 |
 |
|
|
Малады фронт
На Вашы пытаньні адказваюць актывісты “Маладога фронту” Наста Палажанка, Алег Корбан, Барыс Гарэцкі, Валер Мацкевіч, Зьміцер Хведарук і Аляксей Янушэўскі.
У інтэрвію "Свабодзе" Наста Палажанка сказала:
"Малады фронт" выявіў найбольшую актыўнасьць за час пасьля прэзыдэнцкіх выбараў. Мы працавалі як маглі, спрабавалі дадаць грамадзтву нейкую палітычную энэргетыку, каб грамадзтва адчувала, што палітыка – гэта справа ўсіх.
Чаму менавіта на "Малады фронт" была заведзеная крымінальная справа? Мы не пабаяліся палітычных рэпрэсіяў. Мы не спужаліся тады, калі ў нас забіралі лідэраў. Наадварот – моладзь паўставала і моладзь пачала супраціўляцца і змагацца. Як бы ні было цяжка з-за гэтых крымінальных спраў, заведзеных на нас, мы лічым, што быць маладафронтаўцамі – гэта гонар. Лічу, што гэтая крымінальная справа супраць нас – гэта ня толькі справа супраць канкрэтных пяцёх чалавек. Гэта справа заведзеная на "Малады фронт", наогул на моладзь, каб паказаць, што лепш сядзець па хатах і норках ціхенька і не высоўвацца. Таму мы будзем змагацца далей за нашую краіну.
Я ўпэўненая, што "Малады фронт", нават калі мы апынемся за кратамі, будзе змагацца далей. Я вельмі спадзяюся, што крымінальная справа супраць вельмі маладых людзей узрушыць грамадзтва, уздыме нейкую хвалю, бо хопіць ужо палітвязьняў у нашай краіне. Трэба забыцца, што мы нібыта нічога ня можам зрабіць з гэтай уладай, трэба змагацца. І я спадзяюся, што наш прыклад маладафронтаўскі зробіцца прыкладам для ўсіх іншых”.
Гл. таксама:
Маладафронтаўцы на “Свабодзе” – фотарэпартаж з онлайну |
|
2003
2004
2005
2006 |
| [ 30/03/2007 22:32 ] |
| Маё пытанне датычыцца хлопцаў:
Як вы лічыце, рэальна той факт, что прэзідэнтам РБ стане жанчына? І які шанец у Насты Палажанкі? |
Валер Мацкевіч: Думаю, на той момант калі Наста зможа балятавацца на пасаду прэзыдэнта ( гэта недзе праз дваццаць гадоў, ня меней), а яна гэтага будзе варта, наша нацыя як раз сасьпее для такой значнай падзеі.
Алег Корбан: Наконт Насты магу сказаць – праз гадоў 20 будзем думаць. Прэзыдэнтам Беларусі. На мой погляд, павінен быць мужчына.
Барыс Гарэцкі. Няма пярэчаньняў, каб прэзыдэнтам Беларусі была жанчына, і ў Насты ёсьць патэнцыял, каб зь цягам часу заняць гэтую пасаду.
Зьміцер Хведарук: Я ня маю нічога супраць Насты і жанчынаў, але лічу, што ў Беларусі прэзыдэнтам павінен быць толькі мужчына. Перакананы ў тым, што толькі мужчынская рука, сталы мужчынскі досьвед можа прывесьці Беларусь да лепшага жыцьця.
Аляксей Янушэўскі: Я ў гэтым пытаньні салідарны з Барысам. Асабіста я нічога ня маю супраць, каб прэзыдэнтам была жанчына. А наконт Насты – дык трэба спытацца ў яе, гадоў праз 20.
|
| [ 30/03/2007 22:34 ] |
| Наста Палажанка, аб чым Вы марыце? |
| Я мару аб Беларускім Адраджэньні, калі мільёны
разгубленага пакаленьня жыхароў нашае краіны
прыгадаюць аб тым, што яны беларусы і што Беларусь для
кожнага зь іх -- гэта сьвятое. Мару аб тым, што пройдзе
час і зьявяцца беларускамоўныя дзіцячыя садочкі,
школк?і Што людзі пачнуць верыць у сябе, верыць у
Беларусь.
Я мару аб краіне, дзе ня будзе палітычных вязняў. Дзе
ня будзе палітычных рэпрэсіяў для тых, хто ня згодны.
Я мару аб чыстай, сьветлай, дэмакратычнай, эўрапейскай
краіне - Беларусі.
|
| [ 31/03/2007 12:14 ] |
| Што б вы магли параиць иншым моладзевым актывистам, каб не трапиць у турму? |
Валер Мацкевіч: Сядзець дома, глядзець БТ. Канешне жарт, але ў дадзены момант калі хтосьці лічыць, што мае маральнае права называць сябе актывістам не можа быць стоадсоткава перакананы ў сваёй бясьпецы. А калі вы прымеце да ўвагі розная там парады накштал: не рызыкуйце, не засьвечвайцеся, не раздражняйце ўладу, ну тады варта задумацца аб аб’ектыўнасці падыходу да самаіндэфікацыі. Ну а калі вы насам рэч актывіст- добры адвакат яшчэ нікому не замінаў.
Наста Палажанка:
Я магу параіць толькь быць акуратнымі, але
шчыра ісьці да канца. Не баяцца. Крочыць да перамогі.
Мець мужнасьць ды волю ў сэрцы!
А хто ня любіць волі і ня нашага роду, - казаў Янка
Купала.
|
| [ 31/03/2007 12:27 ] |
| ja prashu adkazac kozhnaha i praudu: shto kazhuc vashy backi? |
Валер Мацкевіч: Пра тое, што ім не сорамна глядзець адзін аднаму ў вочы. І высокае пачуцьцё, а таксама разуменьне ўзаемапавагі і самапавагі надае сілы перамагаць нізьменую боязь, якая трансфармуецца ў клопат ды турботу. Па магчымасьці, вядома. А калі проста: “ З вамі Бог бо з вамі Праўда!!! Жыве Беларусь”. Вось так.
Наста Палажанка:
Мае бацькі вельмі хвалююцца, бо яны ня
згодныя з тым шляхам, які абрала я. Яны прасілі
адмовіцца ад дзейнасьці ды жыць "як усе". Але ж
маладафронтаўцы зрабілі свой выбар -- пабачыць вольную
краіну, таму мы будзем ісьці да перамогі.
Алег Корбан: Мае бацькі яшчэ гадоў 7 таму былі прыхільнікамі Аляксандра Рыгоравіча. Зараз сытуацыя зьмянілася. Яны падтрымліваюць маю дзейнасьць. І, канешне, кепска ставяцца да магчымасьці таго, што я магу патрапіць за краты.
Барыс Гарэцкі: Мае бацькі вельмі хвалююцца за мяне, і насамрэч яны падтрымліваюць маю дзейнасьць. Яны таксама пакутваюць з-за таго, што ў нас на кватэры адбываюцца ператрусы. Канешне, іх гэта вельмі кранае. Але мае бацькі маюць вельмі баявы настрой, маці працуе ў камітэце абароны рэпрэсаваных, у зьвязку з гэтымі крымінальнымі справамі амаль штодня просіць мяне, каб я З’ехаў з краіны, бо яна вельмі за мяне хвалюецца.
Зьміцер Хведарук: Я бацькам вельмі ўдзячна за выхаваньне мяне ў дзяцінстве, менавіта яны зрабілі мяне шчсырым беларусам, і зараз дапамагаюць, як ніхто іншы.
Аляксей Янушэўскі: Наконт бацькоў шчыра адказваю, што мае маці і бацька цалкам мяне падтрымліваюць, адзінае, што іх вельмі хвалююць гэтыя крымінальныя справы і рэпрэсіі, арганізаваныя рэжымам ў дачыненьні да беларускай моладзі.
|
| [ 31/03/2007 12:29 ] |
| Niajaka hvala u harmadztve nai uznikne, bo niama hramadztva. Z vami kanechne buduc salidarnyja prystojnyja ludzi, heta niamala. Ale niajaka palitychnaha efektu heta nia budze mec. |
| Валер Мацкевіч Я не зусім зразумеў у чым пытаньне, а можа я не пасьпеў разглядзець у вашых словах падтрымку маіх сяброў. Ці ўсё ж гэта спроба апраўдаць сябе, вам не здаецца, свой страх, сваю здраду. Бо крымінальныя справы “Маладафронтаўцаў” не штучна падрыхтаваная падзея дзеля некага там палітычнага эфэкту. Гэта безвыходнасьць рэжыму перад моцаю і няскораннасьцю маладых сэрцаў. А на конт грамадзтва, скажу так. Перажыўшы тое, што прыйшлося на нашыя плечы ў перыяд савецкага тэрору пад час розных рэпрэсій, нашае нацыі ўсё роўна ёсьць і заўсёды будзе чым і кім ганарыцца. Бо мы прайшлі праз усе пакуты і захавалі тое, што дае нам магчымасьць выхаваць і пабудаваць найлепшае грамадзтва ў сьвеце. Я шчыра веру ў гэта. І вам параю. Жыве Беларусь!!! |
| [ 31/03/2007 12:30 ] |
| Shto vy dumajece pra emihracyju? |
Наста Палажанка:
Ніякай эміграцы! Я люблю Беларусь, я люблю
тых, хто побач са мною ,ды тых, хто зараз за кратамі.
