Серада, 20 Верасьня 2000
 

Тэхнічныя экспэрты зь Бюро дэмакратычных ініцыятываў і правоў чалавека, якія знаходзяцца ў Беларусі, пакінуць краіну ў дзень выбараў. Такую заяву зрабіў сёньня кіраўнік Бюро Жэрар Штудэман, які на адзін дзень прыляцеў у Менск…  Працяг…

У Берасьцi адна з акруговых камiсіяў, нават не зарэгiстраваўшы кiраўнiка абласной арганiзацыi Беларускае Сацыял-Дэмакратычнае партыi “Народная Грамада” Анатоля Ляўковiча, працягвае зьбiраць зьвесткi пра ягоныя даходы. Калi раней абвiнавачваньне тычылася таго, што спадар Ляўковiч незадэкляраваў 882 рублi, атрыманых за прачытаную лекцыю, дык цяпер шукаюць ганарары, атрыманыя за публiкацыi ў мясцовым друку…  Працяг…

У Сацыял-Дэмакратычнай “Народнае Грамадзе” насьпяваюць сур’ёзныя зьмены. Група сябраў ЦК БСДП, ня згодных з пазыцыяй старшыні Мікалая Статкевіча ў пытаньні ўдзелу ў выбарах накіравала ў нізавыя партыйныя структуры адмысловую заяву. У ёй сябраў партыі заклікаюць далучыцца да фракцыі, якая будзе трымацца прынцыпаў аб’яднанай апазыцыі…  Працяг…

(эфір 19 верасьня)
Цэнтральная выбарчая камісія распачала разгляд скаргаў грамадзянаў, не зарэгістраваных кандыдатамі ў дэпутаты “Палаты прадстаўнікоў”. У бальшыні заяўнікам адмаўляюць, аднак ёсьць і сэнсацыйныя рашэньні, як, напрыклад, рэгістрацыя кандыдатам у дэпутаты Ўладзімера Навасяда, якому акруговая камісія раней адмовіла. Паведамляе наш карэспандэнт, які прысутнічаў на пасяджэньні ЦВК……  Працяг…

Скандалам завершылася сёньня прадстаўленьне трупе тэатру беларускае драматургіі “Вольная сцэна” прызначанага міністэрствам культуры новага мастацкага кіраўніка Валерыя Анісенкі. Акторы ў адзін голас папрасілі яго пакінуць тэатар…  Працяг…

Пяты дзень сыднэйскай Алімпіяды прынес беларускай камандзе нерыемны клопат, ды такі, якога беларускі алімпійскі рух яшчэ ня ведаў. Старшыня мэдычнай камісіі Міжнароднага Алімпійскага камітэту прынц Аляксандар дэ Мэрот заявіў, што ў беларускага кідальніка молату, 23-гадовага Вадзіма Дзевятоўскага выяўленая наяўнасьць стэроіду пандралёну, узровень якога ў 20 разоў перавысіў дазволены…  Працяг…

Тамара Віньнікава заявіла нашаму радыё пра немагчымасьць яе выдачы ў Беларусь брытанскімі ўладамі. Былая галоўная банкірка краіны спаслалася на адсутнасьць адпаведнае дамовы паміж уладамі Беларусі й Вялікай Брытаніі…  Працяг…

Пакуль з нагоды паліўнага крызысу страйкуюць эўрапейскія кіроўцы, у Беларусі чарговы раз павялічаныя цэны на нафтапрадукты. А ці здольныя беларускія кіроўцы на страйк? З гэтым пытаньнем нашая карэспандэнтка зьвярнулася да розных асобаў, хто мае дачыненьне да транспарту…  Працяг…

У Эўропе працягваюцца пратэсты з нагоды падвышэньня цэнаў на бэнзін. Гэтай праблеме прысьвечаная сустрэча міністраў транспарту краінаў Эўрапейскага Зьвязу, якія сабраліся сёньня на нараду ў Люксэмбуругу.
У Беларусі цэны на бэнзін хаця і саступаюць сярэднеэўрапейскім, усё ж значна перавышаюць кошты ў Злучаных Штатах Амэрыкі. Напрыклад, за 30 даляраў у ЗША можна праехаць прыкладана 760 кілямэтраў, у Беларусі – 700, у Чэхіі – 400, а ў Вялікай Брытаніі – усяго 250 кілямэтраў…  Працяг…

