[ svaboda logo ] [ svaboda logo ] [ svaboda logo ]
[ svaboda logo ] [ svaboda logo ]
[ svaboda logo ]
[ svaboda logo ]
форум  


17 Студзеня 2007
Станіслаў Багданкевіч


Станіслаў Антонавіч Багданкевіч нарадзіўся 1 студзеня 1937 г. у вёсцы Шапавалы Валожынскага раёну. Скончыў фінансава-эканамічны інстытут (1964). Доктар эканамічных навук, прафэсар (1991). Быў загадчыкам катэдры ў Беларускім інстытуце народнай гаспадаркі (1981-1991), старшынём праўленьня Нацыянальнага банка Рэспублікі Беларусь (1991-1995).

Дэпутат Вярхоўнага Савета Рэспублікі Беларусь 13 скліканьня, лідэр фракцыі “Грамадзянскае дзеяньне”. Старшыня Аб’яднанай грамадзянскай партыі (1995 – 2000), з 2000 – ганаровы старшыня. Жанаты, мае трох сыноў.

У інтэрвію “Свабодзе” па выніках беларуска-расейскага паліўнага канфлікту Станіслаў Багданкевіч спрагназаваў рост коштаў, найперш на бэнзін, а таксама падвышэньне інфляцыі: “Думаю, што яна будзе даволі хутка. Рубель будзе дэвальваваны. Можа быць, нават у студзені месяцы. Будзе інфляцыя працэнтаў 12–15 за год, можа і болей. Падзеньне абменнага курсу рубля адносна даляра, відаць, будзе: ад 2140 дойдзем да 2500, а потым і да 3000”.
19.12.2006
Ваша Свабода
10.01.2007
Аляксандар Рар

24.01.2007
Алег Трусаў

31.01.2007
Станіслаў Гусак
07.02.2007
Алесь Бяляцкі

14.02.2007
Аляксандар Мілінкевіч

20.02.2007
Анатоль Лябедзька
28.02.2007
Аляксандар Вайтовіч
07.03.2007
Навошта ўлады ўшаноўваюць Суворава?

14.03.2007
Юры Хашчавацкі

21.03.2007
Віктар Івашкевіч

28.03.2007
Івонка Сурвіла
04.04.2007
Малады фронт

11.04.2007
Аляксей Марачкін
18.04.2007
Валерыя Навадворская
25.04.2007
Іван Нікітчанка

02.05.2007
Жанна Літвіна

09.05.2007
Сяргей Драздоўскі

16.05.2007
Сакрат Яновіч

23.05.2007
Аляксей Янушэўскі

30.05.2007
Малады фронт

07.06.2007
Віктар Шэндэровіч
13.06.2007
Барыс Нямцоў
20.06.2007
Аляксандар Ярашук
27.06.2007
Уладзімер Падгол
04.07.2007
Карэн Ст’юарт
11.07.2007
Анатоль Шумчанка
18.07.2007
Алег Алкаеў

25.07.2007
Паэт Уладзімер Някляеў

29.07.2007
Андрэй Хадановіч.

