайшла ў Эўрасаюз, таксама сутыкаецца з гамафобіяй грамадзтва і нават з гамафобнай рыторыкай асобных палітыкаў. Увогуле, працэс пераадоленьня як гамафобіі, як і ксэнафобіі вельмі доўгі і складаны. Але калі стварыць умовы для таго, каб ён пайшоў і палітычна стымуляваць яго зьверху, мне падаецца, што беларускае грамадзтва таксама можа пазбавіцца ад гэтых дзіцячых хвароб неразьвітой грамадзкасьці. |
| [ 06/06/2006 10:43 ] |
| 1 чэрвеня у праграме "Начная Свабода" удзельнiчау Артур Фiнькевiч (Малады Фронт), i у размове зь вядучым ён сказаў, што у новай Беларусi да людзей з нетрадыцыйнай арыентацыей будуць ставiцца як да вырадкаў.
Вытрымка з гутаркi.
Фiнькевiч: "Аднаполыя шлюбы ў новай Беларусi немагчымыя. Таму, што гэта ненармальна, гэта не паводе бiблii, у якой напiсана штоо... напiсана што чалавек....(адзказ губляецца)....ну... не можа быць такога!"
Вядучы: "А як Малады Фронт калi прыдзе да улады будзе ставiцца да асобаў з нетрадыцыйнай сэксуальнай арыентацыей?"
Фiнькевiч: Ну як ставiцца?! Як да вырадкаў!...
На прыканцы перадачы Фiнькевiч дадаў: Рабiць зло такiм людзям не варта. Трэба проста абмяжоўваць гэтых людзей у пэўнай ступенi, бо гэтыя людзi не мугуць займаць, напрыклад, кiруючыя пасады, не могуць выхоўваць дзяцей... Чаму ж ён можа навучыць дзiця?...
Гэтую гутарку можна спампаваць У архiве "Начной Свабоды" на сайце.
СЯРГЕЙ,ЯК ВАМ ТАКАЯ ДЭМАКРАТЫЯ? |
Ну што тут адкажаш. Мы ўжо мелі дыскусію з актывістамі "Маладога фронту" наконт іх стаўленьня да правоў меншасьцей. Са свайго боку я ўвогуле лічу, што рух скін-хэдаў, такі разьвіты ў Расеі, у нашай краіне “акучаны” шэрагам маладзёвых арганізацый накшталт "Маладога фронту".
Мне падаецца, што людзям, якія для павышэньня сваёй папулярнасьці эксплюатуюць самыя цёмныя бакі псыхалёгіі свайго народу, такія як гамафобія і ксэнафобія, павінна быць сорамна называцца беларусамі, будзь яны прадстаўнікамі афіцыйнай улады альбо, асабліва, прадстаўнікамі апазыцыйных рухаў.
Але я настроены аптымістычна. Тыя апазыцыйныя арганізацыі і рухі, якія яшчэ засталіся ў нашай краіне, нагадваюць мне дрэва, на якое кожны месяц як яно зьявілася падае вялікі камень. Яно троху адыходзіць, пачынае зноў расьці да наступнага ўдару каменем. Зразумела, што тое, што мы атрымаем на выхадзе, будзе мала падобна да такога ж дрэва, толькі ўзгадованае вольна. Так вось я лічу, што калі будуць створаны ўмовы для нармальнай працы недзяржаўных арганізацый, гэта “дзіцячая хвароба правізны” пройдзе сама сабой.
|
| [ 06/06/2006 19:49 ] |
| З чым змагаецеся,Сяргей? З работы выключают? А можа галасаваць не дают? Ці хочаце, каб у крамах без чаргі прапускалі? |
| Змагаемся, па-першае, з тым, што геі ў Беларусі ня могуць быць геямі адкрытамі, бо разумеюць, што сутыкнуцца з гамафобіяй калег, нават з гамафобіяй бацькоў і знаёмых. Галоўная мэта -- тое, пра што пісаў вышэй, каб геі і лесьбіянкі ўсьвядомілі сябе часткай грамадзтва, а грамадзтва прыняло іх такімі, якія яны ёсьць. |
| [ 06/06/2006 21:12 ] |
| Здаецца, пасля спробы Белтэлекама заблакаваць ваш сайт з пратэстам выступіў А. Бяляцкі ("Вясна-96"). Падтрымку якіх палітыкаў і грамадскіх дзеячоў Вы хацелі б адзначыць ?
