www.svaboda.org

чацьвер, 20 лістапада 2008

Грамадзтва

- Пашлі сябру! - тэкставая вэрсія

субота, 10 лістапада 2007, 15:15

Тадэвуш Кандрусевіч афіцыйна ўступіў на пасаду кіраўніка беларускіх каталікоў

Паводле БелаПАН Сёньня ў менскім касьцёле Найсьвяцейшай Панны Марыі адбылася ўрачыстая цырымонія кананічнага ўступленьня на пасаду новага кіраўніка Менска-Магілёўскай архідыяцэзіі Беларускай рымска-каталіцкай царквы арцыбіскупа мітрапаліта Тадэвуша Кандрусевіча.

У цырымоніі ўзялі ўдзел прадстаўнікі беларускіх уладаў, Ватыкана, Літвы, Польшчы, Італіі, Румыніі, Расеі і Ўкраіны, усе беларускія біскупы, лідэры хрысьціянскіх веравызнаньняў, а таксама кіраўнікі іншых канфэсіяў. Усе, хто жадаў прысутнічаць, ня здолелі зьмясьціцца ў храме і назіралі за трансьляцыяй цырымоніі на плязмавым экране, усталяваным перад касьцёлам.

Сваё віншаваньне з прызначэньнем на пасаду арцыбіскупа мітрапаліта Менска-Магілёўскага даслаў Тадэвушу Кандрусевічу і прэзыдэнт Беларусі Аляксандар Лукашэнка.

Цырымонія кананічнага ўступленьня на пасаду новага кіраўніка Менска-Магілёўскай архідыяцэзіі Беларускай рымска-каталіцкай царквы арцыбіскупа мітрапаліта Тадэвуша Кандрусевіча, Менск, 10.11.2007