Пэтэр Уль, сябра Жэнэўскай рабочай групы ААН у справе несправядлівага
зьняволеньня, адрэагаваў на прысуд Андрэю Клімаву так:
(Уль: ) “Я толькі што даведаўся пра шасьцігадовы прысуд, вынесены беларускаму
актывісту, дэпутату Клімаву. Я вельмі ўзрушаны гэтым. Было зразумела, што
ўлады паспрабуюць яго засудзіць, але тое, што яго засудзілі на шэсьць гадоў
– вельмі трывожыць.
Мне гэты выпадак прыпамінае – а я кажу з уласных успамінаў – падобныя
працэсы, што праходзілі ў Чэхаславаччыне да 1990 году, калі людзей асуджалі
за няйснуючыя ці фактычна няйснуючыя парушэньні закону ў галіне гаспадарчага
ці маёмаснага права. Былі гэта фабрыкацыі.
Мы павінны пратэставаць супраць такой практыкі, таму што парушаецца
ня толькі права тых людзей, якія ўтрымліваюцца ў зьняволеньні, але адбываецца
злоўжываньне судовай сыстэмай, што ёсьць яшчэ большае злачынства, таму
што суды мусяць быць незалежнымі і мусяць судзіць справядліва”.
|
