| |
| ВАТЫКАН: БЕЛАРУСЬ ПРЫНЯЛА АДЗІН З НАЙБОЛЬШ АБМЕЖАВАЛЬНЫХ ЗАКОНАЎ АБ РЭЛІГІІ Ў СЬВЕЦЕ |
|
Ватыкан асудзіў парушэньні рэлігійных правоў у Беларусі. Паводле архібіскупа Жан-Луі Тарана, ватыканскага сакратара ў справе дачыненьняў зь іншымі дзяржавамі, Беларусь прыняла адзін з найбольш абмежавальных законаў аб рэлігіі ў сьвеце.
|
|
|
|
| Юры Сьвірко, Прага |
|
|
“Гэткае стаўленьне, якое часта прымаецца суб’ектыўна, азначае, што ня вераць рэлігійнай рэальнасьці, ігнаруюць ролю рэлігіяў у грамадзянскай супольнасьцю, парушаюць добраахвотна ўзятыя міжнародныя забавязаньні й дыскрымінуюць вернікаў”, – заявіў архібіскуп Жан-Луі Таран падчас нарады міністраў замежных справаў АБСЭ ў Порту.
“Калі, з гістарычных прычынаў, канфэсія атрымлівае большасьць і прызнаюцца некаторыя яе правы й прывілеі, гэта ня можа адбывацца праз страты фундамэнтальных свабодаў для іншых канфэсіяў, якія прысутнічаюць на нацыянальнай тэрыторыі”, – сказаў архібіскуп і дадаў: “Гэта адбываецца, напрыклад, калі царква патрабуе манаполіі на рэлігійнае жыцьцё на нацыянальнай тэрыторыі й зьвяртаецца па дзяржаўную падтрымку для лепшага забясьпечаньня гэтага”.
Такім чынам, паводле Жан-Луі Тарана, “пасьлядоўнікі іншых рэлігіяў могуць стаць ахвярамі нецярпімай дыскрымінацыі, якую прасоўвае закон, а таксама ставіцца пад пагрозу свабода вервызнаньня грамадзян, якія маюць права зьмяняць сваю рэлігію альбо ня мець ніякай”. |
|
|
|
 |
10 Сьнежня 2002 