[ svaboda logo ] [ svaboda logo ] [ svaboda logo ]
[ svaboda logo ] [ svaboda logo ]
[ svaboda logo ]
[ svaboda logo ]
форум  


26 Студзеня 2006
Зянон Пазьняк
Зянон Пазьняк нарадзіўся 24 красавіка 1944 г. у мястэчку Суботнікі Іўеўскага раёну Гарадзенскай вобласьці. У 1967 годзе скончыў Беларускую мастацкую акадэмію, кандыдат мастацтвазнаўства. У 1969 годзе надрукаваў артыкул у абарону забудовы гістарычнага цэнтру Менску. Падвяргаўся перасьледу камуністычных уладаў. У 1988 годзе адкрыў Курапаты – месца масавых расстрэлаў сотняў тысячаў ахвяраў камуністычнага генацыду 1937-1941 гг. У кастрычніку 1988 – заснавальнік мэмарыяльнага таварыства “Мартыралёг Беларусі” і Беларускага Народнага Фронту. З 1989 года – старшыня Беларускага Народнага Фронту “Адраджэньне” (з 1999 – старшыня грамадзкай арганізацыі “Беларускі Народны Фронт “Адраджэньне” і Кансэрватыўна-Хрысьціянскай партыі – БНФ). З сакавіка 1990 года па студзень 1996 – дэпутат Вярхоўнага Савету Беларусі 12-ага скліканьня, старшыня парлямэнцкай апазыцыі БНФ. Адзін з аўтараў Дэклярацыі аб дзяржаўным сувэрэнітэце Беларусі. У 1994 года быў кандыдатам у прэзыдэнты Рэспублікі Беларусь. У жніўні 1996 г. атрымаў палітычны прытулак у ЗША.

Гл. таксама
Папярэдняя канфэрэнцыя: Аляксандар Мілінкевіч

Задавайце пытаньні Зянону Пазьняку:

04.01.2006
Аляксандар Вайтовіч
10.01.2006
Сяргей Гайдукевіч
18.01.2006
Аляксандар Казулін
23.01.2006
Аляксандар Мілінкевіч
03.02.2006
Андрэй Дынько
09.02.2006
Павел Шарамет
15.02.2006
Лявон Вольскі
20.02.2006
Сяргей Калякін
28.02.2006
Алесь Пашкевіч
08.03.2006
Сьвятлана Алексіевіч
16.03.2006
Джордж Крол
23.03.2006
Аляксандар Мілінкевіч
30.03.2006
Ніна Шыдлоўская
05.04.2006
Крысьціна Шацікава
11.04.2006
Iвонка Сурвіла
19.04.2006
Марыюш Машкевіч
04.01.2006
Юры Бандажэўскі
10.05.2006
Іна Кулей
17.05.2006
Валер Леванеўскі
24.05.2006
Вячаслаў Сіўчык
31.05.2006
Валер Булгакаў
07.06.2006
Сяргей Тарпачоў
13.06.2006
Вінцук Вячорка
19.06.2006
Наш Васіль Быкаў

27.06.2006
100 дзён пасьля Плошчы

05.07.2006
Захар Шыбека

12.07.2006
Валер Дранчук
14.07.2006
Ірына Казуліна
19.07.2006
Ганна Кісьліцына

26.07.2006
Аляксандар Дабравольскі
02.08.2006
Вітаўт Мартыненка
08.08.2006
Янка Запруднік

14.08.2006
Сяргей Антончык
23.08.2006
Алесь Пушкін
28.08.2006
Іна Кулей
06.09.2006
Барыс Пятровіч

13.09.2006
Сьвятлана Завадзкая

20.09.2006
Аляксандар Старыкевіч

27.09.2006
Алесь Каліта

04.10.2006

Аляксандар Мілінкевіч
11.10.2006
Уладзімер Мацкевіч

18.10.2006
Сяргей Харэўскі

25.10.2006
Анатоль Лябедзька
30.10.2006
Павал Севярынец

08.11.2006
Тацяна Процька

15.11.2006
Валер Булгакаў
22.11.2006
Сяргей Скрабец
29.11.2006
Андрэй Дынько
06.12.2006
Станіслаў Шушкевіч

13.12.2006
Уладзімер Някляеў

19.12.2006
Ваша Свабода
2003  2004  2005  2006
[ 24/01/2006 14:13 ]
Мне здаецца, Вы жывеце ў сваім Віртуальным сьвеце, адарваўшыся ад беларускіх рэалій. Ці разумееце Вы самі, наколькі Вы адарваныя ад сучаснага палітычнага жыцьця Беларусі? Вы не жылі ў краіне шмат гадоў (нават не былі ў ёй!). Вы ня маеце спэцыяльнай групы, якая рыхтавала б для вас агляды ўсемагчымай прэсы. Вы ня маеце нават нармальных фатаздымкаў у розных ракурсах для рэклямы і перадвыбарчай прапаганды. Вы ня маеце лягатыпаў і ніякай іншай атрыбутыкі кампаніі. Вы не валодаеце ніякімі СМІ. Вы ня маеце грошай, каб раскручваць сваю асобу. Дык які сэнс Вашага ўдзелу ў выбарах? Дапамагчы Лукашэнку і дадаць яму легітымнасьці?
Вы правільна заўважылі, што Вам гэта ўсё "здаецца". І здаецца Вам таму, што Вы (гэта відаць па Вашым пытаньні) маеце вельмі цьмянае ўяўленьне пра тое, аб чым гаворыце.

У палітыцы далёка не заўсёды вырашаюць грошы, "фатаздымкі ў ракурсах" і нават "лягатыпы". У пачатку 90-х дэпутаты БНФ ня мелі ніякіх грантаў, не "раскручвалі" сябе – але дамагліся незалежнасьці Беларусі.

Яшчэ больш цьмянае ўяўленьне Вы маеце пра Беларусь, дзе жывяце, і на жаль, пра маю асобу, пра мае тэхнічныя магчымасьці сувязі і атрыманьня інфармацыі, кантакты, кіраваньне партыяй, выдавецкія справы. Вы, відаць, жывяце яшчэ ў 19-м стагодзьдзі і не разумееце сучаснага сьвету. Ня ведаеце, што можна жыць за мяжой, і ні на хвіліну не разлучацца з Радзімай, адчуваючы і назіраючы кожны яе ўздых, і ўсё, што там ёсьць. Вы ня бачыце Беларусь здалёку і не разумееце яе зблізку, інакш бы не распавядалі мне пра "лягатыпы" і "атрыбутыку". Думаю, аднак, што ў Вас яшчэ ўсё наперадзе і дай Бог, каб тое, што наперадзе, паспрыяла Вашаму разуменьню.

[ 24/01/2006 14:14 ]
Чаму Вашыя прыхільнікі такія нэрвовыя і не ўспрымальныя да крытыкі? А Вы самі? Ці Вы чуеце чужую крытыку і іхныя аргумэнты? Ці Вы гатовыя зьмяніць сваю пазыцыю, калі Вам прадставяць пераканаўчыя аргумэнты памылковасьці Вашага погляду на нейкае пытаньне?
Я не лічу, што мае прыхільнікі, як Вы выказаліся "нэрвовыя" і неўспрымальныя да крытыкі. Калі мне аргумэнтавана выказваюць іншы падыход дзеля агульнай справы, я заўсёды ўспрымаю яго і, калі гэты падыход лепшы – пагаджаюся зь ім. Гэта якраз добра ўспрымаецца і маімі калегамі і ў гэтым, я лічу, ёсьць важны чыньнік кіраваньня арганізацыяй, сумоўя з аднадумцамі.

[ 24/01/2006 14:27 ]
Ci razgljadaece Vy magchymasc znjacca swajoj kandydatury na pasadu presidenta na karysc Aljaksandra Milinkevicha? Kali ne, to chamu? Dzjakuj
На карысьць іншых кандыдатаў – не, не разглядаю. Гэта выглядала б абсурдам. Я прыйшоў не для таго, каб удзельнічаць у лукашэнкаўскіх выбарах па ягоных правілах і для ягонай "элегантнай перамогі", а каб арганізаваць "Народнае галасаваньне" і спыніць ягоную машыну фальсыфікацый. Сапраўдныя выбары (без Лукашэнкі) павінны адбыцца потым. На жаль, найбольш адэкватна і прафэсійна зразумелі мой плян не некаторыя мудрыя разумнікі, а рэжымныя ўлады.

18 студзеня мне (маё групе) ЦВК аб'явіла ўльтыматум аб тым, што нашыя подпісы будуць прызнаныя несапраўднымі. Зьбіраць подпісы нам практычна не даюць. Кожны дзень напады міліцыі, арышты, затрыманьні цэлых групаў. 24 студзеня ў Жодзіне да групы маіх зборшчыкаў пад'ехалі чатыры міліцэйскія машыны, выскачылі з аўтаматамі і пачалі хапаць. Жанчын хапалі і цягнулі, як злачынцаў – за каўнер. Такія чужынскія норавы цяпер у нашай Беларусі.

[ 24/01/2006 14:34 ]
Скажите мне, как так вообще можно? У меня просто не укладывается в голове. Испугаться, уехать из страны и после этого считать себя патриотом. И иметь наглость баллотироваться в президенты. Вы же тут не жили почти 10 лет, вы не чувствовали на себе эту жизнь. И собираетесь победить. Что ж, неплохо, попробуйте. Но ответьте мне на несколько вопросов. Почему вы не остались в Беларуси? Расскажите о вашей программе по подъему экономики страны? И на главный вопрос: есть ли у вас совесть?
Эміграцыя выклікана падрыхтоўкай майго забойства, аб чым я быў папярэджаны з розных крыніцаў, у тым ліку з КГБ.

Пра эканоміку глядзіце мае публікацыі ці хаця б Інтэрнэт. Гэта дапаможа Вам разабрацца са сваёй "совестью". Пра астатняе – гл. Адказ на першае пытаньне онлайн-форуму.

[ 24/01/2006 14:46 ]
Вашыя зацятыя прыхільнікі разглядаюць вас як Мэсію, а кожнае слова і кожную прапнову разглядаюць як Ісьціну ў апошняй інстанцыі. Гэта нармальна?
Мае прыхільнікі давяраюць мне, і я давяраю ім. Гэта добрыя адносіны.

[ 24/01/2006 14:48 ]
А вось што павінна адбыцца далей паводле Вашага сцэнару? Якім чынам паводле праекту “народнае галасаваньне” можна атрымаць перамогу і ажыцьцявіць пераход да дэмакратыі? Які мэханізм такога пераходу? Бюлетэні мусяць быць здадзены ў Нацыянальную грамадзкую камісію (www.vybar.org). Што далей?
.
[ 24/01/2006 14:49 ]
Па-першае, тут ёсьць некалькі тэхнічных момантаў. Калі іх ня вырашыць, то ставіцца пад сумненьне ўвогуле рэалістычнасьць гэтага праекту “народнае галасаваньне”. Напрыклад, куды людзям несьці бюлетэні? Мы павінны ўказаць нейкія пункты, кватэры ў кожным райцэнтры, як мінімум. Я сумняваюся, што мы зможам гэта зрабіць. Калі арганізоўвалі штабы пад сваю кампанію, было цяжка знайсьці людзей, якія б маглі даць свой адрас пад легальную выбарчую кампанію. А калі гэтая дзейнасьць будзе ўспрымацца як нелегальная, то малаверагодна, што можна знайсьці такія адрасы і сабраць бюлетэні, нават калі людзі іх вынесуць. Яшчэ адно пытаньне тэхнічнага кшталту. Відавочна, паколькі ідэя разьлічана на тое, што ў яе рэалізацыі возьме ўдзел вялікая колькасьць людзей, то захаваць кансьпірацыю, схаваць месца знаходжаньня Нацыянальнай грамадзкай камісіі будзе амаль немагчыма. Але ў такім разе спэцслужбам будзе няцяжка нэўтралізаваць усю працэдуру збору бюлетэняў, іх прадстаўленьне грамадзкасьці, арыштаваць, канфіскаваць, ізаляваць і іншае.
.
[ 24/01/2006 14:49 ]
Зьбяром мы гэтыя бюлетэні, прад’явім іх грамадзтву. Што далей? У звароце спадара Пазьняка адзначаецца, што пасьля гэтага “ўлада будзе перададзена Часоваму ўраду”. Узьнікае пытаньне: кім перададзена? Хто той дзядзька, які возьме ўладу ў Лукашэнкі і перадасьць нам? Такога дзядзькі няма. Уся роўна гэтую ўладу патрэбна будзе нам самім выбіваць у Лукашэнкі.
.
[ 24/01/2006 14:50 ]
Відавочна, што як толькі праект Народнага галасаваньня пачне актыўна прапагандавацца, улада прыме актыўныя контразахады, будзе пужаць крымінальнай справаю і іншым. У такой атмасфэры страху ці можна разьлічваць на масавасьць у рэалізацыі гэтай ідэі? Калі б у краіне было шмат людзей з грамадзянскай пазыцыяй, здольных на актыўны пратэст, на ўчынак, то Беларусь даўно б жыла без Лукашэнкі.
.
[ 24/01/2006 14:50 ]
Падчас мінулага форума са сп. Мілінкевічам на пытаньне наконт Народнага галасаваньня ён адказаў наступным чынам: "Мы, і штаб маёй кампаніі і Палітычная рада Аб’яднаных дэмакратычных сіл, вызначыліся з пазіцыяй у дачыненні да ідэі народнага галасавання. Сёння гэтая прапанова дзейнічае хутчэй не на актывізацыю, а на дэмабілізацыю дэмакратычных выбарцаў. Нашая прапанова сустрэчная – аб’яднацца ўсім, хто лічыць сябе адказным за ўласны лёс і за лёс нашай Беларусі, вакол кампаніі падтрымкі адзінага прэтэндэнта ад дэмакратычных сіл, абранага прадстаўнічым Кангрэсам." Калі ласка, дайце Сваю ацэнку такому меркаваньню, што "гэтая прапанова дзейнічае хутчэй не на актывізацыю, а на дэмабілізацыю дэмакратычных выбарцаў".
.
[ 24/01/2006 14:52 ]
вы стала й вельмі жорстка крытыкуце ня толькі рэжым, але, паводле маіх назіраньняў, і ўсіх (ці так?) ягоных апанэнтаў у Беларусі, за выняткам адной толькі вашай партыі. матэрыялы, якія зьмяшчаюцца на сайтах КХП БНФ, "Салідарнасьці", вашым уласным і г.д. дужа нагадваюць простае зьбіраньне кампрамату. адкажэце, калі ласка на наступныя пытаньні. 1) ці здольны вы наогул да кампрамісу? 2) калі гіпатэтычна ўявіць, што вы станеце прэзыдэнтам, ці ня будзе працягвацца такое ж паліваньне брудам палітычных апанэнтаў у падкантрольных вам СМІ? а трэцяе пытаньне датычыцца т.зв. "Народнага галасаваньня". нават ад ягоных старонцаў я неаднаразова чуў, што посьпех яго магчымы толькі ў выпадку, калі яго падтрымае аб'яднаная апазыцыя на чале зь Мілінкевічам. ён жа катэгарычна не падтрымаў гэтую ідэю. таму 3) ці ёсьць сэнс працягваць агітаваць? ці спадзеяцеся вы сваімі сіламі разрэклямаваць НГ так, каб яно мела плён?
Перш чым адказваць (і пытаць), трэба зрабіць просты аналіз зьявы. За 12 гадоў рэжыму татальна былі прайграныя яму ўсе выбары і рэфэрэндумы. Выснова: каб перамагчы, трэба зламаць машыну фальсыфікацыі. На сёньняшні дзень гэта ўжо супэрмашыны, твар рэжымнай бюракратыі. Яна ўжо нават і галасы ня лічыць. Камісія падпісвае гатовыя пратаколы вынікаў галасаваньня, падрыхтаваныя ўладай, і ніхто акрамя рэжымнай улады яе не кантралюе. Гуляць у выбары з такой замкнёнай сыстэмай па "машынных правілах" бессэнсоўна. Павінен быць іншы прынцып змаганьня, іншы падыход. Ён ёсьць, ён законны. Гэта "Народнае галасаваньне".

Выйграць выбары па схеме рэжыму ў Лукашэнкі немагчыма. Удзельнічаць у іх – гэта значыць спрыяць яму, ствараць антураж дэмакратычных выбараў. Ня ўдзельнічаць – гэта значыць таксама спрыяць, аблегчыць задачу машыне. Выходзіць, што ўсіх пасадзілі ў мяшок і завязалі. Калі не шукаць выхаду – будзем сядзець у мяшку.

Народнае галасаваньне – гэта якраз выхад, прытым законны. Шляхоў для змаганьня нам ужо не пакінулі. Калі зразумееш гэта, то ўбачыш, што ўсе тэхнічныя пытаньні, якія многіх занепакоілі, ёсьць праблема, але не перашкоды... Праблемы трэба вырашаць і не рабіць зь іх прычыны, каб адмовіцца ад справы. У нашых абставінах НГК зможа і павінен працаваць толькі адкрыта. Ёсьць шмат варыянтаў і спосабаў канкрэтнай дзейнасьці, але мусіць быць падтрымка людзей. Павінен быць штуршок, посьпех, каб людзі акрыялі, паверылі ў сябе і пачаўся б уздым. Тады ўсё зможам.

Народнае галасаваньне дае ў рукі народу канкрэтны аргумант доказу ягонай праўды – гэта афіцыйны бюлетэнь з пячаткай і подпісам членаў камісіі. Калі такіх бюлетэняў набярэцца шмат, яны стануць бясспрэчным сьведчаньнем фальсыфікацыі, зразумелай усім. Гэта стане зачэпкай для актыўных дзеяньняў вялікай колькасьці людзей. Гэта зьменіць клімат і дачыненьні да рэжыму ў грамадзтве, пазбавіць рэжым упэўненасьці ў сабе. Лукашэнка атрымае ўдар, паражэньне. Яго пачнуць пакідаць нават паплечнікі (тут закон зграі, мафіі, заснаванай на страху). У грамадзтве будуць ўзьнікаць умовы для дзеяньня, на паверхні зьявяцца дзейныя здаровыя сілы нацыі (яны ёсьць). Часу ўжо мала. Магчыма, прыйдзецца сканцэнтравацца на Менску і буйных гарадах. Але трэба надаць дынаміку працэсу.