08.08.2007
Валянцін Мацкевіч
15.08.2007
Валянцін Голубеў
08.01.2007
Сьвятлана Алексіевіч
29.08.2007
Леанід Путырскі
05.09.2007
Павал Севярынец
12.09.2007
Станіслаў Шушкевіч
19.09.2007
Віталь Сіліцкі
25.09.2007
Ўладзімер Арлоў
10.10.2007
Аляксандар Мілінкевіч
17.10.2007
Віктар Івашкевіч
24.10.2007
Юры Беленькі
31.10.2007
Леанід Маракоў
07.11.2007
Руся (Марына Шукюрава)
11.01.2007
Давід Какабадзэ: падзеі ў Грузіі
21.11.2007
Алесь Ліпай
27.11.2007
Райнэр Лінднэр
12.05.2007
Барыс Нямцоў
2003  2004  2005  2006
[ 15/01/2007 23:07 ]
Как вы отьноситесь к писателю Дмитрию Черксову, который часто упоминает вас в свох произведениях?
Я б сказаў, што ў асноўным чытаю эканамічную літаратуру, з мастацкай – клясыку і такіх пісьменьнікаў, як Алексіевіч. Што да Чаркасава, то я праглядаў адну ягоную кнігу, але яна мне не спадабалася. Падобна да пасквілю. Прозьвішчы блытаюцца – ён дрэнна ведае нашую рэчаіснасьць, скажае некаторыя падзеі. Я не магу тут нічога дадаць. Як глыбокага пісьменьніка я яго ня ведаю.
[ 16/01/2007 02:33 ]
Skazhite pozschlujsta, chto vy imeete vvidu pod devalvaciej rublja v dannom slucjae. U menja est firma v Germanii, kotoraja postavljaet produkciju dlja belaruskogo gospredprijatija, znachit li eto, chto vozmozschen variant nevyploty dolgovyh objazatelstvt, kak eto bylo v Rossii vo vremja defolta? Spasibo za otvet
Не, не азначае. Дэвальвацыя азначае, што сёньня адзін даляр каштуе 2.140 беларускіх рублёў, а празь месяц-два ён будзе каштаваць 2.200, 2.300. То бок, каб набыць даляр, трэба будзе патраціць больш беларускіх рублёў. Але гэта ня нейкі абвал, гэта дэвальвацыя. Я мяркую, што ў бягучым годзе яна ня будзе сьмяротнай для грашовага звароту, устойлівасьці валюты і банкаўскай сыстэмы. І ніяк сур'ёзна не адаб'ецца на плацяжах на карысьць замежных партнэраў, тых жа немцаў.
[ 16/01/2007 11:48 ]
dzen dobry.S.Bagdankiewicz.?Na moj pogliad priszla pora Belarusam predjavit sczet rossii,za genocid nad naszim narodom v carskie i kommunisticzeskie vremena,za akupaciju,za czernobyl,za lukaszenkovskij rerzym kotoryj nam naviazan,za vse unirzenija i koneczno za tranzit.Soglasny Vy samnoj albo ne.Z pavagaj.Mikolaj Saskiewicz,Belarus.Warszawa,Polska.16.01.2007.r.
Я не пагаджаюся з паважаным Мікалаем Саскевічам. Я мяркую, што быў генацыд царскага і камуністычнага рэжыму і супраць уласнага расейскага народа. Нават генацыд Сталіна супраць сябраў Камуністычнай партыі быў вялікі – ён выбіў амаль дзьве траціны гэтых сябраў. Таму я б не сказаў, што гэты генацыд быў толькі супраць беларускага народа – быў супраць беларускага, але й супраць іншых народаў.

Што да дыктатуры Лукашэнкі, то я лічу, што тут вялікая віна самога беларускага народа, які на першых прэзыдэнцкіх выбарах, калі была кандыдатура Пазьняка, Шушкевіча, ён усё-ткі прагаласаваў за дыктатара Лукашэнку, не разабраўшыся. Ну і фальсыфікацыі робіць не адзін Лукашэнка, а камісіі, у якіх нямала прадстаўнікоў інтэлігенцыі, настаўнікаў, лекараў, яны паводзяць сябе дрэнна, калі ўмацоўваюць дыктатуру.
[ 16/01/2007 14:34 ]
Паважаны спадар Багданкевіч! Ведаю, што звычайна «рэзэpвовы фонд» урады трымаюць у замежных банках, нават Расея сваi 260 млрд. дол.$ А дзе «рэзэpвовы фонд» Беларусi? Калi зараз Расея аддасьць дыктатару 41% (ад бюджэту РБ ), то колькi аддавала ў 2006, 1995? ВАЛЕРЫ ГРЫЦУК
Наш нацыянальны банк, гэтаксама як і іншыя цэнтральныя банкі – Расеі і г.д. – трымае свае рэзэрвы, залатавалютныя фонды ў іншых дзяржавах. Беларусь трымае ў асноўным у ЗША, у меншай ступні ў Эўразьвязе. І часткова трымае іх у каштоўных паперах, дзяржаўных каштоўных паперах ЗША, таму што яны лічацца найбольш ліквіднымі і найменш падвяргаюцца абясцэньваньню. Так было, калі я яшчэ быў старшынём Нацыянальнага банку, тое самае цяпер. Другое пытаньне, што рэзэрвы сёньня складаюцца з валюты і залатых запасаў. Залатыя запасы ў асноўным захоўваюцца ў Нацыянальным банку.

