| |
| ЧАРГОВАЯ АКЦЫЯ СВАБОДНАГА ПРАФСАЮЗУ Ў ПОЛАЦКУ |
|
Сябры Полацка-Наваполацкай рэгіянальнай арганізацыі Свабоднага прафсаюзу зладзілі пікет у цэнтры старажытнай беларускай сталіцы. Пікетоўцы тым самым пратэставалі супраць разгорнутай у краіне павальнай кантрактызацыі, а таксама супраць звальненьня з працы прафсаюзных актывістаў.
|
|
|
|
| Вінцэсь Мудроў, Полацак |
|
|
Удзельнікі акцыі трымалі ў руках сьцягі Свабоднага прафсаюзу і плякаты, сярод якіх быў і такі: “Па кантракце працуй-не працуй — атрымаеш у выніку…” Апроч таго, распаўсюджваліся інфармацыйныя бюлетэні Свабоднага прафсаюзу і зьбіраліся подпісы грамадзянаў пад зваротам з патрабаваньнем спыніць рэпрэсіі супраць прафсаюзных актывістаў. Апошнім часам у рэгіёне апынуліся за прахадной сваіх прадпрыемстваў пяць такіх актывістаў. Карэспандэнт Радыё Свабода пацікавіўся ў аднаго зь іх, старшыні суполкі Свабоднага прафсаюзу Наваполацкай ЦЭЦ Вадзіма Духаменкі: ці ўладкаваўся хто са звольненых на працу?
(Духаменка: ) “Афіцыйна ўсе звольненыя актывісты сядзяць бяз працы. Што тычыцца мяне, дык я па цэнтрах занятасьці бегаць не зьбіраюся, бо зьбіраюся судовым парадкам аднавіцца на старой працы — начальнікам зьмены ЦЭЦ. Амаль у кожнага са звольненых па двое дзяцей, так што настрой у сем’ях адпаведны. Аднак, я перакананы: сьлёзы нашых жонак камусьці адальюцца”. |
|
|
|
 |
11 Траўня 2004 