Адносна кампрамісу адкажу наступнае. Самае вялікае палітычнае дасягненьне другой паловы 20-ага стагодзьдзя – аднаўленьне Незалежнасьці Беларусі – зрабілася магчымым ня толькі дзякуючы прынцыповасьці і самаахвярнасьці дэпутатаў апазыцыі БНФ, але і, шмат у чым, нашаму кампрамісу з камуністычнымі дэпутатамі, якіх, нагадаю, у Вярхоўным Савеце было амаль 90 адсоткаў. 2. У мяне няма “падкантрольных” СМІ.

Народнае галасаваньне трэба падтрымліваць незалежна ад таго, прызнае яго спадар Мілінкевіч альбо не прызнае.

[ 24/01/2006 15:00 ]
Спадар Зянон, ці знаёмыя Вы з рэакцыяй чытачоў (і літаратурных крытыкаў) на Вашую паэму "Вялікае Княства"? Ці маеце нейкія літаратурныя ды выдавецкія пляны, акрамя палітычных?
Крытычных артыкулаў пакуль ня бачыў, хаця спадзяюся, што рэцэнзіі зьявяцца. Што да рэакцыі, дык асабіста для мяне была важнай ацэнка паэмы Рыгорам Барадуліным і Алесем Разанавым. Неўзабаве пляную выдаць паэму разам з вершамі і фотаздымкамі, зробленымі ў розныя часы. Кніга ўжо ў друку.
[ 24/01/2006 15:03 ]
Паважаны Зянон Станіслававіч, Вас часта абвінавачваюць у радыкалізме, у тым, што Вы не ідзеце на кампрамісы і з вамі немагчыма дамовіцца. Скажыце калі ласка, як ідзе каардынацыя з штабамі іншых кандыдатаў у прэзідэнты наконт ініцыятывы «народнае галасаваньне», дзе апублікаваныя вашыя да іх звароты і прапановы дзейнічаць разам і іхнія адказы на вашыя прапановы супрацоўніцтва, аргумэнтацыя. Дзякуй
Дзякуй за пытаньне і за заўвагі. Ідэю Народнага галасаваньня падтрымаў акадэмік Аляксандар Вайтовіч. Мае паплечнікі праводзілі перамовы з кіраўніком штабу Мілінкевіча спадаром Сяргеем Калякіным, і зь Мечыславам Грыбам, кіраўніком штабу А. Казуліна, але пакуль цяжка казаць пра канкрэтны вынік. Доступ у “незалежныя” СМІ для нас вельмі абмежаваны, таму для апублікаваньня нашых матэрыялаў будзем выкарыстоўваць Інтэрнэт і сайты – напрыклад www.pbpf.org, www.bielarus.net і ўлёткі.
[ 24/01/2006 15:06 ]
вы стала й вельмі жорстка крытыкуце ня толькі рэжым, але, паводле маіх назіраньняў, і ўсіх (ці так?) ягоных апанэнтаў у Беларусі, за выняткам адной толькі вашай партыі. матэрыялы, якія зьмяшчаюцца на сайтах КХП БНФ, "Салідарнасьці", вашым уласным і г.д. дужа нагадваюць простае зьбіраньне кампрамату. адкажэце, калі ласка на наступныя пытаньні. 1) ці здольны вы наогул да кампрамісу?
Здольны.
[ 24/01/2006 15:06 ]
2) калі гіпатэтычна ўявіць, што вы станеце прэзыдэнтам, ці ня будзе працягвацца такое ж паліваньне брудам палітычных апанэнтаў у падкантрольных вам СМІ? а трэцяе пытаньне датычыцца т.зв. "Народнага галасаваньня". нават ад ягоных старонцаў я неаднаразова чуў, што посьпех яго магчымы толькі ў выпадку, калі яго падтрымае аб'яднаная апазыцыя на чале зь Мілінкевічам. ён жа катэгарычна не падтрымаў гэтую ідэю. таму 3) ці ёсьць сэнс працягваць агітаваць? ці спадзеяцеся вы сваімі сіламі разрэклямаваць НГ так, каб яно мела плён?
Я ніколі не паліваю брудам сваіх апанэнтаў. Адносна Народнага галасаваньня – гл. адказ вышэй.
[ 24/01/2006 15:07 ]
Расскижате пожалуйста, про своё отношение к русскому и русскоговорящему населению Беларуси, про свою политику (если придёте к власти) в этом вопросе. Дело в том, что многие годы создавался имидж "позняк-фашист", "он будет вырезать звёзды ко спинах коммунистов", "посадил всех русских на чемоданы" и т.д. Такой стереотип восприятия навязан государственными СМИ ещё со времён Кебича, но прижился в обществе и поддерживается. Мне не удалось найти н и одного документального подтверждения вышеуказанных обвинений (насколько я знаю, Вы так никогда не говорили), зато есть отрывок интервью, где на вопрос "как русским будет житься в Беларуси после Вашего избрания?" отвечаете "лучше чем в России". Так с чем связана живучесть фальшивого стереотипа (кроме того, что он поддерживается теми, кому он выгоден)? Может быть с постоянными упоминаниями о "Империи Зла России" и о "российской окупации"?
Устойлівасьць стэрэатыпаў зьвязаная з устойлівасьцю агрэсіўнай імпэрскай пазыцыі Расеі, і другі аспэкт – з дэфармацыяй нацыянальнай сьведамасьці грамадзтва, якое практычна ня ў стане абараніць сваіх прыхільнікаў.
[ 24/01/2006 15:20 ]
Спадар Зянон! Каго зь беларускіх палітыкаў Вы лічыце вызначальнымі для беларускай гісторыі?
Вызнаначальнасьць была адмоўнай і дадатнай. За апошнія 100 гадоў дадатныя – браты Іван і Антон Луцкевічы, Вацлаў Ластоўскі. Лукашэнка ўвойдзе ў гісторыю з адмоўнай вызначальнасьцю.
[ 24/01/2006 15:20 ]
У Вас вельмі лірычныя вершы. Ці пішаце Вы цяпер? Хто натхняе Вас на творчасьць?
Бацькаўшчына.
[ 24/01/2006 15:21 ]
Як Вы ацэньваеце вайну ў Іраку?
Амэрыканцы, па ўсім відаць, не чакалі, што іх сустрэне там тэрарыстычная партызанка, інсьпіраваная Лубянкай. Здаецца, яны і цяпер яшчэ не разумеюць, дзе цэнтар тэрарызму.
[ 24/01/2006 15:22 ]
Як Вы лічаце, ці гатовы беларускі народ пацярпець пэўныя эканамічныя праблемы дзеля самастойнай будучыні?
Гатовы, калі ён будзе ведаць пра будучыню і пра праблемы.
[ 24/01/2006 15:23 ]
Якія кветкі любіць Вашая жонка? Чула, што Вы робіце цудоўныя букеты...
Тыя, якія я ёй дару.
[ 24/01/2006 15:24 ]
У часе працы ў Вярхоўным Савеце 12-га скліканьня - ці можаце прыгадаць, якімі былі кантакты з Аляксандрам Лукашэнкам?
Кантакты былі як і з усімі, але не было палітычных дачыненьняў. У Вярхоўным Савеце ён ня меў павагі і аўтарытэту. Ніхто яго ні ў якія “ценявыя кабінэты” не запрашаў. Пазьней яго прыграваў В. Кебіч.
[ 24/01/2006 15:24 ]
Цi прыездеце Вы у Беларусь, калi Вы атраеце афiцыйнае пасведчанне кандыдата у Прэзыдэнты РБ?
18 студзеня ЦВК у сваім “ультыматуме” дало мне выразна зразумець, што подпісы, сабраныя маёй групай, ня будуць прызнаныя. Гэтак і сказана. Штодзённыя антызаконныя затрыманьні і арышты маіх групаў зборшчыкаў, складаньне міліцэйскіх пратаколаў, перадача іх у ЦВК, паказваюць выразна, што яны рыхтуюць і што будзе. Кіраўніка майго штабу С. Папкова за апошнія пяць дзён арыштоўвалі пяць разоў (кожны дзень). Гэта ж вайна супраць мяне. Не даюць працаваць маім групам зборшчыкаў (Хаця цяпер маем 130-135 тыс. подпісаў).

Пасьля кансультацыяў мы прынялі сумеснае рашэньне. На Ўправе БНФ пазнаёмілі зь ім кіраўнікоў маіх групаў і сяброў Управы. Рашэньне будзе аб'яўлена заўтра (27 студзеня).

Сутнасьць збору подпісаў у схеме "Народнага галасаваньня" заключалася ў здабыцьці мне легальнай магчымасьці (абароненай імунітэтам) уезду ў Беларусь. Рэжым зразумеў наш плян у сярэдзіне студзеня. Магчымасьць майго ўезду ўжо фактычна зачынена, і для ЦВК, каб мяне выкінуць з выбараў, засталіся толькі фармальнасьці.

У гэта сытуацыі нам ня трэба рабіць пустую справу, падрыхтоўку і праверку подпісаў, здачу ў камісію і г.д., каб аказацца потым пешкамі ў іхнай гульні ды яшчэ атрымаць мокрай анучай па твары. Прынятае катэгарычнае рашэньне не здаваць сабраныя подпісы ў ЦВК. У гэтай сытуацыі, калі маёй групе наладзілі міліцэйскі перасьлед і мяне ня будуць рэгістраваць па палітычных прычынах, мы ня можам аддаваць адрасы і пашпартныя дадзеныя маіх прыхільнікаў у лапы гэтых марыянэтак, каб людзей потым перасьледвалі ці выганялі з працы. Я вельмі добра ведаю становішча, каб не рабіць такой памылкі.

Рэшту часу мы цалкам выкарыстоўваем для інфармацыі пра "Народнае галасаваньне".

Дзякую ўсім маім прыхільнікам і зборшчыкам. Я не страціў магчымасьці прэзыдэнцтва, але мне не далі магчымасьці ўехаць у Беларусь.

[ 24/01/2006 15:27 ]
Наколькі сур'ёзна Вы ставіцеся да праектаў канстытуцыйнага акту аб'яднаньня Беларусі і Расеі? Ці не здаецца Вам, што Вашыя прагнозы адносна страты Беларусьсю незалежнасьці занадта перабольшаныя?
Гэта вельмі небясьпечная маніпуляцыя, улічваючы, што Крэмль і Лукашэнка арганізавалі незаконнае "союзное государство". Празь яго незаконныя структуры Масква ажыцьцяўляе кантроль над унутранай і зьнешняй палітыкай Беларусі. Пакуль палітыка Крамля будзе мець імпэрскі характар, страта незалежнасьці застаецца рэальнай.

[ 24/01/2006 15:29 ]
Zjanon Stanislavavicz, shto uzjo zh bylo pryczynaj Washada adezdu z Belarusi, nakolki real'naj byla pahroza? Dzjakuj.
Гэта пытаньне паўтараецца часта, таму адкажу больш падрабязна з улікам таго, што маладое пакаленьне можа ня ведаць усіх абставінаў, а інфармацыя схаваная


Пра тое, што для мяне рыхтуецца забойства, я даведаўся яшчэ ў 1995 годзе. Тады мы агучылі гэтую інфармацыю, што дазволіла выйграць час (гл. “Прыватны дзёньнік” 25-30.12.2005 на “Свабодзе”)

Мы выехалі з Беларусі разам зь Сяргеем Навумчыкам (былы дэпутат Апазыцыі БНФ у ВС 12 скліканьня, які ў 1995 годзе на сэсіі ВС афіцыйна запатрабаваў правядзеньня псіхіятрычнай экспэртызы Лукашэнкі) у канцы сакавіка 1996 году. Тое, што адбывалася ў 1996 годзе, Сяргей падрабязна апісаў у сваёй кнізе, якую, я спадзяюся, ён усё ж неўзабаве надрукуе. Нагадаю вядомае. Навумчык вёў мітынг 24 сакавіка, прысьвечаны ўгодкам БНР і супраць беларуска-расейскай “інтэграцыі”. У ім бралі ўдзел больш 50-70 тысяч чалавек, пазьней дзесяткі ўдзельнікаў былі жорстка разагнаныя спецчасткамі. Гэты мітынг пахаваў хлусьню пра беларуска-расейскую інтэграцыю. Мы з Сяргеем былі названыя галоўнымі арганізатарамі “беспарадкаў”, і гэта было зроблена па тэлебачаньні, гэта бачыла і чула ўся Беларусь.

Мы часова выехалі ў Кіеў, як нам здавалася, на непрацяглы час, каб праінфармаваць, што ў Беларусі ёсьць сілы, якія ні пры якіх умовах не пагодзяцца на здачу сувэрэнітэту і аб’яднаньне з Расеяй. Праз некалькі дзён з пракуратуры Беларусі ў Кіеў даслалі патрабаваньне нас выдаць, але ўкраінцы адмовіліся гэта рабіць (у Вярхоўнай Радзе нават распачалася з-за гэтага невялікая бойка паміж “рухаўцамі” і камуністамі). Потым былі Чэхія і Польшча. Пасьля сустрэчы з Лехам Валенсам мы вырашылі вярнуцца ў Менск для ўдзелу ў Чарнобыльскім шляху, праўда, я запатрабаваў ад Сяргея застацца ў Варшаве, на выпадак майго арышту. Мы вярнуліся з жонкай Сяргея, Галінай. Пасьля Чарнобыльскага шляху спэцслужбы Лукашэні распачалі на мяне паляваньне, зьдзейсьнілі напад на сядзібу БНФ па Варвашэні, і тады толькі выпадкова мне ўдалося пазьбегнуць лапаў Лукашэнкі. Вось што пісала потым газэта “Свабода”: “Лукашэнка выклікаў да сабе “на ковёр” усё кіраўніцтва сілавых структураў”... “Шэфу КДБ Уладзіміру Мацкевічу і намесьніку міністра ўнутраных спраў Леаніду Ерыну дасталося за тое, што іхнія падначаленыя не змаглі затрымаць Зянона Пазьняка. Маўляў, Пазьняк яшчэ раніцай сышоў з варшаўскага цягніка ў Менску, а КДБ пра гэта нічога ня ведаў. А той факт, што Пазьняку здалося зьнікнуць праз “чорны” выхад са штаб-кватэры БНФ падчас начной аблавы, прэзыдэнт назваў “непростітельным”. (“Свабода”, 3-га траўня 1996 г).

Праз амаль два тыдні я выехаў з Беларусі. І ўжо ў Варшаве мы прачыталі наступную інфармацыю, якую прыводжу цалкам:

“Пазьняка, Навумчыка – затрымаць...”.

Улады заяўляюць, нібыта зусім не маюць намеру арыштоўваць Зянона Пазьняка і Сяргея Навумчыка, якія знаходзяцца цяпер у Варшаве. У сапраўднасьці ж усё выглядае якраз наадварот: лідэраў Народнага Фронту вельмі чакаюць на мяжы. З некалькіх крыніцаў рэдакцыя СВАБОДЫ атрымала інфармацыю, што на ўсіх памежных пастах Беларусі у кнізе дзяжурнага КПП запісана наступнае ўказаньне: “Грамадзянаў РБ Пазьняка З.С. і Навумчыка С.І. пры выездзе-уездзе – затрымаць”. Распараджэньне датаванае 27 красавіка 1996 г.” (газэта “Свабода”, 21-га траўня 1996).

Гэтая інфармацыя, заўважу, была зьмешчаная на першай паласе, што не перашкодзіла потым некаторым журналістам аж да сёньня пісаць, што “Позняку ничего не угрожало” (Сапраўднасьць інфармацыі праз некалькі гадоў спазнала на сабе сястра Сяргея Сьвятлана, якую затрымалі ў менскім аэрапорце – яе ініцыялы супадаюць з братавымі (“С.І.”).

У пачатку ліпеня мы вылецелі ў Лондан, потым было запрашэньне ў ЗША, пасьля чаго плянавалі вярнуцца ў Варшаву. Нашы блізкія ведаюць, што мы разглядалі магчымасьць вярнуцца ў Менск на 27-га ліпеня, на мітынг у сувязі з гадавінай сувэрэнітэту. Аднак калі мы былі ў Вашынгтоне, паступіла інфармацыя – прагаварыўся расейскі дэпутат камуніст Ілюхін, – што ў Варшаве ЦРУ "плянуе забойства аднаго ці двух лідэраў нацыянальнага руху Беларусі, якім адводзіцца роля пакутнікаў, а арганізатарам забойства будзе абвешчаны прэзыдэнт Лукашэнка” (газэта “Свабода”, 30 ліпеня 1996 ). Гэта значыць, што для Пазьняка быў адназначна падрыхтаваны варыянт сьмерці, ну а наконт Навумчыка рашэньне яшчэ не прынялі. Сутнасьць гэтага вельмі трапна ў тыя ж дні патлумачыў Васіль Быкаў : “Калі Ілюхін у Маскве агучыў пэўныя пляны, дык можна меркаваць з пэўнасьцю, што гэта ня пляны ЦРУ, гэта пляны беларускага кіраўніцтва” (“Быкаў на Свабодзе”, старонка 66).

Мы праверылі інфармацыю ў надзейнай крыніцы, і яна пацьвердзілася. Было прынятае рашэньне прасіць палітычнага прытулку. Гэты крок меў і вялікі палітычны эфэкт. Яшчэ ў пачатку ліпеня Лукашэнку віталі ў Парыжы як цывілізаванага прэзыдэнта, а пасьля наданьня нам прытулку Захад быў вымушаны зьмяніць стаўленьне і ўбачыць тое, чаго ён упарта не жадаў бачыць.

