www.svaboda.org

серада, 20 жніўня 2008

Грамадзтва

- Пашлі сябру! - тэкставая вэрсія

чацьвер, 6 сьнежня 2007, 19:50

Алесь Міхалевіч прапануе даслаць тэлеграмы У.Пуціну Алесь Дашчынскі, Менск Намесьнік старшыні партыі БНФ Алесь Міхалевіч заклікаў грамадзянаў 9 сьнежня накіраваць тэлеграмы прэзыдэнту Расеі Ўладзімеру Пуціну з адным словам “Прэч!”.

Такая ініцыятыва выказана ў сувязі зь візытам расейскага прэзыдэнта Ўладзімера Пуціна ў Менск, які мусіць адбыцца 13-14 сьнежня.

У інтэрвію Свабодзе Алесь Міхалевіч патлумачыў:

“Ніякія прыезды ў Беларусь расейскіх кіраўнікоў добра пакуль не заканчваліся. І мы нічога добрага ад гэтага візыту чакаць ня можам.

Таксама няма інфармацыі пра што будуць весьціся размовы і што будзе па выніках гэтага візыту.

Я разьлічваю, што некалькім сотням чалавек удасца даслаць свае тэлеграмы з Галоўпаштамту ў Менску. Калі ж будынак Галоўпаштамту будзе заблякаваны, будзем спрабаваць перадаць нашыя пасланьні праз цягнік”.