Мясцовыя выбары     Беларусь - Расея     Праскі акцэнт     Экспэртыза свабоды     Эканоміка     Правы чалавека     Міжнародны аддзел     Рэгіёны     Вайна з тэрарызмам       Курапаты     Палітычная геаграфія     Беларускі Iнтэрнэт     Суайчыньнікі     Цытаты мінулага     Вострая брама     Беларуская     Aтлянтыда     Вольная студыя     Чытальная заля     Жывая мова     Данчык выбірае       Сымбаль веры     Агляд пошты     Дазвол на выезд     Здароўе     Мая Свабода     Прыватны дзёньнік       Шукайце ў Google     Час і Хвалі     Realaudio     Аўдыё-архiў     RFE/RL Newsline     Weekday Magazine     PBU Report     RFE/RL Homepage     Reprints         6 Траўня 2004   ІЎЕЎСКІЯ МІЛІЦЫЯНТЫ СКЛАЛІ ПРАТАКОЛ НА ГАЛОЎНАГА РЭДАКТАРА ГАЗЭТЫ “ДЕНЬ” У Іўеўскім райаддзеле міліцыі склалі адміністрацыйны пратакол на галоўнага рэдактара газэты “День” Міколу Маркевіча, паколькі ў газэце згаданы незарэгістраваны страйкам прадпрымальнікаў Беларусі. Фактычна цэлы месяц спатрэбіўся раённай міліцыі, каб абгрунтаваць арышт накладу 11-га нумару “Дня”, які канфіскавалі на іўеўскім посьце дарожнай міліцыі 7 красавіка. Газэту рэдакцыі так і не вярнулі.   Сяргей Астраўцоў, Горадня   Як паведамілі мне ў прэсавым цэнтры абласной міліцыі, складзеныя два пратаколы. Адзін на выдаўца таварыства “Дзеньпрэс” будзе накіраваны ў абласны Дзяржкантроль. Нібыта няслушна была аформленая таварна-транспартная накладная на дастаўку газэты з смаленскай друкарні ў Горадню. Мікола Маркевіч паказаў мне сёньня такі дакумэнт, усе накладныя, паводле яго, аформленыя без памылак. Галоўны рэдактар гаворыць, што згодна з Законам аб друку, арыштаваць наклад можна толькі паводле рашэньня суду, якое набыло правамоцнасьць. Што датычыць другога пратаколу — на самога М.Маркевіча, дык яшчэ напярэдадні ў іўеўскай міліцыі зьбіраліся складаць пратакол зусім на іншую асобу — на таго, хто вёз газэту ў Горадню. (Маркевіч: ) “Яны дасылалі запыты ў самыя розныя установы: у РАУС Ленінскага раёну Горадні, у Міністэрства юстыцыі, у Міністэрства інфармацыі і не знайшлі ніводнай зачэпкі. Я сёньня магу сьцьвярджаць, што ў іх ляжыць аднолькавы адказ зь Міністэрства юстыцыі і зь Міністэрства інфармацыі, які сьведчыць пра тое, што паводле беларускага заканадаўства — страйкамы, таксама як бацькоўскія камітэты, нейкія камісіі — не рэгіструюцца і не падпадаюць пад дзеяньне заканадаўчай нормы пра распаўсюд інфармацыі ад імя незарэгістраванай арганізацыі”. Арыштаваны на пачатку красавіка нумар газэты “День” атрымалі толькі падпісчыкі. У ім сапраўды зьмешчанае меркаваньне Валерыя Леванеўскага — кіраўніка незарэгістраванага страйкаму прадпрымальнікаў. Спадар Леванеўскі паведаміў, што рыхтуецца акцыя пратэсту прадпрымальнікаў 1 траўня. Самога яго ў гэты дзень затрымалі, а потым далі 15 сутак арышту, і сёньня ён знаходзіцца за кратамі.

www.svaboda.org is © 2004 Radio Free Europe/Radio Liberty, Inc. All Rights Reserved.