Пазьней супраць мяне спэцыяльна ўзбуджалі надуманыя крымінальныя справы – нібыта за публікацыю артыкулаў.

Натуральна, у мяне няма ніякіх ілюзіяў адносна Лукашэнкі, але рэгістрацыя мяне ў якасьці кандыдата давала б хоць нейкія юрыдычныя гарантыі вяртаньня. Я разумеў, што рэжым гуляе са мной у ката-мышкі, але Народнае галасаваньне напалохала яго грунтоўна. Вынік з маім прыездам ужо вядомы.
[ 24/01/2006 15:30 ]
Паважаны спадар Пазьняк. Вельмі чакаем вас у Беларусі і спадзяёмся, што вы прыедзеце і мы разам скінем гэтую маскальную зграю, якая захапіла ўладу на Беларусі! Жадаю Вам посьпехаў у змаганьні за Беларусь! Сам я падтрымліваю ідэю Народнага галасаваньня, і ня толькі мяне, але і шмат каго яшчэ цікавіць пытаньне, ці маеце вы гэтак званы "запасны варыянт" на выпадак вашай нерэгістрацыі ў ЦВК? Ці ёсьць напрацоўкі, што трэба рабіць далей? Аляксандар
Будзем агітаваць за "Народнае галасаваньне" і рыхтавацца да яго. Па законе – гэта можна.

[ 24/01/2006 15:33 ]
Паважаны спадар Пазняк! Мне зваецца, што час ад часу Вы вельмi падобны на лукашенку бо вакол сябе бачыце шмат ворагау i агентау КДБ. Што Вы плануеце рабiць з усiмi iмi пасля Вашай перамогi? Цi не выберам мы зноу яшчэ аднаго "лукашенку наадварот"? З павагай Алесь.
Да абсалютнай улады ў Расеі і Беларусі прыйшоў былы савецкі КГБ. Склаліся спэцыфічныя рэжымы і спэцыфічныя абставіны. Я падтрымліваю палітыку люстрацыяў у посттаталітарных краінах.

[ 24/01/2006 15:33 ]
Паважаны Зянон Станіслававіч! У мяне есьць два пытаньні да вас. 1)Як будудь разгортвацца падзеі,калі вас не зарэгіструюць у якасьці кандыдата? Ці прыедзіце вы на Беларусь,каб перамагчы дэмапазіцыю і г.д.? 2)Зараз пра народнае галасаваньне ведаюць мала людзей,як давесьці да людзей гэтую інітыятыву? З павагай.Зьміцер Салігорск КХП БНФ
Гл. Адказы вышэй

[ 24/01/2006 15:52 ]
Шаноўны спадар Зянон Пазьняк, якім чынам можна пераадолець інфармацыйны вакуум у інфармаваньні грамадзтва аб народным галасаваньні, бо не сакрэт, што зараз большасьць г.зв. "незалежных" СМІ працуе альбо на раскрутку Мілінкевіча, альбо на раскрутку Казуліна, і амаль ніхто зь іх не папулярызуе ідэю Народнага галасаваньня. І дарэчы, адной з прычын(адмазак) замоўчваньня ідэі НГ, яны называюць тое, што "гэта нерэальна", што немагчыма сабраць 50% бюлетэняў... А Мілінкевіч дык і ўвогуле ў гэтым форуме некалькі разоў паўтараў слова "дэмабілізацыя", хаця так і не патлумачыў якім чынам гэта "дэмабілізуе" ягоных актывістаў. Што б вы маглі сказаць ягоным шараговым актывістам наконт НГ, тым, хто вагаецца - падтрымаць НГ альбо не. Дзякуй!
Тым, хто вагаецца, скажу: далучайцеся! Інфармацыю возьмем на свае плечы. Ёсьць прычыны з-за якіх Мілінкевіч ня можа збочыць з пратаптанай дарожкі Ганчарыка. Куды вядзе "дарожка", вядома.

[ 24/01/2006 15:59 ]
1. Зянон Станіслававіч, чаму ў Вас няма дзяцей? Ведаю, што балючае пытанне стаўлю, але не хачу верыць ў тое, што такі чалавек, як Вы, ня здолее знайсьці ў сабе мужнасці каб адказаць. 2. Хто з тых, хто не меў дзяцей, быў лепшым кіраўніком сваёй краіны і што гэта была за краіна? 3. Ці даруеце Вы мне, простаму чалавеку, што я нічога не зрабіў, каб Вы маглі проста вярнуцца на Радзіму? 4. Ці можаце Вы даць спасылку на фотадакументы, на якіх можна бачыць бел-чырвона-белы сцяг у гады нямецкай акупацыі? 5. Як выглядаў сцяг Альгерда? Таго што перамог на Сініх Водах?
Я адчуваю сябе добра і радуюся за сваю дачку, да якой адношуся як да сваёй роднай. У цяжкіх умовах эміграцыі мая дачка – мой сябра. Яна скончыла ўнівэрсытэт, выйшла замуж у чужой краіне за беларуса, любіць нашу Бацькаўшчыну, мову і культуру, прапагандуе яе тут у Польшчы, заклала зь сябрамі беларускую культурніцкую арганізацыю, рыхтуе беларускія імпрэзы ў Варшаве, вядзе беларускую старонку ў Інтэрнэце, верыць у Бога. Мы размаўляем зь ёй пра нашыя праблемы.

Ці шмат хто зь беларускіх палітыкаў і культурніцкіх дзеячоў можа пахваліцца нават такой роднай дачкой? Канечне, шкода, што я ня мог панасіць яе маленькай на руках, шкода. Калі б жылі ў Беларусі, то былі б і свае дзеці. Тут гэта было немагчыма. Радуйся, спадару "Абывацель", што абмінуў Вас лёс палітычнай эміграцыі, і Вы можаце задаваць мне такія цікавыя для Вас пытаньні.

[ 24/01/2006 16:00 ]
Spadar Alaksandar! Dzien dobry! Jak Vy uvazajecie ci varta nadac status dziarzaunaj jaszcze j polskaj movie. Ja daprykladu chaczu vystupic da Vas z takoju prapanovaj. Ale heta u vypadku, kali razam z bielaruskaj budzie miec status dziarzaunaj i rasiejskaja. Dziakuj!
Я не Аляксандар. Пытаньне, відаць, не да мяне.<
[ 24/01/2006 16:03 ]
Pavazhany Zianon Stanislavavich, ci mahchymyja vashyja peramovy sa spadarom Milinkevicham? Shto vam padabajecca i shto ne w jahonaje asobie? Z pavahaju, Zhyvie Belarus! Aliaksandar.
Добра, што спадар Мілінкевіч гаворыць на беларускай мове. Хаця і не заўсёды. Пра адмоўныя бакі казаць ня буду, бо папросту не знаёмы зь ім асабіста. Палітычнае ж маё стаўленьне да так званага "адзінага кандыдата" выкладзенае раней і вядомае.
[ 24/01/2006 16:07 ]
Ці маеце Вы стасункі з Сяржуком Сокалавым-Воюшам?
Часам бачымся ў Нью-Ёрку на імпрэзах БАЗА. Пастаяннага знаёмства не падтрымліваем.
[ 24/01/2006 16:08 ]
Дзень добры, Зянон Станіслававіч! Вельмі рады, што вы вылучаецеся ў кандыдаты ў Прэзыдэнты! Але, шчыра кажучы, вельмі мала шанцаў, што Вы зможаце заняць гэтую пасаду, таму што занадта шмат бруду вылілі на Вас нашыя сродкі масавай інфармацыі. Маё пытаньне наступнае: калі вы не здолееце, ці зможаце вы пераканаць Вашых выбаршчыкаў аддаць свае галасы камусьці іншаму з кандыдатаў? І калі (дай Божа!) хто з дэмакратаў пераможа, ці пойдзеце вы ў склад новага ўраду. і ў якасьці каго? Дзякуй і посьпехаў Вам! Спартак Севярын
Дзякуй і Вам за добрыя пажаданьні. Беларусь – краіна з 10 мільённым насельніцтвам, з добрым і кемлівым народам. Таму колькасьць патэнцыйных таленавітых кандыдатаў на пасады ва ўрадзе можа вымярацца сотнямі і тысячамі.
[ 24/01/2006 16:40 ]
 Спадар Пазьняк! Вы кумiр дзяцiнства майго сябра. Ен Вас чакае з самымi  узнеслымi  намерами! Я ж яму распавядаю, што Вы - фантом, летуценне i наогул казка спецслужбау. Калi мы Вас убачым? Я тады прайграю бутэльку шампанскага.
Казкі лепей распавядайце дзецям.
[ 24/01/2006 16:41 ]
Как Вы относитесь к ненависти, сплетням и провокациям, которые распространяют в интернете о Милинкевиче Ваши соратники и поклонники? Понимаете ли Вы, что такая политика выгодна для Лукашенко?
Я ня бачыў, каб мае прыхільнікі распаўсюджвалі пра спадара Мілінкевіча плёткі, правакацыі ці нянавісьць.
[ 24/01/2006 17:15 ]
Паважаны Зянон Станіслававіч! Крэпкага Вам здароўя ў нашай справе на карысьць незалежнасьці!

Якія будуць крокі каб дэлегітымізаваць уладу ў вачах беларусаў і Сьвету? Захад, фактычна, прызнаў вынікі рэфэрэндумаў 1996 і 2004 гг. Трэба зрабіць так, каб з нашай уладай не лічыліся, наогул.

Як дамагчыся таго, каб нашых студэнтаў, выключаных з ВНУ за палітыку, прымалі ў заходнія ўніверсытэты? Студэнтства, тады, пойдзе на вуліцы і будзе актыўна ўдзейнічаць у палітычным жыцьці краіны.

Як зрабіць так, каб, напрыклад, на той жа алімпіядзе паказвалі наш сьцяг, а не гэты зялёны? Прызнанье гістарычнай сымболікі Захадам можа істотна паўплываць на той электарат, які прыймае эўрапейскія каштоўнасьці, але які знаходзіцца ў палітычнай апатыі.

Посьпехаў Вам і перамогі! Ян
Думаю, што абапірацца трэба на самых сябе, а не на чужых.
[ 24/01/2006 17:27 ]
Спадар Пазьняк, у якіх рэгіёнах краіны сябры Вашай ініцыятыўнай групы сабралі найбольшую колькасьць подпісаў? Андрэй
Менск, Меншчына, Берасьцейшчына, Віцебшчына.
[ 24/01/2006 18:03 ]
Сп. Пазьняк, ці не шкадуеце вы, што ў вас дагэтуль няма нашчадка?
Адказ гл. вышэй.
[ 24/01/2006 18:04 ]
Ваш першы ўказ?
Усе на Народнае галасаваньне!
[ 24/01/2006 18:04 ]
На якіх умовах мы сядзеце за стол перамоваў з Мілінкевічам*
На ўмовах Народнага галасаваньня.
[ 24/01/2006 18:06 ]
Шаноўны Зянон Станіслававіч! Маю да Вас некалькі гісторыка-палітычных пытанняў, звязаных з Вашымі развагамі пра важнасць укаранення ў гістарычнай памяці нашых грамадзян свядомасці спадкаемцаў ВКЛ і буду вельмі ўдзячны за Вашыя адказы.

1. Які з тэзісаў падаецца Вам больш блізкім і сэнсоўным: "ВКЛ - Беларуская дзяржава" ці "ВКЛ - супольная спадчына сучасных беларусаў, летувісаў і украінцаў" і чаму?

2. Ці магчыма ў бліжэйшы час адраджэнне ВКЛ як геапалітычнай рэальнасці? Калі так, то гэта павінна быць дзяржава а) беларуская б) беларуска-летувіская в) беларуска-летувіска-украінская? І якая форма праўлення мусіць быць у такой дзяржаве (манархія, рэспубліка)?

43. Пытаньне стаяла ( і стаіць) аб неабходнасьці адлюстраваньня гісторыі дзяржаўнасьці Беларусі ў прэамбуле Канстытуцыі і ў назьве краіны. Першую частку пытаньня можна было вырашыць учора. Другую – будзем вырашаць заўтра.
[ 24/01/2006 18:07 ]
Што будзе 20 сакавіка?
Панядзелак.
[ 24/01/2006 18:07 ]
Шаноўны сп-р Пазьняк, Маю да Вас вялікую павагу і спадзяюся, што беларускі народ яшчэ ацэніць належным чынам Ваш унёсак у справу беларускай незалежнасьці. Аднак не магу зразумець і прыняць Вашага катэгарычнага (выбачайце, але часам паранаідальнага) залічэньня ўсіх тых, хто ня з Вамі, у агэнты КГБ і Масквы. Такія ёсьць, згодзен! Але залічэньне ў "гэбісцка-маскоўскі праэкт" усёй апазыцыі, якая па-за КЧП БНФ і ейнымі сымпатыкамі, - гэта проста зьнявага ў дачыненьні да дзясяткаў і соцень тысяч сумленных беларусаў, якія проста не ўва ўсім падзяляюць Вашую праграму, стратэгію і тактыку дзеяньняў. Ці лічыце Вы, што такія рэзкія зняважлівыя ацэнкі пасуюць беларусу, дэмакрату і хрысьціяніну? Ігар
Адказ пра сыстэмы ўлады гл. вышэй. Наконт тэрміну “паранаідальны” будзьце асьцярожным, псыхолягі ведаюць, хто яго часта паўтарае. Не давярайцеся таксама аргумэнтам “дзесяткі і сотні тысячаў”. У кампартыі БССР было 600 тысячаў членаў з партбілетамі, толькі невялікая частка зь іх была закончанымі нягоднікамі (у асноўным наверсе)., а ліквідавалі ўсю партыю.
[ 24/01/2006 18:29 ]
Што рабіць, калі у дзень выбараў (альбо на наступны дзень) людзей, якія сабраліся на плошчы, пачнуць разганяць мянты і амап і асабліва калі пачнуць страляць (што, як кажа шмат хто, вельмі верагодна!!!)? Што рабіць, калі рэжым увогуле заблякуе некалькімі шэрагамі амапу, тэхнікі і ўнутраных войскаў Цэнтральную плошчу і банальна ня дасьць людзям там нават сабрацца? І яшчэ амаль што ўсе кажуць, што Лукашэнка ні перад чым ня спыніцца, каб застацца пры ўладзе, і запраста аддасьць загад страляць у мітынгоўцаў у выпадку пагрозы ягонай уладзе і жыцьцю. Як вы лічыце, паважаны спадар Зянон Пазьняк, на колькі далёка гатовы зайсьці "шклоўскі гаспадар" у абароне сваёй улады і жыцьця?
Нас страшаць, а мы не баімся. Страляць у мірных людзей ніхто ня будзе. Першы ж стрэл і першы ж забіты беларус будзе абазначаць канец Лукашэнку. Яго здадуць нават прыхільнікі, і ён гэта павінен ведаць.
[ 24/01/2006 18:35 ]
Паважаны Зянон Станіслававіч. Вы неаднаразова казалі (і зараз гэта ўжо амаль што ўсім ясна), што Масква ўжо даўно зрабіла стаўку на Лукашэнку. Як вы думаеце, пры якіх умовах масква можа "адрачыся" ад "свайго сучынага сына"? І ці будзе яна яго абараняць ЛЮБЫМІ мэтадамі(напрыклад дашле яму на дапамогу галаварэзаў альбо войскі) пры пагрозе прыходу да ўлады нацыянальных сіл?
47. Лубянка падрыхтавала заплечча Лукашэнку – гэта А. Казулін (гэбэ інакш ня дзейнічае). Калі б, скажам, нейкім фантастычным чынам Лукашэнка пасьлізнуўся б, то Лубянка паставіла б на Казуліна, нават машыну фальсыфікацыі ўручную пракруцілі б. Аднак трэба мець на ўвазе яшчэ адзін стэрэатып лубянцаў, выпрацаваны імі ў 1994 годзе па схеме Лукашэнка – Кебіч (ставілі на Кебіча, а прывялі Лукашэнку). Небарака Вячаслаў Францавіч быў, відаць, “премного удивлён, как сие случилось». Так што ня выключаныя нават такія паўоркі. За "заплеччам" стаяць, магчыма, “младалубянкаўцы”. Але гэта не істотна. Мае значэньне толькі тое, што з усіх дрэнных варыянтаў “Казулін” для Беларусі самы горшы. Гэта значыць ідэнтычны з Лукашэнкам. Калі б да ўлады прыйшлі беларускія нацыянальныя сілы, то ніякае ўмяшаньне Масквы ўжо нічога б не дало. І яны зразумелі б гэта. Спыніліся б. Умяшчацца будуць толькі пры наяўнасьці Казуліных, Фраловых ды Мілінкевічаў.
[ 24/01/2006 19:07 ]
Спадар Зянон, прапаганда стварыла адмоўны імідж і Ваш, і Народнага Фронту. І ён жывучы ў масах, гэты імідж. Як, на Вашую думку, можна было б яго разбурыць, каб паспаліты люд зьмыніў свае меркаваньні ў дачыненьні да Вас і Фронту? З павагай Алесь З.
Імідж зьмяніўся б тады, калі б я быў прэзыдэнтам. У звычайных умовах пэрманэнтнага канфлікту з Расеяй ён ня зьменіцца. Галоўная прычына, аднак, ня ў рускай прапагандзе, а ў дэфармацыі нацыянальнай мэнтальнасьці беларусаў. Хутка падняць нацыю з духоўнай прорвы зможа толькі родная нацыянальная дзяржава і беларуская нацыянальная ўлада, якая возьме на сябе асьветніцкую функцыю. Тады “крывавага зьвера” і “фашыста” Пазьняка будуць яшчэ цытаваць на кафэдрах і ў школах. Пакуль ня будзем мець такой дзяржавы і ўлады, затопчуць нават магілу.
[ 24/01/2006 19:13 ]
Dobry dzen! Zhadaju vam rehistracyji u jakasci kandydata i biaspechnaha viartannia u Belarus! Pytanne nastupnaje. A kali vas ne zarehistrujuc', tak i zastanecesia za miazhoju? Jak nakont viartannia u lubym vypadku, navat na sustrach aryshtu? Heta bylo b hodnaje samaakhviaravanne Belaruskaha Patryjota, dlia jakoha Belarus peradusim! Dziakuj, Yauhen
Дзякуй Яўген за прыхільнасьць. Але ты нечага не дадумаў. Як гэта? Дзейнаму афіцэру кідаць войска і ісьці здавацца? А хто будзе ваяваць?
[ 24/01/2006 19:18 ]
Паважаны спадар Пазьняк! Вось ужо амаль 10 гадоў як вы адсутнічаеце ў Беларусі. Якім чынам Вы можаце меркаваць пра існуючыя настроі ў грамадзтве? Бо за гэтыя 10 год яны моцна змяніліся. Ці ведаеце Вы, што сённяшняя беларуская моладзь на 85-90 адсоткаў абсалютна абыякавая да палітычнай сітуацыі ў краіне, да мовы і культуры, і наша будучыня літаральна губляецца? Якое Вы прапануеце выйсце з гэтай сітуацыі?
Ведаю, спадару, усё ведаю, тут сотні маладых прайшлі перад маімі вачыма (асабліва ў Амэрыцы). Але многія затрымаліся, ладзяць разам са мной беларускі інтэрнэт, адклікаюцца на нацыянальныя справы. Ня ўсё страчана, а тое, што траціцца мае здольнасьць адраджацца ў іншых умовах. Пад антыбеларускім рэжымам галоўнае – нацыянальная асьвета моладзі і ўдзел беларусаў у адміністрацыі.
[ 24/01/2006 19:20 ]
Вітаю Вас,сп.Зянон.Мае пытаньні: 1)шанцы на тое,што лу ў выніку выбараў сыйдзе,мізэрныя(хочацца спадзявацца,пакуль мізэрныя).Ці застанецеся Вы пасьля выбараў на Радзіме(калі крымінальная справа супраць Вас будзе спыненая) або зноў у штаты і факсамі нас закідваць будзеце да наступных выбараў? 2)Ці разглядаеце вы магчымасьць аб'яднаньня з вячоркаўскім Фронтам і калі не, чаму?Можа насьпеў час адкінуць залішнія амбіцыі каб мы зноў бачылі магутны,эфэктыўны,адзіны Фронт?Ці можа вашыя шляхі разайшліся назаўседы і у Беларусі патрыёты толькі КХП БНФ, а астатнія маскалі,шпіёны і грантасмокі? жадаю посьпехаў і жыве Беларусь!
1) Адказ гл. вышэй.