Я веру тым, хто 25-га сакавіка кожнага году стаіць з
намі ў ланцугах. Я паважаю ўсіх, хто вырашыў стаць на
шлях змаганьня ,ды з кім я пабачылася падчас
намётавага мястэчка. Дык чаму ж я пав?іна зьязджаць
адсюль? Гэта наша краіна! І мы адсюль не зьедзем! |
| [ 31/03/2007 22:38 ] |
| Добры дзень.Я жыву у Гоммлі.Ці ёсць нейкія суполкі Маладога фронту у маім горадзе?Калі не то як можна стварыць суполку?Што для гэта трэба?Якія вы можаце даць прапановы.Дый мне толькі 15 год ці магчыма мне узначаліць суполку?Узрост ня будзе памехай у працы?Зь павагаю Зьміцер зь Гомлі. |
Валер Мацкевіч: Прывітаньне Зьміцер. Узрост ніколі не з’яўляўся перашкодаю ў добрай справе. Тым больш наш статут дазваляе вам стаць сябрам нашае арганізацыі з 14-ці год. Абмежаваньні зьвязаны з удзелам у працы кіруючых ворганаў, але вам засталося пачакаць не так шмат часу. Як раз можна пасьпець сабе праявіць. Падрабязныя інструкцыі можна атрымаць індывідуальна праз інтэрнэт-пошту, даслаўшы папярэдні ліст на арганізацыйную адрэсу і паьсля праз сустрэчу.
Наста Палажанка: Вітаю, Зьміцер! Я вельмі рада, што Вы маеце жаданьне далучыцца да Маладога Фронту. У Вашым горадзе, сапраіды, маецца суполка МФ, таму прашу Вас зайсьці на сайт www.mfront.net і знайсці нашыя кантакты, т.б. нумары тэлефонаў. Пры гэтым раю Вам азнаёміцца з праграмнымі дакумэнтамі й Статутам МФ, калі мы з Вамі маем аднолькавыя каштоўнасьці й мэты, тады я буду чакаць Вашага тэлефанаваньня! І ніякай перашкоды ў працы з-за ўзросту я не бачу. Да сустрэчы! |
| [ 31/03/2007 23:58 ] |
| Як вы лічыце,ці уздыміцца народны рух у гэтым годзе так,каб у ім прынялі удзел больш за 100 тысяч чалавек? Мне здаецца,толькі такая колькасць свядомых грамадзян можа істотна пауплываць на становішча ў нашай краіне. Барані нас Бог!!! |
Валер Мацкевіч: Працэсы ў грамадзтве безумоўна можна спрабаваць прагназаваць. Але як паказвае гісторыя, самыя адметныя падзеі адбываюцца тады калі іх не чакаеш, ці калі ў іх папросту не верыш. Маё меркаваньне -- трэба верыць у сябе і ў людзей якія побач. І тады ўсё атрымаецца.
Наста Палажанка: Мы працуем дзеля гэтага, і хачу зазначыць, што калі мы будзем РАЗАМ, едныя ва ўчынках, тады мы будзем ня проста марыць аб нейкім народным руху, мы будзем пагадзінна ствараць яго! Ня думаю, што гэта адбудзецца ў 2007 годзе, але веру, што гэта станецца вельмі хутка! |
| [ 01/04/2007 02:22 ] |
| Сябры,мацуйцеся! Мы мужныя духам і ўчынкам. Хай дабраславіць нас усіх Бог. Арсень. |
| [ 01/04/2007 11:56 ] |
| Як вы ставiцеся да А.Казулiна? Чаму моладзь больш падтрымлiвае А.Мiлiнкевiча? Хаця на мой погляд спадар Казулiн за кароткi час сваёй палiтычнай кампанii зрабiу больш у барацьбе супраць улады.
i другое пытанне! Кожны раз хаджу на мiтынгi i пасля кожнага з iх разумею, што усе гэтыя сустрэчы безперспектыуны (дай бог. каб я памыляуся). Можа трэба змянiць фармат гэтых сутрэч??????????????????????????????????
Дзякуй за адказы. З вялiкай павагай да вас Б@йкот. |
Валер Мацкевіч: Большасьць моладзі, тым болей, якая не займаецца прафэсійна грамадзкай альбо палітычнай дзейнасьцю, абірае лідэра сэрцам. І часцей гэта правільны выбар.
Аляксей Янушэўскі: Мы, безумоўна, салідарныя з Аляксандрам Казуліным. Мы працягваем патрабаваць яго неадкладнага вызваленьня й усіх палітычных вязьняў Беларусі. Мы вельмі ўдзячныя Ірыне Казулінай за ўдзел у працы кампаніі “Свабоду Зьмітру Дашкевічу!”. Што да таго, чаму Малады Фронт падтрымлівае менавіта Аляксандра Мілінкевіча, дык відавочна таму, што праграма менавіта Мілінкевіча найбольш адпавядае каштоўнасьцям і палітычнае пазыцыі нашае арганізацыі. Мы зьяўляемся правым моладзевым рухам, і таму найбольш падтрымліваем тых палітыкаў, што найбольш выступаюць за Нацыянальнае Адраджэньне. Што да зьмяненьня фарматаў мітынгаў і сустрэчаў, дык у гэтым Вы маеце рацыю. Хопіць безвыніковых акцыяў. Трэба перамагаць! іншага выйсьця няма й не павінна быць. |
| [ 01/04/2007 13:34 ] |
| Приветствую.
Меня интересует несколько немаловажных моментов.
Вот ссылка http://pahonia.promedia.by/str/2007-03/062.htm
Оттуда взята следующая цитата:
Кагэбісты паказалі студэнтцы два аркушы фармата А4 на якіх ад рукі было напісана слова “Горадня”, а далей быў спіс нібыта ўдзельнікаў незарэгістраванай арганізацыі “Малады фронт”, які складаўся недзе з 20 прозвішчаў. Хрысціне было заяўлена, што яе прозвішча знаходзіцца ў гэтым спісе і што гэтыя аркушы былі канфіскаваныя ў Менску ў непаўнагадовай Насты Палажанкі, якую абвінавачваюць ва ўдзеле ў незарэгістраванай арганізацыі.
Теперь вопросы:
1. почему вообще составляются списки людей-участников МФ?
2. для кого они предназначены?
3. почему список доверяется несовершеннолетней девочке?
Буду рад получить исчерпывающие ответы.
С искренним уважением, небезразличный человек. |
Валер Мацкевіч: Пэўныя сьпісы насамрэч існуюць. Калі вы маеце хаця б мінімальнае ўяўленьне аб тым як працуе арганізаваная структура з колькасьцю ў некалькі тысяч чалавек па ўсёй краіне, вы б мусілі ведаць, што для арганізацыі, рэалізацыі і карэктаваньню працы, я ужо не кранаю пытаньні аналітыкі дзеля выпрацоўкі стратэгіі і тактыкі ў штодзённа змяняючыхся абставінах неабходна інфармацыя пра саміх сябе. Бо калі адмовіцца ад ўсіх неабходных працэдур, то мы маем шанец пераўтварыцца ў незаарганізаванае анархічнае ўтварэньне, якое, паверце вопыту, нашмат прасьцей зьнішчыць рознымі правакацыямі. І людзей, большасьць якіх усё роўна вядома рэпрэсавана было б яшчэ больш. Сьпісы давяраюць адказным, не ў залежнасьці ад узросту. І з гэтай працаю на дадзеным этапе Наста спраўлялася найлепшым чынам. Бо большасьць найважнейшае інфармацыі вялікая тайна для розуму адных з найпрафэсійных, прабачце за пафас, спэцслужбаў сьвету. Рабіце вывад.
Аляксей Янушэўскі: Па-першае, гэтыя сьпісы ня маюць аніякага дачыненьня да Маладога Фронту, на паперах не было нічога пазначана акрамя імёнаў і кантактаў. Па-другое, гэта сьпіс людзей знаёмых Насты, па якім дзяўчына дасылала калядныя паштоўкі ў гэтым годзе. Калі зьвярнуць увагу на тую велізарную колькасьць людзей, што былі дапытаныя па справе МФу й ня маюць аніякага дачыненьня да арганізацыі, можна зрабіць выснову, што прадстаўнікі праваахоўных ворганаў выкарыстоўвалі ўсе сьпісы й кантакты людзей, што нейкім чынам зьвязаныя з актывістамі Маладога Фронту. Наконт таго, што Наста зьяўляецца яшчэ непаўнагадовай і, нягледзячы на гэта, супраць яе ўзбуджаная крымінальная справа, дык, на маю асабістую думку, усім “паўнагадовым” лідэрам дэмакратычных партыяў і арганізацыяў Беларусі павінна быць сорамна, за тое, што дзяўчына, і адрозьненьне ад іх, гатовая ўзяць адказнасьць за лёс нашае краіны, гатовая, нягледзячы на свой узрост, абараніць нацыянальныя каштоўнасьці Беларусі й гонар нашых продкаў. |
| [ 02/04/2007 14:24 ] |
| Ja pamjataiu 1991;92,93;94;95;96. Mazliva moladz zrobic inaksh ? Ramanau Mikalai.Antwerpen.Belgie. |
Аляксей Янушэўскі: Не зусім разумею. Вашае пытаньне, наконт таго, што моладзь зробіць “інакш”. Але на ўсе 100 адсоткаў упэўнены, што моладзь, безумоўна, пераможа.