Наконт бюджэта: я перападлічыў гэтую суму, пасьля таго як пачуў заяву Пуціна пра гэтыя 41%, і налічыў трошкі менш – 25% прыкладна ад бюджэту Рэспублікі Беларусь спансіруе Расея для ўтрыманьня гэтага дыктатарскага рэжыму ў Беларусі. У іншыя гады Расея спансіравала трошкі менш, да 2001 году, таму што цэны на нафтапрадукты былі меншыя на міжнародным рынку, цяпер – большыя, таму падтрымка – ад 4 да 7 мільярдаў даляраў. А ў 1995 – 2000 гг. спансіраваньне было меншым, таму што цэны былі ў сьвеце былі ніжэйшыя на нафту і газ. Велічыню гэтага спансіраваньня мы лічым як розьніцу паміж усясьветнымі цэнамі, ўнутрырасейскімі цэнамі і цэнамі, па якіх пастаўляліся газ і нафта ў Беларусь.
[ 16/01/2007 15:37 ]
Станіслаў Антонавіч, ці праўда, што ў свой час, яшчэ да Лукашэнкі, былі надрукаваны грошы з "Пагоняй" і што яны недзе захоўваюцца да лепшых часоў?
Гэта праўда, яны былі надрукаваныя ў Нямеччыне. Урад Кебіча выдзяліў Нацыянальнаму банку грошы для гэтай мэты. Кебіч, праўда, нядаўна адмовіўся ад таго, што даў на гэта грошы, але гэта праўда. Ён веў нейкую незразумелую палітыку – з аднаго боку хацеў аб'яднацца з Расеяй і перайсьці на расейскі рубель, з другога боку ў Нямеччыне правёў перамовы і нам перадаў тое, аб чым там дамовіўся, потым перамовы вёў мой намесьнік, і такія грошы ёсьць, з "Пагоняй" і з маім подпісам. Яны ляжалі да апошняга часу ў схованках Нацыянальнага банку, ня вядаю, ці ляжаць яны там сёньня, але думаю, што ляжаць. Гэта ўжо ня “зайчыкі”, а на іх вялікія грамадзяне Беларусі – Францыск Скарына, Максім Багдановіч, Якуб Колас, Янка Купала. Толькі Каліноўскага там няма, а іншыя вялікія грамадзяне Беларусі атрымалі сваё ўвекавечаньне на гэтых грошах. І Паўлінка там ёсьць – такі зборны вобраз беларускай дзяўчыны-прыгажуні.
[ 16/01/2007 17:49 ]
Станіслаў Антонавіч, у Вас тры сыны, але не чуваць, каб які-небудзь з іх пайшоў у палітыку. У той час, як А.Лукашэнка і ягоныя закадычныя апаненты А.Лябедзька і В.Вячорка прасоўваюўь сваіх нашчадкаў у палітыку, нават скарыстоўваючы службовае становішча. Як Вы пракаменціруеце гэтыя тэндэнцыі? Дзякуй. Мікалай Шафарэнка
Гэта праўда. Трэцяму сыну толькі 11 гадоў, ён яшчэ вучыцца ў шостай клясе гімназіі. Што да старэйшых сыноў, то яны працуюць – адзін працуе ў камэрцыйнай фірме наёмным працаўніком, ён калісьці скончыў наргас, другі таксама ў апошні год працуе ў будаўнічай фірме. Яны палітыкай не займаюцца, хаця падзяляюць мае дэмакратычныя погляды, падтрымліваюць мяне, на мітынгі ходзяць.

