Мясцовыя выбары     Беларусь - Расея     Праскі акцэнт     Экспэртыза свабоды     Эканоміка     Правы чалавека     Міжнародны аддзел     Рэгіёны     Вайна з тэрарызмам       Курапаты     Палітычная геаграфія     Беларускі Iнтэрнэт     Суайчыньнікі     Цытаты мінулага     Вострая брама     Беларуская     Aтлянтыда     Вольная студыя     Чытальная заля     Жывая мова     Данчык выбірае       Сымбаль веры     Агляд пошты     Здароўе     Мая Свабода     Прыватны дзёньнік       Шукайце ў Google     Час і Хвалі     Realaudio     Аўдыё-архiў     RFE/RL Newsline     Weekday Magazine     PBU Report     RFE/RL Homepage     Reprints         3 Траўня 2004   ГАРАДЗЕНСКІЯ ПРАДПРЫМАЛЬНІКІ ПРАВЯЛІ НЕСАНКЦЫЯНАВАНЫ СХОД У ЦЭНТРЫ ГОРАДУ У Горадні адбыўся несанкцыянаваны вулічны сход прадпрымальнікаў, у ім удзельнічалі прыблізна паўтары тысячы чалавек. Акцыя працягвалася тры з паловай гадзіны; улады імкнуліся весьці перамовы з удзельнікамі сходу.   Сяргей Астраўцоў, Горадня   А 10-й раніцы міліцыянты чакалі людзей на пляцы Леніна. Прадпрымальнікі сталі зьбірацца праз дарогу ад яго — у парку. З гарвыканкаму прыйшлі два чыноўнікі, яны сталі тлумачыць, што тэрмін атрыманьня ліцэнзіяў на гандаль працягнуты да канца году. Дакумэнт, маўляў, падпісаны ў Менску яшчэ ў пятніцу, але ён не зарэгістраваны, ня мае нумару, і чыноўнікі пакуль ня могуць на яго спасылацца афіцыйна. Такі адказ не задаволіў сабраных. (Спадарыня: ) “Вось мы плацім падатак, ідзем на працу. Ці ёсьць у вас гарантыя, што нас ніхто не кране за тое, што мы безь ліцэнзіі?!” Большасьць ня мае ліцэнзіяў, якія дзейнічаюць з траўня. Прадпрымальнікі ўвогуле патрабуюць скасаваць іх. Праз гадзіну сабраным дазволілі прайсьці да гарвыканкаму. На ганак выйшаў старшыня выканкаму Аляксандар Антоненка. Ён паўтараў, што тэрмін ліцэнзаваньня працягнуты, што сход прадпрымальнікаў незаконны і заклікаў іх заплаціць падаткі і працаваць. За падзеяй назіраў сябра Цэнтральнай рады “Грамады” гарадзенец Уладзімер Хільмановіч: (Хільмановіч: ) “Я мяркую, што гэтыя падзеі сьведчаць пра поўнае бясьсільле мясцовай выканаўчай улады. Таму што ніякай самастойнасьцю яна не валодае і ня ў стане разьвязаць такія пытаньні, якія вызначаны ў Менску па сутнасьці адным чалавекам. Разганяць таксама такі мітынг прадпрымальнікаў улады не наважваюцца, таму што гэта адразу рэзка павялічыць апазыцыйныя настроі ў грамадзтве”. Прадпрымальнікі дачакаліся старшыні аблвыканкаму Ўладзімера Саўчанкі, які таксама запэўніваў, што існуе дакумэнт наконт ліцэнзіяў. Дарэчы, на 10 раніцы быў прызначаны суд над Валерыем Леванеўскім — кіраўніком незарэгістраванага страйкаму прадпрымальнікаў, але суд перанесьлі. На сходзе былі плякаты з патрабаваньнем вызваліць Леванеўскага. Яго арыштавалі 1 траўня перад мітынгам за распаўсюд улётак. Трэці дзень яго ўтрымліваюць у міліцэйскім ізалятары на вуліцы Тэльмана.

www.svaboda.org is © 2004 Radio Free Europe/Radio Liberty, Inc. All Rights Reserved.