2) У нармальных умовах – не. Тут зьявы рознай прыроды, якія разам не трымаюцца. У экстрымальных умовах ёсьць верагоднасьць, але малая, бо і цяпер экстрымальныя умовы (пагроза нацыі і незалежнасьці). Акрамя таго, як дзейная арганізацыя, гэтая частка былога Фронту ужо практычна не існуе (хіба мадзее). Выбарчая кампанія гэта пацьвярджае.
[ 24/01/2006 19:22 ]
Спадар Зянон! Вам, наколькі я ведаю, неабыякавы лёс гістарычнага цэнтра Мінска. Ці бачыце Вы магчымым аднаўленне Старога горада, улічваючы сённяшнія рэаліі (праз гістарычны цэнтр праходзяць асноўныя транспартныя артэрыі, ёсць шэраг жылых гмахаў, будуецца паркінг і г. д.)? Якім чынам?
Магчыма ў будучыні пры беларускай уладзе.
[ 24/01/2006 20:04 ]
Спадар Пазьняк! Скажыце калі ласка, ці зьмянілася ваша пазыцыя ў адносінах да Нямеччыны са зьменай там улады з "прамаскоўскага" Шродэра на Ангелу Мэркэль? Дзякую, Андрэй, Менск
Да Нямеччыны – не. Бо і Нямеччына не зьмянілася.
[ 24/01/2006 20:08 ]
вiтаю Вас!зараз у краiне па суцi iдзе грамадзянская вайна за незалежнасць, цi збiраецеся Вы вярнуцца на Радзiму у любым выпадку, незалежна ад рашэння цвк? цi гатовы Вы весцi перамовы з Мiлiнкевiчам дзеля перамогi над лукашэнкам, бо толькi супольна гэта перамога магчыма? ЖЫВЕ БЕЛАРУСЬ!
Адказ гл. вышэй.
[ 24/01/2006 20:13 ]
Высокашаноўны Зянон Станіслававіч! Найперш зычу Вам посьпехаў у Вашай палітычнай дзейнасьці на карысьць Беларусі! Зянон Станіслававіч, як Вы ставіцеся да тых, хто некалі быў у шэрагах Вашых прыхільнікаў (паплечнікаў), а зараз да Вас скажам так ... адмоўна ставіцца? Калі зь імі размаўляеш, яны па-сутнасьці нічога адказаць не ў стане, толькі эмоцыі, эмоцыі і прыдумкі. Прабачце за гэтае пытаньне. Юрый Уладзіміравіч.
Ад эмоцыяў у палітыцы найчасьцей бывае толькі шкода. Эмацыйным і нястрыманым лепш займацца іншай справай.
[ 24/01/2006 20:34 ]
Шаноўны Зянон Станіслававіч - на сайце КХП я пабачыў інфармацыю аб магчымасьці ананімнай фінансавай падтрымкі вашае партыі. А ці ведаеце, што ў цывілізаваным сьвеце ананімнае фінансаваньне палітычных арганізацыяў зьяўлеецца супрацьзаконным, і што палітыкі павінныя умець высьвятліць паходжаньне кожнага даляру (эўра) які атрымаюць на свой рахунак? Андрэй (Эўропа) .
Ананімнасьці там няма. Вы дрэнна разабраліся. Усё зроблена па амэрыканскіх стандартах. Мы ведаем хто прысылае і нават хто толькі заходзіць у сыстэму, каб пацікавіцца.
[ 24/01/2006 20:36 ]
Алег:У гэты палiтычна-змрочны ды марозны час мне даводзiца часцей карыстацца мэтрапалiнам Менску. I там я адаграваюся духоуна гледзячы на сяброу КХП БНФ, што актыуна агiтуюць за "Народнае галасаванне". Але узнiкае пытаньне - чаму гэткае "нахабства" мала цiкавiць мiлiцыянтау? Цi не працуе гэтая iдэя на карысць дыктатуры?
Вы вельмі неабазнаныя ў інфармацыі, сачыце хаця б за старонкай “Свабоды” ці нашай (www.pbpf.org). За апошні тыдзень усе нашыя групы зборшчыкаў у Менску і іншых гарадах арыштоўвала міліцыя, а ў Жодзіне нават узброеныя аўтаматамі нарады. Працаваць нам не даюць. За апошнія 5 дзён кіраўніка майго выбарчага штабу і Ініцыятыўнай групы Сяргея Папкова арыштоўвалі 5 разоў, складаюць бязглуздыя пратаколы аб парушэньні “канстытуцыйнага права” і перадаюць у ЦВК. Ніякага іншага кіраўніка штабу, дарэчы, не затрымлівалі.
[ 24/01/2006 20:48 ]
Шаноўны Зянон Станіслававіч! "Прагматікі" казалі, што Пазьняка "нікто не помніт", "а кто он такой", "нужен свежій человек" і г.д. і г.д. Збор подпісаў, уціск улады і дыскусіі ў грамадстве, Сеціве засьведчылі, што ніхто з прэтэндэнтаў па-папулярнасьці з Пазьняком няможа параўнацца. Нават "асобу захапіўшую уладу" абмяркоўваюць меньш чым Вас. Як Вы лічыце, калі "прагматыкі" будуць гуляць па правілах рэжыму і выступаць супраць "народнага галасаваньня" (і толькі калі прайграюць будуць рабіць нестандартныя крокі) да чаго гэта можа прывесьці? Відавочна, грамадства прачынаецца, людзям абрыдла "сацыяліяльна-арыентаваная дзяржава" з хамскім тварам. Як быць, калі 20 сакавіка для большасьці людзей, нічога не зьменіцца (а гэта так, на першы погляд), як ім неўпасьці ў роспач? Якімі павінны быць дзеяньні апазіцыі? Дзякуй Вам. Здароўя і шчасьця Вам і Вашай сям'і. Бенедзікт.
Я ўжо казаў: грамадзтву патрэбныя перамогі, каб пачаўся ўздым. Калі заганнае кола не парвецца, і мы не падштурхнем – чакайма зноў “элегантнай” фальсіфікацыі.
[ 24/01/2006 20:57 ]
Вітаю вас, Зянон Станіслававіч. На мой погляд, ідэя народнага галасаваньня вельмі слушная, але адкажыце шчыра, ці ведаеце вы, як дамагчыся таго, каб ня меней(!) за 50 адсоткаў беларусаў пранікліся гэтай ідэяй за наступныя 2 месяцы і кінулі паперку ў скрыню? Потым, для збору бюлетэняў патрэбна каманда ня меней за 20000 чалавек. Вы ж такой каманды ня маеце. Плюс будуць самыя жорсткыя перашкоды з боку ўлады. Без падтрымкі гэтая ідэя стане нічым. Дзякуй. Аляксей.
Калі грамадзтва на ўздыме, гэтыя праблемы лёгка вырашаюцца, толькі вецер сьвішча. Гэтак стварыўся Народны Фронт. Калі не атрымаецца штуршка – прыйдзецца абмежавацца, магчыма, Менскам і вялікімі гарадамі.
[ 24/01/2006 21:06 ]
Shanowny sp.Zianonie!Zj vialikaju wdzichnasjciu sxiliaju pierad Vami halavu,bo Vy asabista badaj jak nixto inshy sprychynilisia da bielaruskaj niezaliezhnasjci,Vam dahetulj kamuniaki j postkamuniaki nia mohucj daravacj vyk-ryccia jixnix zhudasnyx zlachynstvaw-Kurapataw,Charnobyliu.Maju da Vas try py-tanni.1)Ci stali-b Vy jak Prezydent patrabavacj ad Rasieji kampensacyji za shtu-chna raztrushany radyjacyjny popiel nad Usxodniaj Mahiliowshchynaj? 2)a taksama patrabavacj ad jaje jak pierajemnicy SSSR nashu doliu zolata-valiutnyx zapasaw, nashu doliu ad byloj savieckaj majomasjci za miazhoj,viartannia Maskvoj nashyx vyviezienyx tudy mastackix i histarychnyx kashtownasjciaw? 3)Nazhalj nash zaturkany pramaskowskaj prapagandaj narod u svajoj boljshasjci nie addasjcj Vam pieravahu.Heta nasha supoljnaja biada,a nie vina.Ci zdymiecie Vy w patrebny mo- mant svaju kandydaturu na karysjcj boljsh praxodnaha w nashyx umovax spadara Milinkievicha?Ci dapamahacjmiacie jamu? Tubyliec.
За прыхільнасьць дзякуй.
1) Кампэнсацыі Беларусі ад СССР вызначаныя яшчэ пры Гарбачове, але ня сплочаныя. Гэта каля 30 млрд. даляраў. На самай справе трэба у 10 разоў болей. Але 30 млрд. рэальнасьць. Расея пераемніца СССР.
2) З маёмасьцю за мяжой нічога ня будзе. Тады беларусы па нявопытнасьці зрабілі памылку: адмовіліся ад сваёй долі маёмасьці за мяжой за кошт долі доўгу СССР перад іншымі краінамі. “Доўг СССР” – гэта амаль абстракцыя. Маёмасьць – рэальнасьць. Пытаньне з золатам: трэба разьбірацца. Што датычыць культурных здабыткаў, то Беларусь проста абрабавалі. Найбольш Расея. Вяртаньне нашага павінна зрабіцца для белрускай улады найважнейшым пытаньнем.
[ 24/01/2006 21:12 ]
Паважаны спадар Пазьняк, 1) Якое Вашае меркаваньне пра дзейнасьць беларускай палітычнай іміграцыі апошняй хвалі ў Эўропе? 2) Ці маеце Вы пляны аб’яднаньня беларусаў Эўропы незалежна ад палітычнай арыетацыі супроць існуючага рэжыму Лукашэнкі? Яўген Мурашка Зьвяз беларусаў Нямеччыны
Яна розная. Салідарнасьць можа быць на нацыянальнай ідэі і нацыянальных каштоўнасьцях.
[ 24/01/2006 21:18 ]
Паводле вашага праграмовага артыкулу "Развагі пра беларускія справы" - "усе партыі ў Беларусі (акрамя адной) былі створаныя пры садзеяньні і ўплыве агентуры спэцслужбаў КГБ". Спадзяюся, што вы можаце азнаёміць нас с нейкімі доказамі гэтага сьцвяржэньня, альбо гэта толькі пустыя словы? (Рамашэўскі)
Гэта вядома і напісана ня толькі мной. Канкрэтыка адчыніцца пасьля люстрацыі.
[ 24/01/2006 21:21 ]
Добры дзень. Ці можаце вы што-небудзь паведаць пра цяперашняе жыцьцё знакамітага беларускага паэта, песьняра, Сяржука Сокалава-Воюша. Ці любіць ён яшчэ Беларусь так, як любіў яе ў сваіх песьнях? Дзякуй Уладзіслаў зь Менску.
Адказ гл. вышэй.
[ 24/01/2006 21:27 ]
Ці рэальна Вы верыце ў посьпех ідэі народнага галасавання?
Бязь веры ня робіцца ніводнае лягічнае дзеяньне.
[ 24/01/2006 23:30 ]
Дзень добры сп.Зянон! Няўжо Вы думаеце, што рэгістрацыя Вас як кандыдата ў прэзідэнты забяспечыць Вам імунітэт недатыкальнасці,няўжо Вы можаце павераць акупацыйным уладам? Хай сцерагуць Вас анёлы! Жыве Беларусь! Зміцер.
На пэрыяд выбараў – так. За мной таксама сіла.
[ 25/01/2006 01:11 ]
Дзень добры Зянон! Ці збіраецесь вы вянуцца на Беларусь? Лічу што гэта будзе вялікім сюрпрызам для Лукашенкі. Самае лепшае калі вы верніцеся за некалькі дзен да выбараў. Ведаце, Мінск Вас будзе сустракаць як Пераможцу! Я думаю дзесяткі тысяч людзей прыдуць как паслухаць Вашу прамову з крышы якого-небудзь тралейбуса. Гэта Вы ўзнаялі Беларусь на сусветны ўзровень! Вы стаялі у вытокаў націянальнага вызвалення, Вам трэба быць на Беларусі! 19 марта ўсе пачнецца, а завершыцца ўсе 25 марта які стане сапраўдным днем Волі! Жыве Беларусь!
Цаню Ваш энтузіязм і прыхільнасьць. Але ёсьць праблема мяжы. Загадана схапіць і пры непадпарадкаваньні страляць на паражэньне.
[ 25/01/2006 01:13 ]
У якой форме будзе праходзіць народнае галасаванне? Кто узначаліць Часовы урад?
У звыклай. Хто ўзначаліць – Лукашэнка не павінен знаць. Выбачайце.
[ 25/01/2006 01:19 ]
Спадар Зянон! Вы не змаглі знайсці агульную мову ні з Мілінкевічам, ні з Казуліным, ні з Фраловым, только Вайтовіч падтрымаў Вашу прапанову наконт "народнага галасавання"? Чаму так адбываецца?
Думаю таму, што гэтыя людзі не самастойныя ў рашэньнях. У іх прапісаныя іншыя пляны.
[ 25/01/2006 01:31 ]
Pavageani Senon Stanislavovitc !Potshemu vi na etom etape rasvitiia Belarusi ne padtrimaete Milinkevitsha?Sa vremia ruskoi akupatsii i pravlenia diktatora minoguih belarusov prevratili v bidlo ,kotoroe ne uvageaet sebia ,svoi narod ,svoiu natsiiu.Oni vas setshas prosto ne ponimaiut.Im hvataet vodki i sala na sakusku.A vi tshelovek reskii,beskompromisnii.Na dannom perehodnom periode bidla v ludei i nugen Milinkevich.Sleduiushtshii-vi.Vi -nash president sa Milinkevitshem .Give BELARUS !!!.Oleg
Роля, якую выконвае Мілінкевіч, не можа забясьпечыць яму перамогу на выбарах. І нікому акрамя Лукашэнкі.
[ 25/01/2006 03:23 ]
Многие граждане, считающие нынешний путь "развития" Беларуси безальтернативным для нормального человека, задают себе вопрос: ЧТО ЖЕ ДЕЛАТЬ, если президентом останется А.Г.Л.(видимо, FOREVER)??? Как бы Вы ответили на этот вопрос?
Нават калі ён і застанецца, то ўжо не надоўга. Ня толькі ў ім корань зла.
[ 25/01/2006 05:27 ]
Ці верыце Вы ў Бога?
Так.
[ 25/01/2006 06:35 ]
Прывiтанне,спадар Пазьняк! Заусёды быу i застаюся Вашым прыхiльнiкам. Вы адзiны,на маю думку,хто мог быць нашым прэзiдэнтам. Маё пытфнне: цi не было б найлешым байкатаваць сакавiцкiя выбары,бо улада будзе лiчыць галасы па-свойму,як яна рабiла гэтае раней? Я ужо не кажу пра умовы выбарау... Цi атрымае на Вашу думку дэмакратычная Беларусь у рэшты рэшт моцную падтрымку ад Эуразьвязу,цi яны чакаючь калi беларусы зробяць "першы крок"? З вялiкай павагай Сяржук.
Цяпер байкоту рабіць нельга. Гэта аблегчыць працу супэрмашыне фальсыфікацыі. Байкот не пакідае ніякага дакумэнтальнага сьведчаньня няўдзелу у выбарах. Супэрмашыне гэта толькі і трэба. Байкот дэзарганізуе Народнае галасаваньне.
[ 25/01/2006 07:27 ]
Якім чынам плануецца збор білютэняў пасля народнага галасавання?
Зьбіраць будзе НГК. Тэхналёгія павінна быць аб’яўлена пазьней, пасьля завяршэньня структураў. НГК мусіць працаваць толькі легальна і законна на правах грамадзкай арганізацыі.
[ 25/01/2006 07:51 ]
Pryvitanne,Pvazany spadar Zianon!!hochacca zadac vam nastupny sherag pytanniu: 1)ci zgodnyja vy supracounichac z Milinkevicham i na jkih padstavah?nejak u svaim intervju vy rezka skrytykavali Milinkevicha za jahonuju paezdku u maskoviju.A ci nie padaecca vam toe,shto heta usio z taki byu pravilny krok,kab nie spalohac tyh vybarshchykau,jakija nie usprymajuc pakul(na zal)vashae nacyjanalistychanaj palityki. 2)kali vas mozna chakac na belarus.hachu zaznachyc,shto i sapraudy,paslia vashaha adezdu vulichyja akcyi peratvarylisia aparostu u hulniu..Vos Byla"harachaja viasna"1996 hodu..vos byli pazdei.. Vialiki dziakuj.. Puhatek
1) Адказ гл. Вышэй. Візыт у Маскву можна і так патлумачыць, але працяг ягоных паводзінаў дае іншае тлумачэньне.
[ 25/01/2006 08:18 ]
Zdarsvuite Zenon Paz'njak. Ia student iz New Yorka .Prixodilo slishat pro vas i pro vashu deiatelnost. Odno vremja xodili sluxi po povody sbora deneg na cerkov i ix neracianalnom ispolzovanii. Govorjat dage 4to banketi ystraivalis za eti sredstva. Pogaluista prokommentiruite etu situacii ?Ogromnoe spasibo.
Не жывіце плёткамі. Хадзіце ў царкву. Гаварыце па-беларуску.
[ 25/01/2006 10:09 ]
Паважаны Спадар Зянон, сардэчна вас вітае Ясафат Кунцэвіч з Кальварыі Зэбжыдоўскай, 30 км ад Кракава. Мне лягчэй вас зразумець чым іншым Беларусам, што пражываюць ў Беларусі. Я жыву ўжо 7-мы год за мяжою, хоць паехаў я не з палітычных прычынаў, але каб вучыцца і ў будучыні працаваць на адраджэньне Беларусі. Калі я жыў яшчэ на Беларусі, не было ў мяне такога патрыятызму, які маю зараз, не размаўляў на Роднай Мове (толькі што на ёй маліўся), але размаўляю ёй зараз, калі кароткі час знаходжуся на Радзіме, нават размаўляю ёй зь людзьмі ў пагонах, нп. калі раблю сабе пашпарт (хоць яны незадаволенна глядзяць).
.
[ 25/01/2006 10:11 ]
Увесь час калі знаходжуся за мяжою, я чую голас Радзімы. У Польшчы мне не дрэнна, маю добрыя ўмовы для жыцьця, але не хапае мне цяплыні маёй Бацькаўшчыны. А калі я прыязджаю на Беларусь, я бачу бедных і няшчасных людзей, якія вераць гэбістам, каторыя вярзуць па медыях, на рабоце яны слухаюць сваіх начальнікаў якія кажуць, што ў Беларусі жывецца добра й гэта дзякуючы прэзыдэнту, а прыйдзе Пазьняк будзеце жабраваць. І як пераканаць гэтых людзей, што працуючы нішчаць апошняе здароўе, а вераць гэтай хлусьні. Нават мае бацькі гэтаму вераць, бо яшчэ не адчулі на сваёй скуры, што такое жыць сярод чужых.
.
[ 25/01/2006 10:12 ]
Дзе мой Родны Край? Там дзе размаўляюць на Беларускай мове, дзе старадаўняя Крывіцкая ПАГОНЯ, дзе сьцяг - КРОЎ ХРЫСТА на плашчаніцы, дзе людзі жывуць свабодна й шчасьліва. Ўсё зьнішчыў расейскі гэбізм і далей рые яму.
.
[ 25/01/2006 10:14 ]
Я ў цяперашні момант толькі Вас бачу прэзыдэнтам, які можа вызваліць нашую Радзіму ад расейскай няволі і не прадаючыся пры гэтым не Амерыцы, не Еўразьвязу, а толькі прыводзіць краіну ў сьветлыю прышласьць разьлічваючы на асабістыя сілы. Я ведаю, што прастыя людзі не будуць жыць у нястачы, а нават будуць зарабляць столькі, колькі ім належыць, толькі што павіныя будуць выконваць сваю справу якасна, а не абыяк.
.
[ 25/01/2006 10:15 ]
Начальнікаў будзе меней, але павіныя будуць выконваць сваю работу так, як трэба, а тыя каторых скароцяць або пойдуць працаваць са звычайнымі працаўнікамі, або на прыватныя прадпрыемствы, дзе ад іх будуць вымагаць. Таму й началінікі баяцца за сваю скуру, бо хочаць як меней працаваць, а болей зарабляць. І як усьведаміць прастым людзям, хто іх любіць і жадае для іх дабрыні.
.
[ 25/01/2006 10:16 ]
Паважаны яшчэ раз Зянон Станіслававіч, сардэчна запрашаю Вас у Кальварыю Зэбжыдоўскую, можа Вы там ўжо былі. А калі першы раз чуеце пра гэты Санктуарый, то там ёсьць Крыжовы шлях, падобны да таго, што ў Сьвятой Зямлі. Таксама Ян Павал ІІ вельмі часта яго наведваў, яшчэ ў дзяцінстве, калі быў сьвятаром, кардыналам і два разы прыязджаў калі быў Сьвятым Айцом. Нават цяперашні прэзыдэнт Польшчы Лех Качынскі быў у Кальварыі перад выбарамі і як бачыце перамог. Калі палічыце гэта за патрэбнае, тады можаце паінфармаваць на мой email: zcfafn@wp.pl Буду рады з Вамі пабачыцца. Жыве Беларусь!!!
Вітаю Вас Ясафат! Быў я ў Кальварыі Забжыдоўскай некалькі разоў. Жыве Беларусь! І чую Вашу настальгію.
[ 25/01/2006 10:36 ]
Што рабіць?
Адказаць на пытаньне: “Кто віноват?”
[ 25/01/2006 11:24 ]
Паважаны Зянон Станiслававiч, Мае пытанне тычыцца да iдэi Народнага галасавання. Навогул гэта усе добра, але я лiчу, што сам механiзм галасавання да каца не прадуман. Вось адкажыце мне, калi ласка, дзе я буду шукаць тую Грамадзкую Камiсiю, каб перадаць ей бюлетэнь? Я чамусцi упэунены, што яшчэ да 12 гадзiн 19 сакавiка, уся Грамадзкая Камiсiя будзе ужо сядзець затрыманая у блiжэйшых адзелах мiлiцыi. А бюлетэнi так застануца у кiшэнях свядомых грамадзян. Вы прадугледзiлi такi вырыянт? З паважэннем Сяргей (Менск)
На вайне, як на вайне. Можа і такое здарыцца, толькі хто ад гэтага выйграе? Бюлетэні трэба трымаць пры сабе ўвесь час, нават калі Камісія адразу і не пасьпее сабраць. Пасьпее потым.
[ 25/01/2006 12:17 ]
The Belarusian presedential elections are coming! This spring (March 19) everything will change ... or will not. The last dictatorship in Europe is in its agony. It's time to say "no" to the violaions of the Constitution and to the repressions that everyone who doesn't support the dictator is facing. This year in he US there are NO FLEX students from Belarus because of the decision of the Belarusian goverment to not let them leave the country. This is only a little example of how the people's rights are being violated in Belarus. If you are not indifferent to the situatiton in Belarus, come to the elections as an international observer, protest near the Belarusian embassy in your country, or support freedom and democracy in Belarus in any other way. Show your support to Belarusians, it's very important now, when they have to protect their natural rights and the future of their children! Know that current dictatorical Belarusian goverment does not express the views of the people of Belarus.
Жыве Беларусь! Вы можаце прагаласаваць у беларускай амбасадзе па схеме Народнага галасаваньня.
[ 25/01/2006 12:21 ]
Pa-pierszaje, chaczu vykazac spadaru Zianonu Stanislavaviczu hlybokuju pavahu j davier jak palityku. Viedajcie, szto moladz Vas pamiataje i padtrymlivaje! I sprava tut nie u nastalhiji pa adradzennu 90-x. – Vy kazacie realnyja i razumnyja reczy. Pytannie nastupnaje (9sztuk): 1. Uzo viadoma, szto na czas “vybarau” u Miensku budzie sciahnutaia padvyszanaja kolkasc milicyji i unutranych vojskau – budzie razhon i represii. Jak u takim razie zabiaspieczyc dziejnasc Narodnaj Hramackaj Kamisii? 2. Ci budzie adpaviadac zadumie Narodnaha Halasavannia nastupnaje dziejannie: vybarzczyk nia kidaje u vurnu niakaj paperki a prosta zabiraje rezymny buleten, sychdzic i peradaje jaho NHK? 3. Sytuacyja. Narodnaje halasavannie pracuje, ale infarmavanasc vybarszczykau byla nie vysokaj i sabranych buleteniau miensz za 50%. Sto rabic dalej? 4. Kamu u reszcie buduc prad’jaulenyja sabranyja buleteni? Lu? CVK? Viarchounamu sudu?... 5. Jak nakont miznarodnaha pryznannia pracedury NH? Ci patrebnaja jana? Ci heta sprava vykluczna RB?
1) Адказ гл. Вышэй.
2) Як прынцып гэта не падыходзіць, бо камісія павінна палічыць колькасьць бюлетэняў у скрыні.
3) Нават 20% – гэта будзе моцны ўдар па шклоўцу, 40% – гэта другі тур і ўся “элегантнасьць” перакуліцца дагары нагамі.
4) Самае галоўнае, што пра гэта стане вядома людзям.
5) Цікавае пытаньне. Трэба перамагчы, каб яго паставіць.
[ 25/01/2006 12:22 ]
Astatnija pytanni (calkam nie chaciela poscic): 6. Jak viadoma, de jure hramadzianie RF pryrauniany u pravoch z hramadzianami RB. A Ivanou zajaulaje rpa mahczymasc nauprostavaj abarony svaich miezau i hramadzian. Ci nieatrymaiecca takoha, szto Rasieja uviadzie na terytoryju Bielarusi svaje vojski kab “baranic” svaich hramadzian i suajczynnikau jakija zyvuc na Bielarusi? 7. Ci nia baczycie Vy niebaspieku dapuszczennia u vyniku NH da narodnych vybarau zdradnikau ksztaltu Kazulina? – u ich hroszaj na ahitacyju chopic... 8. Jakim czynam mozna naladzic nieabchodnuju asvietnickuju dziejnasc ludziej u syatuacyji tatalnaha kantrolu i nutranaj akupacyji – parajcie kali laska. 9. Jak utrymac I nia stracic uladu u vyniku pieramohi (ci baracby za jaje)? Na padtrymku zachadu spadziavacca nie vypadaje, a Rasieja raspacznie infarmacyjnuju (I nia tolki) vajnu – radyjo, TV, hazety spres prarasiejskija. Jak strymac uvies brud pra nacfaszystau jaki na nas vyviarnuc? Uviesci maratoryj na viaszczannie, jak zrabila Estonija? Spadziajusia na Vaszaie chutkaje viartannie! Siarzuk z Miensku.
6) “Роўныя” правы грамадзянаў Расеі і Беларусі – гэта скрытая праграма дэмаграфічнай акупацыі Беларусі. Выпрабавана кітайцамі ў Тыбеце.