Да таго, што дзеці палітыкаў удзельнічаюць у палітыцы, я стаўлюся няблага, калі яны гэта робяць без пратэкцыі з боку бацькі. А калі Лукашэнка прызначыў, парушыўшы закон, свайго сына сябрам Рады бясьпекі – гэта ганьба, гэта азіяцкі такі мэтад, калі свайго сына ён праштурхоўвае ва ўладу.
[ 16/01/2007 23:23 ]
Вялiкi дзякуй, што не далi увесцi расiйскi рубель як адзiны плацёжны сродак Беларусi i Расii, калi былi старшынёй Нацбанка. Вольга
Я магу сказаць, што ў той час я ня быў палітыкам, я быў сябрам камісіі, якая вяла перамовы з расейскім урадам і цэнтральным банкам, і я разглядаў толькі артыкулы, якія тычыліся чыста грашовых, банкаўскіх, крэдытных пытаньняў. І ў пытаньні, дзе гаварылі пра тое, што мне патрэбна падпісаць перадачу актываў і пасіваў Нацыянальнага банку, якія належаць нашай дзяржаве, на балянс чужой дзяржавы, я, натуральна, на гэта пайсьці ня мог, і такія вось нормы катэгарычна адмаўляў.
[ 16/01/2007 23:34 ]
Станіслаў Антонавіч, чаму Вы былі супраць увядзеньня беларускай валюты, калі інфляцыя рубля пагражала жахлівымі наступствамі для беларускай эканомікі? Дзякуй! Ян (RightRevolution)
Нацыянальная валюта, нацыянальныя грошы – гэта прыкмета самастойнасьці і сувэрэннасьці дзяржавы. Сувэрэнная дзяржава сама ўстанаўляе і грашовую адзінку, і памеры эмісіі, і працэнтную палітыку, валютную палітыку, валютны курс, абменны курс і гэтак далей. Спачатку ў нас была вялікая інфляцыя, і яна была выкліканая якраз тым, што ў нас не было сваёй грашовай адзінкі, нацыянальнай адзінкі – у нас быў савецкі рубель, рубель дзяржавы, якая ўжо не існавала. І 12 эмісійных банкаў самастойна, не каардынуючы выпускалі гэтыя грошы ў абарот, і гэта прывяло да гіпэрінфляцыі. І дзеля таго, каб незалежна ад іншых атрымаць перамогу ад інфляцыяй, трэба было быць сувэрэннай дзяржавай і мець сувэрэнны Нацыянальны банк. І гэта мы ўжо зрабілі, у канцы 1994 году ў нас фактычна была ўведзена нацыянальная валюта ў чацьвёртым квартале, а ўжо ў 1995 годзе мы стабілізавалі беларускі рубель у адносінах да даляра, і цэлы год у нас адзін даляр трымаўся на вышыні 11.500 беларускіх рублёў.
[ 16/01/2007 23:51 ]
Станіслаў Антонавіч, скажыце калі ласка, дзе можна пабачыць тыя грошы, што былі аддрукаваныя ў Нямеччыне? (Я маю на ўвазе іх узор, макет, фотаздымак - карацей увачавідкі паглядзець на іх зьнешні выгляд, няўжо ў вашым архіве нічога не захавалася?)
