[ svaboda logo ] [ svaboda logo ] [ svaboda logo ]
[ svaboda logo ] [ svaboda logo ]
[ svaboda logo ]
[ svaboda logo ]
форум  


30 Красавіка 2004
Зянон Пазьняк
Зянон Пазьняк нарадзіўся 24 красавіка 1944 г. у мястэчку Суботнікі Іўеўскага раёну Гарадзенскай вобласьці. У 1967 годзе скончыў Беларускую мастацкую акадэмію, кандыдат мастацтвазнаўства. У 1969 годзе надрукаваў артыкул у абарону забудовы гістарычнага цэнтру Менску. Падвяргаўся перасьледу камуністычных уладаў. У 1988 годзе адкрыў Курапаты – месца масавых расстрэлаў сотняў тысячаў ахвяраў камуністычнага генацыду 1937-1941 гг. У кастрычніку 1988 – заснавальнік мэмарыяльнага таварыства “Мартыралёг Беларусі” і Беларускага Народнага Фронту. З 1989 года – старшыня Беларускага Народнага Фронту “Адраджэньне” (з 1999 – старшыня грамадзкай арганізацыі “Беларускі Народны Фронт “Адраджэньне” і Кансэрватыўна-Хрысьціянскай партыі – БНФ). З сакавіка 1990 года па студзень 1996 – дэпутат Вярхоўнага Савету Беларусі 12-ага скліканьня, старшыня парлямэнцкай апазыцыі БНФ. У 1994 года быў кандыдатам у прэзыдэнты Рэспублікі Беларусь. У жніўні 1996 г. атрымаў палітычны прытулак у ЗША.

Канфэрэнцыя завершаная. Поўны тэкст можна паглядзець тут.
25.03.2004
Уладзімер Арлоў
17.08.2004
Анатоль Міхайлаў
30.08.2004
Генадзь Бураўкін
05.10.2004
Мікола Статкевіч
12.10.2004
Вінцук Вячорка
01.12.2004
Генадзь Грушавы
2003  2004  2005  2006
[ 22/04/2004 04:53 ]
Што чакае Беларусь пасля прэзiдэнскiх выбарау, калi Лукашенка выйграе? Якая будзе рэакцыя захаду?
Трэці тэрмін прэзыдэнта нідзе не прадугледжаны ў дэмакратычным заканадаўстве. Таму імкненьне да трэцяга тэрміну ацэньваецца як імкненьне да ўзурпацыі ўлады. Пытаньне аб трэцім тэрміне не разглядаецца на рэфэрэндумах (бо гэта мэтад абмінаньня права, адыход ад вышэйшага праўнага прынцыпу). У некаторых эўрапейскіх краінах увогуле няма закону пра рэфэрэндум.

Хаценьне трэцяга тэрміну – гэта аўтарытарныя замашкі. Рэакцыя Захаду на такія маніпуляцыі павінна б была стацца адмоўнай. Але гэта не абазначае, што такая ацэнка наступіць. Захад дэкляруе агульначалавечыя прынцыпы, але жыве сваімі інтарэсамі. (Здача Захадам чачэнскага народа на вынішчэньне расейскай тэрарыстычнай арміяй -- яскравы прыклад такога падыходу.)

Але што датычыць Амэрыкі, то яна не падтрымае ўзурпацыю ўлады.

Як павядзе сябе Заходняя Эўропа, якая будуе цяпер сваю тупіковую лібэральную імпэрыю і прытрымліваецца, як звычайна, згодніцкай прарускай палітыкі, -- усё будзе залежыць ад абставінаў на Беларусі.
[ 22/04/2004 09:30 ]
Паважаны Зянон Станiслававiч! Падкажыце, як перастаць баяцца? Як адкрыта загаварыць у рускамоуным асяродзi па-беларуску? Калi вы прыедзеце на Беларусь? Чаму запад вас расчаравау? Як вы адносiцесь да парляментскай групы РЭСПУБЛIКА, цi магчама iм давераць? Дзякуй, Саша М.
Вялікі Дантэ сказаў: “Ідзі сваёй дарогай, і хай людзі гавораць, што хочуць.”

Каб ісьці сваёй дарогай, трэба не баяцца. Каб не баяцца, трэба мець у галаве, душы і сэрцы вялікую сьветлую ідэю, добрую для ўсіх, якая цябе павядзе ахвярна, дзеля агульнага дабра, бяз страху і агляданьня. Ідэя дасьць табе сілу. Гэта ня значыць, што ты павінен тварыць подзьвігі, але гэта ёсьць асновай чалавечае годнасьці.

Калі тваёй ідэяй стане вера ў Бога, ты ня будзеш баяцца казаць праўду, бо захочаш па праўдзе жыць. Калі тваёй ідэяй будзе Беларусь, ты будзеш любіць сваю мову і свой народ, станеш паважаць сябе, будзеш па-беларуску жыць. Гэта будзе тваё.

Калі ж табе страшна быць самым сабой у абставінах, калі цябе могуць не зразумець ці зьняважыць, гэта абазначае, што ты сумняваешся ў сэнсе сваёй праўды.

І тут ёсьць два спосабы. Калі ты чалавек духоўна моцны, разумны і стукаешся Богу ў дзьверы, ты дойдзеш да ўсьведамленьня (табе адчыніцца), што ад таго, як ты жывеш і што ты робіш, залежыць душэўная вечнасьць твайго быцьця. Ты ўсьвядоміш, што твае паводзіны і жыцьцё зьвязаныя зь вечным існаваньнем. А гэта дае чалавеку вялікую моц.

Калі ты іншы чалавек і табе цяжка гэта вырашыць самому, тады шукай сяброў, якія думаюць і жывуць так, як ты хацеў бы жыць. Не заставайся адзін. Будзь разам зь імі. Прыслухоўвайся да іх, рабі так, як яны. Будзьце разам, размаўляйце ўсюды па-беларуску пра становішча людзей і лёс Бацькаўшчыны, дапамагайце адзін аднаму, падтрымлівайце. Калі будзеце разам, перастанеце баяцца.

***
На Беларусь стане магчымым прыехаць толькі тады, калі будзе мажліва праехаць праз мяжу. Цяпер дзейнічае загад Лукашэнкі “Пры ўезьдзе-выезьдзе – затрымаць!” і пры непадпарадкаваньні страляць на паражэньне. Мяжа для мяне – гэта лінія фронта, якая дыктуе адпаведныя мэтады змаганьня.

* * *
Захад ніколі ня быў для мяне асабліва прывабным, таму і не расчароўваў. Проста я глыбей даведаўся пра яго лепшыя і горшыя якасьці. Эўрапейская палітыка, па маіх крытэрыях, прагматычна прымітыўная. Там шмат палітыкаў напаказ і мноства палітбюракратыі, але, практычна, няма дзяржаўных дзеячоў. Эўропа ў большай ступерні, чым Амэрыка, перажывае цывілізацыйны крызіс. Агульная характарыстыка цяперашняга Захаду – бездухоўнасьць.

Мне, аднак, больш імпануе Амэрыка. Там шмат добрага і разумнага. І мне шчыра шкода і трывожна глядзець, як гэтую харошую краіну захліствае хваля спажывецтва, эгаізму, бязбожжа і лібэральнай дурноты. Адзін амэрыканскі сэнатар сказаў, што калі Амэрыка загіне, то ад уласнай дэмакратыі. Магчыма, гэта перабольшаньне, але занадта шмат дадзена волі дрэні і злу.

* * *
Палатная група “Рэспубліка” – гэта штучная зьява, пустата. Яна добра кладзецца ў практыкуемую на Беларусі тэхналёгію “кіруемага канфлікту” і карэлюецца зь “вікаўскай апазыцыяй”. Калі коратка, то група “Рэспубліка” (як і “вікаўская апазыцыя” і іншыя групы ўплыву) – гэта частка акупацыйнага рэжыму, якая выконвае апазыцыйную ролю. Гэтыя групы імітуюць распрацоўку ўнутранага канфлікту з Лукашэнкам, адводзячы грамадзтва і міжнародную публічнасьць ад рэальнага і галоўнага канфлікту паміж гэбоўскай Расеяй і нацыянальна незалежніцкай Беларусяй. Барацьба йдзе за Беларусь, і ў гэтым змаганьні Лукашэнка ёсьць стаўленьнік і закладнік расейскага гэбізму на Беларусі. Ягоныя паказныя канфлікты з Масквой гэта ёсьць сваркі ў лягеры саюзьнікаў дзеля палітычных мэтаў.

