| |
| Лукашэнка сустрэўся зь лідэрам расейскай кампартыі Генадзем Зюганавым |
|
Аляксандар Лукашэнка выказаў падзяку Генадзю Зюганаву за прыхільнасьць да інтэграцыі. Паводле Лукашэнкі, Зюганаў узначальвае партыю, ідэалягічным апірышчам якой ёсьць адзінства беларускага і расейскага народаў.
|
|
|
|
| Юры Дракахруст, Прага |
|
|
Зюганаў прыехаў у Менск для ўдзелу ў слуханьнях у палаце прадстаўнікоў у пытаньнях эканамічнага супрацоўніцтва Беларусі і Расеі.
Лукашэнка назваў Зюганава сапраўдным і перакананым прыхільнікам адзінства двух народаў, падкрэсьліў, што цалкам падтрымлівае такія памкненьні расейскіх камуністаў і дадаў, што ў складаны час, калі гэта будзе трэба, саратнікі Зюганава знойдуць апірышча ў Беларусі.
Нагадаем, што падчас сёлетняга абвастрэньня адносінаў паміж афіцыйным Менскам і Крамлем расейскія камуністы падтрымлівалі пазыцыю Лукашэнкі і крытыкавалі Ўладзімера Пуціна.
Што ж да апірышча, то варта прыгадаць, што паводле інфармацыі пэўных крыніцаў, у Лукашэнкі ўжо ёсьць досьвед падтрымкі расейскіх камуністаў, напрыклад, падчас прэзыдэнцкіх выбараў 1996 году. |
|
|
|
 |
13 Сьнежня 2002 