news programs realaudio contact archive
      Мясцовыя выбары
    Беларусь - Расея
    Праскі акцэнт
    Экспэртыза свабоды
    Эканоміка
    Правы чалавека
    Міжнародны аддзел
    Рэгіёны
    Вайна з тэрарызмам

      Курапаты
    Палітычная геаграфія
    Беларускі Iнтэрнэт
    Суайчыньнікі
    Сьвет за вакном

    Вострая брама
    Беларуская
    Aтлянтыда

    Вольная студыя
    Галерэя "Свабоды"

      Сымбаль веры
    Агляд пошты
    Здароўе
    Партрэт на Свабодзе

  
   Пошук - Google


    Час і Хвалі
    Realaudio
    Аўдыё-архiў


    RFE/RL Newsline
    Weekday Magazine
    PBU Report
    RFE/RL Homepage
    Reprints


   Беларускі рэйтынг

   


31 Сьнежня 2002
 
ПЕРАСЬЛЕД АПАЗЫЦЫІ Ў ТУРКМЭНІСТАНЕ. ШМАТЛІКІЯ ПРАЦОЎНЫЯ Ў СВАІХ ЛІСТАХ ПРОСЯЦЬ УВЕСЬЦІ СЬМЯРОТНАЕ ПАКАРАНЬНЕ
Былы віцэ-прэм’ер Туркмэністану Барыс Шыхмурадаў і разам зь ім яшчэ два чалавекі былі асуджаныя на пажыцьцёвае зьняволеньне, абвінавачаныя ў падрыхтоўцы дзяржаўнага перавароту ў Туркмэністане 25-га лістападу.
 
Віталь Тарас, Прага
 
Напярэдадні Вярхоўны суд краіны вынес абвінавачаным максымальны тэрмін пакараньня, прадугледжаны крымінальным кодэксам – 25 год. Аднак на паседжаньні Народнай Рады -- вышэйшага прадстаўнічага воргану ўлады Туркмэністану прэзыдэнт Сапармурат Ніязаў заявіў: “Трэба даць пажыцьцёвае зьняволеньне Шыхмурадаву, Ханамаву, Аразаву”.

Худайберды Аразаў узначальваў раней нацыянальны банк Туркмэністану, Нурмухамед Ханамаў быў паслом у Турэччыне. На паседжаньні Народнай рады ў наўпроставым эфіры дэманстравалася прызнаньне Шыхмурадава, якое ўпершыню было паказанае па тэлебачаньні ў нядзелю.

(Шыхмурадаў: ) “Мы, жывучы ў Расеі, займаліся ўжываньнем наркотыкаў і ў стане ап’яненьня займаліся падрыхтоўкай людзей, вэрбавалі наёмнікаў для зьдзяйсьненьня тэрарыстычнага акту. Мы, ўступіўшы ў злачынную змову, давалі розныя абяцаньні тым, хто пагодзіцца выканаць нашыя даручэньні – а менавіта, дэстабілізаваць становішча ў Туркмэністане, падарваць канстытуцыйны лад і зрабіць замах на жыцьцё прэзыдэнта Туркмэністану”.

Усяго некалькі дзён таму Шыхмурадаў добраахвотна здаўся ўладам Туркмэністану, каб спыніць павальныя арышты невінаватых людзей. У Туркмэністане няма сьмяротнага пакараньня, аднак цягам апошніх дзён туркмэнскія СМІ публікавалі шматлікія лісты працоўных, у якіх тыя патрабавалі сьмерці “здраднікам” і “ворагам народу”.


archive
  skip it
www.svaboda.org is © 2002 Radio Free Europe/Radio Liberty, Inc. All Rights Reserved.