Не, мы нават забралі ў нямецкіх нашых падрадчыкаў усю падрыхтоўчую частку і паклалі ў сховішча Нацбанку. Гэта ж грошы - а раптам я ў будучыні пачаў бы іх друкаваць, стаў махляром? Таму ўсё гэта, улучна з эскізамі, усе блянкі так званай "строгай адказнасьці" - усё захоўваецца ў архівах Нацыянальнага банку. Заўсёды можна было б іх выставіць у музэй на выставу, але сёньня яны закрытыя ў сховішчы.
[ 16/01/2007 23:53 ]
Якой назве для беларускай валюты ў будучыні мы павінны аддаць перавагу, а дакладней вы якой аддаеце?
Гэтае пытаньне мы разглядалі на Прэзыдыюме вярхоўнага савета 12-га скліканьня. Разглядаліся два варыянты: талер і рубель. Акрамя Ніла Гілевіча, у той час ніхто талер не падтрымаў пры абмеркаваньні. (Пазьняка на пасяджэньні Прэзыдыюма ВС не было). Магчыма, нехта яшчэ ўстрымаўся. Я не магу сказаць, за якую назву я выступаў бы. Думаю, гэтае пытаньне трэба абасноўваць. Было шмат розных прапаноў. Магу толькі сказаць, што я супраць назвы "рубель", бо гэта расейская назва, і для сувэрэннай дзяржавы трэба мець сваю назву.
[ 17/01/2007 07:55 ]
У пачатку 90-х вы спрычыніліся да надрукаваньня сапраўдных беларускіх грошаў. Пры памяньшэньні інфляцыі, тыя рублі мусілі замяніць "разьліковыя білеты". Але пры зьмене ўлады, той праект нікому не патрэбны, бо на грошах беларускія асобы, а не бязьлікія будынкі. Вы казалі, што і зараз гэтыя грошы мусяць дзесьці быць. Надта хацелася б убачыць, як выглядалі тыя рублі. Ці ня ёсьць у вас дзесьці хаця б эскізы тых банкнот? І ці лічыце вы, што пры зьмене ўлады, мы мусім разьвіваць нацыянальную валюту а не імкнуцца да, скажам, эўра? З павагай, Zmicier
Я так адказаў бы на гэтае пытаньне: гэтыя грошы былі выпушчаны і згатаваныя на нашу замову ў Нямеччыне, займаўся іх надрукаваньнем больш за ўсё мой намесьнік Валянцін Васільевіч Заяш, я ўхваляў усе эскізы, працавалі мастакі – грошы былі прывезены і пакладзены ў сховішча і, можа быць, чакаюць свайго часу. Праўда, ня ведаю, ці ня сьпісаны яны ўжо на сёньняшні дзень з балянсу. То бок, яны ўлічваліся як блянкі грошай на небалянсавым рахунку, і паколькі затрачана на іх выраб і перавозку было амаль 20 мільёнаў даляраў, то іх ніхто ня сьпісваў.