7) У Казуліна свая праграма.

8) Магчымасьці асьветніцтва цяпер у параўнаньні з часамі СССР на парадак лепшыя. Адзін Інтэрнэт чаго варты. Беларусам трэба ствараць беларускі Інтэрнэт на Беларускай мове.

9). Калі пачнецца народны ўздым, то жыцьцё будзе, як на крыльлях. Ніякі бруд ня страшны, бо не прыстане! Зычу палёту, Сяржук.
[ 25/01/2006 12:28 ]
Уважаемый Зянон Станиславович! Не считаете ли Вы, что раскол белорусской оппозиции (пусть даже на «настоящую» и «ненастоящую») – это политическая смерть для всех кандидатов? Ведь невозможность объединения приведёт к поражению, а значит, не сбудутся ни Ваши, ни Милинкевича планы. Возрождение Беларуси, о котором вы так много говорите, невозможно при сегодняшней власти. Следовательно, если власть не сменится, то последние ростки этого возрождения будут уничтожены. С другой стороны, если победит оппозиционный кандидат (любой), то в стране будет подходящий климат для возрождения и Вашего возвращения, не говоря уже о том, что выиграют простые люди, граждане страны. Сегодня вы противостоите объединению оппозиции – зачем? Ведь на вашу победу (независимо от голосов) никогда не согласится Кремль. То есть: победа Позняка – это возможная «газовая война», или что похуже, с Россией, победа Лукашенко – полнейшая международная изоляция республики и новый 37-ой. Получается, что «нейтральный» к Востоку и Западу кандидат (тот же Милинкевич) – единственный шанс для всех? Спасибо, удачи. Сергей, Торонто.
У палітыцы, спадар Сяргей, больш складаная лёгіка, чым тая, якой Вы карыстаецеся. Рашаючым ёсьць не аб'яднаньне слабых, а сіла. Аб'яднаньне авечак стварае авечую чараду, якую можна гнаць на бойню (альбо ў ясьлі) што ў Маскву, што ў Брусэль. Ваўк з авечкай не аб'ядноўваецца. Але толькі чарада ваўкоў стварае ўдарную сілу. Людзі без нацыянаьнай ідэі і вхвярнасьці за яе і тыя, хто бяруць грошы чужых, не ствараюць нацыянальнай дзяржавы і ня здольныя абараніць нацыю. Вось чаму імітацыя, паразытызм і літаральна ніякіх, нават малых здабыткаў у рэальнай палітыцы. Я ўжо не кажу, хто стварыў гэтую «апазыцыю». Вось чаму няздольнасьць зрабіць самастойны крок улева, крок управа, а ідуць, як кот па жэрдачцы, проста ў горла супэрмашыны Лукашэнкі. І так было заўсёды. Успомніце кастрычніцкі рэфэрэндум 2004 года, калі сапраўды патрэбны быў яшчэ масавы байкот. Што рабіла гэтая чарада? Адрабляла чужыя грошы, адпушчаныя на выбары, і чужую палітычную тупасьць. «Скажам сваё «не» Лукашэнку». Сказалі. Атрымалі трэці тэрмін Лукашэнкі. Цяпер яны дружна ідуць у лукашэнкавую выбарчую машынку, каб іх абстрыглі. Гэта ня ёсьцьлюдзі нацыянальнай палітыкі. Ня будзе (як і е было) ад іх дабра Беларусі, хоць бы і зла для яе яны не жадаюць.

Як толькі адродзім нашу нацыянаьную сілу – яны зьнікнуць. Бо не зьяўляюца яны ніякай альтэрнатывай, ні апазыцыяй антыбеларускаму рэжыму, а толькі яго антуражам.