Роля “кіруемай апазыцыі” ў тым, каб адвесьці пратэст грамадзтва на барацьбу з нагамі васьмінога (бо васьміног хапае нагамі). Але перамагчы яго можна толькі даўшы па галаве.
[ 22/04/2004 12:26 ]
Dobry dzien szanouny sp. Zianon! Vialiki Vam dziakuj za toje, sto Vy zrabili dlia Backauszczyny i bielaruskaha narodu. Narzal straczana svaboda i u niebiaspiccy NIEZALIERZNASC samoj BIELARUSI. Na backauszczynie sionnia niama palityka, jaki moh by padniac na baracbu narod i paviesci jaho za saboj. Na taki uczynak zdolny tolki Vy, szanouny Zianon! Uspomnicie KURAPATY 1988 hodu1 My Vas czakajem DOMA i pajdziom za Vami za naszu SVABODU i SAPRAUDNUJU NIEZALIRZNASC DACKAUSZCZYNY! A ciapir pytannie. Jakija pliny asabista u Vas, kab nie dac Lukaszenku pradourzyc termin uzurpacyi ulady na treci termin, a mahczyma i parzycciova? Para ad slovau pierachodzic da spravy! Z pavahaj ULADZIMIR HUNDAR h. BARANAVICZY, vul. Fraliankova, d. 20, rv. 9, tel. 45-35-31 paslia 21 hadziny.
Каб ня даць падоўжыць узурпацыю ўлады на трэці тэрмін, першае, чаго трэба дасягнуць, гэта выйграць байкот восеньскіх выбараў у “палаты”. (Сцьвярджэньнем гэтай палітыкі я і займаюся цяпер разам зь Беларускім Народным Фронтам.)

Калі выбары пры дапамозе “вікаўскай апазыцыі” рэжым здолее правесьці (гэта значыць, калі людзі пойдуць галасаваць), то ён іх “выйграе” шляхам фальсіфікацыі. Вынікі выбараў прызнае Масква (а, магчыма, і Брусэль, калі Лукашэнка здолее ўсіх ашукаць), і тады Маскве разьвяжуцца рукі.

Падзеі паказваюць, што калі саюзьнікі моцна не перагрызуцца, то цалкам магчыма, што пад восеньскія выбары захочуць падшыць рэфэрэндум аб так званым “канстытуцыйным акце” і адначасна – пра трэці тэрмін Лукашэнкі.

Аднак пасьля прыняцьця “канстытуцыйнага акту” трэці тэрмін для Масквы ўжо ня будзе мець значэньня. Дарога для анэксіі адчыніцца, і Масква можа захацець ажыцьцявіць яе ўжо без Лукашэнкі, задарма, зь якой-небудзь часовай фігурай, тыпу Марыніча (ды ці мала зь якой).
[ 22/04/2004 12:40 ]
Шаноўны Зянон Станіслававіч! Маю гонар павіншаваць Вас з днём нараджэння, з Вашым юбілеем. Жывіце доўга і шчасліва, няхай Вас натхняе думка, што Беларусь хутка, вельмі хутка будзе сапраўды незалежнай! Незалежнай ад савецкай дураты, якую рэпрэзентуе цяперашні дэспат. Незалежнай ад тых, хто ўсё жыццё смактаў кроў і сілы беларускага народа. Жывіце ў радасці і надзеі, якая з цяперашнім пакаленнем стала небеспадстаўнай... Вашыя прагнозы заўсёды спраўджваліся. Таму маё пытанне -- як на Вашую думку, калі мы зможам далучыцца да Еўрасаюзу, канешне, пасля знікнення гэтага рэжыму? З вялікай павагай да Вас, Спартак (Мінск)
Мы эўрапейцы і павінны арыентавацца на Эўропу, супрацоўнічаць з Эўразьвязам. Да Эўразьвязу мы можам далучыцца толькі тады, калі моцна станем на ўласныя незалежніцкія, нацыянальна-культурныя, фінансавыя і эканамічныя ногі. На каленях і з працягнутай рукой у Эўразьвяз ісьці нельга. Бо будзем рабамі, саюзьнікамі трэцяга сорту.

Для станаўленьня спатрэбіцца час, можа, восем гадоў, а цяпер – можа, й больш. Калі да гэтага часу Эўразьвяз не разваліцца ўшчэнт.
[ 22/04/2004 15:07 ]
Вы ў 95% кажаце вельмі разумныя, правільныя, лягічныя і глыбокія рэчы. Вы шмат зрабілі для Беларусі на пачатку нашай незалежнасьці. Чаму ж тады брэнд "Пазьняк" мае такі вялікі адмоўны рэйтынг сярод нашых грамадзян? Andrus
Аднабаковая прапаганда псіхатроннага кшталту дзейнічае на масы непадрыхтаваных людзей як замбуючы параліч. Хто жыў у Савецкім Саюзе, той памятае жах ад прозьвішчаў такіх людзей, як Ластоўскі, браты Луцкевічы, Найдзюк, у Расеі -- "предацелі” акадэмік Сахараў, пісьменьнік Салжаніцын. У 70-х гадах іхныя імёны мелі ці ня 100-працэнтовы адмоўны рэйтынг. А ў той жа час Леанід Ільіч Брэжнеў “ардзенамі грудзь украсіл”, быў “найвялікшым” чалавекам эпохі, меў помнікі пры жыцьці і г.д. Цяпер -- аналёгіі тыя ж.

На замбаваньне маім прозьвішчам паддаліся ў асноўным людзі, не прывыкшыя самастойна думаць, у якіх Лукашэнка – “харошый прэзідзент”. Рускім шавіністам, агентуры, савецкім чыноўнікам, прамаскоўскім “дэмакратам” таксама ёсьць каго ненавідзець. Тут рэзкая палярызацыя пазыцыяў. Тыя, хто любяць Лукашэнку, абавязкова ненавідзяць мяне.

Сітуацыя адлюстроўвае рэальнае палітычнае становішча і паказвае, хто зьяўляецца сапраўднай альтэрнатывай Лукашэнку і лукашэнкаўскаму рэжыму. Гэта цудоўна ведае Масква, Лукашэнка і ягонае асяроддзе, але ня могуць сказаць у голас. Язык не паварочваецца.
[ 22/04/2004 15:31 ]
Зянон Станіслававіч, Ці зьмянілася вашае стаўленне да Лукашэнкі апошнім часам, калі ён пераўтварыўся ў змагара за Беларускую незалежнасьць? На вашу думку, якая будучыня можа чакаць Беларусь ў найбліжэйшыя гады? З павагай, Алесь Супрынюк
Лукашэнка не ператварыўся ў змагара за незалежнасьць. Думаючым людзям ня трэба паўтараць прапагандысцкіх “вэрсусаў”. Прыступы ягонага “суверэнітэцтва” правяраюцца ўнутранай і зьнешняй палітыкай, а яна -- не зьмяняецца. Сутнасьць жа яе – вынішчэньне ўсяго беларускага. (У апошні час вынарадаваньне стала нават больш жорсткім.) Я ўжо казаў, што сварка Лукашэнкі з Масквой – гэта паказная грызьня ў лягеры саюзьнікаў. Канфлікт ня мае прынцыповага характару (бо ў гэты ж час рыхтуецца ўвядзеньне расейскага рубля, гандлююцца пра “канстытуцыйны акт”, плянуюць выбары ды рэфэрэндумы і г.д.).

“Разборкі” і сваркі – гэта ў традыцыях крымінальнікаў, мафіі і тэрарыстаў НКВД-КГБ. (Успомніце гісторыю СССР, тэрор, расстрэлы і рэпрэсіі.) Сварка Пуціна з Лукашэнкам можа скончыцца не паражэньнем і не суверэнітэтам Лукашэнкі, а анэксіяй Беларусі. З-за гэтага яны і гандлююцца, і сварацца (даражэй прадаць, таней купіць). Трэба добра ўсьведамляць, што такое гэбізм, якая ўлада цяпер у Расеі ды Беларусі.
[ 22/04/2004 15:34 ]
JAk vy acienvaiecie pracu "Svabody" i asobnych jaje zurnalistau.
Тут мае ацэнкі – палова на палову. З палітычнага боку гэта шмат у чым тэндэнцыйная станцыя, якая робіць адбор і падае прасеяную інфармацыю, як правіла, у рэчышчы і на ўзроўні “вікаўскай апазыцыі”.
Станоўчае, што ёсьць у станцыі “Свабода” – гэта яе беларуская культурна-асьветніцкая функцыя. І гэта пераважвае. Але шмат залежыць ад журналістаў.
[ 22/04/2004 17:49 ]
З аднаго боку вы заўжды паказвалі бескампраміснасьць у барацьбе за Беларусь і за беларушчыну, паказвалі жаданьне змагацца да апошняга (і запальвалі такі ж агонь у іншых), але з другога боку, Вы ж самі зьехалі зь Беларусі, уцяклі з роднай зямлі, можна сказаць, здаліся. Як вы самі разглядаеце гэты ўчынак? Чым для вас сталіся ўцёкі ў замежжа? Чаму вы гэта зрабілі? Ці не шкадуеце, што здаліся? Як замежжа паўплывала на вашую асобу? Эсьмі
Адзінаццаць пытаньняў (і нават больш) зададзена па тэме эміграцыі і майго вяртаньня на Беларусь (Заўвага вэб-рэдактара: пытаньні, што паўтараюцца, мы не выстаўляем). Часткова я ўжо адказаў на гэта, гаворачы пра мяжу. Пра эміграцыю таксама шмат мной ужо напісана і сказана раней. Аднак коратка яшчэ раз адзначу асноўнае.

