news programs realaudio contact archive
      Курапаты
    Выбары 2001
    Праскі акцэнт
    Экспэртыза свабоды
    Эканоміка
    Правы чалавека
    Міжнародны аддзел
    Рэгіёны

      Палітычная геаграфія
    На доўгім шляху
    Выкраданьне
    Беларусі

    Мэдыі
    Ёнас, Яніс, Янка...
    Беларускі Iнтэрнэт
    Суайчыньнікі
    У сьвет на заробкі
    Карлаў мост

    Вострая брама
    Беларуская
    Aтлянтыда

    Вольная студыя
    Краіна М
    Залаты фонд

      Сымбаль веры
    Агляд пошты
    Дазвол на выезд
    Здароўе
    Галерэя "Свабоды"

  


    Час і Хвалі
    Realaudio
    Аўдыё-архiў


    RFE/RL Newsline
    Weekday Magazine
    PBU Report
    RFE/RL Homepage
    Reprints



18 Сьнежня 2001
 
НАЦЫЯНАЛЬНЫ ПАРК “ПРЫПЯЦКІ” ПАДАТКАЎ ПЛАЦІЦЬ НЯ ХОЧА
Нацыянальны парк “Прыпяцкі” зь ягонай экспэрымэнтальнай лясной гаспадаркай “Ляскавічы”, якія належаць да кіраўніцтва справаў прэзыдэнта, сталіся сапраўдным галаўным болем для падаткоўцаў і фінансістаў Жыткавіцкага раёну. У іх самая вялікая нядоімка плацяжоў у бюджэт.
 
Казімер Яноўскі, Жыткавічы
 
Мясцовыя кантралюючыя органы ня могуць ніякім чынам паўплываць на нядоімшчыка з прывілеямі. Як толькі падаткоўцы наважваюцца зарганізаваць праверку выплаты падаткаў, дырэктар Нацыянальнага парку “Прыпяцкі” Сьцяпан Бамбіза папярэджвае, што ня пусціць інспэктараў правяраць свае структурныя падраздзяленьні. На тое патрэбны дазвол кіраўніцтва справаў Аляксандра Лукашэнкі.

Між тым, экспэрымэнтальная гаспадарка “Ляскавічы” – найбольш значная структурная адзінка Нацыянальнага парку – завінавацілася ў бюджэт з улікам ляснога падатку 697 мільёнаў рублёў, з іх непасрэдна ў Жыткавіцкі раённы бюджэт – 270 мільёнаў.

Эксперыментальная лясная гаспадарка “Ляскавічы” зарганізавана была яшчэ колішнім кіраўніком справаў прэзідэнта Іванам Ціцянковым для вырабу паркету з каштоўных гатункаў драўніны і экспарту піламатэрыялаў за мяжу. Сюды наведваўля і сам Аляксандр Лукашэнка, каб праверыць, як працуе новае імпартнае абсталяванне.

Экспэрымэнтатары зь Ляскавічаў пад маркай санітарнага дагляду спляжылі нямала дуброваў ў запаведных лясных масівах. Кіраўнік экспэрымэнтальнай гаспадаркі Васіль Бамбіза, дарэчы, родны брат дырэктара нацыянальнага парку “Прыпяцкі” Сьцяпана Бамбізы, тлумачыць, што падаткі ён ня можа выплаціць таму, што неабходна перш за ўсё сплачваць банку даўгі за валютныя крэдыты на суму 2,8 мільёнаў даляраў. За валюту гаспадарка купіла найноўшае імпартнае абсталяванне, якое і дэманстравала кіраўніку дзяржавы.

Жыткавіцкі райвыканкам, улічваючы важкую долю падатковых плацяжоў гаспадаркі “Ляскавічы” у раённы бюждэт, накіраваў у адміністрацыю Лукашэнкі ліст з інфармацыяй пра нядоімку. Адказу няма. Не паступіла пакуль і 270 мільёнаў рублёў плацяжоў ад экспэрымэнтальнай гаспадаркі Нацыянальнага парку.

Цяпер у Жыткавічах ламаюць галаву над тым, як разлічыцца з пэдагогамі, мэдычнымі работнікамі, усімі тымі, хто атрымлівае заробак зь бюджэту. Толькі настаўнікам за мінулы лістапад раённы бюджэт ужо завінаваціўся 114 мільёнаў рублёў.


archive
  skip it
www.svaboda.org is © 2001 Radio Free Europe/Radio Liberty, Inc. All Rights Reserved.