Мясцовыя выбары     Беларусь - Расея     Праскі акцэнт     Экспэртыза свабоды     Эканоміка     Правы чалавека     Міжнародны аддзел     Рэгіёны     Вайна з тэрарызмам       Курапаты     Палітычная геаграфія     Беларускі Iнтэрнэт     Суайчыньнікі     Сьвет за вакном     Вострая брама     Беларуская     Aтлянтыда     Вольная студыя     Галерэя "Свабоды"       Сымбаль веры     Агляд пошты     Здароўе     Партрэт на Свабодзе       Пошук - Google     Час і Хвалі     Realaudio     Аўдыё-архiў     RFE/RL Newsline     Weekday Magazine     PBU Report     RFE/RL Homepage     Reprints         26 Сьнежня 2002   У РАЙЦЭНТРЫ ГАРАДОК ВІЦЕБСКАЙ ВОБЛАСЬЦІ НА КАЛЯДЫ АДКЛЮЧЫЛІ АЦЯПЛЕНЬНЕ Жыхары аднаго зь мікрараёнаў, дзе жывуць больш за тысячу чалавек, ужо другі год змагаюцца зь мясцовымі ўладамі за цяпло ў сваіх дамох. Пасьля таго, як у калядную ноч тэмпэратура ў іхных кватэрах апусьцілася да 8 градусаў, людзі проста адмовіліся плаціць за ацяпленьне.   Браніслава Станкевіч, Віцебск   Даведаўшыся пра спыненьне кацельні тутэйшае птушкафабрыкі, якая ацяпляе іхны мікрараён, жыхары вуліцы Гагарына ў Гарадку наважыліся скарыстаць апошні сродак – скласьці калектыўны ліст да Аляксандра Лукашэнкі. Не чакаючы наступнага працоўнага дня і болей не спадзеючыся вырашыць сваю праблему на мясцовым узроўні… З прычыны таго, што птушкафабрыка ня ў стане закупіць мазуту на ацяпленьне гэтага мікрараёну, які ў Гарадку завуць “БАМам”, мясцовыя жыхары мерзнуць ужо другую зіму. Стратнае прадпрыемства ахвотна пазбавілася б ад абавязку ацяпляць мікрараён, што знаходзіцца амаль за 2 кілямэтры ад яго, аднак раённае кіраўніцтва не дае дазволу на перападключэньне “БАМу” да гарадзкое кацельні. І ўжо другую зіму людзі сьпяць апранутымі, ацяпляючы сваё жытло з дапамогаю газавых плітаў ды электрычнасьці. (Спадарыня: ) “Цэлыя суткі гарыць печка электрычная, або духоўка! Мы ўсе сьпім на кухні… А калі замыканьне аднойчы здарыцца? Калі здарыцца пажар?” Не дачакаўшыся адказу на гэтыя пытаньні ад раённых уладаў, жыхары раёну зьвярталіся й да ўладаў абласных. У афіцыйным лісьце з аблсельгаспроду ім паведамілі, што “пытаньне трымаюць на кантролі”, ды загадалі птушкафабрыцы больш рэгулярна набываць мазут… Грошы на яго скончыліся якраз перад Калядамі, і ўвечары 24-га сьнежня ў Гарадок прыйшла апошняя машына з палівам. На думку мясцовых жыхароў, яно было добра разбаўленае вадой і таму зусім не гарэла. (Другая спадарыня: ) “Я заплаціла 28 тысячаў за ацяпленьне. За што я плачу, калі ў маёй кватэры 7 градусаў?” Пытаньне пра аплату цеплазабесьпячэньня найбольш востра паўстала 25 сьнежня, пасьля самай халоднай каляднае начы. Таму ў адпраўленым сёньня лісьце да Лукашэнкі жыхары 13-ці шматпавярховікаў на вуліцы Гагарына катэгарычна адмовіліся плаціць за ацяпленьне, пакуль іхныя кватэры ды блізкі дзіцячы садок ня будуць ацяпляцца належным чынам.

www.svaboda.org is © 2002 Radio Free Europe/Radio Liberty, Inc. All Rights Reserved.