Мясцовыя выбары     Беларусь - Расея     Праскі акцэнт     Экспэртыза свабоды     Эканоміка     Правы чалавека     Міжнародны аддзел     Рэгіёны     Вайна з тэрарызмам       Курапаты     Палітычная геаграфія     Беларускі Iнтэрнэт     Суайчыньнікі     Цытаты мінулага     Вострая брама     Беларуская     Aтлянтыда     Вольная студыя     Чытальная заля     Жывая мова     Данчык выбірае       Сымбаль веры     Агляд пошты     Здароўе     Партрэт на Свабодзе       Шукайце ў Google     Час і Хвалі     Realaudio     Аўдыё-архiў     RFE/RL Newsline     Weekday Magazine     PBU Report     RFE/RL Homepage     Reprints         10 Сьнежня 2003   У ПОЛЬШЧЫ І БЭЛЬГІІ АДБЫЛІСЯ ПІКЕТЫ ПРАТЭСТУ СУПРАЦЬ ПАРУШЭНЬНЯЎ ПРАВОЎ ЧАЛАВЕКА Ў БЕЛАРУСІ Сёньня ў Польшчы і Бэльгіі адбыліся пікеты, удзельнікі якіх ўшанавалі памяць зьніклых беларускіх палітыкаў, а таксама выказалі пратэст супраць парушэньняў правоў чалавека ў Беларусі.   Аляксей Дзікавіцкі, Варшава   Каля 15 чалавек прыйшлі да гмаху Міністэрства замежных справаў Польшчы зь бел-чырвона-белымі сьцягамі і плякатамі з надпісамі па-польску “Трэба памятаць пра ахвяры рэжыму Лукашэнкі”, “Ніякіх дамоўленасьцяў з дыктатурай”, “Стоп Лукашэнка”. Прысутныя трымалі таксама партрэты зьніклых беларускіх апазыцыянэраў ды запалілі сьвечкі, каб ушанаваць іхную памяць. Гаворыць Томаш Бладынец – старшыня “Зьвязу на карысьць дэмакратыі ў Беларусі” – арганізацыі, якая зарганізавала пікет. (Бладынец: ) “У міжнародны дзень правоў чалавека мы вырашылі нагадаць пра зьніклых беларускіх палітыкаў, а таксама выказаць пратэст супраць кантактаў польскага ўраду зь беларускімі ўладамі, калі Эўропа і ўвесь сьвет байкатуюць Лукашэнку і ягоных паплечнікаў”. Акрамя польскай моладзі, у пікеце бралі ўдзел і студэнты зь Беларусі, якія вучацца ў Варшаве. Гаворыць адзін зь іх. (Студэнт: ) “Мяне, як студэнта, які вывучае журналістыку, непакоіць праблема парушэньня правоў чалавека ў Беларусі. Пасьля сканчэньня ўнівэрсытэту я буду журналістам, і я не абаронены ад таго, што таксама магу стацца ахвярай палітычнага перасьледу. Таму мой голас сёньня таксама мусіць быць адданы на карысьць правоў чалавека”. Удзельнікі пікету раздавалі мінакам улёткі, у якіх сярод іншага гаворыцца, што кантакты афіцыйнае Варшавы зь беларускім кіраўніцтвам – гэта ганьба для Польшчы. У Брусэлі, каля прадстаўніцтва ААН у Бэльгіі таксама прайшоў пікет, які зарганізавалі сябры Беларускага эўрапейскага задзіночаньня. З бэльгійскай сталіцы гаворыць намесьнік старшыні гаэтай арганізацыі Вадзім Кабанчук: (Кабанчук: ) “У пікеце ўзялі ўдзел каля 30 чалавек, які прыехалі з розных гарадоў Бэльгіі. Мы трымалі розныя плякаты, сьцягі. А таксама распаўсюджвалі маніторынгі парушэньняў правоў чалавека ў Беларусі сярод мінакоў і супрацоўнікаў прадстаўніцтва ААН. Гарадзкія ўлады і паліцыя паставіліся да нашай акцыі станоўча, і гэта ўскосна падцьвярджае, што ў эўрапейскай супольнасьці ёсьць цікаўнасьць да таго, што робіцца ў Беларусі”. Удзельнікі пікету ў Брусэлі перадалі зварот у прадстаўніцтва ААН у Бэльгіі. У звароце гаворыцца пра парушэньні правоў чалавека ў Беларусі – зьнікненьні апазыцыйных палітыкаў, закрыцьцё грамадзкіх арганізацыяў ды парушэньні рэлігійных свабодаў беларусаў.

www.svaboda.org is © 2003 Radio Free Europe/Radio Liberty, Inc. All Rights Reserved.