| |
| ДА ВЫБАРАЎ РЫХТУЮЦЦА І Ў ВІЦЕБСКІМ КГБ |
|
Як было паведамлена журналістам у часе прэсавае канфэрэнцыі, прымеркаванай да 85-х угодкаў КГБ, у Віцебскай управе існуе адмысловы аддзел, які мусіць назіраць за падрыхтоўкай ды правядзеньнем мясцовых выбараў. Ягоныя супрацоўнікі сьцьвярджаюць, што перадвыбарчая абстаноўка ў Віцебскім рэгіёне “ўвогуле стабільная”.
|
|
|
|
| Браніслава Станкевіч, Віцебск |
|
|
Фактарамі патэнцыйнае небясьпекі супрацоўнікі КГБ лічаць наяўнасьць тэрарыстычных груповак або “сур’ёзных сілаў, настроеных радыкальным чынам зьмяніць цяперашнюю сытуацыю”. Нічога падобнага, на думку адмыслоўцаў з КГБ, у Віцебску няма. Аднак адмыслоўцы з КГБ выказваюць поўную гатоўнасьць належным чынам адрэгаваць у выпадку ўзьнікненьня любых пагрозаў дзяржаўнай бясьпецы ў часе выбараў.
Што тычыцца магчымага прадстаўніцтва супрацоўнікаў КГБ непасрэдна ў мясцовых Саветах, то кандадатаў у дэпутаты ад гэтае ўстановы пакуль што не зарэгістравана. |
|
|
|
 |
24 Сьнежня 2002 