Мясцовыя выбары     Беларусь - Расея     Праскі акцэнт     Экспэртыза свабоды     Эканоміка     Правы чалавека     Міжнародны аддзел     Рэгіёны     Вайна з тэрарызмам       Курапаты     Палітычная геаграфія     Беларускі Iнтэрнэт     Суайчыньнікі     Цытаты мінулага     Вострая брама     Беларуская     Aтлянтыда     Вольная студыя     Чытальная заля     Жывая мова     Данчык выбірае       Сымбаль веры     Агляд пошты     Дазвол на выезд     Здароўе     Мая Свабода     Прыватны дзёньнік       Шукайце ў Google     Час і Хвалі     Realaudio     Аўдыё-архiў     RFE/RL Newsline     Weekday Magazine     PBU Report     RFE/RL Homepage     Reprints         25 Траўня 2004   У ГОМЕЛІ ПАСТАВІЛІ ПОМНІК ТАРАСУ ШАЎЧЭНКУ З удзелам амбасадара Ўкраіны ў Беларусі Пятра Шапавала адкрылі помнік украінскаму кабзару Тарасу Шаўчэнку. Гомельскія кіраўнікі ня думалі пакуль пра сустрэчны падарунак — устаноўку ва Ўкраіне помніка беларускаму песьняру Янку Купалу.   Казімер Яноўскі, Гомель   Адкрыцьцё помніка ў Гомелі Тарасу Шаўчэнку прымеркавана да ягоных 190-х угодкаў. Помнік пастаўлены ў прыгожым сквэры на вуліцы Барыкіна. Раней тут зьбіраліся ўсталяваць помнік удзельнікам вайны ў Аўганістане, але перадумалі. Сквэр гарадзкія ўлады, у дадатак да існай вуліцы ў цэнтры гораду, назвалі імем Тараса Шаўчэнкі, а цяпер яшчэ адкрылі яму і помнік зь меднага сплаву і мармуру. Помнікі Шаўчэнку ёсьць таксама ў Берасьці і Менску. Паказальна, што падчас урачыстасьці ў Гомелі ўкраінскі амбасадар Пятро Шапавал прамаўляў на роднай украінскай мове, а старшыня Гомельскага аблвыканкаму Аляксандар Якабсон зьвяртаўся да прысутных па-расейску. Як высьветлілася, помнік украінскаму кабзару вырабляўся ў Гомелі пры фінансавай падтрымцы ўкраінскай амбасады. Добраўпарадкаваньне вакол гомельскія гарадзкія ўлады рабілі за свой кошт. Распавядае намесьнік старшыні гарвыканкаму Сяргей Парошын: (Парошын: ) “Назваць суму, якую выдаткаваў той ці іншы бок, я не магу. Лічба ўвесь час павялічваецца. Тут трэба было зрабіць добраўпарадкаваньне, арганізаваць адкрыцьцё. Гэта вялікі ўклад беларускага і ўкраінскага народаў”. У суседніх абласьцях Украіны, якія мяжуюць зь Беларусьсю, помніка беларускаму нацыянальнаму генію няма. Таму зьвяртаюся да старшыні гарвыканкаму Леаніда Барабанава з пытаньнем: ці зьбіраюцца гомельскія ўлады падарыць у адказ, напрыклад, суседняму Чарнігаву, скульптуру Янкі Купалы? (Барабанаў: ) “Пакуль не абмяркоўвалі. Я думаю, што дойдзем да гэтае тэмы”, — адказаў Леанід Барабанаў. Кіраўнік абласной вэртыкалі Аляксандар Якабсон знайшоў прапанову пра падарунак Чарнігаву скульптуры Янкі Купалы слушнай: (Якабсон: ) “Гэта цікавая прапанова. Трэба яе асэнсаваць. Калі будзе добрая воля ўкраінскага боку, то канечне”. У Гомелі помнік Янку Купалу ўсталяваны летась, праз год пасьля юбілею паэта. Прэстыжнага месца для помніка ў горадзе не знайшлося — пастаўлены ён у нізіне каля Палацу хімікаў на Рэчыцкай шашы.

www.svaboda.org is © 2004 Radio Free Europe/Radio Liberty, Inc. All Rights Reserved.