Мясцовыя выбары     Беларусь - Расея     Праскі акцэнт     Экспэртыза свабоды     Эканоміка     Правы чалавека     Міжнародны аддзел     Рэгіёны     Вайна з тэрарызмам       Курапаты     Палітычная геаграфія     Беларускі Iнтэрнэт     Суайчыньнікі     Цытаты мінулага     Вострая брама     Беларуская     Aтлянтыда     Вольная студыя     Чытальная заля     Жывая мова     Данчык выбірае       Сымбаль веры     Агляд пошты     Здароўе     Партрэт на Свабодзе       Шукайце ў Google     Час і Хвалі     Realaudio     Аўдыё-архiў     RFE/RL Newsline     Weekday Magazine     PBU Report     RFE/RL Homepage     Reprints         11 Сьнежня 2003   У ГОРАДНІ МІНАКОЎ І ПАКУПНІКОЎ ПА-БЕЛАРУСКУ НЕ ВІНШУЮЦЬ У цэнтры Горадні вітрыны крамаў набылі перадсьвяточны выгляд. Але беларускай мовы ў афармленьні ня ўбачыш.   Сяргей Астраўцоў, Горадня   На пешаходнай вуліцы Савецкай на гандлёвым доме “Нёман” нядаўна зьявілася вялікая беларускай шыльда, а вось віншаваньне з Новым годам над уваходам напісалі па-расейску. Сьвяточныя надпісы на іншых крамах — таксама расейскія. Праўда, яшчэ няма вулічных транспарантаў. Сьвятлана Жамойціна ўзначальвае аддзел рэклямы, які належыць упраўленьню архітэктуры і горадабудаўніцтва. (Жамойціна: ) “Плянуецца разьмяшчэньне сьвяточных транспарантаў і перацяжак. Яны будуць на дзьвюх мовах, як і летась, зь віншаваньнем жыхароў гораду з Раством і з Новым годам”. Сьвятлана Жамойціна гаворыць, што паводле закону аб рэкляме заказчык павінен рабіць шыльды, надпісы або на беларускай мове, або на расейскай. (Жамойціна: ) “Сам заказчык мае права выбіраць і апошняе слова за ім. І, згодна з гэтым законам, мы ня можам яго прымусіць”. І большасьць выбірае расейскую мову. Чакаць, што на Каляды і Новы год зьявіцца болей надпісаў на беларускай мове, мабыць, не выпадае. Зьмяніўся загадчык аддзелу культуры гарвыканкаму, і ўся рэкляма на нядаўнім сьвяце гораду ўпершыню была цалкам на расейскай мове. Сёньня на вулічных стэндах зьявіліся новыя афішы. Мінакоў запрашаюць на калядную выставу камянёў у Новы замак, філярмонія прапануе калядныя прэм’еры — танцы, музычную мазаіку. І ўсё гэта — выключна па-расейску. Сталая жанчына якраз наклейвала сьвежыя афішы, я зьвярнуўся да яе: (Карэспандэнт: ) “Я гляджу, што на беларускай мове няма афішаў. А калі вы клеіце, вам трапляюцца беларускамоўныя?” (Расклейшчыца: ) “А чаму — многа, вельмі. Зараз нават тут паглядзім”. (Карэспандэнт: ) “Усё на расейскай”. (Расклейшчыца: ) “Няпраўда”. (Карэспандэнт: ) “Няма ніводнай беларускай”. (Расклейшчыца: ) “А вы знаеце што: мы рускую мову вельмі добра разумеем і мы салідарныя з Расеяй і рускім народам. Беларускі і рускі народы — адзіныя. І я тут нічога ня бачу кепскага”. Расклейшчыца вулічных афішаў, праўда, запэўніла, што раней ёй трапляліся афішы і на беларускай мове, але якія — яна ня памятае. Што датычыць Таварыства беларускай мовы, дык яно пытаньнем сьвяточнага афармленьня гораду пакуль не займалася.

www.svaboda.org is © 2003 Radio Free Europe/Radio Liberty, Inc. All Rights Reserved.