За фігуральны зьмест выбачайце, гэта эканомія часу.
[ 25/01/2006 12:49 ]
Vitaju, szanouny Zianon Stanislavavicz! Vidavoczna szto inteharacyjnaja maczyna, jakuju uzo szmat chto z "sumlennych" palitykau i zurnalistau pachavali jak "palityczny mif" rynulas napierad i nabiraje abaroty. Zakluczajucca pahadnienni, sztomiesiac ladziacca vajazy u Maskvu, intehracyjnaja rytoryka nabyvaje smak nieczaha vyraszanaha, dzviery u pierszaprystolnuju nie zaczyniajucca nikomu - ni Lu, ni "apazycyji" Banda pajszla va-bank. U takich umovach jany pojduc na usio. Naszaja revalucyja moza i nie adbycca... Nia liczycie vy szto u naszaj "partyzanskaj respublicy" moza pautarycca czaczenski varyjant? Dziakuj SZL
Ня трэба недаацэньваць агрэсіўнасьці Масквы, але ня трэба і баяцца. Беларусь не Чачэнія, у нас іншая зброя.
[ 25/01/2006 13:10 ]
(ня ведаю, ці прайшло гэтае пытаньне, а дакладней, заўвага, толькі што, але ў 2х словах паўтару): Спадар Зянон Пазьняк нядаўна заявіў, што ня ведае пакуль, ці будзе падаваць сабраныя за яго подпісы ў ЦВК. Але калі іх не падаць, гэта адразу створыць шмат пытаньняў і домыслаў: 1) не падалі, бо не сабралі неабходную колькасьць, а значыцца і падтрымкі ў Пазьняка ніякай няма, 2) не падалі, бо пабаяліся, што раптам зарэгіструюць, і тады Пазьняк як і абяцаў павінен будзе прыехаць, а прыяжджаць ён увогуле не зьбіраўся, і г.д. (заўважу, што гэта будзе выкарыстана, калі рэжыму будзе выгадна, ў якасьці чорнай антыпазьнякоўскай прапаганды). Таму я лічу, што падаваць сабраныя подпісы ў ЦВК абавязкова трэба, і калі спадара Пазьняка там не зарэгіструюць, дык менавіта па віне ЦВК, а не па волі спадара Пазьняка, як гэта б выглядала ў выпадку адмовы ад падачы подпісаў у ЦВК.
Адказ гл.вышэй.
[ 25/01/2006 13:28 ]
Спадар Зянон, што такое "маральная перамога" ў 2006 г.? Казімер, Менск
Гэта калі пазыцыі праўды, рацыі і справядлівасьці застаюцца за Вамі, нягледзячы на нейкае фальшывае рашэньне, ці дзеяньне Вашых непрыяцеляў.
[ 25/01/2006 13:54 ]
Čamu b vam nie sajści z gonki? Vy ž viedajecie, što čym mienš kandydataŭ, tym bolš šancaŭ u Milinkieviča i jak by vam nie chaciełasia, tolki jon sapraŭdy moža pieramahčy Łukašenku...
Шанцаў у Мілінкевіча няма.
[ 25/01/2006 13:55 ]
Добры дзень, спадар Зянон! Для мяне (а мне крыху за дваццаць...) вы - асоба амаль легендарная, вы шмат зрабілі для Беларусі. І за гэта хочацца сказаць шчыры дзякуй! Але... Вось вы кажаце, што прыедзеце ў Беларусь, як не будзе рэжыму... Мы ўсе на Беларусі жывем і змагаемся з рэжымам кожны па-своему. Працуем. Размаўляем па-беларуску. "Тут і цяпер". Побач з лукой, радыяцыяй, і парадоксамі рэальнай Беларусі. Мы розныя і не прэтэндуем на ідэал, але мы тут і мы таксама рызыкуем. Кожны дзень! Вы хочаце прыехаць, калі ўсё будзе больш-менш добра? Выбачайце калі ласка! Асабіста мне больш імпануе Віктар Юшчанка, які рызыкнуў сваім жыццём і здароўем дзеля СВАЁЙ краіны! Даша
Адказ гл. вышэй.
Мілая Даша, я не магу пераехаць праз мяжу. Там ужо 10 гадоў ляжыць загад: Пазьняка, Навумчыка «пры уезьдзе-выезьдзе затрымаць», і ёсьць вусны загад: пры непадпарадкаваньні страляць на паражэньне. Так застанецца, пакуль ня зьменіцца рэжым. Усю сваю дзейнасьць тут за мяжой і ўсю сваю працу я прысьвяціў якраз, каб зьмяніць гэты рэжым. Мой удзел у выбарах – частка гэтай працы.
[ 25/01/2006 14:15 ]
Паважаны Зянон Станіслававіч, некаторых музыкаў хвалюе тое, што калі Вы станеце прэзыдэнтам, у краіне будзе панаваць культ духоўнасьці і каталіцтва, а рок-музыка, як і зараз, будзе "пад забаронай". Хацелася б атрымаць абвяржэньне гэтаму. І ўвогуле спадзяемся, што нічога падобнага на ідэялёгію ў краіне болей ня будзе!
Музыка (у тым ліку і рок) ня будзе «пад забаронай». Для кампазытараў і музыкаў будуць створаныя ўмовы для рэалізацыі творчасьці, тэматычныя фэстывалі, студыі, агляды, конкурсы і г.д. Музыцы, тэатру, літаратуры, мастацтву, плястыцы будзе ўвага, створаныя ўмовы для разьвіцьця.
[ 25/01/2006 14:29 ]
Уважаемый Зянон Станиславович, нет ли в Ваших планах пункта перехода от явно выраженной конфрантационной политической терминологии к более умеренной, выдержанной и уважительной по отношению к своим соперникам по оппозиционному лагерю. Меня, например, сильно покоробило Ваше неуважительное высказывание о Мариниче, которого знаю на протяжении многих лет... И не считаете ли Вы такой "атакующе-конфрантационный" стиль в политике сегодня тупиковым, ведущим в политическое небытие? С уважением, Pol
Я ня ведаю, колькі гадоў ведае спадара Марыніча Пол, а я ведаю яго 25 гадоў, нават болей. І я крытыкуючы яго палітычную пазыцыю, заўсёды падкрэсьліваю Марыніча як чалавека. Цяпер жа я яму шчыра спачуваю. Ён сапраўды ахвяра Лукашэнкі.

Што датычыць рэзкага, канфрантацыйнага стылю ў палітыцы, то ён нікому не падабаецца. Калі ён будзе падабацца, то палітыкай можна не займацца, а толькі хадзіць на банкеты. Палітыка мае свой стыль, і ў эфэктыўнасьці свайго стылю я пераконваўся ня раз. Доказам гэтага зьяўляецца і Ваша раздражнёнае пытаньне, спадар Пол.
[ 25/01/2006 15:28 ]
Паважаны Зянон Станіслававіч,

Вашая ідэя пра Народнае Галасаваньне гучыць цікава, але мае дужа шмат белых плямаў, на якія адказаць ня могуць прынамсі тыя, хто яе так горача абараняе ў інтэрнэце.

Дапусьцім пераканаць многіх менчукоў у слушнасьці НГ можна, а вось як быць з правінцыяй. Вы лічыце, што Вася А. з мястэчка Б. гатовы вынесьці бюлетэнь і перадаць яго нейкаму грамадскаму актывісту В.? Дзе будзе пункт збору? Ды і ці ёсьць у простага люду давер да мясцовых апазыцыянэраў, каб пайсьці на падобны грамадскі ўчынак?

З павагай, Андрусь, ЗША
Тэхналёгія Народнага галасаваньня будзе выпрацоўваць па ходзе гэтага галасаваньня. Справа робіцца ўпершыню, і яна патрабуе творчасьці масаў. Па-другое, ёсьць аспэкты, якія мусяць абмяркоўвацца паступова, па чарзе, каб ня быць загубленымі. У Народным галасаваньні ня прыме ўдзелу тая частка насельніцтва, якая падтрымвае Лукашэнку. Таму ня трэба рабіць з гэтага вялікай праблемы, што нехта гэтага не падтрымае. Важна, каб Народнае галасаваньне дало штуршок, каб пачаўся ўздым, каб людзі праяўлялі ініцыятыву. Гэта забясьпечыць той працэс, які прывядзе да станоўчых вынікаў. Гаворачы пра гэта, я маю на ўвазе той час, калі ствараўся Народны фронт. Ён ствараўся таксама на хаду, на ўздыме творчасьці многіх людзей. Калі гэтага ня будзе, ніякая ідэя ня можа быць зьдзейсьнена. Ідэя Народнага галасаваньня, акрамя яе канкрэтнага выніку, павінна паслужыць яшчэ і тым стымулам, які запаліць людзей. Першы крок да ўздыму -- ня трэба баяцца цяжкасьцяў. А то некаторыя прааналізуюць, і пачынаюць казаць, а як гэта, як тое... Трэба змагацца. Калі зьявіцца чарговае "калі", трэба яго перамагчы. У гэтым сутнасьць змаганьня.
[ 25/01/2006 16:45 ]
Уважаемый Зянон! Скажите пожалуйста, почему Вы так странно и неуважительно относитесь к демократической оппозиции, которая, по идее, должна быть вашим союзником в борьбе против режима? Неужели возможно, чтобы такое огромное количество людей, входящих в оппозиционные партии в Беларуси, были на службе у российского империализма, которому Вы объявили войну до конца своей жизни? Вы же практически всех своих бывших соратников объявили врагами Беларуси, пособниками "внутренней оккупации". Как вы собираетесь сотрудничать с таким огромным количеством врагов? Почему Вы оскорбительно отзываетесь не только о неугодных Вам политиках, но и позволяете себе оскорблять белорусскую писательницу Светлану Алексеевич, например. Вы сказали, что она "кликует", поскольку не признает приоритета языка над демократией? И я тоже этого не признаю, и говорю открыто, а не кликую. Чем Алексеевич провинилась перед Беларусью? Тем, что у нее неправильное происхождение из семьи военных, как Вы писали? Извините пожалуйста, но Вы после такого поведения не имеете никакого морального права претендовать на пост Президента Беларуси, независимо от ваших политических взглядов. Вам стыдно должно быть, уважаемый. Не любите Вы Беларусь. Вы любите только самого себя, оскорбляя граждан Беларуси. Грустно. Удивленный.
Як толькі у беларускай палітыцы зьявіцца моцная беларуская нацыянальня сіла, усе гэтыя порхалкі пад назвай "дэмакратычная апазыцыя" імгненна зьнікне, як ранішні туман. Гэта імітатары, якія паразытуюць на дыктатуры Лукашэнкі. Як толькі зьнікне дыктатура і зьнікнуць гранты ў падтрымку гэтых апазыцыянэраў, зьнікне і гэтая апазыцыя, бо яна не выяўляе нацыянальных інтарэсаў беларускага народу. Яны ня любяць гэты народ і адкрыта пра гэта кажуць.
[ 25/01/2006 16:53 ]
Зянон Станіслававіч, збіраючы подпісы ў Вашую падтрымку, члены ініцятыўнай групы адначасова знаёмяць выбаршчыкаў з тым, як можа адбывацца народнае галасаванне, пайсці на якое вы прапаноўваеце беларусам. Можа ў Вас з'явіліся нейкія карэктывы ці ўдакладненні, а калі не, то яшчэ раз паццвердзіце сэнс і змест акцыі. Віталь, Менск.
Маё меркаваньне засталося ранейшым. Усе матэрыялы можна дастаць у нашай ініцыятыўнай групе і на нашых старонках у Інтэрнэце. Калі спадар хоча ведаць, няхай прапануе свае паслугі НГК (Нацыянальнай грамадзкай камісіі).
[ 25/01/2006 18:04 ]
Шаноуны спадар Пазьняк! Я дауно стау Вашым прыхільнікам,бо,як і Вы,шчыра люблю сваю Бацькаушчыну і раблю усе,што ад мяне залежыць,каб абараніць яе ад інўаземнай брыдоты.Скажыце калі ласка,у самы-самы адказны час, як кажуць, у час "пік" Выбудзіце разам з народам,або,як кажа прафесар Казулін " Я должен уберечь свой народ от крови и революций..." Наступствы для Вас я цудоуна разумею!!! Я лічу,што гэтае пытанне хвалюе многіх, як Вашых прыхільнікау, так і ворагау. Спадар Пятрок. Жыве Беларусь!!!
Я заўсёды са сваім народам кожны дзень і кожную мінуту. Я пра гэта сказаў. І мне ня трэба гэта даказваць. Пра гэта сьведчыць увесь мой лёс і ўсё маё жыцьцё. Я толькі ведаю, што калі народ пойдзе змагацца за сваю волю, калі пойдзе на рэвалюцыю, то яго ня трэба абярагаць ад рэвалюцыі, а трэба дапамагаць яму. Я заўсёды гатовы, нават, калі мне будзе 100 гадоў. І калі наступіць гэты час, быць у першых радах. Але мне эўрапейская нацыя і парадзім са сваімі праблемамі больш спакойным чынам, я ў гэтым перакананы.
[ 25/01/2006 18:22 ]
Зянон станіслававіч, ці ёсць ў Вас намер сустрэцца з Мілінкевічам? Здаецца, ён таго варты.
Я думаю, што чалавек прыстойны, але ніякага палітычнага сэнсу я ў гэтым ня бачу. Толькі хіба пазнаёміцца. Ён выказаў сваю пазыцыю, што пойдзе дарожкай Ганчарыка. Лепш было б сустрэцца, калі гэта дарожка скончыцца. А як яна скончыцца, вядома.
[ 25/01/2006 18:40 ]
Колькі грошай (прыблізна) вы маеце на правядзеньне выбарчай кампаніі? Колькі грошай (прыблізна) маеце вы? Я думаю, я маю права спытацца, бо вы ўсё адно будзеце падаваць дэклярацыю аб прыбытках. Андрэй.
Як падам дэклярацыю, тады і даведаецеся.
[ 25/01/2006 18:59 ]
Вы, як я ведаю, веруючы чалавек, i надта любiце сваю Радзiму. Бывае часам, каб абаранiць сваю Радзiму, трэба адступiцца ад некаторых хрысцiянскiх прынцыпау, асаблiва падчас акупацыi. Як вы лiчыце, цi варта адступацца ад Бога i Яго пастановау хоць на крок у крытычныя дзеля краiны часы?
Чытайце Евангельле і ўсё зразумееце.
[ 25/01/2006 21:52 ]
Zianon Pazniak nikoli nia vernecca u Belarus. Chalavek z takim prozviscam, kali i zjavicca nekali u Belarusi, budze nia im -- bo svabodu Belarusi zavajujuc' inshyja, i jamu nia budze u joj mesca, jak Salzhanicynu u Raseje. A shkada.
Салжаніцын, нягледзячы на маё крытычнае стаўленьне, сказаў сваё слова і ў рускай літаратуры, і ў рускай палітыцы, і ў рускай гісторыі. І ў нічыім шкадаваньні, я думаю, ён патрэбы ня мае. Гэтак жа сама, як ня маю ў гэтым патрэбы і я. Калі будзе жыць Беларусь, то будуць жыць і нашыя справы. А Беларусь будзе жыць вечна.
[ 25/01/2006 22:04 ]
Зянон Станіслававіч, мы вельмі жадаем Вам поспехаў і хочам бачыць Вас нашым прэзідэнтам. Адкажыце, калі ласка, на нашыя пытанні: 1) Ці магчыма змена таталітарнай ўлады без крывавай рэвалюцыі? 2) Як, на Ваш погляд, павінна вырашацца газа-нафтавая праблема?
1) Так, гэта магчыма. І гэтая зьмена найбольш характэрная для Беларусі