Найперш тое, што людзі, якія рыхтавалі забойства, пралічыліся. Пралічыўшыся, яны думалі пажаць плады на гнюснай прапагандзе аб маёй эміграцыі, падаючы яе як неабгрунтаваны ўчынак. Думаю, што яны пралічацца яшчэ раз, у апошнім акце іхняй сцэнічнай драмы, якую яны пісалі крывёй. Сьмешныя іхныя спадзяваньні, што нехта сам палезе да іх у пашчу. Не на такога нарваліся. Аб стварэньні каманды (ці “эскадрона”) сьмерці ў 1995 годзе я ведаў у гэтым жа 1995-м. (Было каму мяне папярэдзіць пра ахвяру нумар 1.)

Чаму я зьехаў у 1996-м? Таму што так Богу ўгодна было. Змаганьне за Беларусь – гэта вельмі сур’ёзная справа, каб з тымі, што нічога не разумеюць (і прыкідваюцца, што не разумеюць) яшчэ і дыскутаваць. Ёсьць тэмы не дыскусійныя. Ня кожны вытрымлівае гэтае змаганьне і ня кожны на яго здольны. Некаторыя мае былыя супольнікі гэта добра прадэманстравалі. Такім “супольнікам-паплечнікам”, якія да гэтага часу не паразумнелі, раю ўзяць у ручку плякацік з надпісам “Где Захаренко?”, “Где Завадский?” і г.д., і стаць у пікецік. Гэта іхны ўзровень.

У мяне іншыя паплечнікі – сябры, якія падстаўляюць плячо. Завяршаючы адказ на гэтую тэму, яшчэ раз адзначу сутнасьць маёй эміграцыі як палітычнага змаганьня. Што дало змаганьне за мяжой? Гэта, перш за ўсё, паварот міжнароднай супольнасьці на непрызнаньне акупацыйнага рэжыму Лукашэнкі ў Беларусі. У 1996 годзе Эўропа гатовая была здаць Беларусь пад Расею. На працягу некалькіх месяцаў мы з Сяргеям Навумчыкам праводзілі інфармацыйную працу ў эўрапейскіх краінах, раскрываючы сутнасьць рэжыму Лукашэнкі і “інтэграцыйнай” палітыкі Масквы. Такую ж працу мы праводзілі ў ЗША, куды былі спэцыяльна запрошаныя.

Калі стала вядома, што ў Польшчу (гэтак жа, як і ў Беларусь) нам вяртацца нельга (бо вышла наверх, што ў Польшчы рыхтавалі забойства), тады стварылася безвыходная сітуацыя. На карту трэба было ставіць свой лёс, і, фактычна, разам з гэтым – лёс Беларусі. Неабходна было прасіць палітычны азыль. Уся руская дыпляматыя і агентура была пастаўлена на ногі (каб не сказаць на вушы) з мэтай не дапусьціць, каб нам далі азыль. Змаганьне доўжылася амаль месяц. Я пісаў асабіста прэзыдэнту Клінтану (зь якім нядаўна двойчы спатыкаўся ў час ягонага афіцыйнага візыту ў Менск у 1994 годзе). Клінтан прыняў дыпляматычнае рашэньне ў нашу карысьць.

Гэта быў паваротны момант у палітыцы. Патлумачу. Прадстаўленьне палітычнага прытулку лідару нацыянальна-дэмакратычнай апазыцыі, які выступае антаганістам і альтэрнатывай дзеячаму прэзыдэнту, ёсьць палітычны выбар прымаючай краіны, прызнаньне рацыі пэўнаму боку. У 1996 годзе выбар і рацыю Амэрыка прызнала мне. З гэтага часу Амэрыка не магла падтрымліваць Лукашэнку і ягоную антыдэмакратычную палітыку. Пазыцыя Амэрыкі вызначылася і не зьмянілася па сёньняшні дзень.

З гэтага часу таксама ва ўсім дэмакратычным сьвеце склалася і была засьведчана крытычная ацэнка палітыкі Лукашэнкі як недэмакратычнага аўтарытарнага і антыпраўнага рэжыму. (Прынятыя нашыя ацэнкі.) Міжнародная супольнасьць уключылася ў назіраньне за палітычным змаганьнем на Беларусі.

Другі павартны момант быў у дзень лістападаўскага перавароту 1996 года, калі з Масквы ў Менск прыляцела каманда Чарнамырдзіна-Строева ратаваць Лукашэнку ад імпічманту. Так супала, што ў той дзень нараніцы я павінен быў выступаць з даўно заплянаваным дакладам пра Беларусь у Вашынгтоне ў Карнэгі-Фондзе перад дзелавой палітычнай элітай ЗША. Я заўважыў, што на сталах перад кожным з прысутных ляжаў падрыхтаваны тэкст заявы для друку ад Дзярждэпартаманта з падтрымкай расейскай місіі Чарнамырдзіна-Строева ў Менску. (Гэта добра папрацавала руская дыпляматыя і інфармацыйная агентура.) Тады я адклаў убок свой даклад і стаў гаварыць пра падзеі ў Менску як пра антыдэмакратычны пераварот (бо ўжо ноччу меў пра падзеі ў Менску дакладныя зьвесткі.)

Адбылася гарачая дыскусія. Асабліва кідаліся на мяне прадстаўнікі рускага пасольства. Але бальшыня амэрыканскіх дзеячоў падтрымала маю пазыцыю, а прадстаўніца Дзярждэпартаманту паведаміла, што заяву яны адклічуць і напішуць іншы тэкст, па выніках нашай дыскусіі.

Тут ізноў патлумачу, што калі б не было спатканьня-сходу ў Карнэгі-Фондзе і першы тэкст заявы быў бы надрукаваны, то назад Вашынгтон ужо справу не адкручваў бы. Тут загаварыў бы ня толькі “гонар мундзіру”, але падключыліся б адпаведныя сілы і меркаваньні. Усё гэта вельмі дрэнна адбілася б на дачыненьнях да Беларусі і на ацэнках перавароту. Тое, што ўдала атрымалася, -- гэта добрае супадзеньне. У вялікай бядзе Беларусі, відаць, трошкі пашанцавала. У гэты ж дзень я меў спэцыяльны выступ па CNN аб Менскіх падзеях.
[ 22/04/2004 20:35 ]
Паважаны сп.Пазьняк, ці маглі б Вы, асабіста, працаваць пасьля наступных прэзыд. выбараў у адной камандзе з персонай, якая належыць да іншай нацыянальна-арыентаванай партыі (напрыклад, са сп-мі.Вячоркам, Статкевічам...). Дзякуй. Алесь Шпакоўскі.
У прынцыпе, гэта магчыма, калі прызнаюцца агульнанацыянальныя каштоўнасьці і дзяржаўныя інтарэсы. Што датычыць названых прозьвішчаў і ў цэлым “вікаўскай апазыцыі”, дык бальшыня асобаў гэтай групы ўвогуле не надаецца да дзяржаўнай дзейнасьці. Калі іх узяць ва ўладу, то будзе квітнець карупцыя. Яны ўжо карумпаваныя, бо гатовыя браць замежныя грошы і займацца абы чым. Дакладней – чым скажуць.
[ 23/04/2004 07:50 ]
Па-першае, мае віншаваньні спадар Зянон!Здароў'я Вам і сілы ў плённай працы на карысць нанай Бацькаўшчыны!А пытаньне просценькае: ці заглядаеце Вы на такіе інтэрнет-рэсурсы, як:www.knihi.com, slounik.org(Беларуская Палічка, Слоўнікі і энцыклапедыі, Беларусы свету(як дадатак да Палічкі)?Ці бачылі Вы форум там з назвай "Навошта людзі вераць створанаму прапагандай вобразу Пазьняка- жаха", які аказаўся на дзіва жывучым - існуе больш 4-х месяцаў, больш за 800 допісаў?Як Вы ставіціся да інтэрнет-абмяркаваньній падобнага кшталту?З павагай, Натальля з Менску.
На старонку, пра якую Вы кажаце, не заглядваў. Прычына зьвязана з рэсурсам часу, які абмежаваны. Але пацікаўлюся.
[ 23/04/2004 08:14 ]
Што болей нарабіў сваімі палітычнымі амбіцыямі сп.Уладзімер Колас - карысці, ці зла?З аднаго боку на вагах - лідэрства ў палітычнай арганізаціі, з другога - лёсы дзяцей... Натальля, Менск
Шмат хто лічыць, што дырэктар Ліцэю папулістычна выкарыстоўваў зачыненьне беларускай вучэльні дзеля сваіх пустапарожніх палітычных мэтаў, замест таго, каб рэальна і разумна бараніць школу. Хутчэй за ўсё, гэта перабольшаньне, але, магчыма, тут нешта й было. І тады гэта, вядома, прыкра. Аднак, прычына не ў дырэктары, а ў антыбеларускім рэжыме, які зьнішчыў усю беларускую адукацыю і пастанавіў зачыніць беларускі Ліцэй любым спосабам. Гэта галоўнае.
[ 23/04/2004 16:21 ]
Дзе зараз наша апазицыя? Дзе лидэпр, яки зможа павесци за сабой народ, ускалыхнуць масы? Здаецца, што мы у беспрасветным тупику.
Ня падайце ў роспач. У тупіку якраз лукашэнкаўскі рэжым разам са сваёй “апазыцыяй”. Перад імі – цемра. А перад вызвольнай Беларусяй – сьветлы і зразумелы шлях, дзе сьвеціць зорка велічы, волі і Адраджэньня. Але гэта шлях змаганьня. Не палохайцеся. Ступайце. Чым больш людзей будзе на дарозе да Беларусі, тым хутчэй дойдзем.
[ 23/04/2004 19:21 ]
Калі вернецеся змагаццца за Беларусь?
Паўторнае пытаньне. Гл. адказ на пытаньне ад 22/04/2004 17:49.
[ 23/04/2004 21:06 ]
Вось амаль 10 гадоў Вы ў эміграцыі. Ці не падаецца Вам, што апазіцыйны рух шмат чаго згубіў з гэтага? Акрамя таго шмат простых людзей "не зразумеў" ваш ад'езд у ЗША. Ці збіраецесь браць удзел у будучых выбарах прэзідэнта?
Аб прэзыдэнцтве. Яшчэ ў 2001 годзе, адразу пасьля “элегантнай” фальсыфікацыі прэзыдэнцкіх выбараў рэжымам Лукашэнкі, Беларускі Вызвольны Рух аб’явіў маё прозьвішча як альтэрнатыву Лукашэнку. Альтэрнатыва ў дадзеным выпадку азначае, што адменіцца ўсё, што натварыў гэты рэжым. Будзе новая Беларусь і новыя дачыненьні. Зьнікне страх і зьневажэньне людзей, адновіцца праца і пэрспэктыва, і ніхто ня будзе больш пляваць беларусам у твар.
[ 25/04/2004 23:40 ]
Согласны ли вы, что представляете собой политический труп? С огромным уважением и огромной злостью на вас. Сергей Плиска. P.S. Прабачце, што не на мове.
Наконт "трупаў" - пазнаю знаёмую тэрміналёгію. А наконт "уваженія" - гэта, відаць, шчыра.
[ 26/04/2004 00:10 ]
Переломных моментов было много,но все-таки ,какая главная ошибка была сделана?Что нужно было сделать, что бы Беларусь пошла по прибалтийскому пути?
Размовы аб быццам бы нейкіх “памылках” Народнага Фронту, які, маўляў, ня ўзяў уладу, маюць штучнае паходжаньне і выкарыстоўваліся, як правіла, палітычнымі праціўнікамі беларускага Адраджэньня. Таму ня трэба гэта некрытычна паўтараць тым, хто такім праціўнікам не зьяўляецца.

