Сёньня ў Магілеве ля будынку суда Цэнтральнага раёну адбыўся пікет у
абарону Дзьмітрыя Абадоўскага, які 17-га лістапада распачаў сухую галадоўку.
Дзьмітры ўтрымліваецца ў сьледчым ізалятары з 6 ліпеня мінулага году
па абвінавачаньні ў крадзяжы і згвалтаваньні. Ён і ягоны абаронца ўпэўненыя
ў тым, што крымінальная справа сфальсыфікаваная. Нагадаем, што зараз яна
накіраваная судом на дасьледаваньне, але мера стрыманьня ў адносінах да
Дзьмітрыя не зьмененая, нягледзячы на шматлікія хадайніцтвы і праблемы
са здароўем зьняволенага.
Дзьмітры, паводле ягонай заявы, пратэстуе супраць самавольства і беззаконьня,
ўчыненага ў адносінах да яго праваахоўчымі органамі.
Пікетоўшчыкі трымалі плякаты з надпісамі “Чалавека забіваюць, а дзе
закон?” і “Свабоду вязьню”.
|