2) Яна павінна вырашацца сыходзячы з нацыянальных інтэрасаў. Павінны быць некалькі крыніцаў дастаўкі энэргіі. Трэба вярнуцца да фронтаўскай ідэі "балтыйска-чарнаморскага нафтавага калектара", якую зьвязваў энэргетычныя патокі па лініі поўнач-поўдзень. Другое, трэба аднавіць дасьледаваньні, і давесьці іх да тэхналягічнага цыклу, па атрыманьні новых крыніц энэргіі, зь біямасы і іншых рэчываў. У Беларусі ў гэтым сэнсе велізарная пэрспэктыва, таму што ў Беларусі вельмі шмат ворнай зямлі (0.9 га на чалавека, бадай найвышэйшы паказьнік у Эўропе), частку якой можна скарыстаць для тэхналягічных культур на атрыманьне энэргіі. Трэцяе, трэба праводзіць збалянсаваную палітыку з краінамі-дастаўцамі энэргіі, на ўсходзе, у тым ліку і з Расеяй.
[ 25/01/2006 22:51 ]
Чаму заведзеная на Вас крымінальная справа (паводле публікацыяў у газэтах "Свабода" і "Пагоня") ня спыненая за тэрмінам даўнасьці? Што кажуць у пракуратуры на гэты конт? І што там былі за такія "крымінальныя" публікацыі?
Гэтая справа заведзена чыста фармальна, каб мець фармальнае апраўданьне, каб мяне схапіць. І таму яна не спыненая. Былі публікацыі ў беларускіх газэтах "Пагоня" (артыкул "Беларускі шлях"). Але гэта ўсё высмактана з пальца. У мяне нават у памяці гэта не зарэгістравалася. А крымінальную справу завялі праз год пасьля друкаваньня артыкулаў.
[ 25/01/2006 23:23 ]
Паважаны Зянон Станіслававіч! Веліч Вашай асобы дакладна азначыў Васіль Быкаў. Але гэта разумеюць далёка не ўсе беларусы. Палітыка - брудная справа. Можа прычына няўдач беларускіх адраджэнцаў у тым, што яны ідуць з адкрытаю душою і чыстымі рукамі супраць хамства і непрыкрытага цэнізма? Можа патрэбна змяніць тактыку і дзейнічаць па прынцыпу "Мэта апраўдвае сродкі"? Дзякуй за адказ. З вялікай павагай Раман.
Дзякуй, Раман, за павагу. Мне шкода, але мушу сказаць, што ўсе Вашыя тэзісы памылковыя. Па-першае, гэта палітыка -- гэта ня брудная справа, гэта проста справа. Гэта найвышэйшая форма грамадзкай дзейнасьці. Бываюць брудныя палітыкі і дрэнныя людзі. І ў гэтым уся сутнасьць. Другое, праблема неразуменьня грамадзтвам палітыкі і палітыкаў мае ўзаемны кшталт і памылкова бачаць у гэтым віну ў гэтым палітыкаў ці палітыкі. Грамадзтва павінна валодаць узроўнем, які дапаможа яму адэкватна ўспрымаць грамадзкія зьявы. Гэткае грамадзтва ёсьць нацыянальнае грамадзтва, якое адэкватна ўспрымае палітычныя зьявы. Уся бяда ў нацыянальнай дэфармацыі нашага беларускага грамадзтва ў выніку 200 гадоў расейскай акупацыі і русыфікацыі культуры. Патрэбны пэрыяд нацыянальнага асьветніцтва, празь якое, дарэчы, прайшлі ўсе нацыі Эўропы, акрамя цяперашняй Беларусі. Найлепш гэтую функцыю выконвае нацыянальная дзяржава. І калі ў 1994 годзе ў нас усталявалася б нацыянальная ўлада, мы б ужо даўно ня мелі такіх праблемаў, пра якія вы кажаце. У гэтых умовах, якія цяпер ёсьць, культурна-нацыянальным асьветніцтвам людзей павінен займацца кожны адукаваны беларус. Гэта цяжкі працэс пад антыбеларускім рэжымам, але ён непазьбежны. Мы нічога не дасягнем, калі грамадзтва застанецца ў нацыянальнай цемры.
[ 26/01/2006 00:27 ]
Сп. Зянон, хто Ваш любімы паэт (і пісьменьнік)? Што менавіта для Вас паэзія?
Зь беларускіх найлепш люблю Багдановіча, потым ідзе Купала, Алесь Гарун, Якуб Колас. А з сусьветнай паэзіі, у перакладах на мовы, на якіх я чытаю, гэта Рыльке і японскія паэты, у першую чаргу Басё, Сяйгё. З кітайскіх - Дуфу. А асабліва люблю Вань Вэя.
[ 26/01/2006 00:29 ]
Вітаю, Зянон Станіслававіч. Нешта апошнім часам ня бачна часопіса "Беларускія Ведамасьці". Ці выходзіць ён яшчэ? Жыве Беларусь! Праз народнае галасаваньне да незалежнасьці!
Быў невялікі перапынак у 2005 годзе, толькі ў самым канцы году, пачатку гэтага, выйшаў чарговы нумар. Ён ужо аддрукаваны і неўзабаве будзе ў інтэрнэце. Перапынак абумоўлены фінансавымі праблемамі, бо грошы на "Ведамасьці" зьбяраем шапкай па кругу сярод беларусаў.
[ 26/01/2006 00:55 ]
Зенон Станиславович, добрый день. Увлекаетесь ли Вы спортом? Какому виду отдаете предпочтение? Спасибо.
Цяпер мне не да спорту. А ў маладосьці захапляўся валейболам, футболам і баскетболам. Бегаў на 800 мэтраў, кідаў кап'ё, молат, скакаў трайным скачком, плаваў, езьдзіў на ровары. Маю трэці разрад па стральбе.
[ 26/01/2006 01:01 ]
Спадар Пазьняк, адкажыце, калі ласка, на такое пытаньне: як Вы ставіцеся да Макіявэлі? Дзякую, Хведар.
Макіявэлі быў разумным чалавекам, які ўплыў на думаньне многіх палітыкаў і філёзафаў. Чытаньне Макіявэлі пабуджае да думаньня. У гэтым яго каштоўнасьць.
[ 26/01/2006 01:03 ]
Вы заўсёды кажаце, што "трэба любіць свой народ". Майго сябра нават раптам напаткала выснова: "Зразумеў самае галоўнае: Пазьняк яшчэ верыць у Беларусь і беларусаў, калі мы самі ўжо ня верым!" Скажыце, што падтымлівае Вашую веру ў наш народ? Жыве Беларусь!
Любоў да нечага ці некага гэта духоўны акт душы. Што датычыць любові да народу, то гэта любоў вынікае яшчэ і зь лягічнай неабходнасьці, бо народ у кожнага ёсьць толькі адзін. І толькі з гэтага народу, у якім бы стане ён не знаходзіўся, можа быць яго будучыня. Таму калі не любіць свой народ, гэта значыць таптаць сваю будучыню. Народ трэба любіць. Гэта неабходнасьць. Гэта тое самае, што не любіць сябе. А не любіць сябе - гэта суіцыдная паталёгія, гэта ненармальнасьць. Народ трэба любіць, у якім бы цяжкім становішчы ён не апынуўся. Народ трэба любіць, як Бога, нават калі ён маўчыць.
[ 26/01/2006 08:28 ]
Адзінае месца, якогое не разумеюць людзі, з якімі размаўляеш пра НГ -- гэта ЗБОР "лукашэнкаўскіх" бюлюценяў, якім чынам ён павінен праходзіць? Зычу поспехаў і перамогі шклоўской акупаціі нашагага краю! Дзякуй за ўсе ідзеі! Натальля, Менск.
Гэта не разумеюць людзі, таму што гэтая сыстэма яшчэ не наладжаная, і адпаведна пра яе нічога ня кажацца. Гэтую справу трэба рабіць разам, з падтрымкай вялікай колькасьці людзей. Гэта змагарны працэс. Інфармацыя аб гэтым пазьней будзе давацца.
[ 26/01/2006 09:56 ]
Добрый день, Зенон Станиславович! Вы всегда были прямы и откровенны. Скажите как вы персонально относитесь к Милинкевичу, Вечерко, Лебедько, Калякину, руководству объединенной оппзиции? И есть ли у Вас своя команда? Кто они?
Гэта людзі, дзейнасьць якіх не прыводзіць да стварэньня і абароны нацыянальнай дзяржавы. Гэта не людзі, якія змагаюцца за нацыянальную ідэю. Гэта людзі, якія залежныя ад чужой палітыкі і чужых рэсурсаў. Нічога добрага для Беларусі такая палітыка і такія людзі стварыць ня могуць. Вынік: за сем гадоў існаваньня "Вікаўскай апазыцыі" не было і няма ніякіх палітычных посьпехаў, нават мінімальных, адны паражэньні і пустая балбатня. Нацыянальную палітыку павінны рабіць нацыянальна думаючыя людзі.
[ 26/01/2006 11:27 ]
Если Вас зарегистрируют кандидато и Вы приедете, как обещали, в Минск, то останетесь ли Вы в Беларуси в случае проигрыша на выборах?
ЦВК яшчэ 18 студзеня заявіла нам ультыматум, дзе было сказана вуснамі Ярмошынай, што нашыя подпісы ўлічаныя ня будуць, з-за інфармацыі пра "Народнае галасаваньне". Таму частка Вашага пытаньня ўжо страціла актуальнасьць.
[ 26/01/2006 11:42 ]
Зянон Станіслававіч, ці патрэбна, каб дэмакратычная Беларусь у будучыні ўступала ў НАТО і Эўразьвяз? Тацьця Карага. Менск
Трэба разьвярнуцца тварам да Эўропы. Трэба зь ёй супрацоўнічаць. І трэба моцна стаць на свае культурныя і нацыянальныя ногі. Бо нельга ісьці ў Эўразьвяз на каленях. Тое ж самае адносіцца і да НАТО. Мы павінны ісьці туды, дзе нас будуць паважаць. А павагу і моц мы павінны забясьпечыць сабе самі.
[ 26/01/2006 12:31 ]
Спадар Пазьняк, ці не мяркуеце вы, што КХП-БНФ -- галоўны інструмэнт вашае дэскрэдытацыі? Партыя стала падобная на сэкту, якая моліцца на свайго гуру -- вас. Можа варта адмяжавацца ад іх? Будзеце прарокам у сваёй Айчыне: пісаць, прамаўляць, фатаграфаваць... але ўжо бяз сэкты. Дзякуй за адказ.
Вашае выказваньне сьведчыць толькі аб тым, што Вы ненавідзеце гэтую партыю, і ня можаце быць аб'ектыўным у сваіх меркаваньнях. Трэба быць спакойным у ацэнках іншых людзей.
[ 26/01/2006 12:34 ]
Што вам пагражае ў Беларусі? Людзі, якія для рэжыму больш небясьпечныя за вас, жывуць на Радзіме. Калі ўлада не зьнішчае фізычна іх, вы ёй таксама не патрэбныя. Чаго вы баіцёся?
Не гаварыце за ўладу. Яна лепш разьбіраецца, хто ёй больш небясьпечны.
[ 26/01/2006 12:37 ]
Ці падзяляеце вы аптымізм Мілінкевіча? Ён настроены на перамогу дэмакратычных сілаў ужо ў першым туры. Ён упэўнены, што на вуліцы выйдуць дзясяткі тысячаў людзей.
Калі подпіс Мілінкевіча зарэгіструе ЦВК, то пасьля гэтага ён паўторыць шлях Ганчарыка.
[ 26/01/2006 13:24 ]
На какие деньги Вы, Зенон Станиславович, живете за рубежом?
На свае.
[ 26/01/2006 14:02 ]
Уявім сытуацыю: Вы сталі прэзыдэнтам Беларусі. Якім быў бы Ваш першы дэкрэт (пастанова)? Сяргей
Першым дэкрэтам і першай пастановай была б пастанова аб вяртаньні беларускіх дзяржаўных сымбаляў.
[ 26/01/2006 14:04 ]
Беларусь моцна зьмянілася за час Вашай адсутнасьці. Ці не баіцеся Вы расчараваньня ад спатканьня зь ёй?
Я зь Беларусяй спатыкаюся кожны дзень, кожную гадзіну, кожную сэкунду. Дзе б я ні быў, яна са мной. Таму мне няма, чаго баяцца "расчараваньня".
[ 26/01/2006 14:29 ]
Зянон Станiслававiч, хто, на ваш погляд, з атачэння Лукашэнкi можа здрадзiць яму i перайсцi да апазыцыi. Уладзicлау.
Да апазыцыі сам не пяройдзе ніхто. Пасьля першага ж удару і першага паражэньня Лукашэнкі, ягонае атачэньне пачне яго здаваць. Гэта закон зграі (я ўжо пра гэта пісаў), мафіі, якая трымаецца на страху. І тут -- адзін з важных псыхалягічных момантаў Народнага галасаваньня. Трэба, каб Лукашэнка атрымаў удар. Каб усе ўбачылі, што яго не баяцца, і што ён ня мае падтрымкі. І тады ўсё пасыпецца. І Масква не дапаможа.
[ 26/01/2006 15:06 ]
Як ваш стан здароўя спадар Зянон? Посьпехаў вам жадаю ! Спадар Максім з-пад Вільні
Дзякую. Адчуваю сябе вельмі добра, не хварэю, дзякуй Богу.
[ 26/01/2006 16:08 ]
Зенон Станиславович, во-первых я бы пожелал все ж таки вырваться Беларуси из этого дерьма. Правда уже совсем непонятно как это произойдет, хотя бы потому, что НАРОД ЭТОГО НЕ ЖЕЛАЕТ (!). Во-вторых хочу спросить, что бы Вы сделали с таким понятием как "государственная пресса", стань Вы президентом?
Друк павінен быць свабодным, але ёсьць і дзяржаўныя выданьні, яны маюць пэўную функцыю (бо, напрыклад, недзе трэба друкаваць законы...). Таму яны застануцца, але інфармацыйную палітыку будзе вызначаць вольны друк. Недапушчальная манапалізацыя прэсы.
[ 26/01/2006 16:35 ]
Дзе мы можам пазнаёміцца з тэкстам загаду: "Пазьняка, Навумчыка «пры уезьдзе-выезьдзе затрымаць»", і ці бацыў яго хтосьці акрамя вас? // A.R.
На старонках онлайн-канфэрэнцыі, гл.вышэй. Паўтару: газэта "Свабода", 21 траўня 1996 году, першая паласа.
[ 26/01/2006 16:39 ]
Здраствуйте, меня зовут Елена. С ужасом прочла здесь Ваше высказывание о том, что Вас собирались ( собираются) расстрелять при въезде в страну; Конечно, радостно, что Вас предупреждают добрые друзья из КГБ, на информацию которых Вы все время ссылаетесь. Однако при все при этом Вы утверждаете, что в страну Вас пускать не велено. Вопрос: где логика? ... А вообще, мне кажется, Вы - заурядный трус. Извините за откровенность. Привет цензуре!
Лёгіка ў тым, што спроба мяне забіць не ўдалася. Дадзеная ўказаньне на мяжу -- пры ўезьдзе-выезьдзе -- затрымаць (гл.адказы вышэй). А пры спробе непадпардкаваньня -- страляць на паражэньне. Галоўная прычына -- мяжа, празь якую немагчыма пераехаць.
[ 26/01/2006 16:39 ]
Спадар Зянон, у Беларусі існуе вялікі працэнт людзей, якія абавязаны Лукашэнку дабарабытам і кар'ерай. Найперш гэта сілавікі з ГБ, дзяржкантролю і іншыя небяспечныя людзі. З членамі сем'яў іх сотні тысяч. Як інтэграваць іх у будучае дэмакратычнае беларускае грамадства? Тамаш
Як будзе будучае беларускае дэмакратычнае грамадзтва, яно гэта і вырашыць.
[ 26/01/2006 16:43 ]
Прапанова тэхнiчнага кшталту па народным галасаваньнi. Трэба надрукаваць самыя бюлетэнi народнага галасаваньня ды раскiдаць па паштовых скрынках выбарцаў. У бюлетэнях коратка расказаць пра саму працедуру народнага галасаваньня а таксама пазначыць кандыдатаў. Такiм чынам выбарцам не трэба будзе ламаць галаву як той самы бюлетэнь павiнен выглядаць.
Гэта рабіць нельга, бо выбарцы павінны самі зрабіць выбар і самі тайна прагаласаваць. Калі гэта рабіць так, як Вы прапанавалі, гэта значыць уплываць на волю выбаршчыкаў.
[ 26/01/2006 16:45 ]
Шаноўны сп.Зянон Станіслававіч! Адкажыыце, калі ласка, ці заможны Вы чалавек? Ці маеце крэдытную картку? Дзякуй, Ян
Не.
[ 26/01/2006 16:47 ]
Паважаны, Зянон Станіслававіч, я і мае сябры вучні старэйшых класаў. Як мы маглі б дапамагчы разгорванню НАРОДНАГА ГАЛАСАВАННЯ? Поспеху Вам у гэтай вялікай справе.
Калі Вам ёсьць 18 гадоў, то прагаласуйце самі, то гэта будзе найлепшая дапамога. Калі Вам 18 гадоў яшчэ няма, то зьвярніцеся да майце ініцыятыўнай групы, наладзьце зь імі кантакт, знойдзеце агульную справу.
[ 26/01/2006 17:02 ]
Працягваючы думку Дашы[ 25/01/2006 13:55 ] хацеў бы запытаць наступнае. Так, я разумею, што Вам, шаноўны, ужо даўно ня 40 гадоў, але ўсё ж - хіба нельга нелегальна перабрацца праз, да прыкладу, украінска-беларускую мяжу й пасля на месцы арганізаваць рэальны Супраціў? Ваш верны прыхільнік з Палесься, Ян
Шаноўны Ян, рэальныя абставіны часам вельмі розьняцца ад абствінаў у прыгодніцкім кінадэтэктыве.
[ 26/01/2006 17:09 ]
Ці не падаецца вам, што ідэя народнага галасавання — утопія. Ініцыятыўная група ў падтрымку Лукашэнкі заявіла, што ў іх спісах больш за 2 мільёна подпісаў. Людзі баяцца рэпрэсій і падпісваюцца за Лукашэнку, а вы гавораце пра тое, што падчас галасавання трэба ўкідваць у скрыню чысты ліст з прозвішчам
У Лукашэнкі ініцыятыўная група 6 тысяч чалавек афіцыйна. Прапаную падзяліць 2 мільёны подпісаў на 6 тысяч чалавек, колькі атрымаецца подпісаў? І вы адразу ўбачыце "ліпу". Гэта публіка, на мякіне правальваецца, нават арыфмэтыку ня ведае.