Той, хто ня маючы ўлады, робіць памылкі ў палітыцы, той нічога не дасягае. А Народны Фронт дасягнуў. І галоўнае дасягненьне – вяртаньне незалежнасьці Беларусі.

У беларускай сітуацыі 90-х гадоў (і ў палітыцы ўвогуле) вырашальнымі ёсьць не памылкі, а сіла. У Беларусі, ня гледзячы на ўражваючыя, змагарныя посьпехі БНФ, рэальная сіла (і немалая сіла) была на баку савецкай намэнклятуры і КГБ, якія трымалі ўладу. Склалася гэтак таму, што беларускае савецкае грамадзтва і вялікія масы людзей аказаліся непадрыхтаванымі да нацыянальнай рэвалюцыі, якая адбывалася ў краіне ў 1988-91 гг., бо не было неабходнага пэрыяду нацыянальнага асьветніцтва, якое кансалідуе нацыю на падставе агульных каштоўнасьцяў. Пакаленьні беларусаў і беларуская культура падвяргаліся расейскаму вынішчэньню і русіфікацыі. Пасьля Савецкага Саюза на Беларусі засталося грамадзтва, дзе бальшыня людзей жыла з дэфармаванай псіхікай, без гістарычнай памяці і без нацыянальнай сьведамасьці.

Гісторыя СССР не дала ўжо беларусам часу на падрыхтоўчы пэрыяд нацыянальнага асьветніцтва. Тыя сьведамыя групы беларусаў (часам некалькі дзясяткаў), што вырасьлі ў 10-мільённым народзе да канца 80-х гадоў, скарысталі крызісную сітуацыю ў СССР і з ходу з шабляй нагола рынуліся ў бой з камуністычнай імпэрыяй. Наша перамога (восем адсоткаў фронтаўцаў у Вярхоўным Савеце) – гэта перамога авангарду, яна выглядае цудам, у гэта цяжка паверыць, але гэта факт, і толькі нам вядома, якімі высілкамі розуму, энэргіі і волі быў дасягнуты гэты цуд.

Шлях нацыянальнага авангарду, які павінен быў узяць уладу дэмакратычным спосабам і праз сваю нацыянальную дзяржаву (праз дзяржаўную палітыку) праводзіць нармалізацыю дэфармаванага грамадзтва, -- гэта быў шлях таксама рэальны. (Іншага не існавала.) Але потым, ў 1992 і 1994-м гадах, не хапіла сілы (якая ў гэтым выпадку вырашала шмат), не дадалося падтрымкі грамадзтва, бо яно не сасьпела.

Усё тое, што ўдалося перад гэтым нацыянальнаму авангарду фэнамэнальна дасягнуць, стала магчымым якраз таму, што не нарабілі памылак, а дзейнічалі хутка, разумна, сьмела і рашуча.

З гэтага вопыту зноў у каторы раз вынікае, што калі беларуская эліта ня будзе займацца нацыянальнай асьветай грамадзтва, будучыні Беларусь мець ня будзе.
[ 26/04/2004 10:38 ]
Доры дзень.Як на Вашу думку цi пойдзе Лукашенка на правядзенне новага рефэндуму,i як да гэтага паставицца Расея?
Схема, якая відочна выяўляецца цяпер, такая: Расея настойвае на рэфэрэндуме аб так званым “канстытуцыйным акце”, а Лукашэнка на тым, каб падшыць пад гэта пытаньне аб ягоным трэцім тэрміне. Над гэтым разбойнікі сварацца.

Расейцам пасьля прыняцьця “канстытуцыйнага акту” Лукашэнка, практычна, ужо быў бы непатрэбны. Кагэбоўская Масква магла б пад выглядам падтрымкі барацьбы з дыктатурай (і даўшы грошай “вікаўскай апазыцыі”) правесьці часова на беларускі пасад якога-небудзь свайго “дэмакрата” (як я ўжо казаў, тыпу Марыніча, зь якім яны гуляюць) і потым ажыцьцявіць інкарпарацыю.

Зазначым, аднак, што такі нумар у гэбэ ня пройдзе. Тыя, што ў Крамлі нешта такое плянуюць, дрэнна ўяўляюць, што з гэтага атрымаецца.
[ 26/04/2004 11:24 ]
Собираетесь ли Вы предпринимать какие-либо действия политического характера в Беларуси? Если да, то очень интересно, каким образом человек, кинувший Беларусь и живущий в штатах, к тому же старый, может претендовать на власть. БНФ мертво. Нормальная молодежь не видит альтернатив, хотя абсолютно против действующего режима. Как и против большинства оппозиционеров, делающих только деньги и умеющих кричать о себе.
“Моладзь, што ня бачыць альтэрнатываў”, як піша “спэцыяліст”, ня ёсьць “нармальнай”. Гэта стан якраз далёкі ад нармальнасьці. Альтэрнатывай рэжыму ёсьць наша вольная і незалежная Беларусь. Шануйце яе, бараніце, набліжайце, не давайце таптаць. Моладзь павінна абараняць Бацькаўшчыну.

Што датычыць ацэнкі так званай “апазыцыі”, то яна правільная, і гэта абазначае, што “спэцыяліст” умее бачыць рэальнасьць. Гэтую “апазыцыю” трэба зьмятаць разам з рэжымам. Яны аднаго поля ягада, і вырасла гэтая “ягада” з таго ж рэжыму, з супольнікаў Лукашэнкі.
[ 26/04/2004 13:57 ]
Ці маглі б Вы назваць хоць адну памылку, якую Вы зрабілі ў жыцьці? Што б Вы зараз зрабілі інакш? Патрыётка.
Гл. вышэй адказ на пытаньне [26/04/2004 00:10].
[ 26/04/2004 18:29 ]
Prywitan'ne pawagany Sjanon Stanislawawitsch. Pa perschae,winschuju Was s scheszidesjazi godsem,jubilej.Gadaju Wam sdarouja i pospechau u waschym gyzzi. Kali laska daswolze mne sadaz' Wam pytan'ne,jakoe tytschyza sjonjaschnjaj Belaruskaj emigrazyi u sameggy. Kali ja ladsij Belaruskuju demanstrazyju u Austryi-Bregenz,ja sutyknuusja s peunymi zjagkastjami,napryklad,Belarusau jakich ja saprasiu udsel'nitschaz' u demanstrazyi ne bylo,jany spasylalis' na chwaroby zi zjagkaszi s graschyma,mauljau groschej na darogu njama i g.d. Paslja getaja demanstrazyi ja patschau rasumez',schto nikomu s' Belarusau sjonjaschnjaj emigrazii ne zikawa prablema Belarusi i dyktatarskaga regyma Lukaschenki.Skladwaezza uradgen'ne,schto use uzjakatschy pryechali u Europu ne pa prytulak,a uladkowywaz' swojo prywatnae gyzzjo. Adkagyze kali laska Pawagany Sjanon Stanislawawitsch na takoe pytan'ne,tschamu sjonjaschnjaja Belaruskaja emigrazyja zuraezza usjago Belaruskaga: Mowy,Kul'tury,Smagan'ne sa nesalegnasz' i g.d. Napryklad,kali s'biraeza ladsiz' demanstrazyju u Njamettschyne al'bo u Austryi Kurdskaja abschtyna supraz' Turezkaga panawanja.Na getu demanstrazyju s'birajuza tysjaty Kurdau,a wos' na Belaruskuju demanstrazyju nuwodnaga ne magtschyma daklikazza.Dseg getyja Belarusy ??? A uuuu !!! Dsjakuj sa adkas !!! Andrus' Kljon
Беларус у сьвеце не мяняецца. Той, хто паважаў Бацькаўшчыну і мову ў Беларусі, той і ў Афрыцы будзе яе шанаваць, і ў Амэрыцы. Хто не шанаваў, той і не шануе, той хапаецца за ангельшчыну ці нямеччыну і хутчэй стараецца амэрыканізавацца ці анямечыцца, стаць гноем гісторыі і ўгнаеньнем для чужога грамадзтва. Такая зьява назіраецца даўно, ужо два стагоддзі. Прычыны яе вядомыя.

