| |
| ПРАДСТАЎНІКІ АПАЗЫЦЫЙНЫХ СІЛАЎ НЯ ТРАПІЛІ Ў ГАРАДЗЕНСКУЮ АБЛАСНУЮ ВЫБАРЧУЮ КАМІСІЮ |
|
Ад абласной арганізацыі Партыі БНФ у склад камісіі вылучылі старшыню партыйнай суполкі Сяргея Мальчыка. Паводле спадара Мальчыка, адказ быў такі: у складзе камісіі — 13 асобаў, дакумэнты ад БНФ паступілі быццам бы 19-мі. Таму кандыдата ад партыі ў склад абласной выбарчай камісіі не ўключылі. Мальчык лічыць, што такі вынік быў прадказальны і што скардзіцца некуды няма сэнсу.
|
|
|
|
| Сяргей Астраўцоў, Горадня |
|
|
Прадстаўніка ад рэгіянальнага аддзяленьня Беларускага Гельсынскага камітэту таксама ў камісію не ўключылі. Кіраўнік аддзяленьня Аляксандар Антанюк пакуль ня мае афіцыйнага адказу і ня ведае, на якой падставе адмовілі іхнаму прадстаўніку. Але ён лічыць магчымым зьвярнуцца са скаргай у пракуратуру альбо ў суд.
Ня трапіў у камісію таксама кандыдат ад Партыі камуністаў беларускай. Партыйна-грамадзкае прадстаўніцтва ў камісіі, па сутнасьці, пастаяннае. Там чалавек ад кампартыі Беларусі, ад вэтэранаў, ад афіцыйнага саюзу жанчын, ад рэспубліканскага саюзу моладзі. Так было і на леташніх прэзыдэнцкіх выбарах, толькі што саюз моладзі называўся тады “патрыятычным”. |
|
|
|
 |
5 Сьнежня 2002 