| |
| НОВЫЯ ГАСПАДАРЫ “СЛАЎНАФТЫ” АБЯЦАЮЦЬ НЯ ЎМЕШВАЦЦА Ў СПРАВЫ МАЗЫРСКАГА НАФТАВАГА ЗАВОДУ |
|
У стасунку да Мазырскага нафтаперапрацоўчага заводу ў наступныя месяцы будзе захаваная ранейшая палітыка. Пра гэта паведаміў сёньня нашаму радыё прэсавы сакратар расейскай нафтавай кампаніі “Сыбнафта” Аляксей Фірсаў.
|
|
|
|
| Міхал Стэльмак, Менск |
|
|
Паводле словаў сакратара расейскай нафтавай кампаніі “Сыбнафта” Аляксея Фірсава, да пераможцаў сёньняшняга аўкцыёну ў Маскве – “Сыбнафты” і Цюменскай нафтавай кампаніі – правы ўласьнікаў на набыты пакет на 74,95% акцыяў “Слаўнафты” перайдуць толькі ў наступным годзе.
Як зазначыў прэсавы сакратар “Сыбнафты”, новых гаспадароў “Слаўнафты” задавальняюць цяперашнія кіраўнікі гэтай кампаніі. У гэтай сувязі спадар Фірсаў ня бачыць нагоды для надзвычайных зьменаў у лёсе Мазырскага НПЗ, каля 42% акцыяў якога належаць “Слаўнафце”. |
|
|
|
 |
18 Сьнежня 2002 