Валер Мацкевіч: Я насамрэч спадзяюся, што моладзь зробіць інакш, то бок ня будзе нагоды дасылаць лісты беларускай моладзі з-за межжа.
|
| [ 02/04/2007 17:49 ] |
| ВАЛЕРЫ ГРЫЦУК
Вітаю вас , шаноўныя змагары! Згодзен з Настай, што Трэба забыцца, што мы нібыта нічога ня можам зрабіць з гэтай уладай, трэба змагацца. Менавіта я і карыстаюся гэтай аксіёмай 17 гадоў і дасягаю вынікаў.Вялікі дзякуй вам і такім як вы.Толькі з дапамогай такой моладзі мы захаваем Беларусь і створым дэмакратычную багатую дзяржаву.
Вы безумоўна “прайшлі баі” і маеце на многае свой пункт гледжаньня, што вы думаеце пра партыйных лідэраў, ці здольны яны нас прывесьці да Дэмакратыі, ці яны сябе вычарпалі? |
Наста Палажанка: Я дзякую Вам за Вашую аксыёму, якая ўжо 17 год натхняе Вас! Дзякую за добрыя словы, якія сапраўды дадаюць моцы і ўпэўненасьці ў заўтрашнім дні! Я, як казала раней і не баюся паўтарыцца, я веру ў палітычную моц Аляксандра Мілінкевіча, веру, што менавіта ён здольны прывесьці нас да той дэмакратычнай дзяржавы, аб якой мы з Вамі марым!
Валер Мацкевіч: Паважаны Валеры, на маю думку, задача партыйных лідэраў – рабіць лепшым жыцьцё мэтавых груп і праслоек насельніцтва, якія яны прадстаўляюць, ужо пры дэмакратыі. Мы перабольшваем іх ролю ў справе самога працэсу барацьбы за дэмакратыю. На мой погляд, гэты цяжар, гэта сьвятая місія павінна легчы на моцныя плечы адзінага нацыянальнага лідэра, які здольны падняць людзей на гэтую самую барацьбу. |
| [ 02/04/2007 18:26 ] |
| Ужо каля тыдня я не магу зайсцi на сайт "Маладога фронту". Чаму так? Цi гэта спецслужбы выконваюць свою новы загад? Жыве Беларусь. Юрась з логава. |
| Наста Палажанка: На жаль, мы ня раз сустракаліся з тым, што наш сайт www.mfront.net спрабавалі заблякаваць у піку нейкай падзеі, але ж зараз сайт працуе, таму калі ласка, заходзьце! На сайце Маладога Фронту Вы можаце пазнаёміцца ня толькі з навінамі МФ, але і праглядзець фатаздымкі розных гадоў, пазнаёміцца з творчасьцю маладафронтаўцаў у разьдзеле “Лірыка” і азнаёміцца з
шэрагам карыснае літаратуры. |
| [ 02/04/2007 20:07 ] |
| Паважаныя, як вы лічыце, каб перамагчы злачынны рэжым на Беларусі, патрэбен сапраўдны Нацыянальны Лідэр ці ўсё ж сп. Мілінкевіч ? Хто асабіста для вас
з'яўляецца такім, які заслугоўвае ўзначаліць краіну ўсім сваім жыццём і ўчынкамі? Дзякуй Вам. Туравец Віктар. |
Наста Палажанка: Я думаю, што сп. Мілінкевіч і будзе зьяўляцца Нацыянальным Лідэрам. Мы ўпэўненныя ў яго магчымасьцях. Думаю ён варты таго, каб узначаліць дэмакратычную краіну Беларусь.
Валер Мацкевіч: Трэба спусціцца зь нябёсаў, зразумець, што мы жывем не ў часы Кастуся Каліноўскага. Мілінкевіч, на дадзены момант, для мяне і ёсьць Нацыянальны Лідэр. І гэта прынцыповае пытаньне, палітычнае. На злоснасьць ворагам гэта дапамагае ад усеагульнае млявасьці. Так што і вам раю. Але гэта не ілюзія і не падман самога сябе, а наадварот, рэчаіснасьць і жаданьне плённай працы. |
| [ 02/04/2007 21:04 ] |
| ЧЕМ РЕАЛЬНО МОЖНО ПОМОЧЬ ПОСТРАДАВШЕЙ МОЛОДЕЖИ? ДНЬГАМИ, ПРИСУТСТВИЕМ В СУДЕ ИЛИ?,,, |
Наста Палажанка: Мы будзем радыя вашай салідарнасьці. Але галоўным чынам, як Вы можаце дапамагчы – гэта стаць на шлях імкненьня да дасягненьня сваіх мараў, дасягненьня прысутнасьці праўды й справядлівасьці! Проста крочце наперад, да перамогі, і ў гэтым мы Вам будзем сапраўды вельмі ўдзячныя!
Валер Мацкевіч: Наша моладзь не “пострадавшая”, гэта героі, а калі насамрэч жадаеце дапамагчы – прыходзьце на суд. Гэта крок салідарнасьці. Зараз гэта дарэчы. |
| [ 02/04/2007 21:10 ] |
| Настя? Это мы, твои одноклассники. Очень гордимся тобой, очень надеемся, что все закончится благополучно, очнь ждем тебя в классе (даже если не решаемся лично об этом сказать) |
| Наста Палажанка: Шчыра дзякую за гэтыя словы. Сапраўды вельмі прыемна, калі шчыра, нават і не чакала. Пабачымся, безумоўна! |
| [ 02/04/2007 22:55 ] |
| Ці лічыце Вы, што некаторымі сваімі дзяннямі вы падставілі шмат сябраў арганізацыі і справу самой арганізацы,захоўваючы спісы, анкеты і рэгістрацыйныйныя аркушы арганізацыі ў сябе дома, з'яўляючысь лідарамі, якія заўседы пад наглядам. Можа настаў час быць дарослымі і замест таго каб сядзець і быць узнікам сумлення, трэба рабіць справы, а не галімы піяр?
Подпіс: Са Стажам |
Наста Палажанка: Дзякуй, мы прымем Вашыя заўвагі, чалавек Са Стажам.
Валер Мацкевіч: Я ў арганізацыі з 1999 году. Можа, гэта і няшмат, але дастаткова, каб зразумець і пабачыць, што Вы далёкія ад рэальнае сітуацыі адносна дзейнасьці арганізацыі, гэта першае. Другое – чалавек, які мае ў чымсьці стаж, аніколі так сябе не назаве, бо гэта дзяцінства. Па-трэцяе, хопіць ужо эксплюатаваць слова “піяр”, да тэмы і безь яе, бо мне як мэнэджэру ўжо сьмешна ад Вашае некампэтэнцыі. І апошняе: калі ў Вас столькі запалу, прыходзьце на Чарнобыльскі Шлях – гарачая вясна чакае Вас. |
| [ 03/04/2007 07:24 ] |
| Уважаемые молодофронтовцы!
Отдаете ли вы себе отчет, что, скажем, имя Дмитрия Дашкевича, не говоря уже о других политзаключенных, зачастую ничего не говорит белорусскому обывателю? Акции вроде той, которая была проведена 14 февраля, остаются незамеченными, либо вызывают негативную реакцию, поскольку люди просто не понимают, что ЭТО? Я не говорю о том, что все что вы делаете это плохо, нет. Просто я призываю вас действовать обдуманно, а не проводить акции лишь ради того, чтобы показать, что вы есть.
Удачи в тяжбах с КГБ! |
| Аляксей Янушэўскі: Крок наперад маленькі, яго не заўсёды можна заўважыць. і не заўсёды зразумела які ў ім сэнс. Затое шлях, па якім зроблены гэты крок даволі вялікі й доўгі. Дык вось кожны, хоць самы маленькі крок, рух на карысьць нацыянальнага Адраджэньня, у рэшце рэшце ператворыцца ў абуджэньне Нацыі, якая паўстане й пераможа! Мы ідзем, нягледзячы на ўсе выпрабаваньні, а ў іх свая мэта, Вы ведаеце, якія крымінальныя справы гэтаму чарговае сьведчаньне. Значыцца мы сапраўды дзейнічаем, а самае галоўнае, што нас сапраўды ўжо не спыніць. |
| [ 03/04/2007 08:19 ] |
| 1. (да Насты ў першую чаргу): гэта праўда, што Вы вырашылі паспрабаваць атрымаць рэгістрацыю МФа? Ці ёсьць магчымасць гэта ажыцьцявіць? Чаму гэта робяць? І ці не зьменіцца ад гэтага сутнасць аб'яднаньня?
2. (да ўсіх) Як вядома, у жніўне на волю выходзіць Павал Севярынец. Ён будзе прымаць актыўны ўдзел у дзейнасць Маладога фронту ці прысвячая сябе БХД? І ці ёсьць магчымасьць таго, што іншыя 2 палітзьняволеныя з МФу выйдуць раней дзякуючы закону аб амністыі, які павінен выйсьці ўлетку?
3. Вашыя прагнозы наконт прысуду.
4. Прганоз палітычных падзей на год у Беларусі.
Дзякуй, з павагай і лепшымі зычыньнямі, Наста.
