Сёньня на судовым паседжаньні ў справе Міхаіла Чыгіра прысутнічаў і
пасол ЗША ў Беларусі Дэніэл Спэкгард. Вось як ён пракамэнтаваў вынесены
прысуд:
(Спэкгард: ) “Я думаю, што прысуд сьведчыць толькі пра тое, што мы ведалі
ад пачатку – гэта палітычна матываваны паказальны суд. Ягоная мэта – дамагчыся,
каб сп. Чыгір ніякім чынам ня змог займацца апазыцыйнаю ў адносінах да
ўладаў дзейнасьцю. Яго спрабуюць запалохаць, застрашыць апазыцыю, запалохаць
людзей, каб яны не займаліся апазыцыйнай працай. Сэнс прысуду палягае ў
забароне сп.Чыгіру нешта рабіць на працягу наступных двух гадоў – іначай
пад пагрозай будзе ягоная свабода. Вынесены прысуд мае на мэце запалохаць
сп. Чыгіра. Гэта пацьвержаньне даўно вядомага – гэта быў паказальны палітычны
працэс.
Як я разуменю, сп. Чыгір будзе абскарджваць гэтую пастанову. Я спадзяюся,
што суд вышэйшай інстанцыі прызнае, што ў гэтай справе бракуе доказаў,
яна носіць палітычна матываваны характар і скасуе прысуд. Мы будзем спрабаваць
давесьці да МЗС значнасьць і важнасьць гэтага суду для ўсяго сьвету. Сымбалічнасьць
гэтага суду палягае ў тым, ці зацікаўленыя ўлады ў дэмакртыі ці не, ці
зацікаўленыя яны ў магчымасьці дзейнасьці апазыцыі ў краіне, ці яны хочуць
мець манапольнае права на ўладу”.
|