Алесь Белы, Менск |
| Падтрымку, па-першае, маладых сацыял-дэмакратаў ("Маладая Грамада") і ўвогуле падтрымку сацыял-дэмакратаў. Зразумела, "Вясна". Фэдэрацыя анархістаў Беларусі. |
| [ 07/06/2006 00:21 ] |
| Шаноўны Сяргею, ці няма ў Вас адчуваньня, што часам паміж аднолькава рэпрэсаванымі групамі беларускага грамадзтва (беларускамоўнымі і геямі, пратэстантамі й польскай мяншыняй і д.п) бракуе кансэнсусу й разуменьня? Чаму ўсе ранейшыя гей-праекты (apagay, gay.by, часопіс "Апаґей" ідп) былі амаль спрэс расейскамоўнымі? Чаму нельга зрабіць адзін нармалёвы агульнанацыянальны БЕЛАРУСКАмоўны праект для НАШЫХ геяў й лезьбіяк, а не капіяваць расейскія gay.ru? |
| Пытаньне мовы ў нас вызначаецца толькі тэхнічнымі мовамі. Але на жаль большасьць людзей, якія працавалі над сайтам і часопісам, расейскамоўныя. Мне здаецца, толькі калі рабіць сумесныя праекты і рабіць нешта разам, то тады было б прасьцей вырашыць гэтае пытаньне. |
| [ 07/06/2006 00:27 ] |
| Як чалавек публічны - што здараецца зусім зрэдку сярод беларускіх ґеяў, - ці не маглі б Вы трошкі распавесьці пра сябе. Ці жывяцё Вы адзін альбо маеце сталага партнэра? Калі так, чым ён займаецца й як Вы пазнаёміліся? Ці зьяўляецеся вернікам? Ці карыстаецеся беларускай мовай? Ці бачыце Беларусь незалежнай й вольнай, як Данія чы Ґаляндыя? Дзе Вы былі 19 й 25 сакавіка? Пра што Вы марыце? Выбачайце, за колькасьць пытаньняў, але пэўны, зможаце годна адказаць. |
1) Цяпер я жыву з бацькамі. Маю партнэра, але мы не жывем разам. Гэта зьвязана перадусім з бытавымі праблемамі.
2) Я ўжо пісаў пра сваё стаўленьне да хрысьціянства і РПЦ.
3) Беларускай мовай карыстаюся. Наконт вольнай Беларусі, цяпер гэтага ня бачу. Але спадзяюся і ўпэўнены, што ў будучыні яна будзе незалежнай, вольнай і роўнапраўнай для ўсіх грамадзянаў.
4) 19 і 25 сакавіка я ўдзельнічаў у акцыях пратэсту разам зь сябрамі.
5) Зараз столькі ўсялякіх справаў, што на мары амаль не застаецца часу. |
| [ 07/06/2006 00:31 ] |
| Сяргею,
якую апошнюю беларускую кнігу Вы чыталі? Ці ёсьць для Вас беларушчына каштоўнасьцю? У папярэдняй канфэрэнцыі на Свабодзе рэдактар "ARCHE" Валер Булгакаў прызнаўся, што "Ґейскі нумар" часопісу не атрымаўся, бо элемэнтарна не хапіла тэкстаў і аўтараў. Ці гатовы Вы дапамагчы сп. Булгаву ідэямі й тэкстамі? |
Апошняе, што чытаў, вершы "Ад А" Аксаны Спрынчан. Беларушчына і беларуская культура, зразумела, зьяўляецца для мяне каштоўнасьцю, як і для кожнага беларуса, калі ён усьведмляе сябе беларусам.
