Мясцовыя выбары     Беларусь - Расея     Праскі акцэнт     Экспэртыза свабоды     Эканоміка     Правы чалавека     Міжнародны аддзел     Рэгіёны     Вайна з тэрарызмам       Курапаты     Палітычная геаграфія     Беларускі Iнтэрнэт     Суайчыньнікі     Сьвет за вакном     Вострая брама     Беларуская     Aтлянтыда     Вольная студыя     Галерэя "Свабоды"       Сымбаль веры     Агляд пошты     Здароўе     Партрэт на Свабодзе       Пошук - Google     Час і Хвалі     Realaudio     Аўдыё-архiў     RFE/RL Newsline     Weekday Magazine     PBU Report     RFE/RL Homepage     Reprints         12 Сьнежня 2002   ЗАВЯРШАЕЦЦА ЧАРГОВЫ ЭТАП ВЫБАРЧАЙ КАМПАНІІ — ВЫЛУЧЭНЬНЕ КАНДЫДАТАЎ У СКЛАД АКРУГОВЫХ ВЫБАРЧЫХ КАМІСІЯЎ Пятніца 13 сьнежня — апошні дзень, калі палітычныя партыі, грамадзкія арганізацыі, працоўныя калектывы і асобныя грамадзяне, што скарысталіся правам збору подпісаў выбарцаў, могуць афіцыйна заявіць пра сваё жаданьне працаваць у складзе акруговых выбарчых камісіяў. А такіх камісіяў у Беларусі падчас мясцовых выбараў будзе каля 300.   Уладзімер Глод, Менск   Ужо сёньня можна меркаваць пра тое, што ў складзе акруговых выбарчых камісіяў, як і тэрытарыяльных, што сфармаваныя тыдзень таму, дэмакратаў будзе няшмат. Апазыцыйныя палітычныя партыі накіроўваюць сваіх вылучэнцаў толькі ў тыя камісіі, што ахопліваюць акругі, дзе будуць балятавацца партыйныя кандыдаты. Там, дзе прадстаўнікоў партыяў ня будзе, няма і вылучэньня ў склад камісіяў. Чаму так атрымліваецца, тлумачыць намесьнік старшыні Аб’яднанай грамадзянскай партыі Сяргей Альфер: (Альфер: ) “Навошта вылучаць сваіх прадстаўнікоў у выбарчыя акругі, дзе абіраюць, напрыклад, дэпутатаў абласных саветаў, калі нашыя людзі там ня будуць абірацца. У нас і так недастаткова сілаў, каб мы маглі “закрыць” усю рэспубліку. Для нас найбольш важная задача “закрыць” тыя раёны, тыя тэрыторыі, дзе ідуць нашыя прадстаўнікі ў адпаведныя саветы. І кожная партыя кіруецца тым жа самым прынцыпам, каб свае інтарэсы былі больш захаваныя. таму кожная партыя так вылучае”. Выключэньне складае толькі горад Менск, дзе амаль усе апазыцыйныя партыі, напрыклад, тая ж АГП, Лібэральна-дэмакратычная, Партыя камуністаў Беларуская, ўжо вылучылі максымальную колькасьць прэтэндэнтаў у склад девяці акруговых камісіяў: па адной асобе ад кожнай партыі — на кожную акругу. Акруговыя камісіі возьмуць пад кантроль выбары дэпутатаў узроўню толькі абласных і менскага гарадзкога саветаў. Ахоп выбарцаў тут складае ад 20 да 25 тысяч на акругу. У кожнай вобласьці закон дазваляе мець ад 40 да 60 акруговых камісіяў. Фармаваньне акруговых выбарчых камісіяў, згодна з законам, пройдзе 14, 15 і 16 сьнежня.

www.svaboda.org is © 2002 Radio Free Europe/Radio Liberty, Inc. All Rights Reserved.