Старшыня БНФ Зянон Пазьняк – той чалавек, які ведаў пра сапраўдную вартасьць
Міколы Ермаловіча задоўга да таго, як Беларусь атрымала незалежнасьць.
Ён успамінае.
Гэта быў вялікі вучоны і чалавек вялікага духу. Яго можна параўнаць
па значэньні для духоўнай гісторыі Беларусі толькі з такімі людзьмі, як
Ларыса Геніюш і Лявон Баразна, якога таксама забілі. Я перакананы, што
такія людзі, як Мікола Ермаловіч ня гінуць проста так пад коламі аўтамабіля,
асабліва пры акупацыйным рэжыме. Я лічу, што гэтым павінна заняцца грамадзкасьць.
Я павінен сказаць, што калі мы ня кінем нашыя пустыя размовы аб талеранцыі,
то бандыты, якія забіваюць чачэнцаў і беларусаў, будуць гэта беспакарана
рабіць увесь час.
Я вельмі добра ведаў Міколу Ермаловіча, я ведаў, што яго перасьледавала
рускае КГБ праз усё яго гераічнае і ахвярнае жыцьцё.
Гэта быў чалавек высокага духа, які, нягледзячы на страшныя ўмовы,
страшэнныя пакуты, зрабіў для Беларусі, для беларускай гісторыі як ніхто
ў ХХ стагодзьдзі,.
Я толькі хачу перадаць нашым сябрам на Беларусі, каб яны не паддаваліся
жаласьці і не паддаваліся аналізу сваіх пачуцьцяў, а каб мужаліся на барацьбу.
Бо гэта – не апошняя ахвяра ў нашай барацьбе.
Мы павінны перамагчы.
Зянон Пазьняк
|