МФ не спыніць! |
Наста Палажанка: Дзякуй, Наста, за добрыя пытаньні! Так, сапраўды, мы зараз сапраўды займаемся працэсам рэгістрацыі. Я не магу выказваць прагнозы, адказ аб рэгістрацыі ці нерэгістрацыі нам вынясе Мін’юст. Але ж нейкіх асаблівых спадзяваньняў мы ня маем, але робім усё магчымае, каб працаваць згодна з Законам і Канстытуцыяй. Мы хочам паказаць тое, што нашая дзейнасьць не супярэчыць Канстытуцыі й заканадаўству, што мы ня згодныя з тым ціскам і крымінальнымі справамі супраць нашае дзейнасьці. Мы будзем спрабаваць супрацьстаяць гэтаму ўсімі магчымымі прававымі сродкамі.
Я думаю, што гэтае пытаньне варта задаць самому Паўлу Канстаньцінавічу Севярынцу, але, нягледзячы на яго будучую дзейнасьць, мы вельмі яму абавязаныя тым, што ён стварыў наш ідэйны падмурак і натхніў нас Нацыянальнай ідэяй і Хрысціянскімі Прынцыпамі. Мы вельмі ўдзячныя яму за ўсё тое, што ён зрабіў для ўсіх нас!
Наконт нашага прысуду спрабуем ня думаць, бо нават на тое й не хапае часу.
Я думаю, што палітычная ўвага будзе менавіта вакол моладзевага асяродку, і Моладзевы Рух будзе ўзбуйняцца. Спадзяюся, што ў палітычнай напружанасьці Кангрэс Дэмакратычных Сілаў расставіць усё па сваіх месцах, і Дэмакратычныя Сілы змогуць сканцэнтравацца й дзейнічаць разам у адным напрамку да перамогі. |
| [ 03/04/2007 12:55 ] |
| Пытаньне да Алега Корбана: скажыце, кали ласка, як вы патрапили у МФ, кали увогуле пачали цикавицца нацыянальным рухам? |
| Алег Корбан: У МФ я патрапіў напрыканцы 2000-га году, далучыўся пасьля Маршу свабоды-3, натхніў мяне да актыўнай дзейнасьці Павал Севярынец. І вось так, па сёняшні дзень, змагаюся ў шэрагах Маладога Фронту. |
| [ 03/04/2007 13:00 ] |
| Барыс Гарэцкі, наколькі мне вядома, вы навучаліся па праграме Каліноўскага. Чаму вы не працягнулі вучобу? Ці будзе ў вас магчымасьць вучыцца завочна ці дыстанційна, знаходзячыся ў турме? |
| Барыс Гарэцкі: Гэта пытаньне яшчэ ня вырашана. Я спадзяюся, што такая магчымасьць будзе нават у выпадку маёй “пасадкі”. А усіх “каліноўцаў” вельмі прашу старанна вучыцца і не забываць пра сваю Бацькаўшчыну. |
| [ 03/04/2007 13:03 ] |
| Зьміцер, а як вы апынуліся ў МФ, чаму менавіта гэты моладзевы рух прыцягнуў вашу ўвагу? |
| Зьміцер Хведарук: Я прыйшоў у МФ у 2005 годзе, адразу пасьля таго, як пасадзілі Паўла Севярынца. А дагэтуль даўно хацеў далучыцца да МФ як да арганізацыі беларускай моладзі, якая вызнае хрысьціянскія прынцыпы і нацыянальную ідэю, але баяўся апынуцца разам з такімі асобамі, як Севярынец і Дашкевіч, пра якіх я ўжо шмат чытаў і ведаў, каб раптам не выявіць сваю юнацкую некампэтэнцыю. Іншымі арганізацыямі я не цікавіўся з-за адсутнасьці ў іх добрай беларускай ідыялёгіі, бо іх мэтай не было выхаваньне моладзі дзеля змаганьня і дзеля будучыні Беларусі, а проста сьляпы супраціў. |
| [ 03/04/2007 13:07 ] |
| Вас усе ведаюць, як моладзевых актывістаў, а скажыце, калі-ласка, ці ёсьць у вас хобі акрамя Маладога Фронту? Якая музыка падабаецца? Якую кніжку зараз чытаеце? |
Наста Палажанка: На жаль, на дадзены момант акрамя МФ ні аб якім хобі казаць не магу, бо цалкам жыву маладафронтаўскім жыцьцём, ахвяруючы яму ўсім сваім часам. Музыку слухаю розную, па стылях, але выключна беларускую. З кніг зараз чытаю адначасова літаратуру па вучобе "Злачынства і Пакараньне" нашага земляка Дастаеўскага й кнігу Ніла Гілевіча "Толькі мы самі".
Аляксей Янушэўскі: Нягледзячы на тое, што амаль практычна ўсё жыцьцё і гэта толькі Малады Фронт, ёсьць ,вядома, некаторы вольны час на хобі, аднак усе захапленьні, зразумела, зьвязаныя з нацыянальным Адраджэньнем нашае Бацькаўшчыны. Асабіста ў мяне ўвесь вольны час – гэта вывучэньне гісторыі й культуры нашае краіны. Зь нейкіх маленькіх захапленьняў магу адзначыць збор архіўных матэрыялаў, зьвязаных з гісторыяй беларускага нацыяналізму. Музыка падабаецца зусім розная, але пераважна беларуская, праўда, вельмі люблю стары ангельскі Rock’n’Roll. Зараз чытаю Алеся Алехніка “Пад Бел-Чырвона-Белым”. |
| [ 03/04/2007 13:09 ] |
| Аляксей Янушэўскі, вы верыце ў Бога7 Да якой канфэціі адносіце сябе? |
| Аляксей Янушэўскі: Дзякуй за пытаньне. Так, я веру і Бога. Адношу
сябе да грэка-каталікоў. |
| [ 03/04/2007 13:11 ] |
| Б. Гарэцкі, ваша грамадзкая актыўнасьць не супярэчыць вашым хрысьціянскім прынцыпам? |
| Барыс Гарэцкі: Хрысьціяне ў Беларусі заўсёды бралі адказнасьць за кіраваньне сваёй краінай, бо менавіта веруючыя людзі могуць павесьці за сабой усіх астатніх. |
| [ 03/04/2007 13:15 ] |
| Дарагая Настачка! Вы такая маладая й прыгожая дзяўчына, няўно ўлады насамрэч не пабаяцца пасадзиць вас за краты? Такога выпадку яшчэ, здаецца не было, каб школьніцу за яе перакананьнні кідалі ў турму...Трымайся! Ты сапраўдная беларуска!
Беларус. |
| Наста Палажанка: Шчыра дзякую за падтрымку, мне вельмі прыемна атрымаць гэтыя словы ад сапраўднага Беларуса. Калі шчыра, і я ня ведаю такога выпадку, калі дзяўчына майго ўзросту падпадала б пад такое палітычнае абвінавачваньне, таму мяне саму цікавяць вынікі гэтага суду, які пакажа, на што можа пайсьці рэжым, калі ён адчувае небясьпеку. |
| [ 03/04/2007 13:17 ] |
| Наста, а ты ў школе па-беларуску размаўляеш? |
| Наста Палажанка: Амаль усе прадметы ў маёй школе выкладаюць па-расейску. Нават Гісторыю Беларусі. Таму з-за недахопу тэрміналёгіі маё навучаньне не дае магчымасьцяў шырока выкарыстоўваць родную мову на занятках. |
| [ 03/04/2007 13:29 ] |
| Якія парады можаце даць іншым маладафронтаўцам (як лепш канспіравацца, размаўляць па тэлефоне і інш.)? |
Наста Палажанка: Я раю Вам пачытаць кнігу “Беларускі Кансьпіратар”, дзе зьмешчана шмат добрых парадаў. Асноўнае, што магу сказаць, ня майце давер да сваіх тэлефонаў, электронных скрыняў і да незнаёмых злых дзядзей з шэрымі тварамі ў “цывільным”.
Аляксей Янушэўскі: Па тэлефоне лепш зусім не размаўляць. Ну гэта,
Зразумела, жарт :-) Калі сур’ёзна, дык усе больш-меньш значныя размовы трэба весьці пры асабістае сустрэчы. Чым менш запісаў на паперы – тым лепш. Усе кантакты павінны быць толькі ў мабільным тэлефоне. Уся інфармацыя на кампутарах зашыфраваная праз PGP. І максымальная ўвага й асьцярожнасьць у працы. Хаця нам, зразумела, няма чаго хаваць. Мы – адкрыты, дэмакратычны моладзевы рух. Мы на сваёй зямлі й дзейнічаем законнымі, негвалтоўнымі мэтадамі. |
| [ 03/04/2007 13:51 ] |
| Барыс Гарэцкі, якія Вашы любімыя пісьменьнікі й кнігі? |
| Барыс Гарэцкі: цяжка сказаць, бо шмат чытаю. І на “сутках” давялося чытаць. Але апошнім часам асабліва палюбіў паэзію Сяргея Грахоўскага. |
| [ 03/04/2007 13:52 ] |
| Aliaksej Jznusheuski, jakaja vashaja dumka pra Zianona Pazniaka? |
| Аляксей Янушэўскі: Да Зянона Станіслававіча стаўлюся зь вялікаю павагаю. Магу паставіць свой подпіс пад кожным словам у артыкуле пра Зянона Пазьняка ў кнізе Паўла Севярынца “Нацыянальная ідэя і Фэнамэналёгія Беларусі”. І на ўсе 100% упэўнены, што і выніку “ўсё будзе так, як казаў Пазьняк”. |
| [ 03/04/2007 13:53 ] |
| Як Вы ацэньваеце вынікі сьвяткаваньня Дня Волі ў Беларусі? |
| Аляксей Янушэўскі: Асабіста я, калі шчыра, ня вельмі добра. Улады зрабілі ўсё магчымае, каб ліквідаваць напярэдадні акцыі ўсіх вулічных лідэраў, каб сьвяткаваньне Дня Незалежнасьці Беларусі было максымальна неарганізавана. І ў выніку ў іх гэта практычна атрымалася. Але колькасьць моладзі, што прыйшла на акцыю, і панічны страх рэжыму – гэта ўсё сьведчыць аб тым, што перамены адбудуцца даволі хутка. |
| [ 03/04/2007 13:53 ] |
| Як вы ставіцеся да Аляксандра Мілінкевіча? Ён сапраўдны лідэр? |
|
Валер Мацкевіч: Малады Фронт бачыць на дадзены момант спадара Мілінкевіча адзіным чалавекам, які можа аб’яднаць вакол сябе найбольшую частку беларускага грамадзтва, нягледзячы на ўвесь цяжар крытыкі, які зараз на яго абрынуўся з боку скептыкаў. Мы не зьмянілі сваё палітычнае і прыватнае стаўленьне да Мілінкевіча.
