Сёньня

Учора ў штаце Тэхас быў прыведзены ў выкананьне сьмяротны прысуд. Да гэтага сёньня прыцягнутая ўвага амэрыканскай прэсы. Найперш таму, што губрнатар гэтага штату Джордж Буш малодшы —зьяўляеца кандыдатам ад Рэспубліканскай партыі на наступных прэзыдэнцкіх выбарах..

Гэта ўжо другое сьмяротнае пакараньне, зьдзейсьненае ў штаце Тэхас зачас прэзыдэнцкай кампаніі Джорджа Буша. Перад гэтым

упершыню ў гісторыі Амэрыкі сьмяротны прысуд быў прыведзены ў выкананьне да жанчыны сталага веку. Яе сьмерць выклікала выбух у сродках масавай інфармацыі.

Жанчына гэтая, згодна абвінавачаньням, забіла больш дваццаці гадоў назад мужа. Напярэдадні прызначанага дню сьмяротнага пакараньня Буш спыніў сваю агітацыйную паездку і тэрмінова прыляцеў у Далас, але прысуджаную да сьмерці не памілаваў.

Зараз сьмяротная ін’екцыя была зробленая 36-ці-гадоваму афра-амэрыканцу Грахаму. Камітэт штата Тэхас у пытаньнях памілаваньняў – пакінуў прысуд у сіле. А губэрнатар і кандыдат у прэзыдэнты Буш заявіў, што падтрымлівае рашэньне камітэту.

Сьмяротнае пакараньне чорнага Грахама, на думку назіральнікаў, забірае у Буша галасы чорных выбаршчыкаў, якія ў бальшыні і так галасуюць звычайна за дэмакратаў.

Усе актывісты чорнага руху ў ЗША скрытыкавалі гэты сьмяротны прысуд. Больш таго, яны заявілі, што ўлады праводзяць у краіне генацыд чорнага насельніцтва. У барацьбу за жыцьцё Грахама падключыўся знакаміты і аўтарытэтны сьвятар Джэсі Джэксан, некалі паплечнік Марціна Лютэра Кінга.

Джэсі Джэксан апошнім часам прыцягнуў ўвагу сусьветнай прэсы, калі вызваліў амэрыканскіх вайскоўцаў з сэрбскага палону пад час вайны ў Косаве. Джэсі Джэксан быў сьведкам на судовым паседжаньні, дзе разглядалася апэляцыя аб памілаваньні Грахама.

І прасіў аб памілавані Грахама. Сам Грахам, дарэчы, не прызнаў сваёй віны да самага сьмяротнага канца..

Яго абвінавацілі ў забойстве на аўтамабільнай стаянцы каля аднаго з супэр-маркетаў. Усе доказы ягонай віны былі пабудаваныя на паказаньнях толькі аднаго сьведкі, які, быццам бы, пазнаў у Грахаму – забойцу. Справа цягнулася 17 гадоў.

Актывісты Чорнага руху і сёньня заяўляць, што амэрыканская юрыдычная сыстэма не гарантаваная ад памылак. А судзьдзі часта могуць прыймаць неаб’ектыўныя рашэньні, калі перад імі стаіць чорнаскуры чалавек, якому высоўваюцца абвінавачваньні.

Пад час прывядзеньня прысуду ў выкананьне каля сьценаў турмы, дзе Грахаму рабілі сьмяротную ін’екцыю, сабраліся 400 пратэстантаў, у бальшыні актывісты Чоргана руху і прынцыповыя праціўнікі сьмяротнай кары. Непадалеку наладзіў і сваю дэманстарцыю Ку-Клукс- Клан. Расісты падтрымлівалі забойства чорных злачынцаў.

Гэтыя дзьве дэманстрацыі міжволі схілялі сымпатыі амэрыканскіх выбаршчыкаў на бок больш гумманы -- у абарону чорнага Грахама, віна якога сродкамі масавай інфармацыі апошнім часам пастаўлена пад пэўнае сумненьне.

Аналітыкі заўважылі, што ўсе апошнія падзеі сталі чарговым правалам у прэзыдэнцкай кампаніі ДЖорджа Буша і далі новыя козыры ягонаму канкурэнту – дэмакрату Элу Гору.

Галіна Прыгара

Архіў

Радыё СВАБОДА