Дапамагчы спадару Булгакаву гатовы. Але мне здаецца, што прычыны адна: калі ў Беларусі амаль няма адкрытых геяў, то цяжка чакаць нейкіх сур'ёзных тэкстаў і літаратуры пра аднаполыя стасункі. |
| [ 07/06/2006 09:59 ] |
(Званок на Свабоду -- v0607-05) (Уладзіслаў: ) “Спачатку трэба разьмежаваць паняцьці. Гомасэксуалізм – гэта каханьне ці гэта гомасэксуальны гвалт. Тое, за што змагаюцца прадстаўнікі сэкс-меншасьцяў – гэта каханьне, тое што робяць зьняволеныя ў турме і жаўнеры тэрміновай службы – гэта гвалт. Гасподзь Бог зьнішчыў Садом і Гамору не таму што яны любілі праведніка, а ён іх ненавідзеў, а таму што яны хацелі яго згвалціць. У гэтым горадзе было шмат крымінальнікаў і мусараў, і яны ненавідзелі чалавека, які чамусьці спакойна жыў не па іхных законах. У Старым Запавеце забароненыя аднаполыя шлюбы для таго, аб пазьбегнуць гвалту. Бо людзі схільныя вычвараць законы на сваю карысьць. Прадстаўнік улады ці злачынца, які мае грошы і сувязі, можа згвалціць кагосьці, а потым сказаць, што яна ці ён пагадзіліся. І ахвяра гэта пацьвердзіць, таму што ў адваротным выпадку будуць наступствы. Гасподзь Бог пралічыў будучыя выпадкі і вырашыў, што лепей забараніць усё. Некалькі выпадкаў пакараньня за каханьня дазволяць пазьбегнуць сотняў і тысячаў выпадкаў гвалту. Людзі ў сваёй большасьці абмежаваныя, як духоўна так і інтэлектуальна. Царква і грамадзтва асуджаюць сэксуальныя меншасьці, але не асуджаюць уладу, якая спараджае гвалт. Так было заўсёды, у тым ліку і ў Садоме: улада карыстаецца гвалтам, а царква абслугоўвае ўладу.
Лукашэнка, дарэчы, працаваў наглядчыкам у турме. І гэты факт ён настойліва спрабуе схаваць. Напэўна, яго там дрэннаму навучылі. Толькі вось ад Бога нічога не схаваеш, і ўсё таемнае зробіцца яўным. Я хацеў бы пачуць камэнтар на мой званок Сяргея Тарпачова, прадстаўніка арганізацыі “Лямбда”. |
| Мне здаецца, што гвалт і каханьне -- супрацьлеглыя рэчы. І ня трэба гэта ўсё ў адзін кошык зьмешваць. Тое, што адбываецца ў турмах ці зачыненых мужчынскіх суполках як у арміі, то гэта не каханьне, не гамасэксуалізм, а гэта нейкія спосабы пабудовы гіерархічнай вэртыкалі ў мужчынскай суполцы.
|
| [ 07/06/2006 11:24 ] |
| Ватыкан сёньня зноў выступіў са строгім асуджэньнем гомасэксуальных шлюбаў, якія былі названыя ў афіцыйным дакумэнце па праблемах сям’і абразай Бога. Ваш адказ? Пляваць на каталіцкага дыктатара? :) |
| Я ўвогуле ўжо казаў пра свае адносіны да артадаксальных хрысьціянскіх дактрын, не лічу патрэбным паўтарацца. |
| [ 07/06/2006 11:25 ] |
| А чаго дрэннага зрабіла грэцкая літара лямбда, што яе абралі сымбалем сэкс-меншасьці ў Беларусі? :) |
| Гэта наагул сымбаль сэкс-меншасьцяў ва ўсім сьвеце. Гэта сымбаль раўнавагі -- шалі. |
| [ 07/06/2006 11:39 ] |
| Пра скрадзенные грошы ў Шведаў ведаюць усе геі Беларусі. Зараз вы дамыкнулісь да апазіцыі каб прасіць у іх грошы? Навогул прэзідэнт быў прав, калі казаў пра дзеянні вашай незарэгістраванай лігі, што за такія дзеянні увядзе артыкул у крамінальный кодэкс. |
Я ўжо казаў пра нашыя адносіны са швэдамі. Мне здаецца, адміністрацыя форуму "Форум-Сюд" ведае пра гэта лепш, чым некаторыя геі Беларусі.
|
| [ 07/06/2006 13:12 ] |
| Прывітаньне Сяргей!