Але я ня раіў бы Андрусю крыўдзіцца на беларусаў у Аўстрыі. Бо ёсьць за мяжой і сьвядомыя харошыя беларускія хлопцы і дзяўчаты. І шмат. Раю крытычна ўсё прааналізаваць, паглядзець збоку і на сваю асобу, можа, Вы чаго не ўлічылі? Ці размаўлялі Вы зь людзьмі? Ці добра Вас успрымаюць? Ці маеце што прапанаваць іншым, ці толькі патрабуеце ад іншых і г.д.

Калі Вы зможаце з гэтым усім разабрацца, то, магчыма, прыйдзеце і да больш грунтоўных высноваў.
[ 26/04/2004 19:48 ]
Пытаньне да Зянона Пазьняка: Летась я выпадкова ўбачыў у сяброў некалькі нумароў газэты-бюлеценя "Беларускія Ведамасьці". Наколькі я зразумеў з выходных дадзеных на апошняй старонцы, гэта Вашае з жонкай выданьне. У гэтай сувязі хацеў бы запытацца: Накога нацэленае гэтае выданьне? Які ў яго наклад і рэгулярнасьць выхаду? Дзе яно распаўсюджваецца і як яго можна дастаць у Менску? Andrus
“Беларускія Ведамасьці” выдаюцца рэгулярна з 1996 года па 6 -- 10 нумароў у год. Гэта адраджэнскі бюлетэнь, які зьмяшчае інфармацыйныя, дакумэнтальныя, тэарэтычныя і іншыя матэрыялы па тэме змаганьня з палітыкай расейскай агрэсіі і акупацыйным рэжымам Лукашэнкі на Беларусі. Рэгулярна друкуецца хроніка парушэньняў правоў беларусаў і ацэначныя рэлізы існуючай на Беларусі інфармацыі. Наклад бюлетэня вагаўся ад 1000 да 3000 экзэмпляраў. Рассылаецца па ўсім сьвеце. Арыентаваны на актыўных беларусаў, якія займаюцца беларускім асьветніцтвам.

Бюлетэнь выдаецца “бяз сродкаў”. Гэта значыць, робіцца збор грошай на кожны нумар (у асноўным, сярод беларусаў у Амэрыцы).

Апрача “Беларускіх Ведамасьцяў” выдадзены шэраг асьветніцкіх брашураў у ЗША. (Фармальна мной закладзена дзеля гэтага Беларускае Выдавецкае Таварыства ў Амэрыцы.) У 2002-2003 гг. На сабраныя сродкі ад беларускіх патрыётаў (і на свае) выдадзеныя кніжкі: “Новае стагоддзе” і “Гутаркі з Антонам Шукелойцем”. (У 2000 г. – “Глёрыя Патрыя”.) На падыходзе яшчэ з паўдзясятка асьветніцкіх кніг і зборнікаў, якія рыхтуюцца, але ў бліжэйшы час выдадзены, відаць, ня будуць. (Пытаньне ў сродках.) Хіба, па частках, у “Беларускіх Ведамасьцях”.
[ 26/04/2004 19:49 ]
Пытаньне да Зянона Пазьняка, дадатак: Што яшчэ робіце цяпер апрача гэтых "Ведамасьцяў"? Andrus
Гл. папярэдні адказ.
[ 26/04/2004 22:53 ]
Privitanne, pavazhani spadar.Adkazhice napitanne, shto na samoi sprave adbivalasia y zale pasedzanniay Viarhoynai Radi y krasaviky 1995 goda kali depytati Viarhoynai Radi bili gvaltoyna vidalrni z bydinka Viarhoynai Radi. Shto bachili Vi asabista? Dziakyi za adkaz.
Падчас галадоўкі дэпутатаў супраць незаконнага рэфэрэндуму ў Беларусі, ноччу 12 красаваіка ў Вярхоўны Савет былі ўведзеныя войскі, батальён спэцназу. Гэты батальён уварваўся ў залю і зьбіваў нас, дэпутатаў Апазыцыі БНФ. Так пачыналася новая палітыка дыктатара Лукашэнкі.
[ 27/04/2004 00:03 ]
Hi, some words about me my name is Pavel. I am from Minsk, but now I am in NYC. I love my country and I am belarus. If you will held any conference or meeting in that area of US, I wiil be glad to join. Thank you. God bless you. Pavel
Дзякую за добрыя пажаданьні. Кожную другую суботу месяца БАЗА (Беларуска-амэрыканскае задзіночаньне) ладзіць сустрэчы беларусаў у Нью-Ёрку, запрашаю прыехаць на гэтыя сустрэчы. Пачатак а 19-ай гадзіне. Адрас у інтэрнэце http://www.baza-belarus.org/
[ 27/04/2004 00:48 ]
Jakoje Vashaje staulen'ne da palityki Zluchanyh Shtatau da Belarusi za aposhnija 10 hadou? Yury Beliamuk, Kobryn
ЗША зьяўляюцца гарантам сувэрнітэту Беларусі. І гэта краіна, якая стараецца гэтую гарантыю датрымліваць.
[ 27/04/2004 13:39 ]
Паважаны Зянон Станіслававіч, якую ролю на Ваш погляд іграюць маладзёвыя рухі? Як вы ставіцеся да руху "Зубр"? Вялікі Вам дзякуй за ўсё, жадаю Вам вялікага здароўя, каб наша Перамога была пры Вашым жыцці. І яно будзе так! P.S.Адзинае, з чым я не зусім пагаджаюся з Вамі-пытаньне наконт байкоту выбараў. Людзі павінны бачыць альтэрнатыву!А то многія думаюць, што яе і зусім няма... Яўген, 18 год, Наваполацк. Жыве Беларусь!
Задача моладзі і моладзевых рухаў любіць, бараніць і дапамагаць Бацькаўшчыне. Асабліва тады, калі яна ў цяжкім становішчы.

Байкот дае шанец на перамогу. Удзел у выбарах не дае абсалютна ніякіх шанцаў. Акрамя таго дае мінус, бо ўмацоўвае рэжым, дае Маскве магчымасьць працягваць палітыку інкарпарацыі Беларусі. Патрэбен толькі байкот - гэта цяпер адзіны шлях.
[ 27/04/2004 19:04 ]
SP. Pazniak, za jakija srodki vy i vashaja siamja zhyvece -- vy, nakolki viadoma, uzho shmat hadou ne pracujece, vashyja adpartyjcy liudzi ne samyja zamozhnyja, belaruskaja emihracyja nia u stane prafinsavac vydanne rehuliarnaj hazety u Amerycy, jak majuc ukraincy i rasejcy, ci dapamahchy vydac knizhku u Belarusi (ja vedaju, bo zviartausia i ne atrymau dapamohi, ale atrymau tlumachenni pra bednasc dyjaspary). Hto vas kormic? Ivan Vaslilevich, Minsk
Я кармлю сам сябе. Мяне ніхто ня корміць.

