news programs realaudio contact archive
      Курапаты
    Выбары 2001
    Праскі акцэнт
    Экспэртыза свабоды
    Эканоміка
    Правы чалавека
    Міжнародны аддзел
    Рэгіёны

      Палітычная геаграфія
    На доўгім шляху
    Выкраданьне
    Беларусі

    Мэдыі
    Ёнас, Яніс, Янка...
    Беларускі Iнтэрнэт
    Суайчыньнікі
    У сьвет на заробкі
    Карлаў мост

    Вострая брама
    Беларуская
    Aтлянтыда

    Вольная студыя
    Краіна М
    Залаты фонд

      Сымбаль веры
    Агляд пошты
    Дазвол на выезд
    Здароўе
    Галерэя "Свабоды"

  


    Час і Хвалі
    Realaudio
    Аўдыё-архiў


    RFE/RL Newsline
    Weekday Magazine
    PBU Report
    RFE/RL Homepage
    Reprints



9 Сьнежня 2001
 
Сьцюдзёныя ночы ў Курапатах
Уначы ледзь не згарэў намёт абаронцаў Курапатаў. Маладыя людзі, якія сочаць за працай будаўнікоў, пакутуюць ад моцных маразоў і пацукоў.
 
Ягор Маёрчык, Менск
 
Сёньня спынілася рэканструкцыя Менскай кальцавой аўтадарогі. Зранку будаўнікі не змаглі завесьці тэхніку — моцныя начныя маразы пераўтварылі салярку з вадкасьці ў студзень.

Абаронцы Курапатаў таксама пакутуюць ад холаду. Яны ўсё часьцей і часьцей прыходзяць у намёт пагрэцца. Тут, ля вогнішча, кіраўнік Беларускай партыі Свабоды Сяржук Высоцкі распавядае апошнія навіны з жыцьця валанцёраў:

(Высоцкі: ) "Ноч была самая халодная за апошні час. Маразы былі настолькі моцныя, што салярка зрабілася як кісель. Ледзь не загарэўся намёт. Цярушкі падалі на намёт — дзякуй Богу, заўважылі і затушылі".

Тым часам маладыя людзі працягваюць рабіць крыжы ды ўсталёўваць іх вакол курапацкага лесу. Гэтая праца не складаная, але вымагае вялікай сілы. Каб умацаваць крыж, трэба выкапаць ямку з паўмэтра глыбінёй. Але маразы такія моцныя, што пясок зрабіўся як каменны. І абаронцы Курапатаў вымушаныя дзяўбці глебу рыдлёўкамі, каб паглыбіцца на некалькі сантымэтраў.

Нядзеля для абаронцаў Курапатаў — гэта як бацькоўскі дзень у летніку. Прыкладна апоўдні сюды наведваюцца простыя людзі. Звычайна не з пустымі рукамі: найчасьцей яны прыносяць ежу альбо фундуюць сымбалічную суму грошай:

(Спадарыня: ) "Адзін мужык капейку нейкую перадаў. Казаў: атрымае грошы, купіць і прынясе прадуктаў. Купіце сабе што-небудзь. Я той раз была, дык ад сябе пяцёрку дала. І зараз я вам скварачку дам, дзеткі мае дарагія. Як вы тут маецеся?"

Абаронцы Курапатаў, напэўна, ня раз яшчэ ўзгадаюць добрым словам пэнсіянэрку Веру Дрэвец:

(Дрэвец: ) "Мы прыходзім кожную нядзелю. Прыносім ежу. А сёньня прынесьлі адзежу — куртку з капюшонам, цёплы швэдар, ваўняныя панчохі, капялюш вязаны — тое, што ім трэба".

(Карэспандэнт: ) "Гэтыя рэчы — вашыя ўласныя?"

(Дрэвец: ) "Уласныя! Мы перагледзелі, што можна сюды прынесьці. Па Свабодзе чулі, што трэба ім вопратка, дык мы бягом-бягом сабралі. Трэба дапамагчы. Я ж не галадую, значыць магу падзяліцца з тымі, хто стаіць на пярэднім пляне".

Штонядзелю ў Курапатах адбываецца традыцыйнае набажэнства. Сьвятар Беларускай аўтакефальнай праваслаўнай царквы Леанід Акаловіч запрашае ўсіх памаліцца за спакой душаў бязьвінна загінулых ахвяраў сталінскага тэрору.


archive
  skip it
www.svaboda.org is © 2001 Radio Free Europe/Radio Liberty, Inc. All Rights Reserved.