|
| [ 03/04/2007 13:53 ] |
| Kolki god Maladomu frontu? |
| Аляксей Янушэўскі: У гэтым годзе Малады Фронт адзначае свой 10-ты Дзень народзінаў. У 1997-м годзе адбыўся першы ўстаноўчы сойм арганізацыі. |
| [ 03/04/2007 13:55 ] |
| Зьміцер, ці ёсьць у вас дзяўчына? |
Зьміцер Хведарук: На дадзены момант яе няма. Я якраз шукаю. Насамрэч, гэта вельмі цяжкае пытаньне . Асабліва ў беларускіх рэаліях, калі ты заняты справай, і часам ня хочацца крыўдзіць людзей. |
| [ 03/04/2007 16:52 ] |
| Дзякуй цябе, шаноўны Барыс, за мужнасьць, ты сапраўдны Змагар, а мог бы як большасьць так званых “каліноўцаў” спакойна вучыцца ў Польшчы і папіваць піва і шукаць эмоцый на польскія горшы. На тваю думку, пабачыўшы Польшчу і там нашых маладзенаў, ці вялікі патэнцыял у беларускай моладзі да сапраўднага змаганьня ? дзякуй.ВАЛЕРЫ ГРЫЦУК |
| Барыс Гарэцкі: Патэнцыял вялізнейшы, а адказнасьць за яго найбольш эфэктыўнае выкарыстаньне – на лідэрах, якія, безумоўна, мусяць быць у Беларусі. |
| [ 03/04/2007 16:57 ] |
| ЯКОЙ ВЫ УЯУЛЯЕЦЕ САБЕ БУДУЧЫНЮ БЕЛАРУСI БЯЗ ЦЯПЕРАШНЯЙ УЛАДЫ?КАГО ВЫ БАЧЫЦЕ КIРАУНIКОМ КРАIНЫ?ЖЫВЕ БЕЛАРУСЬ!!ЗЬМIЦЕР-ТЫ ЛЕПШЫ!! |
| Аляксей Янушэўскі: Будучую Беларусь без сёньняшняе ўлады бачу, у першую чаргу, Беларускай. Кіраўніком дзяржавы будзе Беларускі народ. |
| [ 03/04/2007 17:25 ] |
| Ці ведаеце вы выпадкі, калі закаханая пара -- адзін МФ, другі ў БРСМ? І чым гэта сканчаецца? |
| Аляксей Янушэўскі: Выпадкаў такіх асабіста я ня ведаю. Праўда, перакананы, што калі такі варыянт магчымы, дык вельмі хутка будзе “закаханая пара”: адзін актывіст Маладога Фронту й адна актывістка Маладога Фронту. |
| [ 03/04/2007 17:29 ] |
| Якое грамадзтва, вы бедныя дзеці... балота, камары ды жабы... і ня бойцяся, ні расея нас не захопіць, і на захад нас не зварухнуць... балота... згніецё тут калі за мяжу ня зьедзеце... едзьце. |
| Аляксей Янушэўскі: Трэба верыць і, нягледзячы на ўсе перашкоды, працаваць на карысьць Нацыянальнага Адраджэньня. Толькі штодзённая праца, інфармаваньне грамадзтва й безумоўна нязгасная вера ў нашую Бацькаўшчыну ў вачох людзей, што клічуць сябе адраджэнцамі ў рэшце рэшт будзе падмуркам для пераменаў сёньняшняе краіны ў Незалежную, моцную, нацыянальную дзяржаву, сьвятую для кожнага з нас – Беларусь. |
| [ 03/04/2007 18:27 ] |
| ХТО ВЫДАЕ ГАЗЭТУ "Партызанская"? |
| Аляксей Янушэўскі: Там, мне здаецца, ёсьць кантакты на апошняй старонцы. Патэлефануйце, калі цікава. |
| [ 03/04/2007 18:29 ] |
| Як спалучаецца дзейнасць у А.Корбана па МФ з партыяй АГП? |
| Алег Корбан: Я проста стаў прыхільнікам лібэральных поглядаў, таму займаюся справамі АГП. Быў абраны кіраўніком арганізацыі АГП Партызанскага раёну г. Менску. Але таксама займаюся і Маладым Фронтам. У МФ непасрэдна працуем з моладзьдзю, а АГП – зь людзьмі “за 30”, у асноўным – з прадпрымальнікамі і пэнсіянэрамі. Час знаходжу для ўсяго. |
| [ 03/04/2007 21:50 ] |
| Добры дзень! не хацеў бы паказацца злосным чалавечкам, але ж мне увесь гэты час падаецца, што вы абралі ня той шлях барацьбы з дыктатурай. Ужо сення зразумела, што вашыя метады не эффектыўныя-міліцыя як разганяла, так і будзе разганяць, будуць новыя суды і новыя мужныя людзі за кратамі. Таму прапаную змяніць плян дзеянняў, як гэта было калісьці ў Польшчы ды Чэхіі. Напрыклад ладзіць акцыі падобныя да тых, што былі ў іх. |
| [ 03/04/2007 21:50 ] |
| Прыклады: раздаваць мінакам прыбіральную паперу, з каардынатамі як да вас далучыцца. А акцыя назваць "Хто баіцца прыбіральнай паперы?". Ці вось яшчэ прыклад: у Дзень Шпіёна высьці на вуліцы у чорных акулярах, са значкамі КГБ, ды с тэлефонамі ў руках, і пытаць у мінакоў, ці есць у іх сакрэтныя дакументы, ці каардынаты як далучыцца да МФ!. А на 8 сакавіка раздаваць жанчынам тампоны з паперкамі вашых каардынатаў. Разумела, што за раздачу тампонаў ніхто нікога садзіць ня будзе, а карысць ужо будзе на вашым баку! А калі ужо і дакалупаюцца, то гэта смех будзе, што кагосьці пасадзілі за раздачу тампонаў.) |
| [ 03/04/2007 21:50 ] |
| А вам, як прадстаўніцтву большай часткі дэмакратычнай моладзі ў свае маладыя гады трэбы зразумець, што сістэму знішчыць гумар, а сур'езныя пытанні хай рашаюць дарослыя дзядзькі, бо ў іх свая барацьба, а ў нас свая. Дзякуй. Тымчасовы |
Барыс Гарэцкі: З дыктатурай трэба змагацца тымі мэтадамі, якія найбольш на яе ўплываюць. Канешне, гумар зьнішчае дыктатуру, але я вельмі не хацеў бы, каб малодафронтаўцаў затрымлівалі за раздачу тампонаў, умоўна кажучы. Мы займаемся рэальнай палітыкай, як на паседжаньнях Палітрады, так і на вуліцах і плошчах, таму казаць пра такую дзейнасьць папросту не выпадае.
Валер Мацкевіч: Калі чалавек мае так шмат ідэяў, можам даць магчымасьцяў праявіць сябе ў працы.
|
| [ 03/04/2007 22:21 ] |
| Вялікі дзякуй "Маладому фронту" за змаганне з рэжымам за вольную Беларусь! Ваша стаўленне да маючага адбыцца Кангрэсу дэмакратычных сілаў, на чыім вы баку. З павагай Язэп. |
| Зьміцер Хведарук: МФ ставіцца ўвогуле да кангрэсу вельмі станоўча, але, на вялікі жаль, у такім палітычным становішчы, нават у тупіку існуючых зараз партыяў, якія хочуць выкарыстаць свой інтарэс праз гэты кангрэс – мы абіраем бок беларушчыны. |
| [ 03/04/2007 22:38 ] |
| hto dlia vas lider - viachorka ci pazniak? |
| Аляксей Янушэўскі: Я думаю, што для ўсяго Маладога фронту лідэрам зьяўляюцца не Вячорка і не Пазьняк, а Беларусь. |
| [ 03/04/2007 22:39 ] |
| sp Harecki, vy nia majace adnosinau da siamji akademika i pismennika? |
| Барыс Гарэцкі: Маю, але вельмі далёкія. Ёсьць агульныя кропкі ў радаводах, але вызначыць дакладна ступень раства не выпадае.і На жаль, пад час Другой Усясьветнай вайны нашыя архівы былі панішчаныя.
|
| [ 03/04/2007 22:51 ] |
| Ці не надыходзіць пара правесці дэмабілізацыю ўсіх Беларускіх Франтоў, колькі б іх ні было? Можа, варта аказаць псіхалагічную і іншую дапамогу франтавікам, якія хацелі б вяртнуцца да мірнага жыцця?
