Мясцовыя выбары     Беларусь - Расея     Праскі акцэнт     Экспэртыза свабоды     Эканоміка     Правы чалавека     Міжнародны аддзел     Рэгіёны     Вайна з тэрарызмам       Курапаты     Палітычная геаграфія     Беларускі Iнтэрнэт     Суайчыньнікі     Сьвет за вакном     Вострая брама     Беларуская     Aтлянтыда     Вольная студыя     Галерэя "Свабоды"       Сымбаль веры     Агляд пошты     Здароўе     Партрэт на Свабодзе       Пошук - Google     Час і Хвалі     Realaudio     Аўдыё-архiў     RFE/RL Newsline     Weekday Magazine     PBU Report     RFE/RL Homepage     Reprints         7 Сьнежня 2002   БЕЛАРУСЬ З ПРОДАЖАМ СВАЁЙ ДОЛІ СТРАЦІЦЬ ПАЛІТЫЧНЫ ЎПЛЫЎ НА “СЛАЎНАФТУ” Усяго 207 мільёнаў даляраў атрымае Беларусь пасьля продажу сваёй долі акцыяў у сумеснай беларуска-расейскай кампаніі “Слаўнафта”. Між тым, нагадаем, тыдзень таму Аляксандар Лукашэнка, выступаючы перад выкладчыкамі й студэнтамі Беларускага дзяржаўнага эканамічнага ўнівэрсытэту, абвесьціў пра забарону прадаваць “Слаўнафту” затанна.   Міхал Стэльмак, Менск   Абвешчаны ўчора продаж беларускай долі “Слаўнафты” за 207 мільёнаў даляраў у айчынных аналітыкаў выклікаў шчырае зьдзіўленьне. Вось што зазначыў на гэты конт прэзыдэнт Беларускага саюзу прадпрымальнікаў Аляксандар Патупа: (Патупа: ) “Я думаю, што кошт кампаніі “Слаўнафта” большы за 210 мільёнаў даляраў. Калі пакет акцыяў складае каля 11%, то, як я думаю, кошт мусіць быць каля 300 мільёнаў даляраў”. Пра рэальны кошт беларускага пакету акцыяў “Слаўнафты” на 300 мільёнаў даляраў сьведчаць і меркаваньні іншых экспэртаў. У тым ліку расейскіх. Зрэшты, і сам Аляксандар Лукашэнка яшчэ 29 лістапада лічыў угоду на 207 мільёнаў нявыгаднай. Паводле ягоных словаў, у свой час за акцыі “Слаўнафты” аддалі траціну Мазырскага нафтаперапрацоўчага заводу. Няма сумневу, што Лукашэнка зьмяніў сваю думку з прычыны цяперашніх абставінаў, найперш у сувязі зь цяжкім фінансавым становішчам краіны. Між тым, апроч страты эканамічнай выгады, як лічыць Аляксандар Патупа, Беларусь пасьля продажу сваёй долі “Слаўнафты будзе мець і палітычныя выдаткі: (Патупа: ) “У “Слаўнафце” мы мелі ня толькі акцыі, але й адміністратыўны рэсурс. Беларусь мела большы ўплыў, чымсьці гэтыя акцыі. Яна абараняла кіраўнікоў “Слаўнафты” ад ціску. Гэта быў палітычны дадатак”. (Карэспандэнт: ) “Ці азначае гэтая ўгода заканчэньне палітчных скандалаў вакол “Слаўнафты”?” (Патупа: ) “Гэта будзе толькі расейскі фармат. Гэта, можа, будуць толькі расейскія скандалы. У нас магчымыя скандалы толькі вакол канкрэтнага кантракту. Беларусь будзе са “Слаўнафтай” мець толькі кантрактныя дачыненьні. І палітычны ўплыў на гэтыя кантракты будзе блізкі да нуля. Вось і ўсё”, — мяркуе Аляксандар Патупа, прэзыдэнт Беларускага саюзу прадпрымальнікаў.

www.svaboda.org is © 2002 Radio Free Europe/Radio Liberty, Inc. All Rights Reserved.