Сёньня А.Лукашэнка ізноў у Маскве. Назіральнікі адзначаюць, што ён пачаў
езьдзіць туды надзвычай часта. Ужо напрыканцы мінулага візыту кіраўніка
Беларусі было паведамлена, што ён прыедзе ў студзені зноў.
Сур’ёзнай нагоды для прыезду няма, але гэта з пункту гледжаньня дзяржаўных
справаў. З пункту гледжаньня асабістых інтарэсаў Лукашэнкі справы ёсьць.
Напярэдадні прэыздэнцкіх выбараў у сваёй краіне Лукашэнка прыкладае намаганьні,
каб прыйсьціся даспадобы новаму расейскаму кіраўніцтву і даць напамін аб
сваёй рэпутацыі інтэгратара.
У Маскве беларускі прэыздэнт атрымае яшчэ адну прэмію, якая нічога асаблівага
не азначае, – “За единение православных народов”. Ён сустрэнецца са сьпікрам
Дзярждумы Генадзем Селязьнёвым, з дыпляматамі, журналістамі.
Аднак, расейскім назіральнікам візыт Лукашэнкі цікавы перш за ўсё з-за
жорсткай рэакцыі лідэра Беларусі на затрыманьне ў Злучаных Штатах Паўла
Барадзіна. Лукашэнка можа рабіць тыя заявы, аб якіх Уладзімер Пуцін і марыць
ня можа. Толькі выйшаўшы з самалёту, Лукашэнка сказаў, што гатовы да любых
крокаў і мае абавязак абараніць Барадзіна як прадстаўніка Вышэйшага савету
саюзнай дзяржавы.
(Лукашэнка: ) “Барадзін зьяўляецца чыноўнікам нашага саюза. Я як старшыня
і кіраўнік Вышэйшага савету абавязаны бараніць гэтага чалавека. Абавязаны”.
Віталі Портнікаў, Масква
|