Алесь Белы, ХД, Менск |
| Валер Мацкевіч: Я быў бы ня супраць таго, каб гэта адбылося, але ня ўпэўнены, што ёсьць такая армія, якая гатовая зьмяніць войска. Ці бачыць аўтар рэзэрв, які заменіць войчска? Я. Напрыклад, не. Тым больш, калі казаць пра МФ – я не лічу, што мы стаміліся, і гэта толькі пачатак нашай барацьбы. |
| [ 04/04/2007 00:19 ] |
| Пытаньне да Насты, што ты думаеш пра сьпеу гурта -Іншыя- пад назвай -Мы пераможам-? |
| Наста Палажанка: Прывітаньне аўтару пытаньня! Наконт спеву --- быў час, калі я захаплялася музыкай, і з гэтым сьпевам мы імкнуліся трапіць на Басовішча, але лёс склаўся трошкі па-іншаму, і на дадзены момант нейкія думкі і ўспаміны пра гэты сьпеў нагадвае мне мілае мінулае. |
| [ 04/04/2007 00:20 ] |
| Як здароуе у Зьмицера Хведарука? |
|
Зьміцер Хведарук: Адчуваю сябе даволі цудоўна. На жаль, пад час апошняга зьняволеньня мне крыху разьбілі галаву, але адчуваю добра. І адчуваю вясновае палітычнае абуджэньне, якое ня можа мяне не радаваць.
|
| [ 04/04/2007 10:06 ] |
| Шаноўныя маладафронтаўцы, скажыце, чаму на вашым сьцягу столькі чорнай фарбы? Атрымліваецца нібыта нейкая чорная пляма на сьвятым беларускім сьцягу. Арыгінальны сьцяг МФ мае вельмі вузенькую акантоўку шчыта і вузкі крыж чорным колерам. Навошта вы не спыняеце гэткую "мастацкую самадзейнасьць" сваіх сяброў, пасьля каторай прыгожы сьцяг пачынае выклікаць ледзь не адмоўныя эмоцыі, калі за чарнатой і колеры амаль не бачныя?
Трымайцеся! Жыве Беларусь! |
| Валер Мацкевіч: Па-першае, дзякуем за параду. Але на дадзены момант сьцяг складае чорны крыж, паколькі гэта паказвае тое, што Беларусь зараз – у няволі. І гэта – сьцяг змаганьня ў няволі. І сьцяг МФ у той час, калі мы пераможам, будзе мець залаты крыж на месцы чорнага. Бо асноўны сэнсавы цяжар зусім не ў таўшчыні нейкіх там акантовак. |
| [ 04/04/2007 10:09 ] |
| Як асабіста кожны з Вас ставіцца да З. Пазьняка? Назар |
Барыс Гарэцкі: Зянон Пазьняк – нацыянальны герой Беларусі, але сёньня гэта ўжо – гісторыя.
Валер Мацкевіч: Зянон Пазьняк у свой час натхняў мяне на сьмелыя ўчынкі дзеля Беларусі. І за гэта я вельмі яму ўдзячны. Лічу, што ягонае імя неаднойчы будзе прыгаданае ў падручіках па гісторыі.
Наста Палажанка Я лічу, што спадар Пазьняк стаў героем мінулага, але ўпэўненая, што героямі будучыні будуць іншыя людзі.
Алег Корбан: Зянона Пазьняка, канешне, падтрымліваю, але зьязжаць за мяжу, як ён, ня маю намеру. Я лічу, што сапраўдныя героі павінны змагацца на сваёй зямлі да апошняга.
Аляксей Янушэўскі: Лічу, што Зянон Пазьняк – гэта сапраўды нацыянальны герой Беларусі і шмат у чым яго падтрымліваю.
Зьміцер Хведарук: Я асацыюю Зянона Станіслававіча з такімі паняцьцямі, як Адраджэньне, як абуджэньне ад векавечнага сну, і пэўна для кожнага маладафронтаўца Зянон Пазьняк – сымбаль рашучасьці, гераічнасьці, выхаванасьці і ўзор для таго чалавекак, які стане наступным прэзыдэнтам Беларусі. |
| [ 04/04/2007 10:17 ] |
| А можа не трэба ВАМ ісьці за краты .Самараспускайцеся,успупайце ў склад паплітычных партый і змагайцеся далей.Альбо ўсё з-за грантаў?Каб змагацца не трэба свая структура |
Аляксей Янушэўскі: Нам ня вельмі хочацца ісьці за краты. Іншая справа, што ўлада робіць усё магчымае, каб мы там апынуліся. Наконт пытаньня легальнай ці нелегальнай дзейнасьці, -- магу сказаць, што ў нашай краіне ня мае вялікага сэнсу , ці ты ёсьць сябрам зарэгістраванай партыі, альбо незарэгістраванага МФ, калі ты змагаешся за нацыянальныя каштоўнасьці. Ёсьць сэнс у тым, пагражаеш або не пагражаеш ты існаваньню дыктатарскага рэжыму.
Валер Мацкевіч: Наконт грантаў. Грантавыя змагары ніколі не рызыкуюць жыцьцём і свабодай. Яны змагаюцца ў офісах і ў інтэрнэт-форумах. Ні за якія грошы нельга набыць шчырае сэрца і самаадданасьць. |
| [ 04/04/2007 11:00 ] |
| Аляксей, Вы мастацкія творы пісаць не спрабавалі? Мне думаецца, атрымалася б the best. |
| Аляксей Янушэўскі: Пакуль што – не спрабаваў. |
| [ 04/04/2007 11:08 ] |
| Зьміцер, скажыце, калі ласка, што Вы найперш цэніце ў людзях? Я больш за ўсё шаную сьмеласьць і самаахвярнасьць, таму Вы для мяне ёсьць прыкладам сапраўды вартай асобы. |
| Зьміцер Хведарук: Для мяне самае галоўнае – чэснасьць, шчырасьць сэрца, адукаванасьць. І яшчэ абавязкова – любоў да Беларусі. Дзякуй за цёплыя словы. |
| [ 04/04/2007 11:09 ] |
| Daragaia moladz!Dziakujuchy Vam nablizhaecca Vialikdzen nashaj ljubaj Belarusi!Trymajces z Bogham!Ne bojces!Vy VOLNYIA LJUDZI!Z Vami VERA i PRAUDA!
SLAVA GEROIAM!
ZHYVE BELARUS!
BERAZHY VAS BOZHA!
P.S.:Shchyra kazhuchy,pakul soramna za" bolsh daroslyh"belarusau!? |
| Барыс Гарэцкі: Вялікдзень набліжаецца дзякуючы Ісусу Хрысту, які сваёй сьмерцю ўратаваў нас і даў шлях да вечнага жыцьця. |
| [ 04/04/2007 11:23 ] |
| Шаноўныя маладзёны!маецца такое мяркаваньне, што афішуючы сваю дзейнасьць як сябры Маладога Фронта вы працуеце не на Бацькаўшчыну, а на асабісты піяр. як вы ставіцеся да гэтага мяркаваньня?
і другое - скажыце колькі можна падстаўляць сяброў сваёй арганізацыі падаючы іх спісы на рэгістрацыю, распавядаючы СМІ пра дзейнасьць канкрэтных сяброў МФ ў регіёнах..ці можа вы проста мазахісты і любіце наступаць штодня на адныя і тыя ж граблі?
з павагай з Гародні Андрэй М. |
Наста Палажанка: 1. Дзякуй за пытаньне. Але лічу, што ніхто з маладафронтаўцаў не працуе на асабісты піяр. Нашы людзі працуюць самаахвярна і самааддана, і мусяць стацца прыкладам імкненьня да агульны’х мэтаў і жаданай перамогі. 2. Калі мы сапраўды маем жаданьне зарэгістравацца, тады па ўсіх правілах падачы дакумэнтаў для рэгістрацыі мы павінны азнаёміць Мінюст з колькасьцю нашых людзей, і менавіта са сьпісам. Гэта закон, які не мы выдумалі. Я прашу людзей на баяцца гэтага закону як фармальнасьці.
Валер Мацкевіч: Мы ніколі не падстаўлялі сваіх сяброў. Кожны маладафронтавец ведае, у якім сьпісе ён знаходзіцца. Кожны прыходзіць у нашу арганізацыю, яны жадаюць выступаць менавіта ад імя арганізацыі, а ня проста ад нейкай абстрактнай моладзі. І гэта – не піяр, гэта – пазыцыя.
|
| [ 04/04/2007 11:23 ] |
| Фронт! Трымайся!
А зараз пытаньне: Чаму Малады Фронт столькі ўвагі аддае акцыям, і ў той жа час мала займаецца распаўсюдам друкаванай інфармацыі, прымеркаванай да гэтых акцый?
Што рэальна акрамя акцый робіць Малады Фронт? |
Алег Корбан: Такога насамрэч ніколі не было. Можа быць, нас блытаюць з Моладзьдзю БНФ? Перад правядзеньнем кожнай акцыі актывісты МФ звычайна праводзяць маштабную інфармацыйную кампанію. Напрыклад, акцыя 14 лютага – толькі праз мае рукі прайшлі дзясяткі тысяч улётак і газэт і тысячы налепак.