Становішча чалавекка ў палітычнай эміграцыі настолькі няпростае і цяжкое, што зразумець яго можа толькі той, хто сам гэта паспытае (чаго нікому не раю).
[ 27/04/2004 19:07 ]
Ci lichyce vy, shto mozhna byc' patrtyjotam Belarusi i ne havaryc' pa-belarusku?
Гісторыя і рэчаіснасьць такое не даказвае, асабліва ўлічваючы імпэрскія прэтэнзіі Расеі. Першае, што павінен рабіць беларускі патрыёт, гэта гаварыць па-беларуску. У рэчышчы рускай імпэрскай паліытка расейская мова ёсьць сродкам гэтай палітыкі, таму барацьба за беларускую мову ёсьць і барацьбой за беларускую незалежнасьць. Мова - галоўная прыкмета патрыятызму.
[ 27/04/2004 20:15 ]
Чаму так марудна ідзе праца апазіцыйных партый? Чаму нават Грузія здолела зрабіць тое, што мы ня здолелі зрабіць з 1994 года? Чаму няма актыўнай агітацыі сярод моладзі, сярод сталага люду? Большасць грамадзянінаў - апалітычныя ў поглядах, а гэта трэба выпраўляць з уклонам у наш бок!
Таму што задача "апазазыцыйных" партыяў - займацца імітацыяй палітыкі, што яны і робяць. Калі спыняцца датацыі, што выдзяляюць на імітацыю, то замрэ і дзейнасьць гэтых партыяў. "Вікаўская апазыцыя" - гэта штучнае ўтварэньне, якое зьяўляецца часткай акупацыйнага рэжыму. Для Беларусі ад гэтай апазыцыі - адно толькі шкода.
[ 28/04/2004 12:44 ]
Чем "гнать" на полтитков оставшихся в Беларуси, лучше б сам приехал и попробовал сделать больше...
Пра прыезд ды пра мяжу я ўжо казаў. Што датычыць маёй дзеёнасьці, то тое, што я раблю тут (і там), гэта і ёсьць тое рэальнае, што Беларусь скарыстае для сваёй свабоды і незалежнасьці.
[ 28/04/2004 16:49 ]
Ne aryginalnae pytanne - ci ne varta bylo "ciyrpec i byc raspiatu" Mo ne bylo zaraz tak gadka tut na Belarusi. Alecs
Сутнасьць палітыкі ў тым, каб дзейнічаць і змагацца, і набліжаць будучыню, а не бяссэнсава паміраць, каб нехта рабіў за цябе. Гэтак мы будзем вечна стаяць на адным месцы, ці толькі паміраць. Трэба жыць і змагацца.
[ 28/04/2004 21:01 ]
Shanouny Zenon Stanislavavich, vinshuju Vas z jubilejem! Maju prapanovu dlia Vas i Radyjo Svaboda: napisac' memuary i prachytac' ih na hvaliah Svabody. Shmat majih znajomyh z vialikaj asalodaj sluhali uspaminy Vasilia Bykava, Ivonki Survily, inshyh pavazhanyh asobau, jakija vystuplai pa radyjo. Velmi hacelasia pachuc Vash holas i Vashyja uspaminy -- pra chas, pra siabrou,pra sustrechy. Chuu pa Svabodze, shto vyhodzili Vashyja knihi, ale ih ciazhka zdabyc'. Mozha, Svaboda pachytala b uryuki? Jasce raz usiaho vam najlepshaha. Mikola Kislicyn, Lida
Няма часу пісаць мэмуары, бо я займаюся палітычнай дзейнасьцю. Можа ўдасца штосьці напісаць, калі гадоў 100 будзе.
[ 28/04/2004 21:05 ]
Господин Позняк, не считаете ли вы необходимым принести извинения семье убитого Виктора Гончара, который, по вашим словам, где-то прячется и выскочит в нужный момент как чёрт из табакерки? Олег, Минск
Я думаю, што для сям'і Ганчара было б вялікае шчасьце, каб ён "выскачыў з табакеркі".
[ 28/04/2004 21:07 ]
Как вы относитесь к эмиграции молодежи из Беларуси? Инна
У рэчышчы таго, што адбываецца, гэта вельмі трывожная зьява. Бо мы можам страціць інтэлектуальную будучыню. Таму што на Беларусі - галеча. Дзеля шчасьця Беларусі адукаваная моладзь, атрымаўшы адукацыі і вопыт на Захадзе, павінна вяртацца на Бацькаўшчыну.
[ 29/04/2004 02:17 ]
чаму вы вырашылі займацца КУРАПАТАМІ?
Бо я пра гэта ведаў і адчуў у гэтым маральны абавязак свайго жыцьця.
[ 29/04/2004 20:55 ]
Вітаю Вас, Зянон Станіслававіч.Ня часта даводзіцца чуць Вас, а тут пашэнціла ажно на форум. Бывае трапляюць улёткі Вашае Партыі,дый на звыйчайнага чалавека яны робяць ня надта станоўчае ўражаньне аб Вашай арганізацыі: усюды толькі гэбізм, здраднікі. Так яно, але монжна гэта данесьці і іншымі словамі. Дый гэта у дадатак дае падставы прэсе ствараць нейкі "адмысловы" воблік Вашых сяброў. Шчыра раю Вам, зьвярніце(!) на гэта ўвагу. Распавядзіце, калі ласка, ці ёсьць ужо вынікі Ініцыятывы "Суд".І такое пытаньне: "Што такое для Вас "ПАВЕТРА СВАБОДЫ" і калі Вы адчулі(спадзяуся адчулі) яго ўпершыню?" Да сустрэчы ў Вольнай Радзіме.
Найвайжнейшая палітычная задача ня толькі для Беларусі, але і для ўсяго сьвету, зразумець, што такое - гэбізм. Гэта новы тып улады, які ўсталяваўся ў Расеі і ў Беларусі, і які мае прэтэнзіі на глябальнае вырашэньне. У 1930-х гадах Эўропа не разбралася з гітлераўскім фашызмам, і сьвет моцна пацярпеў. Таму гаварыць і аналізаваць новую сыстэму тэрарыстычнай улады трэба і неабходна.

Ініцыятыва "Суд" працягваецца.

Я заўсёды быў свабодным. Я ніколі не адчуваў сябе рабом.

[ 30/04/2004 02:47 ]
Хочу собрать и опубликовать на сайте в интернете все Ваши статьи, выступления и всё всё всё о Вас. Что скажете, уважаемый Зенон Станиславович?
Я сам не магу сабраць свае выступы і артыкулы. Магу толькі пажадаць "Шчасьлівай дарогі!"
[ 30/04/2004 07:49 ]
Шаноўны Зянон Станіслававіч! Што Вы думаеце наконт сёньняшней беларускай рэдакцыі радыё "Свабода"? Як вы адносіцеся да белрускамоўнага року? У сваёй большасьці гурты згодна з Вашай тэрміналёгіяй ствараюць шкодную "масавую культуру". Спадар зь Менску.
Пра Свабоду адказаў вышэй. Ёсьць музыка, якую я люблю. Ёсьць, і якую я не люблю. Але ад гэтага музыка не перастае існаваць, гэта нармальная зьява. Адзінае, што я пажадаў бы, каб беларуская музыка была беларускай, зыходзіла б з каштоўнасьцяў нашай культуры.
[ 30/04/2004 07:55 ]
Паважаны Зянон Станіслававіч! Які сапраўдны рэйтынг Вас і КХП-БНФ сярод беларускага насельніцтва? Якія кніжкі Вы плянуеце выдаць (ці напісаць) у будучыне? Карыстаючыся момантам, хачу перадаць падзяку за "Новае Стагоддзе". Дзякуючы гэтаму зборніку шмат маіх сяброў і знаёмых зьмянілі свае погляды на беларускую сучаснасьць і гісторыю. Слава зь Менску.
Наконт выданьняў кніг я ўжо адказваў на гэтае пытаньне. А для таго, каб адзначаць рэйтынг, патрэбныя адпаведныя грамадзкія ўмовы, а такіх умоваў на Беларусі не існуе. Які можа быць рэйтынг у акупацыйным рэжыме? Толькі выгадны рэжыму.
[ 30/04/2004 09:24 ]
Зянон Станiслававiч, цiкава было б пачуць Вашае меркаванне у сувязi з наступнымi прэзiдэнцкiмi выбарамi. Цi бачыце Вы сярод сённяшнiх магчымых прэтэндэнтау на пасаду кiраунiка нашае дзяржавы рэальнага кандыдата, здольнага стаць лiдэрам нацыi? Што Вы думаеце наконт расейскай падтрымкi некаторых сённяшних беларускiх палiтыкау? Цi сапрауды гэта дапаможа змянiць сiтуацыю у лепшы бок? Дзякуй. Елавая Таццяна, Менск.
Уся сутнасьць маскоўскай палітыкі ў тым, каб інкарпараваць Беларусь, і таму ўсё, што будзе адбывацца ў беларускай палітыцы, у тым ліку прэзыдэнцкія выбары, будуць разглядацца Масквой гэтай ейнай агрэсіўнай задачы.

