|
Maria Callas – Арыя з опэры Бізэ “Кармэн” |
|
“Найвялікшая тэатральна-музычная артыстка нашай эпохі”. Гэтак сказаў пра опэрную сьпявачку Марыю Калас, дырэктар Лёнданскай Опэры – Сэр Дэйвід Вэбстэр. Калас, якая памерла ў Парыжы ў гэты дзень у 1977 годзе, называлі “Голасам Стагодзьдзя” і “Ля Дывіна” што значыць “Багіня”. З паходжаньня грэчанка, Марыя Калас нарадзілася ў Нью Ёрку у 1923 годзе, і ў першую чаргу праславілася тым, што ўмела выконваць ледзь ня ўвесь дыяпазон роляў з рэпэртуару сапрана – ад гэраіняў Вагнэра да лёгкіх каляратурных арыяў з опэраў Бэліні і Пучыні, у якіх яна выступала на сцэнах Міляну, Рыму, Парыжу, Лёндану і Нью Ёрку. Апрача таго, Калас зьдзіўляла крытыкаў сваімі надзвычайнымі акторскімі здольнасьцямі. Сёньня паслухаем вядомую арыю з опэры Бізэ – Кармэн. Марыя Каллас – Габанэра.
|
|
|