Валер Мацкевіч: Малады Фронт цяпер працуе па шасьцёх накірунках дзейнасьці. 1. Адукацыйны. 2. Інфармацыйны (выдавецтва і распаўсюд). 3. Сацыяльны накірунак. 4. Культурніцкі. 5. Спартовы. 6. Вулічны. Як Вы бачыце, інфармацыйны накірунак займае другое месца. Ён адзін з найбольш распрацаваных і прыярытэтных.
|
| [ 04/04/2007 11:34 ] |
| Ці ня лічыце вы, што са зьмяненьнем палітычнай сітуацыі трэба мяняць і метады дзейнасьці? Што толку ад таго, што яшчэ некалькі чалавек адправіцца ў калёнію губіць сваё здароўе і псіхіку? Чаму вы ўпарта ня хочаце падумаць пра рэарганізацыю структуры МФ, пра кансьпірацыю? Вашая структура на сёньняшні дзень зьяўляецца састарэлай, вы не адпавядаеце патрабаваньням часу. Прайшлі тыя часы, калі Севярынец мог вывесьці на вуліцы дзесяткі тысячаў. Ня тыя зараз умовы, ды й да ўзроўню Севярынца ніхто і блізка з вас не дацягвае. Толькі працуючы кансьпіратыўна, малымі групамі, можна дасягнуць зараз спраўднага плёну, пры гэтым захаваўшы сваіх людзей. Не на алтар незалежнай Беларусі вы кладзеце жыцьці Палажанкі і Янушэўскага, а на алтар сваіх уласных амбіцыў, ад якіх вы ня можаце адмовіцца на карысьць агульнай справы. Юля. |
| Зьміцер Хведарук: Мы знаходзімся ў захапленьні ад тых людзей, якія ня могуць самі нешта рабіць, а толькі могуць крытыкаваць. Той, хто нічога ня робіць, не працуе – і ня выведзе дзясяткі тысяч людзей, над чым мы зараз і працуем. А будзе сядзець на інтэрнэт-форумах і пісаць, што апазыцыя нічога ня вартая. Чарговы раз заклікаем спадароў, якія маюць выкшталцоныя планы, далучыцца да нашай справы, выйсьці з “аіртуальнасьці” у “рэал”. |
| [ 04/04/2007 11:50 ] |
| 1)Як суадносяцца "Малады фронт" з ПБНФ(Вячоркі) і "Моладзьзю БНФ"(Каліты)?
2)У чым адрозненьне юрыдычнага статуса "Маладога фронту" ад "Моладзьзі БНФ"?
Натальля |
| Валер Мацкевіч: Малады Фронт ёсьць найбуйнейшым моладзевым рухам, які грунтуецца на хрысьціянскіх прынцыпах і нацыянальнай ідэі. Нас шмат што можа абагульняць з плятформай партыі БНФ, паколькі на пачатку МФ узьнік як моладзевае крыло руху БНФ. Але на дадзены момант мы маем моц не залежыць ад рознага кшталту палітычных абставінаў. Што да юрыдычнага статусу – калі Моладзь БНФ мае сьмеласьць заявіць пра сябе як пра асобную арганізацыю, тады юрыдычнай розьніцы паміж намі няма. Але рэальнасьць у тым, што пры стварэньні небясьпечнай сытуацыі, юрыдычна сябры Моладзі БНФ могуць заявіць, што яны ёсьць моладзевае крыло партыі БНФ, і гэта надае ім юрыдычны імунітэт. |
| [ 04/04/2007 13:03 ] |
| Прывітаньне, сябры!
Адкажыце, калі ласка, толькі на адно пытаньне, але даволі непрыемнае.
Калі скончацца супярэчнасьці паміж Алегам Корбанам і Зьміцерам Хведаруком? Чаму Вы не разумееца, што гэта шкодзіць усім?
Прабачце, усё ж атрымалася два пытаньні.
Дзякуй за шчырыя адказы.
Marco Materazzi |
Алег Корбан: Зараз Корбана і Хведарука аб’яднала крымінальная справа. Пакуль нас цягалі на шматлікія допыты, мы вырашылі шматлікія розныя спрэчныя пытаньні.
Зьміцер Хведарук: Я хацеў (жартам) бы выказаць падзяку супрацоўнікам прэзыдэнцкай адміністрацыі, КДБ і МУС, якія здолелі нарэшце задзіночыць увесь Малады фронт, як ніколі да гэтага. І з моладзі яны зрабілі сапраўдны Фронт пераменаў, які жыве адным сэрцам.
|
| [ 04/04/2007 13:23 ] |
| Як вы ацэньваеце кампанію па абароне Зьмітра Дашкевіча? За ўвесь час знаходжаньня вашага лідара ў калёніі, МФ не правёў ніводнай сур'ёзнай акцыі ў ягоную падтрымку. Узгадайце, якія масштабныя акцыі былі ў абарону таго ж Марыніча. А ў вас - сотня чалавек замест абяцаных тысячаў сведкаў на судзе, адныя толькі графіці і час ад часу ўлёткі без тэксту... Хто за гэта адказвае? |
| Зьміцер Хведарук: Такога палітычнага працэсу ў апошні час, як над Дашкевічам, на які сабралася гэтулькі людзей, калі ў розных гарадох Беларусі ладзіліся акцыі, вывешваліся яго партрэты, вывешваліся расьцяжкі, -- не было. Амаль увесь Менск ведаў, што Дашкевіч у бядзе, і што МФ будзе адстойваць яго правы і свабоду да апошняга. І калі я не памыляюся, падобны суд быў толькі калі судзілі Шыдлоўскага і Лабковіча. |
| [ 04/04/2007 13:23 ] |
| Зьмітрок,я спадзяюся,што у вас і у нас атрымаецца перамагчы! Я веру!!! Мы з вамі разам! |
| Зьміцер Хведарук: Верам! Можам! Пераможам! |
| [ 04/04/2007 13:35 ] |
| Вы малайцы, хлопцы. Трымайце пазыцыі! З вамі ўся нацыя
Андрэй |
| [ 04/04/2007 13:36 ] |
| Гарэцкаму: "З дыктатурай трэба змагацца тымі мэтадамі, якія найбольш на яе ўплываюць" Пакуль вы змагаецеся з дыктатурай балёнікамі. У гэты час ваш лідар сядзіць за кратамі. За ўвесь гэты час вы не правялі ніводнай сур'ёзнай ацыі ў ягоную падтрымку. Цалкам правальная акцыя ля суда (дзе абяцаныя тысячы сведкаў?), самая нешматлікая акцыя на 14 лютага за апошнія гады, незразумелая акцыя "сыгнал", на якую Гварэцкі заклікаў, а сам не з'явіўся... Што як не гэта сведчыць пра вашую бездапаможнасць? Метады мяняць трэба. А то перасадзяць усе некалькі дзесяткаў чалавекЮ, якія ў вас ёсць (і можаце не распавядаць тут пра мнагатысячную структуру - і дзіцёнк зразумела, што гэта проста хлусня). Ю. |
| Барыс Гарэцкі: Мы ня згодныя з аўтарам пытаньня. Акцыя каля суду Дашкевіча шмат чаго паказала Беларусі і ўсяму сьвету, пасьля чаго ў МФ далучылася некалькі сотняў новых актывістаў. Акрамя таго, мы змаглі праінфармаваць насельніцтва, што рэжым карае нават такога маладога хлопца і зачыняе яго на паўтары гады. 14 лютага – дзесяцігодзьдзе гэтай даты – паказала, што моладзь можа рабіць нацыянальныя акцыі і бяз удзелу старэйшых таварышаў. Фактычна, гэтыя акцыі распачалі Вясну, бяз іх, я лічу, нічога б не было. Нашыя мэты – абсалютна зразумелыя. Застаецца толькі працаваць, інфармаваць суседзяў і сяброў пра тое, што адбываецца ў краіне, не баяцца раз ці два на год выйсьці на масавую акцыю, правесьці ў сваёй школе шоў беларушчыны ці апрануць бел-чырвона-белы значок, загаварыць па-беларуску і ў сваім сэрцы перамагчы Лукашэнку. |
| [ 04/04/2007 13:38 ] |
| "Малады фронт" - мае стасункі зь усімі "дарослымі" апазіцыйнымі партымі Беларусі, альбо толькі з абранымі, калі апошняе, то на якія партыі вы арыентаваны? |
|
Барыс Гарэцкі: Стасункі маем з усімі. Падтрымліваем нацыянальна арыентаваных. А камуністаў прымушаем пакаяцца і “паружавець”.
|
| [ 04/04/2007 13:42 ] |
| Што плянуеце рабіць на ЧШ-2007 Мабыць будзе што-небудзь асабіста ад МФ?) |
| Зьміцер Хведарук: Пакуль, на вялікі жаль, сказаць, што МФ рыхтуе нешта адмысловае я не магу, але зазначу, што наш удзел будзе вялікі, і што мы ня згодныя са сцэнаром Аргкамітэту, які прадугледжвае ісьці да будынку так званай Нацыянальнай бібліятэкі. Мы не зьбіраемся у чарговы раз сыходзіць з цэнтру горада, каб паслухаць выступы тых, хто даўно забыўся, што такое змаганьне палітыкаў. |
| [ 04/04/2007 14:01 ] |
| Беларусi патрэбен новы дзяржаўны гiмн? |
|
Барыс Гарэцкі: Дзяржаўны гімн у нас ёсьць – сьвятая мэлёдыя для Беларусі – гэта “Магутны Божа”
|
| [ 04/04/2007 14:07 ] |
| Dobry dzien Sznounyja Spadarstwa,
Liczu na toje szto stanieciesia u buduczyni ministrami,
czynounikami i h.d.