Як ілюстрацыя да гэтай палітыкі, той факт, што ў пачатку гэтага году, маскоўскія палітыкі езьдзілі ў Вашынгтон і прапанавалі гандаль: Расея здымае Лукашэнку, а Амэрыка не працівіцца ўключэньню Беларусі ў Расею. Амэрыканцы адмовілі расейцам. Гэтая інфармацыя стала вядомая на нядаўняй канфэрэнцыі ў Рызе.
[ 30/04/2004 09:34 ]
Shanouny Zyanon Stanislavavich! Aposhnimi dniami Zluchanyia Shtaty, AAN, Eurazviaz pryniali peunyia davoli zhorstkiya palitychnyia zahady nakont Belarusi. Ci mozhna chakac, shto u suviazi z getym gramadziane Belarusi zmoguc davoli liogka trymlivac dazvol immigracyi yak palitychnyia ucekachy - yak geta bylo padchas isnavannia SSSR?
Не. Ня трэба мець ілюзіяў ад усялякіх мерапрыемстваў у палітыцы. Лёс Беларусі вырашаецца на Беларусі, і вырашыць яго можам толькі мы самі.
[ 30/04/2004 12:08 ]
Шаноўны Зянон Станіслававіч! Шчыра віншуем Вас з юбілеем. Жадаем моцнага здароўя і доўгіх гадоў жыцьця для Вас і усёй Вашай сям'і. Юрась, Сьвятлана, Леанід і Натальля Зянковічы
Дзякую за добрыя словы!
[ 30/04/2004 12:16 ]
Вашы прыхільнікі называюць Вас "прарокам", "пасланым Богам". Да таго ж яны агрэсыўныя. Чаму так адбылося?
Усе людзі - дзеці Бога. І мяркую, называць адзін аднаго прарокам - ня варта.
[ 30/04/2004 12:40 ]
Зянон Станіслававіч! Зразумела, што каб зацікавіць беларускі народ палітычнай асобай, патрэбны нейкі новы вобраз беларускага нацыянальнага палітыка. Якім, на ваш погляд, ён павінен быць? Адэлька.
Павінен быць палітык, які адмаўляе ўсё, што было створана гэтым акупацыйным рэжымам. Гэта першае. Другое. Павінен быць палітык, які паставіць задачу пабудаваць вольную, магутную, моцную і самую дасканалую ва Ўсходняй Эўропе дзяржаву Беларусь. Беларускі народ павінен мець ідэал сваёй дзяржавы, дзеля гэтага ідэалу ён здольны будзе працаваць.
[ 30/04/2004 12:45 ]
Дзякуй за адказ на маё пытаньне пра "Беларускія ведамасьці". Але, здаецца, выданьне ў асноўным распаўсюджваецца толькі ў замежжы. Хацелася б, каб яно стала больш папулярным і ў Беларусі. Посьпехаў з гэтым праектам. Andrus
На вялікі жаль, "Беларускія Ведамасьці" дзясяткі разоў канфіскоўвалі на мяжы. Былі выпадкі, калі канфіскоўвалі амаль увесь тыраж. Таму выданьне беларускага бюлетэня - няпростая рэч.
[ 30/04/2004 12:51 ]
Shto mazhliva zrabits' dlja Belarusi z Njamechchyny? Chakaem adkazau ad Vas, pavazhany Z.Paz'njak, na nash e-mail. Kalodzicz Juras.
Першае, трэба інфармаваць нямецкае грамадзтва аб беларускім нацыянальным Адраджэньні і Незалежнасьць. І другое, калі вы малады чалавек, атрымаць адукацыю ў Нямеччыны і абавязкова вярнуцца ў Беларусь, каб дапамагчы свайму народу.
[ 30/04/2004 12:52 ]
My apazitsyjna stavimsja da Lukashenki, ale z jago Urada vedaem shmat palitykau, vertykal'shchykau i g.d.. Z Urada BNR my vedaem tol'ki sp. Survilu. Tsi geta nasha vina, tsi vina urada BNR? Juras Kalodzicz
Раю зьвярнуцца на старонку Рады БНР (radabnr.org) і на старонку КХП-БНФ.
[ 30/04/2004 12:56 ]
Што думаеце пра арышт Марыніча? Баляслаў
Гэта ёсьць разборкі ў лягеры саюзьнікаў. Разборкі і рэпрэсіі - звычайны мэтад справаваньня ўлады ў дыктатарскіх рэжымах, калі злачынцы робяцца ахвярамі іншых злачынцаў, а паплечнікі ідуць у турму. (У СССР зь іх рабілі потым мучанікаў. У рэжыме Пуціна і Лукашэнкі тое ж самае.) І Марыніч, і Чыгір, і Ціцянкоў, і Ганчарык ды іншыя - гэта людзі адной сыстэмы, якія гуляюць у свае сыстэмныя гульні. Але ўсе яны кладуць у магілу Беларусь, бо кіруе гэтай музыкай Масква.
[ 30/04/2004 13:06 ]
Пятрусь з Воршы: Пасьля здрады Ханса Георга Віка і так званай апазіцыі, ці ёсьць яшчэ на Беларусі некадэбэшная апазіцыя ды як ёй аб'яднацца ды прыйсьці да улады? Вакол каго аб’ядноўвацца?
Такая апазыцыя ёсьць. Гэта беларускія адраджэнцы, якія змагаюцца супраць расейскай палітыкі за магутную незалежную Беларусь. Прыкмета - гэтыя людзі шануюць усё беларускае. Найперш - беларускую мову.
[ 30/04/2004 13:10 ]
Ci mahczyma u blizhejszaj buduczyni abjadnanne PBNF i Kanservacyjna-Chryscijanskaj partyji BNF? Zmicer
Не, не магчыма. Гэта розныя нішы і розныя накірункі. У пэўнай сытуацыі магчыма супрацоўніцтва на падставе агульнанацыянальных каштоўнасьцяў.
[ 30/04/2004 13:14 ]
В газете “Время” есть интервью «Предсказание Анатолия Лебедько», в котором Лебедько утверждает, что « «Если бы в свое время Зенон Позняк принял рекомендацию - разработать тему борьбы с коррупцией, то и развитие событий в стране пошло по иному пути». Он также говорит, что появление Лукашенко в 1994 году это неизбежность, и что» у нас не было тогда механизма отбора людей на уровень должности президента. Большинство аналитиков, политологов, VIP-ов, слушая и видя Лукашенко на протяжении 4 лет в парламенте XI созыва, так и не поняли, что это за человек. У нас этим вопросом задались, когда факт свершился, когда после выборов начали задумываться: кого же мы выбрали?» Согласны ли Вы с этим обвинением и таким утверждением? Олег П.
Тэму карупцыі ва ўрадзе Кебіча першым узьняў якраз Беларускі Народны Фронт. І мы, дэпутаты Апазыцыі БНФ у Вярхоўным Савеце, пастаянна пра гэта казалі. Менавіта па нашым патрабаваньні і была створаная антыкарупцыйная камісія, але яе з падачы Шушкевіча ўзначаліў Лукашэнка. Потым высьветлілася, што антыкарупцыйная камісія ператварылася ў афёру КГБ, каб прывесьці Лукашэнку да ўлады, а не была барацьбой за карупцыяй. Менавіта мы, БНФ, паставілі пытаньне аб карупцыі ў сям'і Кебіча (на што Лукашэнка не адважыўся). А ў лістападзе 1993 году мы правялі мітынг супраць карупцыі перад будынкам Вярхоўнага Савету на вуліцы Карла Маркса. Знакаміты выступ Лукашэнкі быў насамрэч папулісцкім ударам па вераб'ях, каб прыцягнуць увагу да сваёй асобы.

Цяпер пра словы Лябедзькі, што нібыта ніхто ня ведаў, хто такі Лукашэнка... Увосень 1993 году Васіль Быкаў надрукаваў артыкул у "Народнай Газэты", (рэдактарам тады быў Сярэдзіч) дзе даў поўную раскладку, хто такі Лукашэнка. У кастрычніку 1993 году Апазыцыя БНФ у Вярхоўным Савеце выступіла з заявай (надрукавала яе таксама "Народная Газэта"), у якой запатрабавала пазбавіць Лукашэнку дэпутацкіх паўнамоцтваў, за дзеяньні накіраваныя супраць сувэрнітэту Беларусі. Ужо ў 1993 годзе такім чынам было абсалютна зразумела, хто такі Лукашэнка, і як ён ставіцца да беларускай незалежнасьці.

Незразумела гэта было хіба толькі Лябедзьку, Сіныцыну, Ганчару, Булахаву і іншым, якія вылучылі Лукашэнку на выбарах.

Хаця я сумняваюся, каб гэта было ім не зразумела. Яны што, не чыталі Быкава? Не чыталі заяву Апазыцыі БНФ? Ня чулі выступаў Лукашэнкі? Каб не гэтыя асобы ды каб не Масква, не было б і гэтай непазьбежнасьці.

Цяперашняе жаданьне Лябедзькі адмовіцца ад свайго мінулага - наскрозь фальшывае.

[ 30/04/2004 13:19 ]
Якія Вашыя адносіны да аб'яднання аппазіцыі 5+, з гэтага можа что-небудзь атрымацца, дзякуй. Віншую Вас з мінулым юбілеям.
Калі і штосьці з гэтага можа атрымацца, то толькі вялікая шкода для Беларусі.
[ 30/04/2004 13:39 ]
1) Вы считаете себя политиком после того как фактически потерпели полное политическое фиаско в Беларуси и уже скорее всего никогда не наберете прежний политический "вес" и возможен Ваше возвращение в Беларусь в любом качестве( если да то при каких условиях)? 2) Знаете ли Вы , что-либо об планах "оппозиции" по изменению политической ситуации в Беларуси, если нет то на Ваш взгляд как стоило бы действовать в ситуации когда Лукашенко является реальным и бесспорным фаворитом на победу даже если выборы не буду фальсифицированы?! Спасибо.
1) Палітыкам мяне лічыць мяне мае праціўнікі, і Вы ў тым ліку, мяркуючы па вашых пытаньнях. А вярнуся я пры магчымасьці перасекчы мяжу, якія цяпер адсутнічаюць. Пра вяртаньне я ўжо падрабязна адказваў вышэй

2) У "вікаўская апазыцыі" няма ні плянаў, ні ідэалаў. Няма будучыні. Яны будуць дзейнічаць так, як запатрабуюць іхныя спонсары. Гэта ня ёсьць самастойная палітычная сіла. І рэжым, і ягоная апазыцыя маюць адну і тую ж прыроду. Лукашэнка па Канстытуцыі больш ня мае права балятавацца. Размовы пра "фаварыта" - пусты гук.
[ 30/04/2004 13:48 ]
З днем народзінаў, паважаны сп. Пазьняк! Якія вашыя адносіны да дэпутатаў з групы "Рэспубліка"? Ці збіраецеся вы балатавацца ў 2006 годзе? дзякуй.
Дзякуй за віншаваньні.

