|
Яцэк Качмарскі – “Сьцены” |
|
У часе працы на беларускай Свабодзе ў Мюнхэне мне здарылася сустракацца з супрацоўнікам польскай службы Радыё Свабодная Эўропа Яцкам Качмарскім. Бард “Салідарнасьці”, паэт, празаік і кампазытар, нарадзіўся ў 1957 ў Варшаве. Дэбютаваў у 1977 годзе песьняй “Аблава” на матывах Ўладзімера Высоцкага, якому ён прысьвяціў свой твор “ Эпітафія для Ўладзімера Высоцкага”. Ягоная творчасьць палітычна-гістарычна-экзыстэнцыйная. Пасьля ўвядзеньня ў Польшчы ваеннага становішча Качмарскі застаўся на Захадзе, выступаў з канцэртамі ў ЗША, Канадзе і Ізраілі, дзе зьбіраў сродкі на забароненую “ Салідарнасьць”. Калі захварэў на рак гартані, вярнуўся ў Польшчу, а ягоныя фаны сабралі сродкі на лячэньне, і Яцэк Качмарскі пастпяхова перамог хваробу.
Сёньня, у дзень народзінаў заснавальніка славутага руху “Салідарнасьць” Леха Валэнсы, паслухайце песьню “Сьцены” у якой бард “Салідарнасьці” Яцэк Качмарскі прадказвае крах камунізму.
|
|
|