Старшыныя Вярхоўнага Савету Беларусі Сямён Шарэцкі абвергае інфармацыю
пра тое, што дэпутаты Вярхоўнага Савету засталіся па-за ўвагай эўрапейскіх
структураў. На сувязі ў Вільні Сямён Шарэцкі.
(Шарэцкі: ) «Я не хацеў бы ні з кім уступаць у палеміку, але хачу ўдакладніць,
што я атрымаў асабістае запрашэньне як старшыня Вярхоўнага Савету Рэспублікі
Беларусь удзельнічаць у паседжаньні Пастаяннага камітэту АБСЭ. Яно адбудзецца
ў канцы лютага сёлета. Са мной пастаянна, рэгулярна падтрымліваюць сувязь
прадстаўнікі кіраўніцтва АБСЭ, і я лічу, што гэта і ёсьць доказ таго, што
АБСЭ як міжнародная парлямэнцкая арганізацыя па-ранейшым лічыць, што менавіта
Вярхоўны Савет Рэспублікі Беларусь зьяўляецца адзіным заканадаўчым і вышэйшым
прадстаўнічым ворганам на тэрыторыі Беларусі»
(Карэспандэнт: ) «Спадар Шарэцкі, вы атрымалі запрашэньне. Ці будзеце
Вы браць удзел у гэтым паседжаньні?»
(Шарэцкі: ) «Хутчэй за ўсё. Я яшчэ некалькі разоў буду ўзгадняць склад
дэлегацыі – хто паедзе. У нас жа ёсьць пастаянная дэлегацыя: гэта я, Лябедзька,
Нісьцюк і Хоміч».
Гутарыў
Сяржук Сокалаў-Воюш, Прага
|