хацеласяся каб ты распавёў пра супрацоуніцтва "Лямбды" з іншымі моладзевымі арганізацыямі Беларусі (як у сталіцы, так і рэгіёнах).
А таксама такое пытаньне: чаму Лямбда не ўдзельнічае у Эўрапейскай праграме "усе мы розныя- усе мы роўныя"? хаця здавалася б гэтая праграма вас датычыцца...
Андрэй Мялешка, Гародня |
| Калі казаць пра рэгіянальнае супрацоўніцтва, то я ўжо пісаў, што мы супрацоўнічаем з "Маладой Грамадой" і Фэдэрацыяй анархістаў.
Што датычыць удзелу ў эўрапейскіх праектах, дык у жніўні мы будзем удзельнічаць у канфэрэнцыі ў Цюрыху (Швайцарыя), будзем распавядаць пра наш праект "Моладзь -- супраць гамафобіі". Гэтаму і прысьвечана канфэрэнцыя. |
| [ 07/06/2006 13:15 ] |
| 1.Скажыце: наколькі вырашальнай у вашых музычных прыхільнасьцях зьяўляецца сэксуальная арыентацыя выканаўцаў?
2.Ці адчувпаеце вы сябе ў гарадзкім натоўпе адрынутым ці, наадварот, адчуваеце сваю адрознасьць, нават выключнасьць: я--не такі, як усе?
Аляксей |
1) Гэтае пытаньне зусім невырашальнае. Не магу ўспомніць ніводнага сьпевака, які б мне спадабаўся з-за сэксуальнай арыентацыі. Ну можа толькі Мэрылін Мэнсан...
2) Нейкай выключнасьці не адчуваю. Але і няма адчуваньня, што я такі, як усе. Напрыклад, нам вельмі складана -- двум хлопцам ці дзьвюм дзеўкам -- хадзіць парай, за рукі трымаючыся. |
| [ 07/06/2006 14:22 ] |
| Добры дзень,
Скажыце, каліласка, што сёньня яўляе сабой беларуская гей-супольнасьць, беларуская гей-культура? Хто такі тыповы беларускі гей/тыповая беларуская лесьбіянка? Якое стаўленьне геяў да беларускае мовы і культуры?
Прыкра чытаць усе гэтыя гамафобныя рэплікі з боку, здавалася б, "дэмакратычнай" аўдыторыі. Вызваленьне ад лукашызму стане толькі першым маленькім крокам да сапраўднай свабоды, дэмакратыі і павагі да чалавечай асобы ў беларускім грамадзтве. Жадаю Вам посьпехаў у Вашай цяжкай барацьбе і паболей сілаў цярпець неталерантнасьць гэтых злых і закамплексаваных людзей.
Баўтрамей Горбач |
Па-першае, прафэсійна геем можа быць хто заўгодна, і ўзровень даходу ў геяў можа быць любы. Хіба галоўная рыса беларускіх геяў -- зачыненасьць, немагчымасьць свабодна сябе паводзіць у асяродку знаёмых, бацькоў, калегаў і г.д.
Стаўленьне геяў да беларускай культуры вельмі розныя: некаторыя цікавяцца, некаторыя -- не.
Дзякуй за добрыя адносіны і разуменьне тых праблем, зь якімі мы сутыкаемся.
|
| [ 07/06/2006 14:35 ] |
| Сяржук,
як змагацца з гамафобіяй і гамафобамі ў нашых умовах? |
| Я ўжо казаў пра асноўныя мэты беларускага лесьбі і гей руху. Я думаю, гэта можа быць толькі паступовае зьмяненьне грамадзкага стэрэатыпу праз публікацыі і зьяўленьня публічных геяў. А з гамафобамі можна змагацца толькі з дапамогай заканадаўства. |
| [ 07/06/2006 14:46 ] |
| Ci nie padajecca Wam, szto pradstayniki seksualnych menszascjay zanadta agresiynyja u adstojwanni swaich prawoy, a galoynaje u prapagandzie swajoj vizii fizicznych stasunkay pamiz liudzmi. Geta welmi intymnaja sfera czalaweczaga zycia, ci warta wynosic prajawy swajoj aryentacyi na szyrokaje kola gramadstwa, prapagandawac gej-kulturu? Czym adrozniwajezza ruch za seksualnaje raynaprayje ad zwyczajnaj prapagandy nizkich kasztoynascej, parnagrafii?
