| |
| СТАРШЫНЯ ЦВК ПРАВЯЛА НАРАДУ Ў ГОМЕЛІ |
|
Падчас нарады з кіраўнікамі выканкамаў, тэрытарыяльных выбарчых камісіяў і судоў у Гомелі старшыня Цэнтральнай выбарчай камісіі Лідзія Ярмошына раіла фармаваць участковыя выбарчыя камісіі як мага меншымі.
|
|
|
|
| Казімер Яноўскі, Гомель |
|
|
Фінансаваньне прадугледжанае на 11 сябраў участковых камісіяў, аднак, паводле Ярмошынай, іх можа быць усяго 5-7.
Да Новага году на выбарчую кампанію ад заплянаванага будзе выдаткавана толькі 10% фінансаў. Паколькі на прадпрыемствах заробкі выплочваюцца несвоечасова, то Ярмошына рэкамэндавала вызваленым ад працы сябрам выбарчых камісіяў плаціць грошы непасрэдна ў камісіях.
Журналістам Лідзія Ярмошына паведаміла, што ў ЦВК паступіла пакуль толькі два лісты са скаргамі на дзейнасьць выканкамаў і прэзыдыюмаў мясцовых саветаў: Аб’яднаная грамадзянская партыя не пагадзілася з адмоваю ўключыць у склад выбарчых камісіяў многіх сваіх вылучэнцаў, і з гэтай жа прычыны ў ЦВК паскардзілася Жодзінская арганізацыя БНФ. |
|
|
|
 |
23 Сьнежня 2002 