Увечары стала вядома, што А.Лукашэнка нечакана перарваў свой візыт у
Маскву і выляцеў у Менск. Назіральнікі ў Расеі губляюцца ў здагадках, камэнтуючы
скандальны ад’езд кіраўніка Беларусі з расейскай сталіцы.
Візыт Лукашэнкі ў Маскву быў згорнуты. Прычынаў гэтаму можа быць некалькі,
але, як кажуць, галоўная: заявы афіцыйнай Масквы ў справе Барадзіна рэзка
дысансуюць з выказваньнямі Лукашэнкі.
Кіраўнік прапрэзыдэнцкай фракцыі “Адзінства” Барыс Грызлоў, а за ім
і сакратар Рады Бясьпекі Расеі Сяргей Іваноў зьвялі канфлікт да юрыдычных
аспэктаў, у той час як Лукашэнка працягваў настойваць на палітычных матывацыях.
На цырымоніі ўручэньня Лукашэнку прэміі не было нікога з высокапастаўленых
прадстаўнікоў расейскага кіраўніцтва: Крэмль праігнараваў той факт, што
беларускі прэзыдэнт аб’ядноўвае праваслаўныя народы. І Лукашэнка паляцеў
з Масквы ў сталіцу сваіх ілюзіяў.
Віталі Портнікаў, Масква
|
