| |
| ГАРАДЗЕНСКІЯ ПРАДПРЫМАЛЬНІКІ ПРАВЯЛІ НЕСАНКЦЫЯНАВАНЫ СХОД |
|
У Горадні адбыўся чарговы вулічны сход прадпрымальнікаў. На яго ў старым парку сабраліся каля ста чалавек. Яны гаварылі, што баяцца рэпрэсіяў з боку падатковых органаў. Два чыноўнікі з гарвыканаму абяцалі, што рэпрэсіяў пакуль ня будзе.
|
|
|
|
| Сяргей Астраўцоў, Горадня |
|
|
Учора ўлады абнародавалі прэзыдэнцкі ўказ, паводле якога тэрмін атрыманьня ліцэнзіяў прадпрымальнікамі працягнуты да канца году. Аднак у падатковай службе іх папярэдзілі, што ўсіх, хто безь ліцэнзіі, усё адно будуць штрафаваць.
(Спадар: ) “У інспэкцыі нам зноў сказалі, што безь ліцэнзіяў гандляваць нельга. Але тут гавораць, што можна. Невядома што ў нас робіцца”.
(Спадарыня: ) “Аб тым, што ня маем права гандляваць безь ліцэнзіі — мы даем падпіску. Так нам сказалі”.
Чыноўнікі пераконвалі, што падатковыя інспэктары могуць нічога ня ведаць, таму трэба зьвяртацца напрасткі да начальніка інспэкцыі. Людзей якраз абурае такая няўзгодненасьць:
(Спадар: ) “Большая частка людзей падаткаў сваіх не заплаціла, але паводле заканадаўства апошнім днём аплаты падатку зьяўляецца 28-га папярэдняга месяца. І ў сувязі з тым людзі ня ведаюць, што рабіць: ісьці плаціць цяпер, як запрашаюць улады? Гэта аўтаматычна выклікае штрафныя санкцыі ў памеры ста даляраў. Таму народ стаіць і ня ведае, што рабіць”.
Прадстаўнікі гарвыканкаму сказалі літаральна так: сёньня і заўтра — два дні вас штрафаваць ня будуць, ідзіце і плаціце свой падатак. Але ў прадпрымальнікаў застаўся пэўны недавер да гэтых абяцанак.
Нагадаю, што вялікая частка гандляроў ня мае ліцэнзіяў, наяўнасьць якіх была абавязковай з траўня. Таму яны ня сталі плаціць падатку за травень. Аднак першатравеньскія пратэсты прымусілі ўлады працягнуць тэрмін афармленьня ліцэнзіяў да канца году. |
|
|
|
 |
4 Траўня 2004 