www.svaboda.org

серада, 7 студзеня 2009

Грамадзтва

- Пашлі сябру! - тэкставая вэрсія

чацьвер, 6 сьнежня 2007, 16:26

Горадня: грамадзкі музэй Васіля Быкава наведаў ізраільскі дыплямат

Сяргей Астраўцоў, Горадня Першы сакратар амбасады Дзяржавы Ізраіль у Менску Ігаль Койфман пабываў сёньня ў грамадзкім музэі Васіля Быкава ў Горадні.

Ён перадаў ліст ад амбасадара Зэева Бэн-Ар’е стваральніку музэю Мікалаю Мельнікаву. Госьць прывез таксама нумар часопісу “Гаг” (“Дах”) з апавяданьнем Быкава “Бедныя людзі”, якое пераклаў на іўрыт сам амбасадар.

Разам з дыпляматам у Горадню прыехаў перакладчык з іўрыту Павал Касьцюковіч. У Гарадзенскім дзяржаўным унівэрсытэце ён прачытаў лекцыю на беларускай мове, прысьвечаную сучаснай ізраільскай літаратуры.