Наконт эўра я думаю, што такой пэрспэктывы ў бліжэйшыя 15-20 год у нас проста няма, бо для гэтага трэба быць сябрам Эўразьвязу, а сёньня ні з адной пазыцыі мы не падрыхтаваныя да ўваходу ў ЭЗ – ні эканамічна, ні палітычна, ні па іншых пытаньнях. У нас дыктатура, і каб перайсьці, патрэбна шмат часу. Нават такія дзяржавы як Літва, Латвія, Эстонія і Польшча – і тыя адразу ня могуць перайсьці на эўра, там вялікія патрабаваньні, якія трэба выконваць, трымацца стандартаў у эканоміцы, рынкавай эканоміцы, трэба адмаўляцца ад так званага "ручнога кіравання" эканомікай, якім карыстаецца А.Лукашэнка і ягоны рэжым, і гэтак далей – то бок, мы не гатовы проста, таму я стаю за тое, што на пераходным этапе нам трэба быць самастойнымі, сувэрэннымі, мець сваю нацыянальную валюту. Апошнія гады паказалі, з 2000 году, што беларускі рубель можа быць устойлівы, цьвёрды.
[ 17/01/2007 10:57 ]
што бы вы рабілі. калі б былі старшынём нацбанку зараз -- у сувязі з расейскай зьменай палітыкі?
Я б сказаў, што Нацыянальны банк і сёньня праводзіць найбольш разумную і найбольш рынкавую палітыку, і ў гэтым заслуга яго сёньняшняга кіраўніцтва, сёньняшніх прафэсіяналаў у кіраўніцтве Нацыянальнага банка. Дрэнна тое, што Нацыянальны банк не самастойны, што ён падпарадкаваны прэзыдэнту, ураду, старшыня Нацыянальнага банка зроблены сябрам ураду – гэта дрэнна, у бальшыні нармалёвых рынкавых краінах у любога цэнтральнага банку любой дзяржавы ёсьць аўтаномія. У нас гэтага няма, таму выканаўчая ўлада даводзіць да банка, колькі выдаць крэдыту на пасяўную кампанію, уборачную кампанію стратным прадпрыемствам і гэтак далей, і гэта дрэнна. Дрэнна тое, што нацыянальны прадукт у Беларусі прырастае ў апошнія гады па афіцыйным дадзеным на 8-10%, а крэдытная запазычанасьць эканомікі камэрцыйным банкам узрастае ў 4 ці нават больш разоў. То бок, ёсьць перакос, нарастае грашовы навес над нацыянальным прадуктам, што можа прывесьці да абвалу рубля й абвалу банкаўскай сыстэмы. Абвалу, можа, і ня будзе, калі рост эканомікі будзе 8-10% у год, але калі тэмпы росту зьнізяцца і стануць нулявымі, а гэтаму можа спрыяць падвышэньне цэнаў на энэрганосьбіты, расейскія газ і нафту, то гэта будуць вялікія цяжкасьці для беларускага рубля, беларускай эканомікі, беларускай банкаўскай сыстэмы.
[ 17/01/2007 11:06 ]
Станислав Антонович, с прошедшим Вас юбилеем! В условиях сложившейся ситуации в российско-белоруских отношениях и уменьшением дотирования беларускай экономики со стороны России, как Вы считаете начнет ли руководство нашей страны рыночные преобразования или пойдет путем ужесточения государственного контроля в экономике и уничтожения предпринимательства? Какой Ваш прогноз? Антон. Минск. Спасибо.
Мой прагноз, што ўсё-ткі ня вельмі шырокія, але прынамсі нейкія рынкавыя пераўтварэньні будуць. Хаця сярод апазыцыйных эканамістаў я знаходжуся ў меншасьці. Большасьць лічыць, што Лукашэнка вернецца яшчэ да большай адміністратыўнай, аўтарытарнай эканомікі, будзе сачыць, кіраваць "рукамі", што называецца, любым прадпрыемствам, даводзіць да любога прадпрыемства не агульныя падаткі, працэнты, а адмысловыя, для таго каб не дапусьціць сацыяльнага абвалу – гэта можа зьніжаць