 |
Bruce Springsteen – Streets of Philadelphia |
|
Напэўна, ўсе згодныя з тым, што чумой і трагедыяй нашай эпохі стаўся вірус ВІЧ, які прыводзіць да СНІД’у. Гэтая жахлівая хвароба закранула ўсе куткі сьвету, не абмінаючы й Беларусь. СНІД, выяўлены больш як 20 гадоў таму дагэтуль застаецца невылечным.
Адным зь першых фільмаў, які ў мастацкай форме адлюстраваў трагічныя наступствы гэтай хваробы ня толькі для ахвяры, але і для цэлага грамадзтва, быў амэрыканскі фільм пад назвай “Філядэльфія”.
Тэматычную песьню да фільму напісаў сёньняшні іменьніньнік – Брус Спрынгстын. Тэкст гэтай сумнай элегійнай, крыху манатоннай песьні, глыбока кранае душу. З дапамогай паэтычных мэтафараў, аўтар вобразна адлюстраваў жорсткасьць чалавека ў дачыненьні да бліжняга. Гэтая неміласэрнасьць і нячуласьць выкліканая боязю перад хваробай, і перадузятасьцю ў дачыненньні да яе носьбітаў.
У ЗША кожны горад мае сваю мянушку, і ў адпаведнасьці з гэтым, Філядэльфія гэта “горад братэрскай любові”. Таму зь непрыхаванай іроніяй Спрынгстын у песьні пытаецца: “О, браце, няўжо ты пакінеш мяне адным паміраць на вуліцах Філядэльфіі?”
|
|
 |
