www.svaboda.org

серада, 20 жніўня 2008

Грамадзтва

- Пашлі сябру! - тэкставая вэрсія

пятніца, 7 сьнежня 2007, 18:1

Арцыбіскуп Тадэвуш Кандрусевіч наведвае Магілёў Радыё Свабода У Магілёў прыбыў, мітрапаліт менскі і магілёўскі Тадэвуш Кандрусевіч. Рэшту сёньняшняга дня ён аддасьць сустрэчам з кіраўніцтвам гораду ды вобласьці, а таксама пабачыцца з эпіскапам Магілёўскім і Мсьціслаўскім Сафроніям. У Магілёве Тадэвуш Кандрусевіч прабудзе два дні.

Заўтра ў касьцёле Сьвятога Станіслава адбудзецца сьвятая імша з удзелам галавы рыма-каталіцкай царквы ў Беларусі. Акрамя таго, раніцой арцыбіскуп Тадэвуш Кандрусевіч плянуе даць прэсавую канфэрэнцыю.

Завершыць Тадэвуш Кандрусевіч свой візыт у Магілёў наведваньнем дабрачыннага спэктаклю “Толькі ён мае мяне разбудзіць” паводле п'есы Эрыка Эмануіла Шмідта “Оскар і ружовая дама” для гадаванцаў магілёўскага дзіцячага госьпісу. Спэктакль адбудзецца ў Магілёўскім драматычным тэатры.

• “Гэта Божая апека, што Кандрусевіч вярнуўся ў Беларусь”, , 10.11.2007