Праваабарончая арганізацыя “Міжнародная амністыя” выступіла із заяваю
“Вырашальны тыдзень для сытуацыі з правамі чалавека ў Беларусі”.
(Цытата: ) “Непавага да правоў чалавека з боку беларускіх уладаў зноўку
будзе пад увагаю міжнароднай грамадзкасьці на гэтым тыдні ў зьвязку з заплянаванай
на 15 сакавіка маштабнай дэманстрацыяй дэмакратычных сілаў, а таксама з
прычыны чаканага ў пятніцу прысуду дэпутату Вярхоўнага Савету Беларусі
Андрэю Клімаву”.
Ужо даўно надышоў час, каб беларускія ўлады сур’ёзна паставіліся да
праблемы выкананьня правоў чалавека ў краіне, - заявіла “Міжнародная амністыя”
напярэдадні візыту яе прадстаўнікоў у Менск.
(Цытата: ) “Прэзыдэнт Лукашэнка павінен пацьвердзіць свае абяцаньні
паважаць права звычайных беларусаў выказвацца супраць афіцыйных уладаў”.
“Міжнародная амністыя” паведамляе, што будзе сачыць за Маршам Свабоды
– 2 і разглядаць кожнага мірнага дэманстранта, затрыманага міліцыяй, як
вязьня сумленьня.
Волга Караткевіч
|