эфэктыўнасьць, але гэта можа падтрымліваць на плыву некаторыя стратныя прадпрыемствы. Я думаю, што калі цяжка ў гаспадарцы, трэба сабаку адвязваць, каб ён сам "пасьвіўся" – разьвіваць рынак, разьвіваць малы і сярэдні бізнэс, і такім шляхам можна будзе не дапусьціць зьніжэньня ўзроўню жыцьця беларусаў. І я думаю, што ўсё-ткі на сярэднім узроўні ў дзяржаўных кіраўнічых структурах ёсьць нямала прафэсійна падрыхтаваных людзей. Я гэта бачу, будучы сябрам рады па абароне доктарскіх і кандыдацкіх дысэртацый, дзе я і цяпер супрацоўнічаю, і я бачу, што ў Беларусі ня мала падрыхтаваных людзей, якія разумеюць, што безь пераходу на рынак ня можа быць палепшаньня эфэктыўнасьці, рэнтабэльнасьці, прыбытковасьці, стабільнасьці цэнаў і ўзроўню жыцьця. Таму я асабіста думаю, што ўсё-ткі Лукашэнка пойдзе на некаторыя, можа, няпоўныя, абмежаваныя, але некаторыя рынкавыя пераўтварэньні.
[ 17/01/2007 11:35 ]
Добры дзень паважаны Станіслаў Антонавіч! Як Вы лічыте,калі пачнуць дзейнічать новыя сістемы гарантый заховання ўкладаў фізычных асоб у банках, у сувязі з новым банкаўскім кодэксам ад 27.10.2006г. Што яны рэальна дадуць насельніцтву? Як Вы асабіста ацэньваеце узровень стабільнасті фінансава-банкаўскай сістемы Рэспублікі Беларусь цяпер і ў бліжэйшы час і дзеянні ўлад у гэтым накірунку. Усяго Вам найлепшага. Дзякуй за адказ. Ўладзімір.
Я думаю, што ў кароткатэрміновым пэрыядзе часу беларускі рубель будзе больш-менш стабільны. Будзе інфляцыя і рост цэнаў, невялікая дэвальвацыя, але ў цэлым ён будзе стабільным, таму што ёсьць залатавалютныя рэзэрвы, больш чым адзін мільярд даляраў, ёсьць фонд нацыянальнага разьвіцьця – недзе 600 мільёнаў даляраў, то бок, ёсьць некаторыя амартызатары. Таму абвалу беларускага рубля ня будзе. Але ў пэрспэктыве – бо нам Расея дала 4 гады, і пасьля цэны на нафту і газ будуць агульнаэўрапейскімі, усясьветнымі, якімі будзе карыстацца беларуская эканоміка – і сёньня эканоміка не гатовая, усе гэтыя расейскія датацыі былі пушчаныя на спартовыя комплексы, крыху – на добраўладкаваньне гарадоў, але не на атрыманьне энэргазьберагаючай тэхналёгіі, не на тэхнічную рэканструкцыю і г.д. Таму я думаю, што ў нас можа быць абвал рубля, але ня ў гэтым годзе, а недзе бліжэй да 2011 году, калі рэжым Лукашэнкі ня зьменіцца, ня сыдзе ў адстаўку, калі ня прыйдуць прафэсіяналы і ня будуць праводзіць гэтыя даўно ўжо патрэбныя рынкавыя пераўтварэньні.
[ 17/01/2007 12:16 ]
Уважаемый Станислав Антонович! Меня интересует такой вопрос: я взял кредит в долларах США на покупку жилья в городе Солигорске на 10 лет. И теперь беспокоюсь: если в связи с подорожанием энергоресурсов произойдет обвал белорусского рубля, и размер заработной платы в пересчете на доллраы США резко упадет, то будет очень проблематично выплачивать данный кредит. И теперь я очень жалею, что не взял кредит в бело- русских рублях. Как вы считаете, насколько обоснованны мои опасения? Заранее благодарен. Дмитрий.
Вашыя хваляваньні маюць сэнс. Хаця за 10 год пагашэньня гэтага крэдыту шмат чаго яшчэ можа памяняцца. Але лепш сёньня было б мець крэдыт у нацыянальнай валюце, пры інфляцыі лепш за ўсё пагашаць інфляцыйнымі грашыма ўсе крэдыты. Крэдыты абясцэньваюцца для крэдытазаёмшчыка, калі ідзе дэвальвацыя, падзеньне рубля.