Пра групу "Рэспубліку" я ўжо адказваў.

Датычна будучых выбараў, так! Пра маю згоду балятавацца заяўлена мной і беларускім вызвольным рухам яшчэ ў 2001 годзе.
[ 30/04/2004 13:49 ]
Yakia na Vashu dumku perspectyvy razviccia dzyarzhavy Respublika Belarus? Tacciana.
Пэрспэктывы могуць адчыніцца толькі тады, калі мы ліквідуем цяперашні акупацыйны рэжым. І другое, калі Беларусь павядзе нацыянальны ўрад, наша краіна мае пэрспэктыву стаць самай магутнай і перадавой крайнай ва ўсёй Усходняй і Цэнтральнай Эўропе.
[ 30/04/2004 13:52 ]
Пазьняк: "Такім “супольнікам-паплечнікам”, якія да гэтага часу не паразумнелі, раю ўзяць у ручку плякацік з надпісам “Где Захаренко?”, “Где Завадский?” і г.д., і стаць у пікецік. Гэта іхны ўзровень."

Зянон Станіслававіч, здзіўляе, як Вы можаце так казаць. А калі Вы апошні раз станавіліся ў "пікецік"? Дзе гэта было? У Амэрыцы, у Польшчы? А мы вось тут, сціпла, с плакацікамі "Где Завадский" стаім. Пакуль вы там важнымі справамі займаецеся. Вы жонку Завадскага бачылі? Вы можаце ўявіць, што значыць вось так згубіць мужа? Калі б ён, як Вы, у эміграцыі быў, дык ніхто б пытаньнем "Где Завадский" не задаваіся б. І яна б спала спакойна. Вольга Клойдчыц.
Гэта быў мой адказ на выказваньні людзей, якія хацелі бачыць мяне мёртвым. Задача палітыкаў - не стаяць у пікеце па мёртвых. А забясьпечыць, каб яны жылі. Я магчымасьць жыцьця і палітычнага змаганьня забясьпечыў сабе сам, і мне ня трэба пікетчыкаў і плакальшчыкаў. Далейшы працяг размовы будзе на прэзыдэнцкіх выбарах. Жыве Беларусь.
[ 30/04/2004 13:53 ]
Якія вашыя адносіны, як гісторыка і грамадзяніна, да сучаснай Летувы, а таксама іх адносінаў да гісторыі Вялікага княства Літоўскага?
У нас агульная гісторыя. І таму павінна быць супольная будучыня.
[ 30/04/2004 13:57 ]
Пятрусь з Воршы: Якім бачыце зьнешнепалітычнае будучае Беларусі? Шлях нам у Эўрапейскі Зьвяз ці заставацца незалежнымі?
Мы, краіна эўрапейскай культуры, мусім арыентавацца на Эўропу. Але ў Эўразьвяз можна ісьці, толькі моцна ўстаўшы на ўласныя ногі. Калі да гэтага часу ЭЗ яшчэ будзе існаваць. (Я ўжо падрабязна адказаў на гэтае пытаньне вышэй.)
[ 30/04/2004 14:02 ]
Сп. Пазьняк, усё ж што ні кажы, большасць насельніцтва выступае за супрацоўніцтва з Расеяй. Адмаўляючы гэта вы губляеце патэнцыйных прыхільнікаў. Я вельмі паважаю вашую прынцыповую пазіцыю, але ж палітыка - справа брудная! І часам трэба казаць ня тое што думаеш. Лукашэнка-яскравы прыклад! з павагай, Зьміцер
Мае патэнцыйныя прыхільнікі - тыя, якія зразумеюць, што такое Расея, і будуць любіць Беларусь. Я іх люблю ўсялякіх, бо гэта - мой народ. Няма палітыкі, ні бруднай, ні чыстай. Ёсьць палітыкі добрыя і дрэнныя, сумленныя і подлыя. І ў гэтым уся справа.
[ 30/04/2004 14:04 ]
Сп. Зянон! Мы з Вамі! Жыве Беларусь! Зьміцер і Генэк.
Жыве вечна!
[ 30/04/2004 14:04 ]
Я сьвятар Беларускай Праваслаўнай Царквы Маскоўскага Патрыярхату Аляксандр Шрамко. Служу ў Менску, у Сьвята-Пакроўскай царкве (каля резідэнцыі ў Драздах, між іншым). Калі ня быў яшчэ сьвятаром, разам з Вамі выступаў на тым адным з першых мітынгаў (на плошчы Свабоды наконт другой лініі падземкі). Ботым неаднаразова прымаў удзел у розных мерапрыемствах аппазіцыі. Галасаваў за Вас на выбарах . Бываю і зараз на мітынгах аппазіцыі, як і шмат іншых праваслаўных. Але у аппазіцыйных колах Праваслаўная Царква лічыцца ворагам амаль апрыоры. Кажуць, што гэта "рука Масквы" ці "пятая калона".. Але я ўжо 10 гадоў сьвятар, але не прыгадаю ні воднага загаду ці проста хаця б вуснай парады з боку іерахіі, якую б магчыма было тлумачыць у гэтым сэнсе... [скарочана]
Гэтае пытаньне, відаць, не да мяне, бо мы, Народны Фронт, аднолькава добра ставімся да ўсіх хрысьціянскіх канфэсіяў Беларусі. Мы - адзіны народ. Гэта адлюстравана ў нашай праграме і дзейнасьці. І ў законе аб рэлігіі, прынятай на ініцыятву Апазыцыі БНФ, Вярхоўным саветам, які адмяніў пазьней Лукашэнка.

Большага абаронцы рэлігіі сярод палітыкаў Беларусі, чым у маёй асобе, Вы ня знойдзеце. Таму пісаць мне так ня варта.
[ 30/04/2004 14:14 ]
Dobri dzrn' pavazhani spadar Zianon. Ci pamiataece Vi zbiccio depytatay 12 cklikannia y krasaviky 1995 goda. Iak Vi lichice zaraz hto staic' za getimi padzeiami akramia Lukashenka?
Я магу сказаць абсалютна, што за гэтым стаіць маскоўскае НКВД-КГБ.
[ 30/04/2004 14:26 ]
Добры дзень! А як Вы адносіцеся да палітыкаў, якія ужо сёньня рыхтуюцца да прэзыдэнцкіх выбараў і ўжо заявілі пра свае прэзыдэнцкія амбіцыі (Валер Фралоў, Андрэй Клімаў, Алянксандар Ярашук)?
Заяўляць і ўдзельнічаць можа кожны. Гэтае права дае Канстытуцыя. Хоць я разумею, што за гэтым стаяць маніпуляцыі пэўных сілаў.
[ 30/04/2004 14:43 ]
Зянон Станслававіч! Яшчэ такое пытаньне. Што будзе, калі раптам Лукашенка цалкам адвернецца ад масквы і прыкінецца беларускім патрыётам,стане за беларускую мову нават, пачне ад свайго імя заяўляць тое, да чаго заклікала аппазіцыя, папрсіцца ў Эўропу і г. д. Чалавек ён, як вядома, бяз прынцыпаў. Мне здаецца, гэта магчыма, калі ён адчуе ў гэтым выгаду. Нават зараз бачна нейкія спробныя крокі ў гэтым напрамку. Прагучалі дзіўныя для яго заявы. Як будзе на гэта рэагаваць апазіцыя?
Пытаньне кшталту "есьлі-б ды кабы, у роце вырасьлі грыбы" ў палітыцы ня маюць сэнсу. А грыбы ў роце не вырастаюць. Лукашэнка ніколі не адвернецца ад Масквы, гэта магу сказаць пэўна.
[ 30/04/2004 14:54 ]
Цi можа ўчарашнi БПСМавец быць сапраўдным маладафронтаўцам? Цi шмат у Фронце людзей з КПССаўскiм мiнулым? Дзякуй.
Я ніколі не асуджаю маладых строга, бо ў маладога жыцьцё наперадзе, і можа быць усялак. Маладым трэба дапамагаць знайсьці справядлівы шлях, асабліва калі яны самі яго шукаюць.

У Фронце шмат людзей з КПССаўскім мінулым, бо ў час СССР гэта была сацыяльнай і кіраўнічай элітай грамадзтва.

Я ў КПСС ніколі ня быў. Заўсёды быў антыкамуністам.
[ 30/04/2004 15:11 ]
Вэб-рэдактар: мы завяршаем нашу канфэрэнцыю. Было даслана больш як 150 пытаньняў. За дзьве гадзіны Зянон Станіслававіч змог адказваць амаль на 70 зь іх.
Дзякую ўсім, хто прыняў удзел у гэтай канфэрэнцыі. Дзякуй усім, хто павіншаваў мяне з днём нараджэньня і выказаў добрыя словы ў мой адрас. Зычу ўсім вам добрага здароўя і спаўненьня жаданьняў, а таксама каб квітнела наша вольная Беларусь!
 галоўная
 угару