Adkażycie kalilaska jakuju majecie strategiju u daczynienni da polskaj dyjaspary.
Dziakuj. |
Барыс Гарэцкі: Мы лічым, што ў Беларусі павінны спакойна жыць прадстаўнікі кожнай нацыі. Бо ў дэмакратычнай краіне кожны чалавек мусіць адчуваць сябе свабодным.
Зьміцер Федарук: Дадам, што пры гэтым усім той, хто жыве ў Беларусі, мусіць паважаць і шанаваць нашу сьвятую беларускую мову, традыцыі і дзяржаўнасьць, а ня быць проста палякам, які лічыць Беларусь прыдаткам да Польшчы, альбо расейцам, які лічыць Беларусь “паўночна-заходнім краем”.
|
| [ 04/04/2007 14:14 ] |
| Зьміцер Хведарук, ці мае права палітычны дзеяч не адказваць на тэлефанаваньні ? |
| Зьміцер Хведарук: Звычайна я не адказваю на тэлефон, толькі калі пакідаю яго ў нейкім памяшканьні, каб абмеркаваць нейкія важныя маладафронтаўскія пытаньні. А так -- звычайна адказваю, альбо ператэлефаноўваю. |
| [ 04/04/2007 14:14 ] |
| Я паўтару пытанне на якое Барыс не адказаў: чаму не было праведзена ніводнай сур'ёзнай акцыі ў падтрымку Дашкевіча? Графіці мы не бярэм да ўвагі. Узгадайце, як абаранялі таго ж Марыніча, колькі дзесяткаў людзей штотыдзень выходзілі на Кастрычніцкую... Калі ў вас самы шматлікі і супер-пупер рух, то ацаніце, калі ласка, вынікі кампаніі па вызваленні Дашкевіча (калі такая кампанія ў вас у вогуде была, калі не - то чаму) - колькі было праведзена акцыяў, якія, які плён яны прынеслі. Ю. |
|
Барыс Гарэцкі: Кампанія працягваецца. Мінулымі днямі выйшаў вялікі наклад значкаў з партрэтамі Дашкевіча. Акцыяў насамрэч праведзена даволі шмат, але параўноўваць справу Дашкевіча і справу Марыніча немагчыма, таму што яшчэ некалькі гадоў таму ніхто ня мог уявіць, што людзей будуць саджаць за назву арганізацыі.
|
| [ 04/04/2007 14:46 ] |
| Как вы прокомментируете факт использования карательной медицины с насильственным удержанием в психиатрической больнице активистки вашей организации Кристины Шатиковой? Особенно если учесть что это возможно не последний случай. Чем вы сможете помочь попавшим в такую ситуацию вашим товарищам. Ведь это даже не тюрьма, а прямая угроза жизни людей, за которых вы несёте ответственность. |
| Алег Корбан: Крысьціна Шацікава сама пацьвердзіла, што ёсьць актывісткай Маладога Фронту. Сёньняшні рэжым з кожным годам дурнее. Тое, што здарылася з Шацікавай, можна лічыць яшчэ адным сродкам запалохваньня актывістаў дэмакратычнага руху. |
| [ 04/04/2007 15:07 ] |
| Дзень добры! Вялікі дзякуй Вам за тую справу, што Вы робіце. Думаю, з цягам часу Вашыя імёны будуць у падручніках па гісторыіі як лепшых людзей Беларусі.
Пытаньні да Мацкевіча: 1. Як бы вы спрагназавалі разьвіцьцё падзей на Беларусі ў бліжэйшы год? Ці можна чакаць кардынальных зьменаў? 2. Ці ёсьць ў Вас дзяўчына? |
Валер Мацкевіч: 1. Я упэўнены, што мы (дэмакратычныя сілы) зараз знаходзімся ў накірунку, які усё ж прывядзе нас да канцэптуальных зьменаў у беларускім грамадзтве. Наколькі мне вядома, нарэшце большасьць змагароў за дэмакратыю зразумелі, што трэба ісьці да людзей ня толькі на словах, але і рэальнымі дзеяньнямі. І апошняя кампанія ў мясцовыя саветы паказала прадуктыўнасьць і сацыяльны эфэкт такіх захадаў. І я глыбока перакананы, што на дадзены момант сацыяльная сфэра нашай дзейнасьці павінна зрабіцца бадай што найгалоўнейшай. Дайсьці да сэрца кожнага грамадзяніна.
2. Адказ на гэтае пытаньне, калі ўлічваць мэтады псыхалягічнага і фізычнага ўплыву спэцслужбаў, можа паўплываць на эфэктыўнасьць маёй працы. Бо маю вопыт і сутыкаўся з падобнымі мэтадамі ўціску.
|
| [ 04/04/2007 15:19 ] |
| Если следующий оказавшийся в психиатрической больнице активист вашей организации не перенесёт используемых препаратов, готовы ли вы взять на себя ответственность за его смерть? |
| Валер Мацкевіч: Калі такі выпадак здарыцца, мы зробім усё ад нас залежнае, каб прыцягнуць да крымінальнай адказнасьці (і ня толькі крымінальнай) усіх датычных да такога злачынства (дай Бог, такога ня здарыцца). |
| [ 04/04/2007 15:35 ] |
| прывітанне,Сябры!Дзякуй за тое,што вы робіце дзеля нашай Бацькаўшчыны!Радзіма вас за гэта ніколі не забудзе і памятаць Вечна!Прабачце мяне за тое, што я не з вамі!Беражыце сябе! Жыве Беларусь! |
| [ 04/04/2007 15:39 ] |
| MF-adna a neszmatlikix moladzewyx arhanizacyjau,jakoje baicca ulada. Pospexau wam.Peramoha za nami |
| [ 04/04/2007 15:39 ] |
| Pytanne da usich. Chto budze kiravac arhanizacyjaj, kali vas usich pasadziac? Spadziajusia, shto ne pasadziac, ale... Trymajciesia! |
| Зьміцер Хведарук: На вялікі жаль, калі з намі ў хуткім часе нешта здарыцца, адказваць на такое пытаньне будзе неабачліва. Але гарантуем, што МФ будуць кіраваць адважныя, рашучыя і мужныя людзі. |
| [ 04/04/2007 15:50 ] |
| Вэб-рэдактар: завяршаем онлайн-канфэрэнцыю. |
Барыс Гарэцкі: Вялізны дзякуй усім удзельнікам і ўсім тым, хто сочыць за падзеямі вакол Маладога фронту, хто падтрымлівае нас і выказвае сваю салідарнасьць. Вельмі просім вас а ні ў якім разе не баяцца рэжыму. Заўжды быць мужнымі і ўпэўненымі ў сабе, верыць у Госпада Бога і Адраджэньне нашай краіны. Менавіта таму, што Гасподзь ніколі не дае выпрабаваньняў большых за нашыя сілы. Таму верце, будзьце ўпэўненымі, няхай – Жыве Беларусь!
Валер Мацкевіч: Найлепшыя словы усім неабыякавым. Вялікая падзяка за пытаньні і цёплыя словы. Безумоўна, дзякуй і за крытыку. А ўсім пэсымістам і скептыкам жадаю найхутчэй пазбыцца ўласных комплексаў і далучыцца да плённай і канструктыўнай працы на карысьць нашай агульнай Бацькаўшчыны. Барані нас Бог! Жыве Беларусь!
Алег Корбан: Хачу пажадаць усім удзельнікам сёньняшняй канфэрэнцыі адчуваньня таго, дзе яны нарадзіліся, і самае галоўнае – зямлю па-над нагамі. І Госпада Бога па-над сабою.
Наста Палажанка: Я б хацела падзякаваць усіх, хто зараз побач з намі, падзякаваць за салідарнасьць, за словы падтрымкі, парады. Мы вельмі ўдзячныя за ўвагу і неабыякавасьць. Мы пастараемся зрабіць так, каб нашае будучае жыцьцё было ў вольнай Беларусі.
Аляксей Янушэўскі: Дзякуй вялікі ўсім, хто задаваў пытаньні, хацеў бы пажадаць усім сьвядомым людзям нязгаснае веры ў нашую сьвятую Бацькаўшчыну. Няхай Госпад благаслаўляе ўсіх беларусаў і наш шматпакутны край.
Зьміцер Хведарук: Да словаў падзякі хачу дадаць яшчэ некалькі зычэньняў. Безумоўна, болей веры, мужнасьці, пераканансьці ў нашую будучыню беларускую. І хацеў бы ўрэшце рэшт папрасіць усіх удзельнікаў гэтай канфэрэнцыі адкінуць так званы культ пакутніцтва і ўзяцца за нашу агульную справу. Верым, можам, пераможам. Жыве Беларусь!
|
|
 |
![[ svaboda logo ]](http://www.svaboda.org/images/left-banner.gif)
![[ svaboda logo ]](http://www.svaboda.org/images/banner.gif)
![[ svaboda logo ]](http://www.svaboda.org/images/right-banner.gif)
![[ svaboda logo ]](http://www.svaboda.org/images/left-bar-nav.gif)
![[ svaboda logo ]](http://www.svaboda.org/images/right-bar-nav.gif)
![[ svaboda logo ]](http://www.svaboda.org/images/left-bar-nav2.gif)
![[ svaboda logo ]](http://www.svaboda.org/images/right-bar-live.gif)