Ідэя Народнага галасаваньня -- гэта рэальнасьць, пацьверджаная правам. Яна дае рэальны шанец, за які трэба змагацца, сьмела і цяжка. Звычайна той, хто ня хоча гэтага рабіць, шукае ўтопіі.
[ 26/01/2006 17:11 ]
Паважаны Зянон Станіслававіч, якія прагнозы у Вас на паводзіны ЦВК, ці зарэгіструюць Вас? З павагай Зьміцер
Ня трэба даваць ніякіх прагнозаў. ЦВК у сваім ультыматуме абсалютна ясна сказаў, што яны не зарэгіструюць, а далейшыя падзелі (арышты, пратаколы, затрыманьні груп) пацьвярджаюць гэта.
[ 26/01/2006 17:14 ]
Малюся за вас, спадар Зянон. Дай Вам Бог сілы, чыстай думкі і трапнага слова. Праўда з намі. Заякот
Дзякую за добрыя словы. Я таксама кожную раніцу, як прачнуся, малюся за сваю Бацькаўшчыну.
[ 26/01/2006 17:14 ]
Вам не кажется, что оттуда, из-за границы, реальное настроение людей вы не знаете, что, в общем-то мудрено. Оторвете какую-то часть голосов у Милинкевича, Козулина, сами не победите - ведь все это было уже
Я не зьбіраўся ў гэтым Лукуашэнкаўскім галасаваньні, а рыхтую Народнае галасаваньне. Па-другое, галасы ў гэтых "выбарах" разьмяркоўваюць не выбаршчыкі, а фальсыфікацыйная машына. Так што, няхай ён не перажывае, хто і ў каго адніме галасы. Машына налічыць кожнаму столькі, колькі палічыць патрэбным.
[ 26/01/2006 17:16 ]
Паважаны Зянон Станіслававіч! Паступіла шмат подпісаў у Вашую падтрымку нават з Падмаскоўя. Там працуюць вельмі шмат беларусаў і, як высветлілася, у тым ліку сябры Вашай ініцыятыўнай групы па сбору подпісаў. Шкада, што гэтыя беларусы адарваныя ад Бацькаўшчыны, ад сваіх дзяцей, сем'яў, працуюць не на сваёй зямлі, і на карысьць чужой дзяржавы. Як вярнуць іх дамоў, к дзецям, для працы на карысьць Беларусі. Так шмат трэба зрабіць для нашай БЕЛАРУСІ . Яўген, Пінск
Як толькі адбудуцца перамены, як толькі спадзе прамаскоўскі рэжым, і Беларусь сваімі крокамі пакрочыць у сваю нацыянальную будучыню, тады беларусы самі вернуцца на сваю Бацькаўшчыну. І кожны тут знойдзе сваё месца. Кожны тут адчуе сябе патрэбным.
[ 26/01/2006 17:23 ]
Паважаны Зянон Станіслававіч, якая ёсьць цывілізацыйная альтэрнатыва для беларусаў адносна схемы -- альбо Эўразьвяз, альбо Расея. З павагай Антон
Інтэргаваная Ўсходняя Эўропа. Нашая ідэя Балта-чарнаморскай садружнасьці: Беларусь, Украіна, Балтыка, Малдова і пэрспэктыва пашырэньня на Цэнтральную Эўропу. Гэта тая структура, якая існавала ў Сярэднявеччы да падзелаў Рэчы Паспалітай. Гэта структура, якая збалянсуе Эўропу і дасьць нам моцную геапалітычную і эканамічную апору. Гэтая нашая ідэя 90-х зараз вяртаецца ў палітыку. Нядаўняе абмеркаваньне гэтых пытаньняў у Кіеве Віктарам Юшчанкам, Валдасам Адамкусам пацьвярджае гэта.
[ 26/01/2006 17:23 ]
Dziadz'ka Zianon, ci zdolnyja Vy damovicca z A.Milinkieviczam ab paslavybarnych dziejan'niach?
Я здольны з усімі дамовіцца. Пытаньне ў тым: ці здольныя яны. Бо дамаўляцца трэба не на абы чым, а на нацыянальнай ідэі, на беларускай мове, на незалежнай Беларусі, на сьвятой Пагоні і на бел-чырвона-белым сьцягу. Усе, хто здольныя на гэтым грунце дамаўляцца, давайце дамаўляцца.
[ 26/01/2006 17:33 ]
Я веру ў сваю краіну, я веру ў свой народ, я веру і ў вас, Зянон Станіслававіч! Жыве Беларусь! Ільля.
Дзякуй, Ільля, што ты верыш у Беларусь. Гэта вельмі выскародная вера. Беларусь вартая таго, каб у яе верыць і за яе змагацца.
[ 26/01/2006 17:37 ]
Цi разглядаеце Вы магчымасць узброенага варыянту супрацiву хеуры лукашэнкi? дзякуй.
Не.
[ 26/01/2006 17:38 ]
Паважаны Зянон Станіслававіч, ці зарэгіструе Вас ЦВК з улікам папярэдніх папярэджваняў і працягам вашых калегаў інфармацыйнай працы па народным галасаваньні. З павагай Лявон
ЦВК ужо аб'явіла, што не зарэгіструе.
[ 26/01/2006 17:39 ]
Шаноўны Зянон Станіслававіч. Вы пражылі жыццё змагара за Бацькаўшчыну, ніколі не йшлі на кампрамісы з ворагамі Беларусі. Але вы рызыкавалі толькі сваім жыццём і сваёй будучыняй. Што параіце тым беларусам у гэты небяспечны час, у каго ёсьць сем'і? Я не хачу пакідаць Беларусь ні пры якіх умовах, але актыўная грмадзкая дзейнасьць можа пашкодзіць не толькі мне, але і маім блізкім, якія, мне здаецца, да гэтага не зусім гатовыя. Дзякуй.
У Вашай сям'і Вы, Вашая жонка, Вашыя дзеці павінны размаўляць па-беларуску, Вы павінны размаўляць з суседзямі па-беларуску, чытаць беларускія кнігі, любіць усё беларускае, і гэта будзе Ваша вялікая справа і ўклад у жыцьцё Беларусі.
[ 26/01/2006 17:39 ]
Шаноўны спадару Зяноне, асабіста я паважаю і ацэньваю Ваш унёсак у справу беларушчыны найболей за ўсіх іншых кандыдатаў, але галасаваць буду за Мілінкевіча. Бо скажыце, што Вы будзеце рабіць, калі Вас не зарэгіструюць? (а гэта напэўна) Вы заклікаеце да народнага галасаваньня, але гэта ня мае сэнсу. Ну добра, калі ва ўмовах жорсткае прапаганды і прымусу набярэцца тыя 55 працэнтаў, хто прагаласуе супраць. Зь іх максімум 40 будуць ведаць Вашую прапанову, 20 яе падтрымаюць, а 5 папруцца ў Менск задаваць бюлетэні. Шансаў роўна 0. Як Вы гэта бачыце? Я не хачу жыць усё жыцьцё пры лукашызме!
Шанцаў роўна нуль толькі ў Мілінкевіча і ва ўсіх тых, хто будзе ўдзельнічаць у гэтых выбарах і галасаваць па схеме Лукашэнкі. У гэтых людзей шанцаў -- нуль. А ў тых, хто будзе змагацца і галасаваць па прынцыпе "Народнага галасаваньня", ёсьць шанцы. Астатняе вырашае змаганьне. Там, дзе шанцаў няма, ніякае змаганьне не дапаможа. Там, дзе шанцы ёсьць, можна перамагчы.
[ 26/01/2006 17:41 ]
Паважаны спадар Зянон Станіслававіч. Я сам фізік, і лічу, што для забесьпячэньня энэргетычнай незалежнасьці Беларусі нам патрэбна пабудаваць АЭС (зараз у Францыі распрацоўваецца АЭС 4га пакаленьня, амаль бяз рызыкі выбуху, больш даўгавечная і г.д.) Як вы ставіцеся да ідэі пабудовы АЭС у Беларусі? Зычу вам посьпехаў! Жыве Беларусь!
Я гэта ведаю ўсё, але псыхалягічная абстаноўка, якая ўтварылася на Беларусі пасьля Чарнобыля, не дазволіць рэалізаваць нават самую бліскучую ідэю з АЭС.
[ 26/01/2006 17:44 ]
Што скажаце наконт сымболяў "адзінага"?Адам
Гэта колеры Расейскай Фэдэрацыі: белы, сіні, чырвоны. Яны ў спалучэньні ніколі, нідзе, ні ў чым не былі характэрныя для Беларусі.
[ 26/01/2006 17:48 ]
Паважаны Зянон Станіслававіч, заходняя прэса шмат піша пра магчымы далейшы распад расейскай імпэрыі. Як Вы ставіцеся да гэтага? Можа пачакаць, нічога не рабіць, разваліцца імпэрыя і тады адродзім нашу Беларусь? Канстанцін
Я б не сказаў, што заходняя прэса шмат пра гэта піша, і што яна ўвогуле гэта разумее. Імпэрыя ў рэшце рэшт разваліцца, але бліжэйшыя зьмены ў Расеі ў 2008 годзе. Але нам ня трэба чакаць, што там будзе ў Расеі, а самім наводзіць парадак у сваім уласным доме.
[ 26/01/2006 17:53 ]
Удакладненьне па маей тэхнiчнай прапанове. Я не бачу нiякага ўплыву на выбаршчыкаў i на iх волю акрамя iнфармаваньня, калi iм пакласцi ў паштовыя скрынкi бюлетэнi народнага галасаваньня. Хочаш бяры - хочаш не. Нiхто ж не прыходзiць на выбары са сваімі бюлетэнямi. Iх выдаюць на ўчастку.
Я ўжо адказаў. Дыскутаваць ня будзем.
[ 26/01/2006 17:55 ]
Пачытау Вашы адказы, стала лягчэй на сэрцы, прыбыло аптымiзму. дзякуй!
Дзякуй за добрае ўспрыняцьце і сьведчаньне добрага настрою.
[ 26/01/2006 18:02 ]
Якая колькасць Вашых прыхільнікаў зараз у Беларусі? Колькі сябраў у КХП БНФ?
У КХП БНФ сяброў каля трох тысяч. А колькасьць прыхільнікаў, думаю, не зьмянілася. Гэта дзесьці мільён сьведмага насельніцтва.
[ 26/01/2006 18:15 ]
Паважаны Зянон Станислававич! У паследни час, я бачу, як не па братэрски к нам адносяцца, так званыя браты расеяне, асаблива их прэзыдэнт! Як вы адносицися да спадара Пуцина и яго палитыки да Беларуси? З павагай Алег з Бабруйску.
Гэта традыцыйная расейская імпэрская палітыка. Хто б не сядзеў у Крамлі, ён заўсёды праводзіў і будзе праводзіць такую палітыку. Яна вынікае з імпэрскай прыроды Расеі.
[ 26/01/2006 18:29 ]
З якой мэтай Вы зацеялі Вашую выбарчую кампанію? Бо выглядае на то, што Вы па-просту марнуеце людскі рэсурс: столькі Вашых прыхільнікаў збіралі подпісы, а Вы, мажліва, іх і падаваць не будзеце (бо "не зарэгіструюць"); заклікаеце да народнага галасавання, хоць і не можаце не разумець, што за такі кароткі час і без рэсурсаў гэтую ідэю ў масштабе ўсёй краіны раскруціць проста нерэальна - гэта толькі людзей дэзарганізуе.
Гэта меркаваньне чалавека, які ня хоча змагацца за рэальную перамогу, а прывык хадзіць пратаптанымі сьцежкамі і наступаць сто-тысячу разоў на адныя і тыя ж граблі.
[ 26/01/2006 18:31 ]
Вы ж цудоўна ведаеце, што не вернецеся ў краіну - бо толькі і шукаеце прычынаў не вернуцца. Маўляй, справа 10-гадовай даўніны, і "дзяржава не стварыла ўмовы"... А тут столькі людзей церпіць ад рэжыму, сядзіць, выходзіць і зноў змагаецца. Можа Вам трэ кінуць палітыку і заняцца іншымі справамі - бо Вы надзвычый таленавіты чалавек. Калісьці Вы адыгралі важную ролю ў гісторыі нашай краіны, але зараз Вы наўрад ці можаце ўплываць на сітуацыю ў Беларусі. З павагай
Слухаюся такія разважаньні, прыходжу да высновы, што маё вяртаньне залежыць ад майго змаганьня, а не ад тых, якія задаюць такія пытаньні.

[ 26/01/2006 18:34 ]
1. Цi не здаецца вам, што беларусы - ужо этнiчная меншасць на сваей зямлi, i генацыд працягваецца. Таму нiчога добрага i не атрымлiваецца.
Калі так думаць, то ў Вас нічога добрага не атрымаецца. Але чалавек, калі яго прыніжаюць ці калі яго б'юць, ён супраціўляецца, ён абараняе сваю годнасьць. І ня толькі чалавек, а зьвер. Так разважаць ня можна. Гэта дрэнныя разважаньні.
[ 26/01/2006 18:35 ]
Як вы будзеце ставіцца да іншых нацый акрамя беларускай, ці усіх будзеце застаўляць размаўляць на беларускай мове? Алесь
Ніхто нікога ні на якой мове прымушаць размаўляць ня будзе. Будзе дзяржаўная мова беларуская, і кожны дзяржаўны чыноўнік будзе абавязаны гаварыць па-беларуску і весьці справаводзтва на беларускай мове. Астатнія хай гавораць, як хочуць. Але калі яны прыйдуць у дзяржаўную ўстанову, то паперу ці блянк ці заяву, яны павінны будуць падаць на дзяржаўнай мове. Калі яны ня будуць ведаць дзяржаўнай мовы, не бяда, не праблема. Для іх паслугаў будзе перакладчык. Ён перакладзе любую паперу за невялікую аплату. І будзе ў нас яшчэ лепш, чым у Амэрыцы. Таму што ў Амэрыцы, складаючы паперы і фармуляры, трэба самому пыхцець над ангельскай мовай. У нас ня будзе ніякага прымусу -- поўная свабода ў моўным пытаньні.
[ 26/01/2006 18:35 ]
Шчыра дзякую за зьмястоўныя адказы і жадаю Вам здароўя і посьпехаў! Маю пытаньне: як лепш разварушыць на супраціў беларускіх бізнэсоўцаў? Гэта значны рэсурс - і чалавечы, і фінансавы. Aliaks (сам бізнэсовец).
Яны варушыцца ня будуць, пакуль ня зьменяцца абставіны, бо яны трапілі ў вельмі залежныя ўмовы ад рэжыму. Яны вельмі многім рызыкуюць. Але трэба ствараць у душы Беларусь, і тады усё пойдзе само сабой. Такая мая парада бізнэсоўцам.
[ 26/01/2006 18:36 ]
:) У Вас ёсьць пачуцьцё гумару і гэта добра. Кажаце праблема пераехаць мяжу? Але на кожную мудрасьць ёсьць свая прастата: Вы калі-небудзь прыгалі з парашутам? З павагаю, Максім
Я думаю, што парашут тут не падыходзіць, таму што яны ўжо натрэніраваліся страляць па паветраных шарах. Лепш прарыць тунэль пад Гарадзенскай вобласьцю, проста ў Менск. (Гэта з улікам гумару Вашага пытаньня)
[ 26/01/2006 18:40 ]
А дзе вы зараз знаходзіцеся?
У Варшаве.
[ 26/01/2006 18:41 ]
cп.Зянон Станіслававіч, чытаючы Вас і шмат зь чым пагаджаючыся, маю уражаньне, што Вы лічаце самога сябе адзіным правым, які заўсёды мае рацыю і НІКОЛІ не зрабіў ніводнай памыўкі ў палітыцы. Пры гэтым адмаўляючы іншым ня тое што ў праве на памылку, але нат на іншы пункт гледжаньня. Дык ці рабілі Вы памыўкі і якія? ЗЫ Паўтараў пытаньне, бо першы раз застался бязь адказу. Сьвядомы Гарадзенец
Паважаны Гарадзенец, гэтае пытаньне не вынікае з таго, што я пісаў. Вы хацелі напісаць такое пытаньне, і я на яго вам адказваю. Калі б мы рабілі памылкі, то не было б ні незалежнасьці, ні бел-чырвона-белага сьцягу, ні беларускага войска, ні праўды пра Чарнобыль, і магчыма нават, адкрыцьця Курапатаў. Буду ў палітычнай меншасьці, нельга рабіць памылак, бо ў такой сытуацыі можна памыляцца адзін раз. І я вельмі ганаруся і сваёй працай, і маімі сябрамі, што ў гэтых вельмі складаных і неспрыяльных для нас умоваў, мы не нарабілі памылак. Мы дасягнулі таго, што маем маленькім авангардам. 25 фронтаўскіх дэпутатаў супраць больш як 300 - гэта мяжуе з цудам, але гэта было, гэта факт. Пасьля таго, калі ў выніку нашай прэцызійнай палітычнай дзейнасьці гэта было дасягнута, у рахунак уступае сіла -- галоўны фактар у палітыцы. А сілы ў нас якраз не было, бо грамадзтва яшчэ не было падрыхтавана да нацыянальных пераменаў.
[ 26/01/2006 18:45 ]
Спадар Пазняк, вы ўвесь час кажаце, што альтэрнатывы Вам і вашай партыі ў Беларусі няма, але тое ж самае кажа пра сябе і Лукашэнка. Ци не становіцеся Вы на адну прыступку з дыктатарам? Дзе Вашая дэмакратычнасць? Сяргей, Вілейка
Ніколі не казаў таго глупства, што няма альтэрнатывы нашай партыі.
[ 26/01/2006 18:48 ]
Шаноўны спадар Зянон! Чаму вашая партыя ніколі не выдае свае значкі, каляндарыкі, паштоўкі? Дзеля папулізацыі беларускіх ідэй, у нашых варунках, пра гэта ня трэба забывацца! Жыве Беларусь! Вучань СШ г.Менска
Згодзен, што пра гэта ня трэба забывацца. Некалі Фронт зьвяртаў на гэта вялікую ўвагу. Цяпер гэтыя часы вяртаюцца.
[ 26/01/2006 19:00 ]
Паважаны Зянон Станіслававіч! Ці патрэбна Беларусі уступаць у НАТО? На ваш погляд, якіх перашкод мы, як грамадзяньне Беларусі, павіны чакаць на гэтым шляху? З павагай да Вас Вадзім Макееў "Euro-Atlantic Partnership Centre"
У прынцыпе, нам уступаць у НАТО трэба (пра гэта я казаў яшчэ ў 1996 годзе), але ня трэба сьпяшацца. Мы да гэтага не гатовыя. Мы павінны ў праграме НАТО "Партнэрства дзеля міру". За гэты час мы павінны мадэрнізаваць сваё беларускае войска і ўзбраеньне. І тады, будучы моцнымі, будзе лягчэй прыняць рашэньне зыходзячы з канкрэтных абставінаў, улічваючы таксама і ваенную палітыку Расеі.
[ 26/01/2006 19:10 ]
Што вы думаеце наконт аднаўлення замкау у Міры і Нясвіжы? Што найперш нам трэба будзе вярнуць з нашых рарытэтаў з-за мяжы?
Нацыянальная дзяржава першым чынам павінна вярнуць сваю спадчыну і свой культурны выгляд. Культурнаму чалавеку, як кажуць, трэба перш за ўсё памыцца. Беларусь павінна аднавіць свой зьнешні выгляд: аднавіць замкі, адрадзіць разбураныя храмы, пасадзіць сады, прыбраць сьмецьце. Каб чалавек, які прыехаў з Захаду, убачыў, што прыехаў у Эўропу, бо мы - Эўропа. Толькі мы былі ў вельмі цяжкім стане, калі зьнішчалася наша культура і здабыткі нашай спадчыны. Цяпер гэта ўсё трэба аднавіць. І гэта дасьць стымул нашаму духоўнаму адраджэньню. Мы станем сябе паважаць, убачыўшы, што мы аднавілі культурныя здабыткі нашага народу. Гэтая праца абавязковая для духоўнага адраджэньня нацыі. Вяртаньне беларускай спадычыны, якую разрабавалі, павінна стаць часткай культурнай палітыкі. Нас, фактычна, разьдзелі, абрабавалі. Велізарная колькасьць культурных здабыткаў знаходзіцца за мяжой, найбольш у Расеі: у Маскве і ў Санкт-Пецярбурзе. І ніякія "нулявыя варыянты" тут значэньня ня маюць. Бо гэтая спадчына не набывалася разам у час існаваньне СССР, як нейкія ракеты і нафтапровады. Гэтая спадчына была створаная нашым народам і ўкрадзеная ў нас. Гэта зусім іншая справа.
[ 26/01/2006 19:24 ]
Было зададзена 292 пытаньні. З прычыны абмежаванага часу не на ўсе пытаньні спадар Пазьняк пасьпеў адказаць. Мы завяршаем нашу онлайн-канфэрэнцыю. Вэб-рэдактар
Дзякуй усім, хто прыняў удзел, хто задаў пытаньні, хто цікавіцца, перажывае за нашу будучыню, нашу Беларусь, нашу спадчыну, нашу мову. Думаю, што гэта пакіне нешта добрае ў душах, ва ўсялякім - у маёй душы гэта пакіне. Зычу Вам усім здароўя, усяго самага найлепшага. І перамогі ў Народным галасаваньні. Каб 25 сакавіка -- дзень БНР -- мы сустрэлі ў вольнай Беларусі. Жыве Беларусь!
 галоўная
 угару