Аляксандар Лукашэнка днямі даручыў ураду праз год давесьці сярэдні заробак беларусаў да 100 даляраў на месяц. Гэтым самым ён прызнаў надзвычай нізкі ўзровень жыцьця ў краіне. На сёньня каля паловы беларусаў жыве менш чым на адзін даляр у дзень, што лічыцца ў сьвеце ўзроўнем галечы…  Працяг…

Міжнародны валютны фонд вітае ўсталяваньне ў Беларусі адзінага абменнага курсу замежных валютаў, але да аднаўленьня крэдытаваньня пакуль яшчэ далёка. Пра гэта заявіў сёньня прадстаўнік МВФ у Летуве ды Беларусі Марк Гортан…  Працяг…

(эфір 19 верасьня)
19 верасьня 1991 году Вярхоўны Савет 12-га скліканьня зацьвердзіў у якасьці дзяржаўнага нацыянальны бел-чырвона-белы сьцяг і герб “Пагоня”. Сёньня наш карэспандэнт папрасіў дэпутатаў Вярхоўнага Савету, якія прымалі гэтае рашэньне, узгадаць тыя дні і адказаць на пытаньне, чаму гістарычная сымболіка пратрывала ў якасьці дзяржаўнай толькі няпоўныя 4 гады…  Працяг…

Мінулі першыя тры месяцы дзейнасьці створанага ў сыстэме салігорскага трэсту “Шахтаспэцбуд” гаспадарча-разьліковага ўчастку, дзе выключна ўсе наёмныя работнікі ёсьць сябрамі Беларускага Незалежнага прафсаюзу. Як зазначае эканамістка ўчастку Тацяна Калода, зараз ейныя калегі выйшлі на самыя высокія ў трэсьце заробкі…  Працяг…

(эфір 19 верасьня)
Фэдэрацыя прафсаюзаў зьвярнулася да сваіх сябраў з заклікам супрацьстаяць спробам стварэньня ў Беларусі “дырэктарскіх” прафсаюзаў, як гэта адбываецца зараз у навукова-вытворчым аб’яднаньні “Інтэграл”. Нагадаем, паводле ініцыятывы ўладаў, на прамысловых прадпрыемствах краіны мяркуецца заснаваць самастойныя прафсаюзныя арганізацыі і, тым самым, разбурыць “зьнізу” галіновыя прафсаюзы…  Працяг…

(эфір 19 верасьня)
19 верасьня у Віцебску былі затрыманыя сябры Кансэрватыўна-Хрысьціянскае партыі БНФ Барыс Хамайда ды Ўладзімер Плешчанка. У цэнтры горада ля гэтак званага “Сіняга” дому яны ладзілі свае традыцыйныя несанкцыяваныя пікеты дзеля збору подпісау за незалежнасьць Беларусі…  Працяг…

***

(эфір 19 верасьня)
CC-2000:  Беларусь напярэдадні выбараў: актыўнасьць спэцслужбаў ня зьменшылася ды іншае…  Працяг…

(эфір 16 верасьня)
Сымбаль Веры:  Ватыканская дэклярацыя “Dominus Iesus”…  Працяг…

(эфір 15 верасьня)
На доўгім шляху:  Югаслаўскае люстэрка для Беларусі: выбары як выбар…  Працяг…

(эфір 14 верасьня)
Паштовая Скрынка 111:  Ізноў пра "калябаранцтва" часоў вайны, віншаваньні епіскапу Аляксандру Салагубу з нагоды хіратоніі ад аднакурсьнікаў па сэмінарыі ды іншае…  Працяг…

(эфір 14 верасьня)
Неабжытая Спадчына:  Як пачынаўся беларускі спорт…  Працяг…

Галасы Стагодзьдзя:  ЮРАСЬ НАВУМЕНКА…   Працяг…

Сайт абнаўляецца ўвечары паводле вынікаў інфармацыйнага дня