Мясцовыя выбары     Беларусь - Расея     Праскі акцэнт     Экспэртыза свабоды     Эканоміка     Правы чалавека     Міжнародны аддзел     Рэгіёны     Вайна з тэрарызмам       Курапаты     Палітычная геаграфія     Беларускі Iнтэрнэт     Суайчыньнікі     Цытаты мінулага     Вострая брама     Беларуская     Aтлянтыда     Вольная студыя     Чытальная заля     Жывая мова     Данчык выбірае       Сымбаль веры     Агляд пошты     Дазвол на выезд     Здароўе     Мая Свабода     Прыватны дзёньнік       Шукайце ў Google     Час і Хвалі     Realaudio     Аўдыё-архiў     RFE/RL Newsline     Weekday Magazine     PBU Report     RFE/RL Homepage     Reprints         27 Траўня 2004   КРОЛ: “КАЛІ АМЭРЫКАНСКІ БІЗНЭС ПАЛІЧЫЦЬ УМОВЫ ПРЫМАЛЬНЫМІ, ТО ЁН ПРЫЙДЗЕ Ў БЕЛАРУСЬ” Сёньня завершыўся афіцыйны візыт ў Магілёў амбасадара ЗША ў Беларусі Джорджа Крола. На працягу амаль трох дзён амбасадар правёў шмат сустрэчаў у Магілёве, і вынікі візыту ён падвёў на прэсавай канфэрэнцыі.   Марыя Ўсьціновіч, Магілёў   На прэсавай канфэрэнцыі амбасадар Джордж Крол перад усім распавёў пра свае добрыя ўражаньні ад удзелу у міжнародным фэстывалі духоўнай музыкі “Магутны Божа”. (Крол: ) “Фэстываль “Магутны Божа” – цудоўны. Асабліва наша амэрыканская сьпявачка Кока Ёрк, якая выступала з посьпехам і мы, канечне, вельмі ганарымся гэтым”. Амэрыканскі амбасадар лічыць, што ўдзелам у магілёўскім фэстывалі прадэманстраваная прыхільнасьць усталяваньню больш шчыльных сувязяў паміж ЗША і Беларусьсю. Між тым, у сустрэчах з кіраўніцтвам вобласьці і гораду, паведаміў амбасадар Крол, абмяркоўваліся перад усім магчымасьці эканамічнага супрацоўніцтва. Магілёўскія ўлады выказалі сваю зацікаўленасьць у прыцягненьні ў эканоміку рэгіёну амэрыканскіх інвэстыцыяў. Джордж Крол адказаў, што амэрыканскі бізнэс – гэта прыватны бізнэс, які шукае для інвэстыцыяў тыя краіны, дзе найлепшыя ўмовы і нізкі ўзровень рызыкі. (Крол: ) “І калі амэрыканскі бізнэс палічыць цяперашнія ўмовы прымальнымі, то ён прыйдзе працаваць у Беларусь незалежна ад таго, будзе яго прасіць пра гэта амэрыканскі ўрад альбо не”. На працягу свайго афіцыйнага візыту амбасадар Крол сустракаўся ня толькі з уладамі, але і з прадстаўнікамі недзяржаўных арганізацыяў і палітычных партыяў. Наконт дачыненьняў абодвух бакоў, амбасадар адзначыў, што грамадзкія праблемы – супольныя, і ў гэтым ён бачыць глебу для супрацоўніцтва і пошукаў паразуменьня. (Крол: ) “Амэрыка імкнецца падтрымліваць разьвіцьцё дэмакратычных працэсаў у Беларусі, якія палягаюць не ў падтрымцы адной партыі перад іншай, а ў адкрытым абмеркаваньні пытаньняў, якія стаяць перад грамадзтвам і правядзеньні свабодных выбараў”. Амбасадар Крол на прэсавай канфэрэнцыі ў Магілёве сказаў, што ЗША падзяляюць заклапочанасьць праваабарончай арганізацыі “Міжнародная амністыя”, якая ўчора прэзэнтавала сваю штогадовую справаздачу і скрытыкавала ў ёй сытуацыю ў Беларусі. (Крол: ) “Так, урад Злучаных Штатаў выказваў такую заклапочанасьць у шматлікіх выпадках: і урад, і амбасада заклапочаныя некаторымі падзеямі, якія маюць месца ў Беларусі”. Амбасадар Крол адзначыў, што сытуацыя з правамі чалавека зьяўляецца сур’ёзнай перашкодай на шляху паляпшэньня узаемадачыненьняў Беларусі са Злучанымі Штатамі ды іншымі краінамі. Гэтыя пытаньні, сказаў Джордж Крол, ён уздымае ў сваіх размовах зь беларускім урадам. (Крол: ) “Я пастаянна падкрэсьліваю, што толькі калі беларускі ўрад сур’ёзна паставіцца да пераадоленьня, вырашэньня гэтых пытаньняў, пэрспэктывы для паляпшэньня нашых адносінаў будуць не такімі абмежаванымі. І такой палітыка Злучаных Штатаў Амэрыкі застаецца ўжо амаль дзесятак гадоў”.

www.svaboda.org is © 2004 Radio Free Europe/Radio Liberty, Inc. All Rights Reserved.