Dziakuj! |
Мне не здаецца, што яны занадта агрэсіўныя. Наагул, я ўжо казаў, што колькасьць адкрытых геяў у Беларусі можна пералічыць па пальцах. Казаць пра навязваньне сьветапогляду геяў вельмі складана. Наконт "выпячваньня", хачу сказаць, калі, напрыклад, у мяне ёсьць сябар яшчэ са школы, з унівэрсытэту, зь якімі я доўга сябрую, то гэта вельмі складана для мяне не знаёміць яго з маімі знаёмымі нетрадыцыйнай арыентацыі, хаваць гэта.
Я ўвогуле ня бачу нічога падобнага паміж парнаграфіяй і рухам за раўнапраўе прадстаўнікоў якой заўгодна меншасьці. |
| [ 07/06/2006 14:50 ] |
| Што вы думаеце пра пашыраныя анты-НАТОўскія і антыамэрыканскія настроі ў Беларусі? Ці ёсьць паралелі з антыгееўскімі? |
| Зразумела, афіцыйная прапаганда карыстаецца гэтым. Напрыклад, яны згадваюць пра тое, што ў заходніх краінах геі і лесьбіянкі маюць роўныя правы зь іншымі грамадзянамі. Гэта даволі нетыпова для таталітарных рэжымаў. Я магу згадаць, што ўлады Мілошавіча калісьці прапагандавалі вобраз Кандалізы Райс як махровай лесьбіянкі. |
| [ 07/06/2006 14:50 ] |
| Што вы разумееце пад словам "гамафобія" - адкрытую агрэсію ў дачыненьні да геяў ці ўвогуле нэгатыўную ацэнку гомасэксуалізма? Вашае стаўленьне да апаганьваньня касьцёлу, арганізаванага 27 траўня гей-клюбам у Пецярбургу? |
Любая фобія, як і ксэнафобія, гэта ўвогуле нэгатыўнае стаўленьне да чалавека толькі таму, што ён не такі, як ты. Гэта, напрыклад, дрэннае стаўленьне да яўрэя толькі таму, што ён яўрэй, а ты -- не.
Я, магчыма, не зусім разумею, што маецца на ўвазе пад акцыяй ў Пецярбурзе. Калі я быў у Швэцыі, то браў там удзел у імшы, якая праводзілася ў памяць тых геяў і лесьбіянак, якія памерлі ад СНІДу. Ніхто ў той швэдзкай царкве не разглядаў гэтай імшы, як абразу касьцёлу. |
| [ 07/06/2006 15:21 ] |
| Трымайцеся! Сваіх правоў -- і маралі таксама. |
| Дзякуй. Трымаемся. Што яшчэ застаецца? |
| [ 07/06/2006 15:38 ] |
| Sto b Vy paraili zhancynam, jakija zakakhalisia u geja? |
| Закахацца ў кагосьці іншага. |
| [ 07/06/2006 15:39 ] |
| Мы заканчваем онлайн-канфэрэнцыю. Вэб-рэдактар |
| Я застаўся вельмі задаволены. Мне падалося, што большасьць пытаньняў былі даволі цікавыя. Жадаю ўсім слухачам Радыё Свабода і наведнікам сайту, каб яны зразумелі, што кожны чалавек мае права на шчасьце, нават калі ён адрозьніваецца ад большасьці. |
|
 |
![[ svaboda logo ]](http://www.svaboda.org/images/left-banner.gif)
![[ svaboda logo ]](http://www.svaboda.org/images/banner.gif)
![[ svaboda logo ]](http://www.svaboda.org/images/right-banner.gif)
![[ svaboda logo ]](http://www.svaboda.org/images/left-bar-nav.gif)
![[ svaboda logo ]](http://www.svaboda.org/images/right-bar-nav.gif)
![[ svaboda logo ]](http://www.svaboda.org/images/left-bar-nav2.gif)
![[ svaboda logo ]](http://www.svaboda.org/images/right-bar-live.gif)
