Адразу пасьля перадачы першага матэрыялу з Віцебску, на сувязь ізноў
выйшаў наш карэспандэнт Алег Жукоўскі і паведаміў, што пасьля заканчэньня
шэсьця і мітынгу былі затрыманыя сем сябраў БНФ, якія пасьля акцыі накіраваліся
на цэнтральныя вуліцы гораду зьбіраць подпісы за байкот выбараў.
Літаральна калі я паклаў слухаўку, патэлефанавалі зь Віцебскай “Вясны”
і сказалі, што затрыманьні ўсё ж адбыліся. Пасьля мітынгу група прадпрымальнікаў-сябраў
Беларускага народнага фронту пайшлі на вуліцу Леніна зьбіраць подпісы за
байкот з разгорнутым бел-чырвона-белам сьцягам. Іх затрымалі. Сем чалавек:
Прахарэнка Аляксандр
Гроць Сяргей
Волкаў Марат
Сьмірноў Сяргей
Доўгі Сяргей
Саўчанка Андрэй
Васенка Сяргей
Яны былі адвезеныя ў Кастрычніцкі РАУС, дзе іх асобы былі ўдакладненыя.
На іх склалі рапарт. Канфіскавалі подпісы і сымболіку. Яны былі папярэджаныя
і адпушчаныя праз гадзіну.
Алег Жукоўскі, Віцебск
|