[ 17/01/2007 12:56 ]
Шаноўны Станіслаў Антонавіч, для беларускай палітыкі вы з'яўляецеся даволі незвычайнай асобай. І ня толькі па таму, што вы зрабілі для яе, але яшчэ і па таму, як вы у яе трапілі. Спачатку вы сталі сапраўдным Спецыялістам у сваёй галіне, зрабілі ўсё, што можна было зрабіць у тых умовах, потым годна пакінулі сваю пасаду і сышлі ў палітыку. Пры гэтым, змагаючыся за ўладу, вы выкарыстоўвалі той досьвед, які набылі за сваё жыццё (у тым ліку і на працы)... Але, як мне падаецца, асноўная частка беларускай апазіцыйнай палітычнай эліты рабіла па-іншаму. Вучыцца жыццю яны прыйшлі ў палітыку. Канечне, яны навучыліся таму, чыму навучыцца было магчыма ў нашых умовах. Але, бадай што, адзіная спецыяльнасць, да якой рыхтуе сёняшняя беларуская палітыка, - гэта дэмагогія. Атрымліваецца, што калі сітуацыя ў краіне зьменіцца, да улады ў краіне прыйдзе генерацыя палітыкаў-дэмагогаў, і Беларусь адчуе адсутнасць людзей, якія здольныя рэфармаваць краіну. Вы, як чалавек блізкі да нашага палітычнага сьвету, маглі б сказаць, ці насамрэч існуе такая праблема. І, калі існуе, ці ёсць магчымасць яе выправіць?
Калі гавораць "апазыцыя", то супрацьпастаўляюць дэмакратычнай апазыцыі намэнклятуру, то бок, чыноўнікаў, якія знаходзяцца сёньня ва ўладзе. Я так не супрацьпастаўляю – можа, грамадзянскай пазыцыі не хапае ў многіх чыноўнікаў, якія сёньня пры ўладзе, але сярод іх нямала людзей, якія думаюць дэмакратычна, гатовыя праводзіць рынкавыя пераўтварэньні й г.д. Бо хто сёньня са мной у апазыцыі? Ня толькі ж я прафэсіянал, а там і Вайтовіч, там і Чыгір, і Сасноў, і Манаеў, і прафэсар Тарасаў, і шмат іншых. Я не хацеў бы называць працаўнікоў у самой сыстэме ўлады, якія на кухні думаюць па-іншаму, але, на жаль, служаць гэтаму рэжыму – але я думаю, што калі б да ўлады замест рэжыму Лукашэнкі прыйшлі неабавязкова з апазыцыі, а нават зь сёньняшняй намэнклятуры падрыхтаваныя, адукаваныя людзі, якія дэмакратызавалі б дзяржаву і павялі б неабходныя рынкавыя перабудаваньні, то я б сказаў, што гэта перамога дэмакратычнай апазыцыі. Няважна, хто прыйдзе да ўлады, важна, каб гэты рэпрэсіўны, адміністратыўны, антынародны рэжым быў заменены на іншы. А сярод маіх калег вельмі многа нармалёвых , прафэсійных людзей – юрыстаў, эканамістаў, вайскоўцаў – сярод нас жа ёсьць і палкоўнікі, і генэралы, і людзі з навуковымі ступенямі, званьнямі і г.д.
[ 17/01/2007 13:04 ]
Як вы думаеце, ці варта змяніць колер нашай революцыи? (з "джынса" на БЕЛЫ) ...бо мы цэлы год пераконваліся ў тым, што джынс - сымбаль смуты і паразы.
Я падзяляю гэтую пазыцыю. Я лічу, што бел-чырвона-белы - гэта наш сьцяг, і тут, можа быць, мае сэнс памяняць колер... Але я ў такіх пытаньнях збольшага ня ўдзельнічаю, я займаюся эканомікай, асабліва ў апошнія гады.
[ 17/01/2007 13:05 ]
Ці можа змяніцца ўлада гэтай вясной?
Не.
[ 17/01/2007 15:05 ]
Мы заканчваем нашу онлайн-канфэрэнцыю. Вэб-рэдактар
Уражаньні ад онлайн-канфэрэнцыі засталіся добрыя, людзі трымаюць руку на пульсе падзеяў у нашай дзяржаве. Я магу пажадаць ім толькі шчасьця й дабрабыту ў сёмым годзе новага тысячагодзьдзя.
 галоўная
 угару