Мясцовыя выбары     Беларусь - Расея     Праскі акцэнт     Экспэртыза свабоды     Эканоміка     Правы чалавека     Міжнародны аддзел     Рэгіёны     Вайна з тэрарызмам       Курапаты     Палітычная геаграфія     Беларускі Iнтэрнэт     Суайчыньнікі     Цытаты мінулага     Вострая брама     Беларуская     Aтлянтыда     Вольная студыя     Чытальная заля     Жывая мова     Данчык выбірае       Сымбаль веры     Агляд пошты     Дазвол на выезд     Здароўе     Мая Свабода     Прыватны дзёньнік       Шукайце ў Google     Час і Хвалі     Realaudio     Аўдыё-архiў     RFE/RL Newsline     Weekday Magazine     PBU Report     RFE/RL Homepage     Reprints         21 Траўня 2004   У ДЗЯРЖЫНСКУ Ў ВЫНІКУ ПРАТЭСТАЎ ПАКАРАНЫЯ КІРАЎНІКІ ЖЫЛЬЛЁВА-КАМУНАЛЬНАЙ ГАСПАДАРКІ Больш як тыдзень у Дзяржынску доўжылася кампанія грамадзкага пратэсту супраць росту жыльлёва-камунальных тарыфаў. Вынікам яе стала тое, што свае пасады страцілі некаторыя кіраўнікі мясцовай жыльлёва-камунальнай гаспадаркі. Аднак дзяржынцы лічаць такія меры недастатковымі.   Міхал Стэльмак, Менская вобласьць   Пра пакараньне адказных асобаў жыльлёва-камунальнай гаспадаркі Дзяржынску было паведамлена ўвечары 20 траўня на сустрэчы кіраўнікоў райвыканкаму і ўдзельнікаў пратэсту. Распавядае сябра грамадзкай камісіі ў справе расьсьледаваньня прычынаў высокіх плацяжоў Тацяна Ваніна: (Ваніна: ) “Было абвешчана, што зьнятыя са сваіх пасадаў начальнік ЖКГ Козел, галоўны эканаміст і цеплатэхнік. А галоўны бугальтар і галоўны эканаміст атрымалі вымовы. Зьнялі за тое, што яны павылічалі зь людзей грошы за адзін месяц. А не таму, што налічылі шмат”. Дзейнасьць грамадзкай камісіі ўлады прызналі нямэтазгоднай. Між тым, паводле шараговых жыхароў Дзяржынску, улады неаб’ектыўна паставіліся да расьсьледаваньня. Гаворыць пэнсіянэрка Лідзія Французава: (Французава: ) “Крыўдна, што налічэньне адбываецца нераўнамерна. Я жыву адна ў двухпакаёвай кватэры. Мне 77 год. Камусьці павялічваюць плацяжы на 100 адсоткаў, а каму — на тры ці пяць тысяч рублёў. Мне павялічылі на 100 адсоткаў. Трэба правяраць іх. Я лічу, што тут ёсьць і рука Менску. Таму што бязь ведама Менску яны б такога не зрабілі”. Паводле спадарыні Ванінай, нягледзячы на ігнараваньне райвыканкамам грамадзкага расьсьледаваньня, людзі не прынялі рашэньня пра роспуск грамадзкай камісіі, а будуць працягваць дамагацца праўды: (Ваніна: ) “У мяне такое ўражаньне, што гэта не магло адбывацца бязь ведама райвыканкаму, усе гэтыя налічэньні. Ёсьць такая інтуіцыя, што ўсе яны павязаныя. Нас проста не дапускаюць да гэтых папераў. З нашага боку прагучала ініцыятыва, каб была дадзеная магчымасьць папрацаваць нашай камісіі. Я думаю, мы будзем працаваць зь людзьмі, зьбярэм подпісы за тое, каб працавала камісія”.

www.svaboda.org is © 2004 Radio Free Europe/Radio Liberty, Inc. All Rights Reserved.