Сёньняшнія палітычныя настроі ў рэгіёнах ацэньвае лідэр Аб’яднанай Грамадзянскай
партыі, намесьнік старшыні Вярхоўнага Савету Беларусі Анатоль Лябедзька.
(Лябедзька: ) “Так, сапраўды, за апошні час я праехаў па 20-25 рэгіёнах
Беларусі. Я адчуваю, што істотна зьмяніліся настроі людзей. Людзі баяцца
вялікай залежнасьці фінансава-эканамічнай залежнасьці ад рэжыму. Натуральна,
што супрацоўнік міліцыі на такія сустрэчы прыйсьці ня можа адкрыта, але
гэта сёньня. Заўтра і тыя людзі прыйдуць. Таму прыходзяць тыя людзі, якія
пераступілі праз свой страх, якія заклапочаныя якраз праблемай Беларусі
як краіны. Можна ганарыцца, што такія людзі ў Беларусі ёсьць. Будуць яны,
будзе й Беларусь краінай. Пакуль яны ёсьць, будзе ў нас надзея, што паўторыцца
сцэнар Югаславіі. Людзі, якія ходзяць на такія сустрэчы – гэта наш патэнцыял.
Я думаю, што іх колькасьць будзе павялічвацца цягам наступнага году, перад
прэзыдэнцкімі выбарамі”.
|
