У адной з выбарчых акругаў Бабруйску застаўся толькі адзін кандыдат
у “Палату прадстаўнікоў” Аляксандар Шпілеўскі. Ягоны канкурэнт зьняў сваю
кандыдатуру ў абмен на месца ў “Савеце рэспублікі”.
Дырэктар адкрытага акцыянэрнага таварыства “Баруйсктрыкатаж” Эдуард
Нарышкін пасьля першага туру апярэджваў свайго суперніка, намесьнікі старшыні
сталай камісіі ў міжнародных сувязях Аляксандра Шпілеўскага амаль удвая.
Насуперак заклікам Лукашэнкі падчас ягонага візыту ў Бабруйск галасаваць
за сваіх цяперашніх дэпутатаў, якім і ёсьць Шпілеўскі, жыхары гораду масава,
44 адсоткі, прагаласавалі за Нарышкіна.
Але раптам Нарышкін адмовіўся ад барацьбы за мандат. На сумесным паседжаньні
бабруйскага гарадзкога савету і гарвыканкаму Нарышкіну было адкрыта прапанавана
балятавацца ў сябры “Савету рэспублікі”. Ён згадзіўся, і, відаць, Аляксандар
Шпілеўскі зноў атрымае месца дэпутата.
Хоць сябры “Савету рэспублікі” выбіраюцца патаемным галасваньнем, у
Нарышкіна не павінны ўзьнікнуць зацьсярогі наконт даверу тых, хто будзе
галасаваць. Чатыры гады таму, калі ў Магілеве абіралі сябраў “Савету рэспублікі”,
газэта “Весьнік Магілеву” па недарэчнасьці яшчэ да пачатку сходу надрукавала
імёны менавіта абраных. І, канешне, не памылілася.
Марыя Ўсьціновіч, Магілеў
|
